ارچنا نے کپل کو چینل کو لوٹنے والا ڈاکو کہہ دیا

 بھارتی معروف کامیڈین کپل شرما کو شو کی ساتھی میزبان ارچنا پورن سنگھ نے ڈاکو کہہ دیا جو چینل کو لوٹ رہا ہے۔

بھارتی میڈیا رپورٹ کے مطابق دی کپل شرما شو کے دوران اکثر کپل شرما اور ارچنا پورن سنگھ کے درمیان ہنسی مزاق اور جملے بازی چلتی رہتی ہے۔

کپل شرما شو میں اس بار ساجد ناڈیاوالا، اُن کی بیوی، ٹائیگر شروف، کریتی سینن اور اہان شیٹی مہمان بنے، کپل شرما نے شو سے جڑے چند منظر کی ویڈیو جاری کی۔

شوٹنگ کے دوران کیمرے کے پیچھے کے چند مناظر پر مشتمل ویڈیو میں ارچنا پورن سنگھ اور کپل شرما کے ایک دوسرے کی آمدن پر تبصرے سامنے آئے ہیں۔

شو کے ایک حصے میں ارچنا پورن سنگھ نے کپل شرما کو ڈاکو قرار دیا جو چینل کو لوٹ رہا، اس پر کپل شرما نے فوراً جواب دیا، ہاں آپ تو یہاں دوپہر کے کھانے کے عوض کام کرتی ہیں۔

شو کے دوران اکثر کپل شرما کی آمدن دوستوں اور ساتھی اداکاروں کے درمیان زیر بحث آتی ہے، اس بار ارچنا پورن سنگھ نے اُن پر یہ تیر چلادیا۔

ارچنا جو شو کا مستقل حصہ ہیں، نے شوٹنگ کے دوران ایک موقع پر کہا تم اب بھی ڈاکو ہو جو تگڑی آمدن کے ذریعے چینل کو لوٹ رہا ہے۔

شو کے مہمان کے ساتھ گفتگو کے دوران کپل شرما نے کہا کہ کبھی کبھی ہم بچپن میں الگ چیزیں سوچتے ہیں، جیسے میں نے شعلے فلم دیکھی تو مجھے لگا کہ میں بڑا ہوکر ڈاکو بنوں گا۔

موقع ملتے ہی ارچنا سنگھ نے فوراً لفظی تیر داغ دیا اور کہا کہ ڈاکو ہی تو بنے ہو تم جو چینل کو لوٹ رہا ہے، ڈاکو ہو تم ڈاکو۔

اس پر کپل شرما نے جوابی حملہ کرتے ہوئے کہا کہ میں ہی لوٹ رہا ہوں نا چینل کو، آپ تو دوپہر کے کھانے کے عوض آتی ہیں نا یہاں۔