ممبئی (ایچ ایم نیوز) بالی ووڈ کی مراکشی اداکارہ نورا فتیحی نے غیر ملکیوں کیلئے بھارت میں رہنے کو مشکل قرار دیتے ہوئے بتایا کہ بھارتی لوگوں کے رویے نے انہیں رونے پر مجبور کردیا تھا۔ ایک انٹرویو ممیں اپنی آپ بیتی سناتے ہوئے نورا نے بتایا کہ غیر ملکیوں کے لیے بھارت میں زندگی گزارنا بہت مشکل ہے جب کہ انہوں نے بالی ووڈ میں جگہ بنانے کے لیے کئی قربانیاں دی ہیں۔ انٹرویو میں نورا فتیحی نے بتایا کہ ابتدا میں انہیں ہندی زبان نہیں آتی تھی جس کی وجہ سے انہیں کئی بار آڈیشنز میں شرمندہ کیاگیا۔ نورا نے کہا لوگ مجھ پر ہنستے تھے جیسے میں کوئی سرکس ہوں، مجھے پریشان کرتے اور بہت تذلیل کرتے تھے۔ ایک بار ایک کاسٹنگ ایجنٹ نے مجھے کہا تھا کہ واپس چلی جا ہمیں تمہاری ضرورت نہیں ہے۔ بالی ووڈ میں موجود لوگوں کے رویے دیکھ کر میں اپنے گھر جاتے ہوئے رو رہی تھی، میں یہ سب کبھی بھلا نہیں سکوں گی۔ انہوں نے کہا کہ وہ ایک اپارٹمنٹ میں 8 لڑکیوں کے ساتھ رہتی تھیں جہاں ایک لڑکی نے ان کا پاسپورٹ چوری کرلیا۔ اتنا سب برداشت کرنے کے بعد میرا بھارت میں رہنا بہت مشکل ہوگیاتھا اور کچھ وقت کے لیے میں بھارت چھوڑ کر کینیڈا چلی گئی تھی۔
نامور قوال عزیز میاں کی (آج) 77 ویں سالگرہ
لاہور (ایچ ایم نیوز)پاکستان کے نامور قوال عزیز میاں کی (آج) 77 ویں سالگرہ منائی جائیگی۔ عزیز میاں 27جولائی 1942ء کو یوپی کے شہر بلند میں پیداہوئے تھے ،ان کی مشہور قوالیوں میں ’’میں شرابی ، تیری صورت نگاہوں میں اور اللہ ہی جانے کون بشر ہے ‘‘ سرفہرست ہیں، حکومت پاکستان نے ان کی خدمات کے اعتراف میں صدارتی تمغہ برائے حسن کارکردگی سے نوازا، عزیز میاں6 دسمبر2000ء کو وفات پاگئے تھے۔
فلم سپر اسٹار کا نیا گانا’’ غلط فہمی‘‘ ریلیز کر دیا گیا
لاہور (ایچ ایم نیوز) پاکستانی فلم سپر اسٹار کا نیا گانا غلط فہمی ریلیز کر دیا گیا۔گانا غلط فہمی ریلیز ہوتے ہی سوشل میڈیا پر چھا گیا اور چند گھنٹے میں ہی لاکھوں لوگوں نے اس گانے کو سنا اور پسند کیا۔ اس سے قبل ریلیز ہونے والے گیت نوری نے دھوم مچا دی تھی اور یوٹیوب پر اب تک اسے نو لاکھ سے زائد شائقین دیکھ چکے ہیں۔ نوری میں ماہرہ خان کے غیرمعمولی رقص نے جہاں شائقین کو مسحور کر دیا وہاں اس کی موسیقی بھی چاروں اور چھا گئی۔ یاد رہے اس سے قبل فلم کا ایک اور گانا ان دنوںریلیز کیا گیا تھا جس نے مقبولیت کے نئے ریکارڈ قائم کر دیے تھے۔ عاطف اسلم کی آواز میں ریکارڈ کیا گیا یہ گانا فلم کے مرکزی اداکاروں ماہرہ خان اور بلال اشرف پر فلمایا گیا ہے۔ گانے میں دونوں کو بطور پریمی جوڑا دکھایا گیا ہے۔ فلم سپر اسٹار کے گانے ان دنوں کے بول شکیل سہیل نے تحریر کیے ہیں جبکہ اس کی موسیقی آذان سمیع خان اور سعد سلطان نے دی ہے۔ سپر اسٹار کو ناظرین عید الاضحی پر سینما گھروں میں دیکھ سکیں گے۔
اسرائیل و افغانستان مابین بڑھتی قربتیں، اسرائیلی کاروباری شخصیات کی افغان خاتون اول سے ملاقات
Heart meetJuly 23, 2019اسرائیل و افغانستان مابین بڑھتی قربتیں، اسرائیلی کاروباری شخصیات کی افغان خاتون اول سے ملاقات
No comments
![](https://img2.blogblog.com/img/icon18_edit_allbkg.gif)
اسرائیلی کمپنیاں کابل، فراہ، ہلمند اور نیم روز میں مالی سرمایہ کاری کریں گی،اسرائیل عرب و غیر عرب مسلم مالک کیساتھ شراکت داری کا خواہاں ہے، سربراہ بین الاقوامی مشاورتی فرم یوآف مردخائی
کابل(ایچ ایم نیوز)اسرائیل کی ایک بین الاقوامی مشاورتی فرم کے سربراہ یوآف مردخائی نے رواں ماہ جولائی کے اوائل میں افغانستان کی خاتون اول رولا غنی سے ملاقات کی۔ ملاقات میں اس بات پر اتفاق ہوا کہ اسرائیلی کمپنیاں افغان اراضی میں سرمایہ کاری کریں گی۔بین الاقوامی خبر رساں ادارے کے مطابق مذکورہ عرصے میں یوآف مردخائی کی صدارت میں ایک پانچ رکنی وفد نے دو قابل اعتماد کاروباری شخصیات کے ہمراہ کابل کا دورہ کیا۔ دورے کا مقصد افغانستان میں سرمایہ کاری کے مواقع تلاش کرنا تھا۔مردخائی کے مطابق یہ ملاقات افغانستان کی خاتون اول رولا غنی سے متعلقہ ایک کمپنی کی دعوت پر منعقد ہوئی۔ اس سلسلے میں افغان ذمے داران کے ساتھ تجارتی بات چیت اور اجلاسوں کے حوالے سے تمام تر رابطہ کاری اسی کمپنی نے انجام دی۔تین روز تک جاری رہنے والے اس دورے میں یوآف مردخائی اور ان کے اسرائیلی تجارتی شراکت داروں نے افغانسان کی خاتون اول رولا غنی سے ملاقات کی۔افغان ذمے داران کے ساتھ کئی اجلاسوں کے دوران اس بات پر اتفاق رائے سامنے آیا کہ اسرائیلی کمپنیوں کی کابل، فراہ، ہلمند اور نیم روز میں مالی سرمایہ کاری ہو گی۔ قابل ذکر بات یہ ہے کہ یوآف مردخائی نے اسرائیلی وفد میں کاروباری شخصیت کی حیثیت سے شامل ہو کر بحرین کے اقتصادی ورکشاپ میں بھی شرکت کی تھی۔ایسا نظر آ رہا ہے کہ اسرائیلی حکومت غیر سرکاری اور اقتصادی تنظیموں کی وساطت سے عرب اور غیر عرب مسلمانوں کے ساتھ اپنی شراکت داری کو وسیع کرنے کا ارادہ رک
مداحوں کا دپیکا کو لورانجن کی فلم میں کام نہ کرنے کا مشورہ
ممبئی (ایچ ایم نیوز) بالی ووڈ سٹار دپیکا پڈوکون کو ان کے مداحوں نے جنسی ہراسانی کے کیسز میں نامزد ڈائریکٹر لو رانجن کی فلم میں کام نہ کرنے کا مشورہ دیدیا۔ بھارتی میڈیا کے مطابق دپیکا کے مداحوں نے سوشل میڈیا پر ناٹ مائی دپیکا کا ہیش ٹیگ استعمال کرتے ہوئے مہم کا آغاز کر دیا جس کا مقصد دپیکا کو ایک ایسی فلم میں کام کرنے سے روکنا ہے جس کے ڈائریکٹر پر جنسی ہراسانی کا الزام ہے اور وہ مشہورِ زمانہ مہم می ٹو کا بھی حصہ رہ چکے ہیں۔ دپیکا پڈوکون کے مداحوں کا کہنا ہے کہ دپیکا ہمارے لیے ایک رول ماڈل ہیں اور ان کے کردار سے ہمیں حوصلہ ملتا ہے۔ انہوں نے دپیکا کو مشورہ دیا ہے کہ وہ ڈائریکٹر لو رانجن کی فلم کا حصہ نہ بنیں ورنہ بحیثیت اداکارہ وہ ہماری نظروں میں بنا ہوا اپنا خوبصورت اور مضبوط مقام کھو دیں گی۔ واضح رہے کہ جنسی ہراسانی کے متعدد کیسز میں نامزد فلم ڈائریکٹر لو رانجن کی فلم میں دپیکا کے کام کرنے کی خبریں گردش کررہی ہیں تاہم دپیکا نے اس حوالے سے کوئی بیان نہیں دیا۔
