میتھیو ویلشرپی ٹی سی ایل کے سی ای او مقرر صارفین میں گزشتہ 6 ماہ میں مسلسل اضافہ ہو رہا ہے

کراچی (اسٹاف رپورٹر) پی ٹی سی ایل بورڈ آف ڈائریکٹرز نے میتھیو ویلشر، جو اس وقت اتصالات افغانستان کے سی ای او کے طور پر خدمات سر انجام دے رہیں، کوپی ٹی سی ایل گروپ(پی ٹی سی ایل اینڈ یوفون) کا سی ای او مقرر کردیا ہے جو یکم دسمبر 2020 سے نافذ العمل ہوگا۔ انہیں راشد خان کی جگہ تعینات کیا گیا جو مارچ 2019 سے پی ٹی سی ایل گروپ کے صدر اور سی ای او تھے، راشد خان نے ذاتی وجوہات کی بنا پر عہدہ چھوڑنے کا فیصلہ کیا۔میتھیو 25 سال سے ٹیلی کام انڈسٹری سے وابستہ ہیں۔ اس سے قبل وہ افغانستان اور نائجیریا میں اتصالات کے سی ای او رہ چکے ہیں، اس کے علاوہ انہوں نے یواے ای میں اتصالات کیلئے سی ایکس اورولز، ملائشیا میں میکسز اور ہانک گانگ میں سی ایس ایل کے طور پر خدمات سر انجام دی ہیں۔ انہوں نے آسٹریلیا، جنوبی کوریا، ہالینڈ اور برطانیہ میں مختلف کاروباری حلقوں میں انتظامی اور پیشہ وارانہ ذمہ داریاں سرانجام دی ہیں۔ میتھیو نے اپنے کیئریر کا آغاز پرایکٹر اینڈ گیمبل سے کیا۔وہ برطانیہ میں آکسفورڈ یونیورسٹی سے طبیعات میں سند یافتہ ہیں۔ انہوں نے کینیڈا کی میک گل یونیورسٹی سے مینجمنٹ میں ماسٹرز کی ڈگری جبکہ فرانس میں INSEAD سے انٹرنیشنل پرایکٹسنگ مینجمنٹ میں ڈپلومہ حاصل کر رکھا ہے۔راشد خان کی قیادت کے دوران پی ٹی سی ای ایل میں نیٹ ورک کی دستیابی،بلا تعطل فراہمی اور صارفین کیلئے سروسز کی سطح میں بہتری کیلئے متعدد اقدامات اٹھائے گئے ہیں جن سے صارف کے تجربے کو بہتر بنانے میں مدد ملی جس کے باعث پی ٹی سی ایل کے صارفین میں گزشتہ 6 ماہ میں مسلسل اضافہ ہو رہا ہے۔ ان تمام مثبت اشاروں نے پی ٹی سی ایل کے ریٹیل بزنس کو مالی سال 2020 کے تیسری سہ ماہی میں واپس نمو کی طرف لانے میں مدد دی۔ راشد خان کی قیادت میں یوفون میں خاطر خواہ نمو دیکھنے کو ملی اور صارفین کی تعداد میں 22 فیصد جبکہ ڈیٹا صارفین میں 86 فیصد اضافہ ہوا۔ کئی پابندیوں کے باوجود یوفون پچھلے دو سال میں توقعات پر پورا اترنے میں کامیاب رہا۔بورڈ نے راشد خان کی قیادت اور عزم پر شکریہ جبکہ میتھیو کو پی ٹی سی ایل گروپ میں خوش آمدید کیا۔