لاہور (ایچ ایم نیوز) اداکار شان نے ماہرہ خان کے بارے میں سینئر اداکار فردوس جمال کے بیان پر افسوس کا اظہار کرتے ہوئے کہا کہ لوگ ٹوئٹر پر فردوس جمال کے بارے میں جو کہہ رہے ہیں اسے پڑھ کر اور بھی زیادہ دکھ ہوا ہے‘ ماہرہ خان سٹار ہیں تو فردوس جمال لیجنڈ ہیں۔ شان نے سماجی روابط کی ویب سائٹ ٹوئٹر پر ان دونوں نامور اداکاروں کے درمیان جاری تنازع پر اپنے دکھ اور مایوسی کا اظہار کیا۔ شان نے اپنی ٹوئٹ میں لکھا کہ 'جو بھی فردوس جمال نے ماہرہ خان کے بارے میں کہا، اسے سن کر دکھ ہوا اور جو بھی ٹوئٹر پر لوگ فردوس جمال کے بارے میں کہہ رہے ہیں اسے پڑھ کر اور بھی زیادہ دکھ ہوا، انہوں نے اس انٹرویو سے کہیں زیادہ انڈسٹری کے لیے کام کیا ہے، ماہرہ خان ایک اسٹار ہیں اور کسی بھی قسم کی رائے ان سے یہ درجہ نہیں لے سکتی اور فردوس جمال ایک لیجنڈ ہیں۔ واضح رہے کہ معروف سینئر اداکار فردوس جمال نے جب گزشتہ ہفتے ماہرہ خان کی اداکاری پر تنقید کی تو متعدد پاکستانی ستارے اداکارہ کے حق میں سامنے آئے جبکہ فردوس جمال کو شدید تنقید کا سامنا بھی کرنا پڑا
New User Gifts
Showing posts with label ماہرہ خان سٹار اور فردوس جمال لیجنڈ ہیں تنازعہ قابل افسوس ہے‘ شان. Show all posts
Showing posts with label ماہرہ خان سٹار اور فردوس جمال لیجنڈ ہیں تنازعہ قابل افسوس ہے‘ شان. Show all posts