سلمان خان میرج ہال کی تیاری میں مصروف
ممبئی (ایچ ایم نیوز) بالی ووڈ سٹار سلمان خان بلبل میرج ہال کے نام سے نئی فلم کی تیاری میں مصروف جس کی کہانی ایک شادی ہال کے گرد گھومتی ہے۔ بھارتی میڈیا کے مطابق سلمان خان کی اگلی فلم میں بھارتی شادی ہالز کو بنیاد بناتے ہوئے مختلف معاشرتی مسائل کو اجاگر کیا جائے گا۔ فلم کی کہانی دو ایسے بھائیوں کے بارے میں ہوگی جو دہلی میں ایک شادی ہال کے مالک ہیں اور اس شادی ہال کے کاروبار میں انہیں کئی طرح کی پریشانیوں کا سامنا کرنا پڑتا ہے۔ فلم کے اسکرپٹ پر کام شروع کردیا گیا ہے۔
ہالی ووڈ تھرلر فلم21برجز کا نیا ٹریلر جاری
لاس اینجلس (ایچ ایم نیوز) ہالی ووڈ تھرلر فلم21برجز کا نیا ٹریلر جاری کردیا گیا۔ فلم کی کہانی نیو یارک پولیس ڈپارٹمنٹ کے ایک جاسوس کے گرد گھوم رہی ہے جو پولیس اہلکاروں کے قتل میں ملوث ایک گینگ کو پکڑنے کیلئے لاک ڈاون کروادیتا ہے۔فلم کی کاسٹ میں چیڈوک بوسمین،سیانا ملر،اسٹیفن جیمز،جے کے سیمونز،کیٹی میک کلینن،شینا ریان اور ٹیلر کچ سمیت دیگر اداکار شامل ہیں۔فلم 27ستمبرکو ریلیز کی جائے گی۔
گلوکارہ خوشبو لغاری نے نیا 'صوفی کلام 'ریکارڈ کروالیا
لاہور(ایچ ایم نیوز) گلوکارہ خوشبو لغاری نے نیا 'صوفی کلام ریکارڈ کروالیا۔تفصیلات کے مطابق اردو،پنجابی اور سندھی زبان میں صوفیانہ کلام سے شہرت حاصل کرنے والی معروف گلوکارہ خوشبو لغاری نے نیا 'صوفی کلام 'ریکارڈ کروالیا صوفیانہ کلام کی جلد ویڈیو بنا کر ریلیز کر دی جائیگی۔ایک ملاقات میں خوشبو لغاری نے بتایا کہ اردو،پنجابی اور سندھی میرے سارے صوفیانہ کلام بے حد مقبول ہوئے اور امید ہے کہ میرا نیا 'صوفی کلام 'پوری دنیا میں مقبولیت حاصل کرے گا۔
پاکستانی فلم انڈسٹری میں بننے والی فلمیں عالمی معیارکے مطابق ہیں‘ ارمینا رانا خان
Heart meetJuly 23, 2019پاکستانی فلم انڈسٹری میں بننے والی فلمیں عالمی معیارکے مطابق ہیں‘ ارمینا رانا خان
No comments
![](https://img2.blogblog.com/img/icon18_edit_allbkg.gif)
لاہور(ایچ ایم نیوز) اداکارہ وماڈل ارمینا رانا خان نے کہا ہے کہ پاکستان فلم انڈسٹری کی رونقیں بحال ہونا خوش آئند ہے‘ پاکستانی فلم انڈسٹری میں بننے والی فلمیں ہرلحاظ سے عالمی معیارکے مطابق ہیں۔اپنے ایک انٹر ویو میں ارمینا رانا خان نے کہا کہ اعلی تعلیم یافتہ اور نوجوان فلم سازوں نے جب سے فلم انڈسٹری کی باگ ڈور سنبھالی ہے تب سے بہتری کے آثارنمایاں ہونے لگے ہیں بلکہ پڑھے لکھے نوجوان اب اس شعبے کو بڑی ذمے داری کے ساتھ بطورپروفیشن اپنانے لگے ہیں جو بہت خوش آئند بات ہے۔ انہوں نے کہا کہ پاکستان فلم انڈسٹری کی رونقیں بحال ہونا خوش آئند ہے پاکستانی فلم انڈسٹری میں بننے والی فلمیں ہرلحاظ سے عالمی معیارکے مطابق ہوتی ہیں۔
شوبز میں صرف عروج کے دنوں کے دوست ہوتے ہیں‘ وینا ملک
لاہور(ایچ ایم نیوز) نامور اداکارہ وینا ملک نے کہا ہے کہ شوبز میں صرف عروج کے دنوں کے دوست ہوتے ہیں‘جب کسی سے جڑی امید ٹوٹتی ہے تو یہ بڑا تکلیف دہ مرحلہ ہوتا ہے۔ خصوصی بات چیت کرتے ہوئے وینا ملک نے کہا کہ عروج کے دونوں میں آپ کے بہت سے دوست ہوتے ہیں جبکہ زوال کے دنوں میں آپ کا سایہ بھی ساتھ چھوڑ جاتا ہے۔ انہوں نے کہا کہ میں کسی سے زیادہ امیدیں لگانے کی قائل نہیں کیونکہ جب کسی سے جڑی امید ٹوٹتی ہے تو یہ بڑا تکلیف دہ مرحلہ ہوتا ہے۔انہوں نے کہا کہ جو دل کو اچھا لگے وہی کرتی ہوں،کسی کی بلا وجہ مداخلت یا تنقید کو خاطر میں نہیں لاتی اور اپنے کام سے کام رکھتی ہوں۔ وینا ملک نے کہا کہ شوبز سے دور ہونے کا سوال ہی پیدا نہیں صرف معیاری کام ہی کروں گی۔
اقرا عزیز نے اہلیہ پر مبینہ تشدد کرنے پر محسن عباس حیدر کو کھری کھری سنا دیں
Heart meetJuly 23, 2019اقرا عزیز نے اہلیہ پر مبینہ تشدد کرنے پر محسن عباس حیدر کو کھری کھری سنا دیں
No comments
![](https://img2.blogblog.com/img/icon18_edit_allbkg.gif)
لاہور (ایچ ایم نیوز) اقرا عزیز نے اہلیہ پر مبینہ تشدد کرنے پر محسن عباس حیدر کو کھری کھری سنا دیں۔ سماجی رابطے کی ویب سائٹ انسٹا گرام پر گلوکار محسن حیدر کے مبینہ تشدد پر برہمی کا اظہار کرتے ہوئے اقراء نے کہا کہ تن سازی انسان کو مضوط بناتی ہے لیکن کسی عورت پر ہاتھ اٹھانا آپ سے مرد ہونے کا اعزاز چھین لیتا ہے۔ اقرا عزیز نے کہا کہ ہمیں یہ سننے کی بھی ضرورت نہیں کہ اس وقت آپ کے دماغ میں کیا چل رہا تھا اور نہ ہی آپ کی کہانی کی ضرورت ہے۔ اب وقت ختم ہو گیا ہے۔واضح رہے کہ گزشتہ روز معروف گلوکار و اداکار محسن عباس حیدر کی اہلیہ نے شوہر پر الزام عائد کرتے ہوئے کہا تھا کہ محسن نے حاملہ ہونے کے باوجود مجھے بری طرح جسمانی تشدد کا نشانہ بنایا۔
وقت سب سے بڑااستاد ہے جو بہت کچھ سیکھا جاتا ہے‘ اداکارہ صبا قمر
