بارہ مولہ میں سرچ آپریشن

سرینگر(ایچ ایم نیوز)مقبوضہ کشمیر کے ضلع بارہ مولہ کے  علاقے میں پٹن کے علاقے میں سکیورٹی فورسز کی جانب سے تلاشی کارروائی جاری ہے۔ساوتھ ایشین وائر کے مطابق عسکریت پسندوں کی موجودگی کی اطلاع موصول ہونے پر فورسز نے علاقے کو محاصرے میں لیا اور تلاشی مہم شروع کی۔ذرائع کے مطابق علاقے میں تمام داخلی اور خارجی راستوں پر فورسز کی بھاری نفری تعینات کی گئی ہے۔

مقبوضہ جموں و کشمیر کے بارہمولہ علاقے میں حریت پسندوں کے ساتھ فائرنگ کے تبادلے میں زخمی ہونے والا ایک اور فوجی جوان منگل کے روز دم توڑ گیا ۔پیر کے روز ضلع بارہمولہ کے کریری علاقے میں مشترکہ پارٹی پر حملے میں سی آر پی ایف کے دو جوان اور ایک پولیس اہلکار ہلاک ہوگئے۔ مقابلے کے دوران فوج کے دو اہلکار فائرنگ سے زخمی ہوگئے تھے۔ساوتھ ایشین وائر کے مطابق فورسز نے لشکر طیبہ کے کمانڈر سجاد عرف حیدر سمیت 3 حریت پسندوں کو شہید کر دیا تھا۔

فورسز کے لئے بارہمولہ ایک مشکل آپریشن رہا ہے۔ ڈائریکٹر جنرل آف پولیس دل باغ سنگھ کے مطابق سجاد حیدر مرکزی علاقوں میں سرفہرست دس حریت پسندوں میں شامل تھے۔ ڈی جی پی نے بتایا کہ وہ 2016 میں تنظیم میں شامل ہوئے  اورحزب المجاہدین کے سابق کمانڈربرہان وانی کی طرح سرگرم تھے ۔

پیر کے روز جموں و کشمیر پولیس کے خصوصی پولیس افسر (ایس پی او)، ڈسٹرکٹ پولیس بارہمولہ کے مظفر علی ، کانسٹیبل لوکیش شرما اور 119 بٹالین سی آر پی ایف کے کانسٹیبل خورشید خان ہلاک ہوگئے۔