یوم نیلہ بٹ کے موقع پر کشمیریوں سے یکجہتی کے اظہار کیلئے منعقد ہونے والے یکجہتی کشمیر کنونشن کی تیاریاں مکمل

مظفرآباد/غازی آباد(ایچ ایم نیوز)یوم نیلہ بٹ کے موقع پر کشمیریوں سے یکجہتی کے اظہار کیلئے منعقد ہونے والے یکجہتی کشمیر کنونشن کی تیاریاں مکمل،دور دراز علاقوں سے قافلوں کی آمد شروع،نیلہ بٹ کی بارہ دری اور نیلہ بٹ کو جانے والے تمام راستے خیر مقدم بنینروں،پینافلیکس ،آزاد کشمیر اور پاکستان کے جھنڈوں اور پوسٹروں سے سج گئے۔پہلی رات کو بارہ دری کے مقام پر محفل سماع کا انعقاد ہوا جس میں آزاد کشمیر و پاکستان بھر سے آنے والے نعت خواں اور قوالوں نے شرکت کی۔رات کو ختم قرآن پاک کے بعد لنگر تقسیم کیا گیا۔اس موقع پر قائدمسلم کانفرنس سردار عتیق احمد خان،صدر مسلم کانفرنس مرزا محمد شفیق جرال ایڈووکیٹ،یوتھ ونگ کے چیئرمین سردار عثمان علی خان،چیئرمین استقبالیہ کمیٹی عبدالرشید چغتائی ،میجر (ر) نصراللہ خان،مرکزی ڈپٹی چیف آرگنائزر سردار افتخار رشید سمیت سینکڑوں کی تعداد میں جماعتی عہدیداروں،کارکنوں اور مقامی عمائدین علاقہ نے شرکت کی۔آج ہونے والی یکجہتی کشمیر کانفرنس میںپاکستان اور آزاد کشمیر کی تمام سیاسی،سماجی،مذہبی اور علمی جماعتوں ،تنظیموں سے وابستہ رہنماء خطاب کریں گے۔تحریک آزادی کشمیر کے تناظر میں اس کانفرنس کوسیاسی حلقوں میں بہت اہمیت دی جا رہی ہے،مسلم کانفرنس نے جمعہ کے احترام میں اس کانفرنس کو آج کے دن کیلئے مئوخر کر دیا تھا۔مقبوضہ کشمیر اس وقت تاریخ انسانیت کے بدترین بحران سے گزر رہا ہے،انٹر نیٹ،مواصلات،ٹیلی فون ،رابطے مقدوش ہو چکے ہیں،بیرونی دنیا،مقبوضہ کشمیر کے نہتے عوام پر ہونے والے مظالم سے بے خبر ہے،کھانے پینی کی اشیاء،پھل فروٹ اور ادویات کی بندش سے مقبوضہ کشمیر کی عوام کو انسانی المیے اور بحران کا سامنا ہے۔وزیراعظم پاکستان عمران خان کی طرف سے اقوام متحدہ کی امن فوج کا مطالبہ اور ہندوستان سے مذاکرات خارج از امکان قرار دینے کے بعد نیلہ بٹ کے مقام پر منعقد ہونے والا یہ کنونشن تحریک آزادی کشمیر کیلئے ایک سنگ میل ثابت ہو گا،لگتا ہے کہ آج کے روز نیلہ بٹ سے اٹھنے والی آواز 23 اگست 1947 کی یاد دوہرا سکتی ہے۔دریں اثناء یوم نیلہ بٹ کے سلسلہ میں مسلم کانفرنس یوتھ ونگ کے زیر اہتمام غازی آباد سے مجاہد اول سردار محمد عبدالقیوم خان کے مزار سے ایک عظیم الشان کشمیر بنے گا ریلی نکالی گئی،ریلی کی قیادت یوتھ ونگ کے چیئرمین سردار عثمان علی خان نے کی،یہ ریلی غازی آباد سے دھیرکوٹ اور وہاں سے نیلہ بٹ جا کر ختم ہوئی۔

Read More