لاہور (ایچ ایم نیوز) ٹی وی و فلم کی نامور اداکارہ صبا قمر نے کہا ہے کہ وقت سب سے بڑااستاد ہے‘ پاکستانی فلموں کی کامیابی خوش آئند ہے تاہم معیار کو ترجیح دی جانی چاہئے۔ خصوصی گفتگو کرتے ہوئے دلکش مسکراہٹ والی اداکارہ صبا قمر نے کہا کہ وقت سب سے بڑااستاد ہے اور اگر کوئی سیکھنا چاہے تو وقت سے بہت کچھ سیکھا جا سکتا ہے۔ انہوں نے کہا کہ کسی بھی شعبے میں کامیابی کیلئے جستجو اور عمل ضروری ہے۔ صبا قمر نے کہا کہ پاکستانی فلموں کی کامیابی خوش آئند ہے فلمیں تو بنائی جا رہی ہیں لیکن یہ بھی دیکھنا ضروری ہے کہ فلموں کا معیار کیا ہے کیونکہ غیر معیاری فلمیں ایک ہزار بھی بنا لی جائیں تو اس کا انڈسٹری کو کوئی فائدہ نہیں ہو گا۔ صبا قمر نے کہا کہ عزت دینے اور عزت لینے پر یقین رکھتی ہوں اسی وجہ سے آج تک کسی سکینڈل کا شکار نہیں ہوئی۔
فاطمہ نے بغیر ثبوت کے مجھ پر الزام عائد کیا ہے‘ نازش جہانگیر
لاہور (ایچ ایم نیوز) ماڈل و اداکارہ نازش جہانگیر نے کہا ہے کہ محسن عباس کی اہلیہ فاطمہ نے بغیر ثبوت کے ان پر الزام تراشی کی ہے۔ انسٹاگرام پر اپنے ایک بیان میں ماڈل نازش جہانگیر نے کہا کہ اداکار محسن عباس حیدر کی اہلیہ فاطمہ نے مجھ پر بغیر کسی ثبوت کے الزام عائد کیا کہ میرے ان کے شوہر کے ساتھ ناجائز تعلقات ہیں جس کے بعد مجھے گھر توڑنے والی کہا گیا۔ نازش جہانگیر نے کہا کہ آپ سب اپنی عقل کا استعمال کریں اور سوچیں کہ اگر فاطمہ کے پاس میرے خلاف کوئی ثبوت ہوتے تو وہ ان کو بھی منظر عام پر لاتی جیسے فاطمہ اپنے شوہر کے خلاف ثبوت سامنے لے کر آئی۔ انہوں نے کہا کہ بیٹے کی پیدائش سے ایک گھنٹہ قبل فاطمہ سے میری بات ہوئی اور میں نے اسے مبارک باد دی۔ اس وقت محسن کراچی میں کسی شوٹنگ میں مصروف تھا جبکہ میں اسلام آباد میں تھی۔ لیکن فاطمہ گھریلو تشدد کا نشانہ بنی ہیاور میری تمام تر ہمدردی اس کے ساتھ ہے اور میں اس بات کا اعلان بھی کرنا چاہتی ہوں کہ ان کی ازدواجی زندگی میں تنازعات کی وجہ میں نہیں ہوں۔ انہوں نے مزید کہا کہ صرف محسن ہی اس حوالے سے وضاحت کر سکتا ہے کہ آخر اس کی بیوی نے اس سارے معاملے میں میرا نام کیوں لیا۔ فاطمہ نے کسی ثبوت کے بغیر مجھ پر پورے میڈیا کے سامنے الزام عائد کیا۔ میں نے کبھی کسی کی ذاتیات پر بات نہیں کی اور اسی لیے میرے لیے یہ سب نہایت دردناک ہے میں صرف یہ کہنا چاہوں گی کہ صرف فاطمہ ہی اس سب کا شکار نہیں ہوئی، بغیر ثبوت مجھ پر الزام عائد کر کے ذاتی منافرت کی بنیاد پر مجھے بھی اس سب میں گھسیٹا گیا جس سے مجھے ذہنی طور پر کافی پریشانی ہوئی۔
چین، کفایت شعاری قوانین کے خلاف ورزی پر37207 ملازمین کو سزائیں سنا دی گئیں
Heart meetJuly 23, 2019چین، کفایت شعاری قوانین کے خلاف ورزی پر37207 ملازمین کو سزائیں سنا دی گئیں
No comments
![](https://img2.blogblog.com/img/icon18_edit_allbkg.gif)
بیجنگ(ایچ ایم نیوز)چین میں رواں سال 37207سرکاری ملازمین کو کفایت شعاری کے قوانین کی خلاف ورزی کرنے سے سزائیں سنائی گئیں ۔منگل کے روز چین کی حکمران جماعت کمیونسٹ پارٹی آف چائنہ(سی پی سی) کی جانب سے جاری کردہ اعداد و شمار کے مطابق جون کے مہینے میں8506سرکاری ملازمین کو 6060 مقدمات میں سزائیں سنائی گئیں ۔زیادہ تر سرکاری ملازمین پر یہ الزام تھا کہ انہوں نے قوانین کی خلاف ورزی کرتے ہوئے اضافی الائونسز جاری کئے ۔تحائف کو وصول کیا اور سرکاری خزانے سے کھانے کھلائے گئے۔
ڈالر کے مقابلے میں چینی کرنسی کی شرح قدر میںکمی
بیجنگ(ایچ ایم نیوز)چینی کرنسی یوآن (آر ایم بی )کی مرکزی شرح تباد لہ منگل کو امریکی ڈالر کے مقابلے میں59بنیادی پوائنٹس کی کمی سے 6.8818ہو گئی ہے ،چین کی غیر ملکی زرمبادلہ کے تبادلہ کی کھلی منڈی میں چینی کرنسی کو ہر کاروباری روز 2فیصد کمی بیشی کی اجازت ہے ۔
چینی معیشت مستحکم طور پر ترقی کر رہی ہے،اقتصادی ماہرین
بیجنگ (ایچ ایم نیوز ) چین کے قومی ادارہ برائے شماریات نے کہا ہے کہ رواں سال کی دوسری سہ ماہی میں چین کے جی ڈی پی میں پچھلے سال کی اسی مدت کے مقابلے میں چھ اعشاریہ دو فی صد کا اضافہ ہوا ہے اور اسی طرح رواں سال کے پہلے نصف میں جی ڈی پی کی شرح میں اضافہ پچھلے سال کی اسی مدت کے مقابلے میں چھ اعشاریہ تین فی صد زیادہ رہا ہے۔ چائنہ ریڈیو کے مطابق ان اعدادو شمار کے اجرا کے بعد کچھ غیر ملکی ذرائع ابلاغ نے یہ کہا کہ دوسری سہ ماہی میں چین کے جی ڈی پی کی ترقی کی رفتار انیس سال میں سب سے سست ہے ،اس کا مطلب یہ ہے کہ چینی معیشت سست روی کا شکار ہوئی ہے ۔ اس حوالے سے عالمی اقتصادی تعاون و ترقی کی تنظیم کی چین کی اقتصادی پالیسی دفتر کی ڈائریکٹر مارگیٹ مولنار نے کہا کہ ایسا کہنا بے بنیاد ہے ۔ موجودہ عالمی صورت حال کے تناظر میں دیکھا جائے تو چینی معیشت کو نمایاں پیش رفت حاصل ہوئی ہے ۔ چینی حکومت نے کہا کہ رواں سال کے پہلے نصف میں چینی معیشت نے مجموعی طور پر مستحکم ترقی کی ہے ۔ مارگیٹ مولنار اس بات پر متفق ہیں ۔ انہوں نے کہا کہ اگرچہ اقتصادی ترقی کی رفتار پہلے کے مقابلے میں سست ہے ،لیکن اس میں بہت کم کمی ہوئی ہے اس سے ظاہر ہوتا ہے کہ چینی معیشت مستحکم ہے ۔ دوسری طرف چینی معیشت کے معیار کو بلند کیا گیا ہے ۔اس سے ظاہر ہوتا ہے کہ چینی معیشت نے ترقی کی ہے ۔صنعت کے بجائے سروسزسے چینی معیشت کی ترقی ہو رہی ہے ، صنعت اور سروسز کے شعبوں میں ہائی ٹیکنالوجی کی حامل صنعت اور نئی ابھری ہوئی صنعت چینی معیشت کی ترقی کا اہم ذریعہ بن چکی ہے ۔اس لیے میرا خیال ہے کہ چینی معیشت کی ترقی میں نمایاں پیش رفت ہوئی ہے ۔
صنعتی پارک چینی معیشت کی ترقی میں اپنا موثر کردار ادا کر رہا ہے
گوانگ ڈونگ میں جدید زرعی صنعتی پارک کی تعمیر ملکی معیشت کی ترقی میں معاون
