جمشید انصاری کو دنیا سے رخصت ہوئے 14برس بیت گئے

 کراچی (ایچ ایم نیوز) ٹی وی، ریڈیو اور اسٹیج میں اپنی اداکاری کے ذریعے ناظرین اور سامعین کے لبوں پر مسکراہٹیں بکھیرنے والے اداکار جمشید انصاری کو دنیا سے رخصت ہوئے (آج) 14 برس ہوگئے ۔31دسمبر 1942 میں اترپردیش کے شہر سہارن پور میں پیدا ہونے والے جمشید انصاری نے 40 برس کے فنی سفر میں ریڈیو کے علاوہ 200 ٹی وی ڈراموں میں اداکاری کے جوہر دکھائے۔ ان کے مشہور ڈراموں میں انکل عْرفی، گھوڑا گھاس کھاتا ہے، تنہائیاں، اَن کہی، جھروکے، دوسری عورت، زیر زبر پیش اور منزلیں شامل ہیں۔ ریڈیو اور ٹی وی کے علاوہ انہوں نے اسٹیج ڈراموں میں بھی کام کیا جن میں مشہور اسٹیج ڈرامے ’بکرا قسطوں پر‘ بھی شامل ہے۔ اْن کے ادا کئے گئے کئی مکالمے آج بھی انتہائی مقبول ہیں جن میں ’چکو ہے میرے پاس‘، ’قطعی نہیں‘، ’افشاں تم سمجھ نہیں رہی ہو‘ اور ’زور کس پر ہوا‘ شامل ہیں۔2005 کے اوائل میں جمشید انصاری کو برین ٹیومر کی تشخیص ہوئی اور اسی برس 24اگست کو اِس اداکار نے ہمیشہ کے لئے اِس دنیا سے منہ موڑ لیا۔

Read More