لاہور (ایچ ایم نیوز) اداکار و گلوکار محسن عباس حیدر بہت جلد اپنے نئے گانے ریلیز کرنے جارہے ہیں۔ میڈیا سے بات کرتے ہوئے محسن عباس حیدر نے انکشاف کیا کہ وہ چند نئے گانوں پر کام کررہے ہیں جنہیں وہ جلد ریلیز کریں گے۔ گلوکار کا کہنا تھا کہ میوزک پر کام جاری ہے، لیکن اس میں وقت لگ رہا ہے، کیوں کہ سب مجھے ملٹی ٹاسکر کہتے ہیں اور یہ بھی کہتے ہیں کہ میں کئی کاموں میں ماہر ہوں، اس لیے میں کئی اور پروجیکٹس سے جڑا ہوا ہوں۔ اپنے آنے والے نئے گانوں کے حوالے سے محسن عباس کا کہنا تھا کہ 'میں اس وقت ایک پنجابی رومانوی صوفی گانے پر کام کررہا ہوں، اس کے علاوہ ایک نہایت شاندار اردو گانا بھی ہے جو یقینا ہر شادی میں بجایا جائے گا۔ محسن عباس فلمز 'نامعلوم افراد' اور 'لوڈ ویڈنگ' کے لیے گانوں کی گلوکاری کرچکے ہیں جبکہ انہوں نے یہ گانے کمپوز بھی کیے۔ اس حوالے سے محسن کا کہنا تھا کہ 'میں اپنے گانے خود لکھتا اور کمپوز کرتا ہوں، بے پرواہ میرا پہلا گانا تھا، اسے میرے انکل ریاض انجم صاحب نے تحریر اور کمپوز کیا، اس کے بعد سے اب تک جتنے بھی میرے گانے فلموں کا حصہ بنے، میں نے خود لکھے اور کمپوز کیے۔ محسن عباس حیدر نے یہ تو نہیں بتایا کہ وہ اپنے گانے کب ریلیز کررہے ہیں تاہم گلوکار کے مطابق یہ سب کو یقینا محظوظ کریں گے۔
New User Gifts
Showing posts with label محسن عباس حیدر بہت جلد اپنے نئے گانے ریلیز کرینگے. Show all posts
Showing posts with label محسن عباس حیدر بہت جلد اپنے نئے گانے ریلیز کرینگے. Show all posts