گوانگ ڈونگ (ایچ ایم نیوز ) چین کے صوبے گوانگ ڈونگ میں تعمیر کردہ زرعی صنعتی پارک چینی معیشت کی ترقی میں اپنا موثر کردار ادا کر رہا ہے، اس پارک میں زرعی و صنعتی ٹیکنالوجی کا حسین امتزاج دیکھا جا سکتا ہے۔چائنہ ریڈیو انٹرنیشنل کے مطابق اس جدید زرعی صنعتی پارک کی تعمیر سے صوبہ گوانگ ڈونگ کے دیہات کی معیشت تیز رفتاری سے ترقی کر رہی ہے۔ کسان کھیت میں چاول کی کاشت کاری کے ساتھ ساتھ مچھلی فارم ، بطخ فارم سمیت کامیاب غلہ بانی کر رہے ہیں۔ یہ جانور نہ صرف کھیت میں گھاس اور کیٹروں کی صفائی میں مدد کر سکتے ہیں ،بلکہ ان کے فضلات کھیت کے کھاد کا کام کرتے ہیں ۔ دوسری طرف کھیت ان جانوروں کو آرام کرنے کی اچھی جگہ بھی فراہم کرتا ہے ۔ اس کے علاوہ مقامی کسان کھیت کے آس پاس پھلوں کے درخت بھی اگا رہے ہیں ۔اس طرح کے ماڈل زرعی فارمز سے حاصل ہونے والی آمدن اس سے طرح کے عام زرعی رقبے سے حاصل ہونے والی معمول کی آمدن سے دگنی ہے۔اس کے علاوہ جدید زرعی ماڈل فارمز کی ترقی میں جدید ٹیکنالوجی کے استعمال نے بہت اہم کردار ادا کیا ہے۔گوانگ ڈونگ کی کئی یونیورسٹیوں اور سائنسی اداروں نے اس جدید زرعی صنعتی پارک کے ساتھ تعاون کیا ہے ۔ ان اداروں کی جدید ترین ریسرچ کے نتائج اس جدید زرعی صنعتی پارک میں استعمال کئے جار ہے ہیں ۔ اس جدید زرعی صنعتی پارک میں کاشت کاری کی ترقی کے ساتھ ساتھ پیداوار کی پروسیسنگ کی ترقی بھی کی جا رہی ہے ۔ یہاں چاول سے بنی ہوئی کئی مصنوعات مارکیٹ میں مقبول ہیں۔ اس کے علاوہ ، اس جدید زرعی صنعتی پارک میں زراعت اور سیرو سیاحت کو ملانے کی کوشش کی جا رہی ہے ۔ کھیتوں کو خوبصورت پارک بنایا گیا ہے ،جس سے شہرمیں رہنے والے افراد یہاں سیر کے لئے آسکتے ہیں اور ساتھ ساتھ یہاں پیدا ہونے والی اجناس براہ راست خرید سکتے ہیں۔
متعدد ملکوں کے ماہرین نے "سنکیانگ کی تاریخی حیثیت"کے حوالے سے جاری وائٹ پیپر کو سراہا
Heart meetJuly 23, 2019متعدد ملکوں کے ماہرین نے "سنکیانگ کی تاریخی حیثیت"کے حوالے سے جاری وائٹ پیپر کو سراہا
No comments
![](https://img2.blogblog.com/img/icon18_edit_allbkg.gif)
چینی اقدامات نے انتہا پسندی اور دہشت گردی کے پھیلا کو مثر طریقے سے روک دیا، ماہرین
بیجنگ (ایچ ایم نیوز ) متعدد ملکوں کے ماہرین کی جانب سے "سنکیانگ کی تاریخی حیثیت"کے حوالے سے جاری وائٹ پیپر کو سراہا تے ہوئے کہا ہے کہ چین کے ان اقدامات نے انتہا پسندی اور دہشت گردی کے پھیلا کو مثر طریقے سے روک دیا ۔ چائنہ ریڈیو انٹرنیشنل کے مطابق 21 جولائی کو چین کی ریاستی کونسل کے انفارمیشن آفس نے "سنکیانگ کی تاریخی حیثیت"کے حوالے سے ایک وائٹ پیپر جاری کیا۔جس نے سنکیانگ سے متعلق بہت سے تاریخیحقائق کو واضح کیا ہے اور چین کے اندرونی اور بیرونی علاقوں میں موجوددشمن قوتوںکیپروپیگنڈا کا جواب بھی دیا ہے.متعدد ممالک کے ماہرین نے کہا کہ وائٹ پیپر نے حقائق کو بہتر طور پر سمجھنے میں مثبت کردار ادا کیا ہے۔فرانسیسی خاتون مصنف اور چینی امورکی ماہر سونیا بریسلر جنہوں نے سنکیانگ کا دورہ کر رکھا ہے کہا کہاس وائٹ پیپر نے بین الاقوامی برادری کو سنکیانگ کی تاریخ اور موجودہ صورت حال کی تفصیل بتائی ہے۔انہوں نے کہا کہ چین میں چھپن قومیتیں موجود ہیں، سنکیانگ میں انہوں نے اپنی آنکھوں سے دیکھا ہے کہ کس طرح مختلف قومیتوں کے عوام ایک دوسرے کے ساتھ مل جلکراچھی طرح رہتے ہیں۔سعودی عرب کے چینی امور کے ماہر عبدالعزیز الشعبانی نے کہا کہوائٹ پیپرنے سنکیانگ کی تاریخ اور ترقی کا مکمل اورتفصیلی تعارفپیش کیا ہے اورکچھ ملکوں اور ذرائع ابلاغ کی طرف سے سنکیانگ کے بارے میںپروپیگنڈاکو رد کردیا ہے۔انہوں نے کہا کہ سنکیانگ میں معاشی ترقی کو فروغ دینے اور چین کے سماجی استحکام کو برقرار رکھنے کے لئے چین نے اپنی ضرورت اور حالات کے مطابق بہت سے کوششیں کی ہیں۔ چین کی ان کاوشوں کے خاطر خواہ نتائج حاصل ہوئے ہیں۔ بین الاقومی برادری کو چین کے تجربات سے استفادہ کرنا چاہیے۔ چین کے ان اقدامات نے انتہا پسندی اور دہشت گردی کے پھیلا کو مثر طریقے سے روک دیا ہے جو سنکیانگ کی سماجی اورمستحکم معاشی ترقی کے لئے مفید ہیں۔
چینی وزارت خارجہ کی ہانگ کانگ میں انتہا پسند مظاہرین کی رابطہ دفتر کے محاصرے کی مذمت
Heart meetJuly 23, 2019چینی وزارت خارجہ کی ہانگ کانگ میں انتہا پسند مظاہرین کی رابطہ دفتر کے محاصرے کی مذمت
No comments
![](https://img2.blogblog.com/img/icon18_edit_allbkg.gif)
بیجنگ (ایچ ایم نیوز ) چین کی وزارت خارجہ نے ہانگ کانگ خصوصی انتظامی علاقے میں مرکزی حکومت کے رابطہ دفتر کے محاصرے کے حوالے سے کہا کہ یہ طرز عمل ایک ملک، دو نظام کے اصول کی آخری حد کو چیلنج کرنے کے مترادف ہے، اور اس کو برداشت نہیں کیا جا سکتا ۔ چائنہ ریڈیو کے مطابق انہوں نے کہا کہ چین ہانگ کانگ میںقائم مرکزی حکومت کے اداروںکو محفوظ بنانے،ہانگ کانگ میں قانون کی حکمرانی کو برقرار رکھنے اورپر تشدد کارروائیوںمیں ملوث افراد کوسخت سزا ئیں دینے کے لئے ہانگ کانگ کی حکومت کے تمام ضروریاقدامات کی مضبوطی سے حمایت کرتاہے۔ انہوں نے پریس کانفرنس میں ایک بار پھر اعادہ کیا کہ ہانگ کانگ چین کا اندرونی معاملہ ہے اورکسی بھی بیرونی قوت کو ملک کے داخلہ امور میں مداخلت کی اجازت نہیں دی جا سکتی۔
بی آر آئی کے تحت چین کے ساتھ باہمی تعلقات کو نئی بلندیوں پر لے جانے کیلئے پر عزم ہیں، صدر آزربائیجان کی سی پی سی کے شعبہ بین الاقوامی تعلقات عامہ کے سربراہ سے گفتگو
Heart meetJuly 23, 2019بی آر آئی کے تحت چین کے ساتھ باہمی تعلقات کو نئی بلندیوں پر لے جانے کیلئے پر عزم ہیں،
No comments
![](https://img2.blogblog.com/img/icon18_edit_allbkg.gif)
