اسپین میں چینی سٹارفٹ بالر وو لی بھی کرونا وائرس کا شکار ہوگئے

بیجنگ(ایچ ایم نیوز)چین کے فٹ بال کے عالمی کھلاڑی وو لی نوول کرونا وائرس کا شکار ہوگئے ، ان میں وائرس کی ہلکی علامات ظاہر ہوئی ہیں۔ ذرائع نے ہفتہ کو شِنہوا کو بتایا کہ وو اسپین کے شہر بارسلونا میں اپنے گھر میں قرنطینہ میں چلے گئے ہیں۔وو لا لیگا کے ایسپانائل کی جانب سے کھیلتے ہیں اور یورپ کی چوٹی کی 5بڑی فٹ بال لیگز میں کھیلنے والے واحد چینی کھلاڑی ہیں، وہ فٹ بال کے پہلے پیشہ ور چینی کھلاڑی ہیں جن میں نوول کرونا وائرس کی تصدیق ہوئی ہے۔ذرائع نے شِنہوا کو بتایا کہ وو میں ہلکی علامات ہیں اور انہوں نے خود کو اسپین میں الگ تھلگ کر لیا ہے۔ ایسپانائل نے بدھ کو تصدیق کی تھی کہ کلب کے عملے کے 6 ارکان میں وائرس کی تشخیص ہوئی ہے تاہم انہوں نے متاثر ہونے والے کھلاڑیوں کے نام نہیں بتائے تھے۔