اقوام متحدہ کے چپٹر 7کے مطابق بھارت کے خلاف کارروائی کے لےے راہ ہموار کی جائے ، او آئی سی کا اسلام آباد میں سربراہی اجلاس بلایا جائے ،کشمیر کی آزادی کا واحد راستہ جہاد ہے حکومت اس کا اعلان کرے‘ عبدالرشید ترابی
کراچی(ایچ ایم نیوز) کنونیئر کل جماعتی کشمیر رابطہ کونسل و چیئرمین پبلک اکاؤنٹس کمیٹی عبدالرشید ترابی نے کہا ہے کہ حکومت پاکستان ہندوستان کے ساتھ دوطرفہ شملہ معاہدے سمیت تمام معاہدات ختم کرنے کا اعلان کرے ،اقوام متحدہ کے چپٹر 7کے مطابق بھارت کے خلاف کارروائی کے لےے راہ ہموار کرے ، حکومت پاکستان فوری طور پر او آئی سی کا اسلام آباد میں سربراہی اجلاس بلائے ،کشمیر کی آزادی کا واحد راستہ جہاد ہے حکومت اس کا اعلان کرے ،24اکتوبر1947ءبیس کیمپ کی انقلابی حکومت کا کردار بحال کرے تا کہ وہ عسکری اور سفارتی سطح پر اپنا کیس پیش کر سکے ،حکومت پاکستان مقبوضہ کشمیر پر حملے کو پاکستان پر حملہ تصور کرتے ہوئے بھارت کے خلاف اقدامات کرے اور اس کو پاکستان کی سلامتی پر برائے راست حملہ تصور کرتے ہوئے فیصلہ کرے پوری پاکستانی قوم اور اہل کراچی ساتھ ہوں گے ،اہل کراچی نے ہمیشہ کشمیریوں کی پشتیبانی کی ہے اہل کشمیر ان کا شکریہ ادا کرتے ہیں ،وزیر اعظم پاکستان ایک دن بھی ضائع کیے بغیر دنیا کے اہم دارلحکومتوں کا دورہ کر کے اقوام متحدہ کی سلامتی کونسل کا اجلاس بلوا کر بھارت کے خلاف سخت کارروائی کروائی جائے ،مقبوضہ کشمیر کے اندر ایک کروڑ لوگ شدید مشکلات کا شکار ہیں مسلسل کرفیو کی وجہ سے انسانی المیہ رونماہونے کا خطرہ ہے ،ان خیالات کااظہار انہوں نے پریس کانفرنس سے خطاب کرتے ہوئے کیا ،انہوں نے کہاکہ نریندر مودی نے دفعہ 370اور 35Aختم کر کے در اصل مقبوضہ کشمیرمیں مسلم تشخص کو ختم کیا ہے نریندر مودی اور آر ایس ایس کا ایجنڈا ہے کہ مقبوضہ کشمیر کے اندرمسلم اکثریت کو اقلیت میں بدلا جائے کشمیریوں کو بڑے پیمانے پر شہید کیا جائے یا ہجرت پر مجبور کیا جائے تا کہ وہ کشمیر سے نکل جائیں اور کشمیر میں انتہا پسند ہندؤوں کو آباد کیا جائے ،انہوں نے کہا کہ اس وقت ہندوستانی فوجی سیز فائر لائن پر فائرنگ کر کے سول آبادی اور ہسپتالوں کو نشانہ بنا رہے ہیں پاک فوج بھرپور جواب دے رہی ہے پوری قوم پاک فوج کے ساتھ ہے نریندر مودی اور آر ایس ایس کے انتہا پسندانہ عزائم کشمیریوں نے ناکام بنائے ہیں مودی کے اقدامات اور نسل پرستی کی وجہ سے ہندوستان کے اندر تمام اقلیتیں غیر محفوظ ہو چکی ہیں ہندوستان مودی کے اقدامات کے باعث ٹوٹ جائے گا انہوں نے کہاکہ اس وقت مقبوضہ کشمیر کی تمام مساجد بند ہیں کشمیریوں کو عید کی نماز بھی ادا نہیں کرنے دی گئی قائدین حریت پابند سلاسل ہیں قابض بھارتی فوج ہزاروں لوگوں کو گرفتار کر کے لاپتہ کر چکی ہے اور ظلم وستم کا یہ سلسلہ جاری ہے مقبوضہ کشمیر کے عوام اللہ کے بعد پاکستان کی طرف دیکھ رہے ہیں پوری قوم حکومت پر دباؤ بڑھائے تا کہ حکومت کشمیریوں کی خواہش کے مطابق اقدامات کرے اور مسئلہ کرے ۔