باکو(ایچ ایم نیوز)آزربائیجان کے صدر الہام الیہوف نے کہا ہے کہ بیلٹ اینڈ روڈ انیشیٹو(بی آر آئی ) کے تحت چین کے ساتھ باہمی تعلقات کو نئی بلندیوں پر لے جانے کیلئے پر عزم ہیں ۔ منگل کے روز آزربائیجان کے صدر نے کمیونسٹ پارٹی آف چائنہ(سی پی سی) شعبہ بین الاقوامی تعلقات عامہ کے سربراہ سانگ تھائو کے ساتھ ملاقات میں کہا کہ دونوں ممالک کی سیاسی جماعتوں کے مابین باہمی تعلقات کو قدر کی نگاہ سے دیکھتے ہیں ۔ بی آر آئی کے تحت تمام شعبوں میں باہمی تعاون کو فروغ دینے کے وسیع مواقع موجود ہیں۔اس موقع پر سانگ تھائو نے کہا کہ دونوں ممالک کی قیادت کے مابین اپریل میں ہونے والی مالاقات میں باہمی تعلقات کو فروغ دینے کیلئے گائیڈ لائنز فراہم کیں سی پی سی نیو آرزبائیجان پارٹی کے ساتھ دوستانہ تبادلوں کو فروغ دینے کیلئے پر عزم ہے تاکہ باہمی تعاون کیلئے نئی راہیں تلاش کی جا سکیں اور دونوں اطراف کی قیادت کے مابین طے پانے والے اتفاق رائے کے تحت دونوں ممالک کے تعلقات کو آگے بڑھایا جا سکے ۔
چین کی بین الاقوامی کمپنیوں نے امریکہ کو پچھاڑ دیا
129 چینی کمپنیاں فارچون گلوبل500فہرست میں جگہ بنانے میں کامیاب
بیجنگ(ایچ ایم نیوز)چین کی 129کمپنیوں نے فارچون گلوبل 500فہرست میں جگہ بنا لی ۔ منگل کے روز دنیا کی کامیاب ترین کمپنیوں کی جاری کردہ فہرست میں چینی کمپنیوں نے امریکی کمپنیوں کو پچھاڑتے ہوئے فارچون گلوبل 500میں جگہ بنا لی ۔رواں سال چین کی129جبکہ امریکہ کی 121کمپنیوں نے فہرست میں جگہ بنائی ہے ۔چینی کمپنیوں نے سائنو پیک ،چائنہ نیشنل پٹرولیم اور اسٹیٹ گرڈ نے دنیا کی 10بہترین کمپنیوں نے جگہ بنائی۔چین کی ٹیک کمپنی شیائومی نے اپنے لانچ ہونے کے بعدمختصر وقت میں فارچون گلوبل500فہرست میں جگہ بنا کر پڑی کامیابی حاصل کی ہے ۔
افغانستان فضائی حملوں میں 3طالبان ہلاک ،آتش گیر مادہ لے جانے والاٹرک تباہ
Heart meetJuly 23, 2019افغانستان فضائی حملوں میں 3طالبان ہلاک ،آتش گیر مادہ لے جانے والاٹرک تباہ
No comments
![](https://img2.blogblog.com/img/icon18_edit_allbkg.gif)
غزنی(ایچ ایم نیوز)افغان فضائیہ کے حملوں میں 3طالبان ہلاک جبکہ آتش گیر مادہ کی نقل و حمل میں ملوث ٹرک تباہ کر دیا گیا ۔تفصیلات کے مطابق منگل کے روز افغانستان میںجاری پر تشدد واقعات کے دوران افغان فضائیہ کے تازہ حملوں میں3طالبان رہنما ہلاک ہو گئے جبکہ آتش گیر مادہ کی نقل و حمل میں ملوث ایک ٹرک تباہ ہو گیا۔انٹیلی جنس کی معلومات کی بنیاد پر افغان فضائیہ نے تینوں طالبان رہنمائوں اور بارودی مواد لے جانے والے ٹرک کو نشانہ بنایا طالبان رہنما غزنی میں حملے کرنے کی تیاری میں مصروف تھے ۔
ایف بی آر نے سیلز ٹیکس سرکلر جاری کر دیا۔
فنانس ایکٹ 2019 کے تحت کچھ محدود ٹرانزیکشنز پر قومی شناختی کارڈ نمبر کی ضرورت ہو گی سیلز ٹیکس ایکٹ 1990 کی شق 23 میں ترمیم کی گئی ہے۔
سیلز ٹیکس رجسٹرڈ افراد کی موجودہ تعداد 41484 ہے جو گوشواروں کے ساتھ کچھ ٹیکس ادا کر رہے ہیں۔
موجودہ ترمیم کے تحت سیلز ٹیکس رجسٹرڈ فرد سے خریداری کی صورت میں خریدار کی محدود مواقع پر شناختی کارڈ کی دستیابی ضروری ہو گی۔
شناختی کارڈ کی فراہمی کا قطعاً یہ مطلب نہیں کہ خریدار بھی سیلز ٹیکس رجسٹرڈ فرد ہو۔
قانون پچاس ہزار سے کم مالیت کی خریداری کی صورت میں شناختی کارڈ کی دستیابی کو لازمی قرار نہیں دیتا۔
کاروبار کی ترویج کے لئے قانون میں لچک موجود ہے۔ اگر خریدار بیچنے والے کو غلط شناختی کارڈ فراہم کرتا ہے تو بیچنے والے کی نیک نیتی پر بیچی گئی اشیاء پر جرمانہ لاگو نہ ہو گا۔
چھوٹے اور درمیانے درجے کے ریٹیلرز جن کے لئے قوانین زیر تجویز ہیں وہ سیلز ٹیکس کے دائرہ کار میں نہیں آتے ان پر اس قانون کا اطلاق نہیں ہوتا۔
اس قانون کا اطلاق بزنس ٹو بزنس ٹرانزیکشنز اور پچاس ہزار سے زائد مالیت کی ٹرانزیکشنز جو کہ سیلز ٹیکس رجسٹرڈ فرد کے ساتھ کی گئی ہو پر عائد ہوتا ہے۔
قانون کا مقصد جعلی کاروبار کی روک تھام ہے۔ جس کی وجہ سے سیلز ٹیکس سے ملنے والے ریوینیو میں خسارہ ہوتا ہے
اس قانون کو قطعاً کاروباری افراد کو ہراساں اور کاروباری ٹرانزیکشنز میں رکاوٹ ڈالنے کے لیے استعمال نہیں کیا جائے گا۔
چیف کمشنر کی اجازت کے بغیر کوئی ایکشن نہیں لیا جائے گا۔
خاتون خریدار اپنے شوہر یا باپ کا شناختی کارڈ استعمال کر سکے گی۔ایف بی آر نے سیلز ٹیکس سرکلر جاری کر دیا۔
فنانس ایکٹ 2019 کے تحت کچھ محدود ٹرانزیکشنز پر قومی شناختی کارڈ نمبر کی ضرورت ہو گی سیلز ٹیکس ایکٹ 1990 کی شق 23 میں ترمیم کی گئی ہے۔
سیلز ٹیکس رجسٹرڈ افراد کی موجودہ تعداد 41484 ہے جو گوشواروں کے ساتھ کچھ ٹیکس ادا کر رہے ہیں۔
موجودہ ترمیم کے تحت سیلز ٹیکس رجسٹرڈ فرد سے خریداری کی صورت میں خریدار کی محدود مواقع پر شناختی کارڈ کی دستیابی ضروری ہو گی۔
شناختی کارڈ کی فراہمی کا قطعاً یہ مطلب نہیں کہ خریدار بھی سیلز ٹیکس رجسٹرڈ فرد ہو۔
قانون پچاس ہزار سے کم مالیت کی خریداری کی صورت میں شناختی کارڈ کی دستیابی کو لازمی قرار نہیں دیتا۔کاروبار کی ترویج کے لئے قانون میں لچک موجود ہے۔
اگر خریدار بیچنے والے کو غلط شناختی کارڈ فراہم کرتا ہے تو بیچنے والے کی نیک نیتی پر بیچی گئی اشیاء پر جرمانہ لاگو نہ ہو گا۔چھوٹے اور درمیانے درجے کے ریٹیلرز جن کے لئے قوانین زیر تجویز ہیں وہ سیلز ٹیکس کے دائرہ کار میں نہیں آتے ان پر اس قانون کا اطلاق نہیں ہوتا۔
اس قانون کا اطلاق بزنس ٹو بزنس ٹرانزیکشنز اور پچاس ہزار سے زائد مالیت کی ٹرانزیکشنز جو کہ سیلز ٹیکس رجسٹرڈ فرد کے ساتھ کی گئی ہو پر عائد ہوتا ہے۔
قانون کا مقصد جعلی کاروبار کی روک تھام ہے۔ جس کی وجہ سے سیلز ٹیکس سے ملنے والے ریوینیو میں خسارہ ہوتا ہے۔
اس قانون کو قطعاً کاروباری افراد کو ہراساں اور کاروباری ٹرانزیکشنز میں رکاوٹ ڈالنے کے لیے استعمال نہیں کیا جائے گا۔
