اینگرو فرٹیلائزر زنے ایشیا پیسفک ایوارڈ جیت لیا

کراچی(اسٹاف رپورٹر) اینگرو فرٹیلائزرز کو ایشیا پیسفک انٹرپرائزایوارڈز 2020میں کارپوریٹ ایکسلنس ایوارڈ سے نوازا گیا ہے۔ کارپوریٹ ایوارڈ کے لیے ایشیا سے مینوفیکچرنگ انڈسٹری کی16کمپنیوں کو نامزد کیا گیا تھا۔ اینگرو فرٹیلائزرز یہ ایوارڈ حاصل کرنے والی پاکستان کی پہلی اور واحد کمپنی ہے ۔ اینگرو فرٹیلائزرز کے بزنس ایکسلنس، ذمہ دار کاروباری اخلاقیات، شاندار نمو اور بہترین ہیومن ریسورس مینجمنٹ سسٹم کا جامع جائزہ لینے کے بعد یہ ایوارڈ دیا گیا ہے اور یہی چیزکمپنی کو دوسرے حریفوں کے مقابلے میں ممتاز رکھتی ہے۔  ایشیا پیسفک انٹرپرائزایوارڈز 2020میںبھارت، چین،جنوبی کوریا، جاپان، سنگاپوراور متحدہ عرب امارات سمیت ایشیا بھر سے 180کمپنیوں نے شرکت کی۔ اینگرو فرٹیلائزرز کے چیف ایگزیکٹو آفیسر نادرسالار قریشی نے اپنے بیان میں کہاہے کہ یہ ایوارڈ ہماری ٹیموں کی مستقل محنت اور کوششوں کے نام ہے جنہوں نے ہمیشہ بہترین عالمی طریقوں پر عمل پیراہوکر ہمارے آپریشنز میں استحکام کو یقینی بناتے ہوئے اعلیٰ معیار کے نتائج کے حصول کے لیے غیر معمولی کارکردگی کے عزم کا ثبوت دیا ہے۔ ہماری کمپنی ترقی کے وعدے کی نمائندگی کرتی ہے اور گزشتہ 50سالوں میں ہم نے ملکی زرعی زمین کوزرخیز بنانے کے لیے کام کیا ہے اور اب ہم دوسرے شعبوں میں بھی اسی وعدے کو عملی جامہ پہنانے کے خواہاں ہیں۔ ایشیا پیسفک انٹرپرائزایوارڈز 2020ریجنل ایڈیشن ایوارڈ ریکگنیشن پروگرام ہے جوبہترین کاروباری اور تنظیمی کارکردگی کو سراہتاہے۔ اس سال ایشیا پیسفک انٹرپرائزایوارڈزنے ان کاروباری رہنمائوں اور کمپنیوں کو ایوارڈ دیا جنہوں نے اپنے بزنس کی نمو میںاضافہ اور شاندار کارکردگی کا مظاہرہ کرنے کے ساتھ ساتھ اپنی سماجی ذمہ داریوں کو نظر انداز نہیں کیا۔