بھارت 8لاکھ فوج اور بدترین مظالم کے باوجودکشمیری عوام کے جذبہ آزادی کو دبانے میں ناکام ہو چکا ہے‘ چوہدری معروف

ناٹنگھم(ایچ ایم نیوز)مسلم لیگ ن ناٹنگھم کے سینئر رہنما چوہدری معروف حسین نے کہا کہ بھارت 8لاکھ فوج اور بدترین مظالم کے باوجودکشمیری عوام کے جذبہ آزادی کو دبانے میں ناکام ہو چکا ہے۔ 19روز سے مقبوضہ کشمیر میں کرفیو لگا کر کشمیری عوام کو گھروں میں محصور کر رکھا ہے۔ 6ہزار کشمیریوں کو گرفتار کر کے ان پر ظلم وستم کی انتہا کر جارہی ہے۔ کشمیری عوام آزادی کے سوا کوئی حل قبول نہیں کریں گے۔انسانی حقوق کی عالمی تنظیمیں مقبوضہ کشمیر میں ہونے والے مظالم کا فوری نوٹس لیں اور عالمی میڈیا کو مقبوضہ کشمیر جانے کی اجازت دی جائے تاکہ کشمیریوں پر ہونے والے مظالم خود دیکھ سکیں۔ بھارت نے مقبوضہ کشمیر کو جیل بنادیا گیا ہے۔ان خیالات کا اظہار انہوں اپنے بیان میں کیا۔انہوںنے کہا ہے کہ انڈیا سیز فائر لائن کی خلاف ورزی بند کرے اور جموں وکشمیر میں19 دن سے لگے ہوئے کرفیو ہٹائے اور کشمیریوں پر ظلم بند کرے ورنہ سیز فائر لائن توڑ کر مقبوضہ کشمیر کے بھائیوں کی مدد کے لئے پہنچیں گے۔مشکل کی اس گھڑی میں کشمیریوں کو کسی صورت تنہا نہیں چھوڑیں گے ۔مودی کے مظالم جمہوریت پر بدنما داغ ہیں۔انہوںنے کہا کہ اوورسیز کشمیری تحریک آزادی کشمیر کے روح رواں ہیں اور مقبوضہ کشمیر کی آزادی تک اوورسیز کشمیری اپنا کردار ادا کرتے رہیں گے۔

Read More