چیف کمشنر کی اجازت کے بغیر کوئی ایکشن نہیں لیا جائے گا۔خاتون خریدار اپنے شوہر یا باپ کا شناختی کارڈ استعمال کر سکے گی۔
کم آمدن افراد کیلیے گھر تیسری قسط کی عدم ادائیگی پر ضبط ہو سکیں گے
Heart meetJuly 19, 2019کم آمدن افراد کیلیے گھر تیسری قسط کی عدم ادائیگی پر ضبط ہو سکیں گے
No comments
![](https://img2.blogblog.com/img/icon18_edit_allbkg.gif)
پہلے سے قرض پر گھر بنانے والے افراد بھی پالیسی سے فائدہ اٹھا سکیں گے، پالیسی کا نفاذ صدارتی ا?رڈیننس کے ذریعے ہوگا
اسلام آباد(ایچ ایم نیوز )وفاقی حکومت کی جانب سے کم ا?مدن افراد کو گھروں کی فراہمی کیلئے رہن کی پالیسی نافذ کرنے کا فیصلہ کر کیاگیا ہے۔کابینہ نے گزشتہ روز مورٹگیج پالیسی کی منظوری دی۔ اس پالیسی کے تحت آسان اقساط پر گھر بنانے کیلیے قرضے فراہم کیے جائیں گے۔ صدارتی آرڈیننس کے ذریعے پالیسی کا نفاذ عمل میں لایا جائے گا۔پالیسی کے تحت کمرشل بینک آسان شرائط پر قرضے فراہم کریں گے۔مارٹگیج پالیسی کے تحت قرض عدم ادائیگی کی صورت میں تین نوٹسز دیئے جائیں گے ،تین نوٹسز کے باوجود قرض کی ادائیگی نہ کرنے والے کی جائیداد ضبط کی جاسکے گی۔اس کے علاوہ پہلے سے قرض پر گھر بنانے والے افراد بھی پالیسی سے فائدہ اٹھا سکیں گے جب کہ صدارتی ا?رڈیننس کے ذریعے پالیسی کا نفاذ عمل میں لایا جائے گا۔
ایل این جی یونٹس کی درآمد پر عائد ٹیکس ختم کردیا گیا
ایف بی آ نے ڈیوٹیز اور ٹیکس ختم کرنے کیلیے اسٹیچوٹری ریگولیٹری آرڈر ( ایس ا?ر او) جاری کردیا
اسلام آباد(ایچ ایم نیوز) حکومت نے ایل این جی ٹرمینلز کے لیے نئے فلوٹنگ اسٹوریج اینڈ ری گیسی فکیشن یونٹس( FSRUs ) کی درآمد پر عائد ڈیوٹیز اور ٹیکس ختم کردیے۔ پورٹ قاسم پر تعمیر شدہ موجودہ ایل این جی ٹرمینل کی ہینڈلنگ کی گنجائش690 ملین کیوبک فیٹ یومیہ ( mmcfd ) ہے، جب کہ نئے FSRU کی گنجائش 790 ایم ایم سی ایف ڈی ہوگی۔ فیڈرل بورڈ آف ریونیو نے ایل این جی یونٹس کی عارضی درآمد پر عائد ڈیوٹیز اور ٹیکس ختم کرنے کے لیے آئینی ریگولیٹری آرڈر ( ایس آ او) جاری کردیا ہے۔اعلیٰ حکام کے مطابق پاکستان کو مستقل کی درآمدات کے لیے آن شور ایل این جی ٹرمینل قائم کرنے چاہییں۔ حکومت سسٹم میں ایل این جی کی 200 ایم ایم سی ایف ڈی گنجائش بڑھانے کا ارادہ رکھتی ہے۔ اس کے لیے آئندہ ہفتے بولی طلب کی جائے گی۔علاوہ ازیں حکومت نئے فلوٹنگ یونٹ کی اضافی گنجائش کا بھی استعمال کرسکتی ہے۔ دوسرے ایل این جی ٹرمینل کی ہینڈلنگ کی گنجائش 790 ایم ایم سی ایف ڈی ہے۔ اس وقت دونوں ایل این جی ٹرمینل 1100 ایم ایم سی ایف ڈی سے زائد گیس ہینڈل کررہے ہیں۔ اس مقدار کا 790 ایم ایم سی ایف ڈی پاور سیکٹر اور 180 ایم ایم سی ایف ڈی کھاد سازی کی صنعت استعمال کررہی ہے۔پاکستان اسٹیٹ آئل اس وقت قطر سے 500 ایم ایم سی ایف ڈی ایل این جی درآمد کررہی ہے۔ پاکستان ایل این جی لمیٹڈ ( پی ایل ایل ) نے 200 ایم ایم سی ایف ڈی گیس کی درآمد کے مختصر اور طویل مدتی معاہدے کررکھے ہیں جب کہ بقیہ 400ایم ایم سی ایف ڈی ایل این جی اسپاٹ کنٹریکٹ کے ذریعے خریدی جارہی ہے۔
تجارت کی ا?ڑ میں منی لانڈرنگ کرنیوالوں کیلیے قانونی شکنجہ
ڈائریکٹر جنرل کسٹمز ویلیو ایشن ان کی نشاندہی رپورٹ دیں گے جس کی بنیاد پر سخت کارروائی کی جائے گی
اسلام آباد(ایچ ایم نیوز )تجارت کی آڑ میں منی لانڈرنگ کرنے والے برآمد کنندگان و تاجروں کو قانونی شکنجے میں لانے کا فیصلہ کر لیا گیا۔چیئرمین ایف بی آر شبر زیدی کی ہدایت پر تجارت کی آڑ میں منی لانڈرنگ، قیمتوں کی غلط بیانی، غلط گوشوارے اور غلط رسیدیں دینے والے برآمد کنندگان و تاجروں کو قانونی شکنجے میں لانے کا فیصلہ کر لیا گیا۔ڈائریکٹر جنرل کسٹمز ویلیو ایشن ان کی نشاندہی رپورٹ دیں گے جس کی بنیاد پر سخت کارروائی کی جائے گی، ذرائع کے مطابق قیمتوں میں غلط بیانی کے نتیجے میں ترسیلات زر و غیر ملکی زرمبادلہ کا شدید نقصان ہوتا ہے۔
این آئی اے کی طرف سے روزنامہ کشمیر ریڈر کے ایڈیٹر سے پوچھ گچھ
محمد حیات بٹ کے کشمیری آزادی پسند گروپوں کے ساتھ قریبی رابطے ہیں‘ این آئی اے کے اعلیٰ عہدیدارکا دعویٰ
نئی دلی(ایچ ایم نیوز )بھارت کے بدنام زمانہ تحقیقاتی ادارے این آئی اے نے سرینگر سے شائع ہونیوالے انگریزی روزنامہ کے مالک اور ایڈیٹر حاجی محمد حیات بٹ سے نئی دلی میں اپنے ہیڈ کوارٹر میں پوچھ گچھ کی ہے ۔ کشمیرمیڈیاسروس کے مطابق این آئی اے حکام نے میڈیا کو بتایا ہے کہ انگریزی روزنامہ کشمیر ریڈر کے ایڈیٹر محمد حیات بٹ پوچھ گچھ کیلئے منگل کو نئی دلی میں این آئی اے ہیڈ کوارٹر میں پیش ہوئے تھے اوران سے سوالات کا سلسلہ اب بھی جاری ہے۔ این آئی اے نے دعویٰ کیاہے کہ محمد حیات نے جو ایک چھوٹی سی ایڈورٹائزنگ ایجنسی چلاتے تھے 2012میں کسی دوسرے ملک کی مالی مدد سے روزنامہ کشمیر ریڈر شروع کیا۔ میونسپل کارپوریشن کے ایک عہدے دار کے مطابق محمد حیات نے2007میں انتہائی کم معاوضے کے عوض پورے سرینگر شہر میں تقریبا150مقامات پر دس برس کیلئے سرکاری اشتہارات کی غرض سے سرینگر میونسپل کارپوریشن کے بل بورڈز نصب کرنے کا ٹھیکہ دیاگیا۔ این آئی اے کے ایک اعلیٰ عہدے دار نے دعویٰ کیا ہے کہ محمد حیات بٹ کے کشمیری آزادی پسند گروپوں کے ساتھ قریبی رابطے ہیں اور اپنے روزنامہ کیلئے انہوںنے جہاد سے وابستہ صحافیوں کو کام پر رکھا ہو اہے جو اب کشمیر پریس کلب کے ایگزیکٹو اراکین بن چکے ہیں ۔ ذرائع کے مطابق این آئی اے چند ایڈیٹروں کی طرف سے کشمیر ایڈیٹرز گلڈ کے قیام کا جائزہ لے رہا ہے ۔
