کراچی ،مون سون بارشوں کے باعث کورنگی انڈسٹریل ایریا کی شاہراہ ٹوٹ پھوٹ کا شکار

کراچی (ایچ ایم نیوز)کراچی میں حالیہ دنوں میں ہونے والی مون سون بارشوں کی وجہ سے کورنگی انڈسٹریل ایریا سمیت شہر کے بیشتر علاقوں میں سڑکیں بری طرح ٹوٹ پھوٹ کا شکار ہیں۔مون سون کی بارشوں نے پانی برسانے میں کمی نہیں چھوڑی جس کی وجہ سے نشیبی شاہراہیں پانی میں ڈوبی رہیں۔کورنگی صنعتی ایریا کی شاہراہ جو پہلے سے ہی ٹوٹ پھوٹ کا شکار تھی اب ہر گزرتے دن کے ساتھ اس کی حالت بد سے بدتر ہوتی جا رہی ہے جس سے ٹریفک کی روانی بری طرح سے متاثر ہو رہی ہے۔کراچی کی اس اہم شاہراہ کی یہ خستہ حالت پریشان کن بھی ہے اور افسوسناک بھی کیونکہ یہ شاہراہ گزشتہ ایک سال سے ٹوٹ پھوٹ کا شکار ہے اور بارش نے اس کی حالت مزید خراب کر دی ہے۔متعلقہ اداروں کی جانب سے شاہراہ کی مرمت کا کام اب تک نہ ہونا ان کی غفلت اور بے حسی کا منہ بولتا ثبوت ہے۔

Read More