چینی کسٹم نے خطرے سے دوچار جنگلی حیات کی 4 کلو مصنوعات ضبط کرلیں

شی جیاژوانگ(ایچ ایم نیوز)شمالی چین کے صوبہ ہیبے میں کسٹم نے ایک مشتبہ شخص کے گرد گھیرا تنگ کرتے ہوئے خطرے سے دوچار جنگلی حیات سے تیار شدہ 4 کلو گرام مصنوعات ضبط کر لیں۔شی جیاژوانگ کسٹم کے ایک عہدیدار نے ہفتہ کو بتایا کہ ضبط شدہ سامان میں گینڈے اور این ٹی لوپ کے سینگ ،چیتے کی ہڈیاں اور ریچھ کا پِتہ(صفرا)شامل ہیں۔عہدیدار نے کہا کہ وبائی کرونا وائرس"جس کے بارے میں ماہرین کا خیال ہے کہ وہ جنگلی جانوروں سے منتقل ہوا" پھیلنے کے بعد چینی کسٹم نے جنگلی جانوروں اور جنگلی حیات کی مصنوعات کی اسمگلنگ کیخلاف لڑائی میں اپنی کوششیں تیز کر دی ہیں۔24 فروری کو ملک کی اعلی قانون ساز اسمبلی نے جنگلی حیات کی غیر قانونی تجارت پر مکمل  پابندی اور جنگلی جانوروں کے استعمال کو ختم کرنے کے بارے میں فیصلہ کیا تھا۔