بھارتی پولیس نے سرکاری افسر کو سرینگر جموں شاہرا ہ پر روک کروالد کا جسد خاکی تدفین کیلئے سرینگر نہیں لے جانے دیا
Heart meetJuly 19, 2019بھارتی پولیس نے سرکاری افسر کو سرینگر جموں شاہرا ہ پر روک کروالد کا جسد خاکی تدفین
No comments
![](https://img2.blogblog.com/img/icon18_edit_allbkg.gif)
سرینگر(ایچ ایم نیوز )مقبوضہ کشمیر میں ایک سینئر سرکاری افسر نے کہا ہے کہ وہ نئی دلی میں جاںبحق ہونے والے اپنے والد کا جسد خاکی تدفین کیلئے سرینگر لے جا رہے تھے مگر سرینگر جموں شاہراہ پر تعینات بھارتی پولیس اہلکاروں نے انہیں آگے جانے کی اجازت نہیں دی۔ کشمیر میڈیاسروس کے مطابق ڈائریکٹر مالیات امتیاز وانی نے سماجی رابطوں کی سائٹ ’فیس بک ‘ پر لکھا کہ بھارتی پولیس اہلکاروںنے انہیں نگروٹہ سے آگے ایک جگہ روک لیا اور آگے جانے سے منع کیا۔ انہوںنے لکھا کہ امرناتھ یاترا کی وجہ سے کشمیریوں کے تمام شہری حقوق معطل ہیں ۔ امتیا ز وانی نے استفسار کیا کہ وہ ایک سرکاری افسر ہے لیکن اسکے باوجود انہیں سرینگر جموں شاہراہ پر روک لیا گیا اور اس بات سے اندازہ لگایا جاسکتا ہے کہ ایک عام کشمیری کس قدر مشکلات سے دوچار ہو گا۔ انہوںنے کہا کہ بھارتی پولیس کے انسپکٹر راکیش نے انہیں واضح کہا کہ جسد خاکی کو آگے لے جانے نہیں دیا جائے گا۔ یاد رہے کہ قابض انتظامیہ نے امرناتھ یاترا کے دوران سرینگر جموں شاہراہ پر عام لوگوں کی نقل و حرکت اور سویلین ٹریفک کی آمد ورفت پر پابندی عائد کر رکھی ہے۔
پیپلز موومنٹ کی طرف سے فوجی گاڑی کی ٹکر سے ایک خاتون اور اسکی بھتیجی کے قتل کی مذمت
Heart meetJuly 19, 2019پیپلز موومنٹ کی طرف سے فوجی گاڑی کی ٹکر سے ایک خاتون اور اسکی بھتیجی کے قتل کی مذمت
No comments
![](https://img2.blogblog.com/img/icon18_edit_allbkg.gif)
جموں(ایچ ایم نیوز )مقبوضہ کشمیرمیںکل جماعتی حریت کانفرنس کی اکائی جموںوکشمیر پیپلز موومنٹ نے ضلع راجوری مین بھارتی فوج کی ایک گاڑی کی ٹکر سے ایک خاتون اور اسکی سات سالہ بھتیجی کے قتل کی شدید مذمت کی ہے ۔ کشمیرمیڈیاسروس کے مطابق ضلع کے علاقے لام نوشہرہ میںبھارتی فوج کی ایک تیز رفتار گاڑی کی ٹکر سے 35سالہ کنیز بیگم اور اسکی سات سالہ بھتیجی روبیہ کوثر جاںبحق ہو گئی تھیں۔ کل جماعتی حریت کانفرنس کے رہنماء اور پیپلز موومنٹ کے چیئرمین میر شاہد سلیم نے جموں سے جاری ایک بیان میں اس واقعے میں ملوث فوجی ڈرائیور کے خلاف سخت کارروائی کا مطالبہ کرتے ہوئے انتظامیہ پر زوردیا کہ وہ اس بات کو یقینی بنائے کے مستقبل میں اس طرح کا واقعہ دوبارہ پیش نہ آئے ۔
بھارت نے مقبوضہ کشمیرکوفرقہ وارانہ بنیادوںپر تقسیم کرنے کے منصوبے پر عمل درآمد کا آغاز کر دیا
Heart meetJuly 19, 2019بھارت نے مقبوضہ کشمیرکوفرقہ وارانہ بنیادوںپر تقسیم کرنے کے منصوبے پر عمل درآمد کا آغاز کر دیا
No comments
![](https://img2.blogblog.com/img/icon18_edit_allbkg.gif)
جموں(ایچ ایم نیوز )مقبوضہ کشمیرمیں بھارت نے وادی کشمیر میں مہاجر ہندو پنڈتوں کیلئے علیحدہ کالونیاں قائم کرنے کے ذریعے جموںوکشمیر کو فرقہ وارانہ بنیادوں پر تقسیم کرنے کے اپنے منصوبے پر عمل درآمد کا آغاز کردیا ہے ۔ کشمیرمیڈیاسروس کے مطابق گورنر ستیا پال ملک کی سربراہی میں اسٹیٹ ایڈمینسٹریٹو کونسل نے وادی کشمیر کے مختلف اضلاع میں 1680فلیٹوںپر مشتمل ٹرانزٹ کیمپوںکی تعمیر شروع کرنے کے عمل کا آغاز کردیا ہے ۔ قابض انتظامیہ نے ریلیف اینڈ ری ہیب لیٹیشن آرگنائزیشن اور جموںوکشمیر پروجیکٹس کنسٹرکشن کارپوریشن کو منصوبہ بندی ، ترقی اور نگرانی کے محکمے سے ضروری فنڈز کی منصوری اور تاخیر کے شکار منصوبے کی راہ میں حائل رکاوٹیں دور کرنے کیلئے ایک پریزنٹیشن پیش کرنے کی ہدایت کی ہے ۔ سرکاری ذرائع نے میڈیا کو بتایا ہے کہ پبلک ورکس ڈیپارٹمنٹ کے انجینئروں کی طرف سے تیار کی گئی منصوبے کی چھ تفصیلی رپورٹوںکا جائزہ لیاگیا ہے ۔ ان میںبارہمولہ کے علاقے خواجہ باغ میں 336فلیٹ،کپواڑہ کے علاقے مغل پورہ میں 288، شوپیاں کے علاقے Padpawanمیں 192، بانڈی پورہ کے علاقے اوڈینہ سنبل میں480، گاندربل کے علاقے وند ہامہ میں192اور اسلام آباع کے علاقے مرہامہ میں192فلیٹوںکی تعمیر شامل ہے۔
ایاز اکبر کے اہلخانہ کی طر ف سے انکی فوری رہائی کا مطالبہ
تہاڑ جیل میں نظربند مختلف عارضوں میں مبتلا ایاز اکبر کی درخواست کی سماعت 25جولائی مقرر
سرینگر(ایچ ایم نیوز )مقبوضہ کشمیرمیںکل جماعتی حریت کانفرنس کے غیر قانونی طورپر نظربند رہنماء ایاز محمد اکبر کے اہلخانہ نے ان کی فوری رہائی کا مطالبہ کیا ہے تاکہ وہ کینسر سمیت مختلف عارضوں میں مبتلا اپنی اہلیہ کی دیکھ بھال کر سکیں۔ کشمیرمیڈیاسروس کے مطابق نئی دلی کی بدنام زمانہ تہاڑ جیل میں نظربند ایاز اکبر کے اہلخانہ نے دو برس قبل انکی ضمانت پر رہائی کیلئے درخواست دائر کی تھی اور 25جولائی کو سماعت کیلئے مقرر کی گئی ہے ۔ ایاز اکبر کے اہلخانہ کا کہنا ہے کہ انہیں اپنی اہلیہ کی بگڑتی ہوئی صحت کے پیش نظر رہا کیاجانا چاہیے ۔ ڈاکٹروں کے مطابق ایاز اکبر کی اہلیہ کینسر جیسے مہلک مرض میں مبتلا ہیں ۔ ایاز اکبر کے بیٹے سرور احمد نے کہا ہے کہ انہوںنے اپنے والد کی عبوری ضمانت پر رہائی کیلئے درخواست دائر کی تھی جو کہ 25جولائی کو سماعت کیلئے مقرر کی گئی ہے ۔ واضح رہے کہ بھارتی تحقیقاتی ادارے این آئی اے نے 24جولائی 2017کو انکے خلاف درج ایک جھوٹے مقدمے میںایازاکبر کو دیگر حریت رہنمائوں کے ہمراہ گرفتار کر کے نئی دلی منتقل کردیاتھا ۔ بعدازاں انہیں تہاڑ جیل منتقل کردیا گیا۔
احتساب عدالت نے مریم نواز کے خلاف نیب کی درخواست خارج کردی
جعلی ٹرسٹ ڈیٹ کا الزام فرد جرم سے حذف کردیا گیا تھا، نیب بتائے اس الزام پر مزید کیا چاہتے ہیں، جج محمد بشیر
فرد جرم سے الزام مریم نواز کی درخواست پر حذف کیا گیا، عدالت نے کہا تھا جعلی دستاویزات کا معاملہ فیصلے کے بعد دیکھا جائے گا، نیب پراسیکیوٹر
عدالت کے پاس اختیار ہے کہ وہ کسی بھی وقت کارروائی کر سکتی ہے، عدالتی حکم نامہ موجود ہونے پر 30 دن میں کارروائی کی پابندی نہیں، مظفر عباسی
یہ اپیل ہائی کورٹ میں زیر سماعت ہے، یہ عدالت اس پر کوئی کارروائی نہیں کرسکتی، جب کبھی اپیل پر فیصلہ اذئے گا تو اسے دیکھیں گے، جج محمد بشیر
اسلام آباد (ایچ ایم نیوز) احتساب عدالت اسلام آباد نے سابق وزیر اعظم نواز شریف کی صاحبزادی مریم نواز کے خلاف قومی احتساب بیورو (نیب) کی جانب سے دائر کردہ جعلی ٹرسٹ ڈیڈ سے متعلق درخواست خارج کردی۔تفصیلات کے مطابق اسلام آباد کی احتساب عدالت نے ایون فیلڈ ریفرنس میں سزا سنائے جانے کے تقریباً ایک سال بعد مریم نواز کو ان جائیدادوں کی جعلی' ٹرسٹ ڈیڈ پیش کرنے پر 19 جولائی کو طلبی کا نوٹس جاری کیا جس پر پاکستان مسلم لیگ (ن) کی نائب صدر مریم نواز اسلام آباد کی احتساب عدالت پہنچی تھیں، عدالت میں ہونے والی سماعت کے پیش نظر خصوصی سیکیورٹی کے انتظامات کیے گئے اور پولیس اور رینجرز کی بڑی تعداد عدالت کے اطراف موجود رہی تھی۔احتساب عدالت کے جج محمد بشیر نے نیب کی دائر کردہ درخواست پر سماعت کی، اس دوران ڈپٹی پراسیکوٹر جنرل نیب سردار مظفر اور مریم نواز کے وکیل امجد پرویز پیش ہوئے۔دوران سماعت نیب پراسیکیوٹر نے کہا کہ ایون فیلڈ ریفرنس میں مریم نواز کی ٹرسٹ ڈیڈ جعلی تھی۔انہوں نے کہا کہ عدالت کا دائرہ اختیار نہیں جبکہ یہ عدالت کا انتہائی خصوصی دائرہ اختیار ہے، اس پر عدالت میں موجود مریم نواز نے کہا کہ عدالت کویاد دلانے میں آپ کوایک سال کاعرصہ کیوں لگا؟۔اس پر نیب پراسیکیوٹر نے کہا کہ وہی عدالت کو بتارہا ہوں جس پر مریم نواز نے کہا کہ تھوڑی سی دیر کردی بس ایک سال، اس پر واپس جواب دیتے ہوئے نیب پراسیکیوٹر نے کہا کہ دیر آئے درست آئے۔نیب پراسیکیوٹر کے جواب پر مریم نواز کے وکیل امجد پرویز نے کہا کہ ہر وقت بندہ درست نہیں آتا، عدالت نے خود اپنے اختیار کا استعمال کرتے ہوئے جعلی دستاویز پر مریم نواز کو کوئی نوٹس جاری نہیں کیا، لہٰذا نیب اپیل کا حق فیصلے کے 30دن بعد کھو چکا ہے کیونکہ کارروائی کیلئے درخواست 30 دن کے اندر ہی دی جاسکتی تھی۔اس پر جج محمد بشیر نے ریمارکس دیے کہ جعلی ٹرسٹ ڈیٹ کا الزام فرد جرم سے حذف کردیا گیا تھا، نیب بتائے اب اس الزام پر مزید کیا چاہتے ہیں، جس پر نیب پراسیکیوٹر نے کہا کہ فرد جرم سے الزام مریم نواز کی درخواست پر حذف کیا گیا، عدالت نے کہا تھا جعلی دستاویزات کا معاملہ فیصلے کے بعد دیکھا جائے گا۔اس دوران سردار مظفر نے ایون فیلڈ ریفرنس کا حکم نامہ عدالت کو پڑھ کر سنایا اور کہا کہ عدالت کے پاس اختیار ہے کہ وہ کسی بھی وقت کارروائی کر سکتی ہے، عدالتی حکم نامہ موجود ہونے پر 30 دن میں کارروائی کی پابندی نہیں ہے بعد ازاں عدالت نے دلائل مکمل ہونے کے بعد درخواست پر فیصلہ محفوظ کرلیا، جسے کچھ دیر بعد سناتے ہوئے نیب کی درخواست کو ناقابل سماعت قرار دیتے ہوئے خارج کردیا گیا۔بی این پی کے مطابق احتساب عدالت کے جج نے ریمارکس دیے کہ یہ اپیل ہائی کورٹ میں زیر سماعت ہے، یہ عدالت اس پر کوئی کارروائی نہیں کرسکتی، جب کبھی اپیل پر فیصلہ آئے گا تو اسے دیکھیں گے۔خیال رہے کہ احتساب عدالت کے جج محمد بشیر نے گزشتہ سال 6 جولائی کو سابق وزیر اعظم نواز شریف اور ان کی بیٹی مریم نواز کو ایون فیلڈ پراپرٹیز ریفرنس میں بالترتیب 10 سال اور 7 سال قید کی سزا سنائی تھی۔اپنے فیصلے میں جج محمد بشیر نے قرار دیا تھا کہ ایون فیلڈ جائیدادوں سے متعلق ملزمہ مریم نواز کی پیش کردہ ٹرسٹ ڈیڈ بھی جعلی ثابت ہوئی جبکہ اس جعلی ڈیڈ کے حوالے سے ان کے کردار پر انہیں مجرم قرار دیا جاتا ہے اور 7 سال قید بامشقت اور 20 لاکھ پاؤنڈ جرمانے کی سزا سنائی جاتی ہے۔بعد ازاں اس سزا کے خلاف مریم نواز نے اسلام آباد ہائی کورٹ سے رجوع کیا تھاجس نے مسلم لیگ (ن) کی نائب صدر کی سزا معطل کردی تھی۔جس کے بعد نیب نے اس فیصلے کو سپریم کورٹ میں بھی چیلنج کیا گیا تھا، جہاں یہ اپیلیں مسترد ہوگئیں تھیں تاہم نیب کے ڈپٹی پراسیکیوٹر جنرل سردار مظفر خان عباسی نے 9 جولائی 2019 کو احتساب عدالت میں درخواست جمع کرائی جس میں مریم نواز کے خلاف عدالت میں لندن جائیدادوں کی جعلی ٹرسٹ ڈیڈ پیش کرنے پر کارروائی کی استدعا کی گئی۔نیب کی درخواست میں کہا گیا کہ معزز عدالت تمام شواہد کا جائزہ لینے کے بعد اس نتیجے پر پہنچی اس لیے یہ ظاہر ہے کہ جواب دہندہ نے بدنیتی سے من گھڑت اور جھوٹا ثبوت معلومات جمع کرائی جس کا مقصد عدالت کو گمراہ کرنا اور انصاف کی راہ میں رکاوٹ حائل کرنا تھا۔جج محمد بشیر نے پراسیکیوٹر سے معلوم کیا کہ کن بنیادوں پر عدالت معاملے کر آگے بڑھا سکتی ہے، جس پر سردار مظفر خان عباسی نے کہا کہ جج کو اختیار ہے کہ وہ قومی احتساب آرڈیننس 1999 کے سیکشن 30 کے تحت مریم نواز کے خلاف کارروائی کا آغاز کر سکتے ہیں، جسے آرڈیننس کے شیڈول کے سیریل نمبر 3 کے ساتھ پڑھا جاتا ہے۔
٭٭٭٭٭
دھرمیندر نے ہیمامالنی کا مذاق اڑانے پر معافی مانگ لی
سوشل میڈیا پرہیما مالنی کو جھاڑو لگانے کے نام پر ڈراما کرنے پر شدید تنقید کا نشانہ بنایاگیا
ممبئی(ایچ ایم نیوز) ماضی کے نامور بالی ووڈ اداکار دھرمیندر نے اپنی اہلیہ اور سیاستدان ہیمامالنی کا مذاق اڑانے پر معافی مانگ لی۔چند روز قبل ہیمامالنی کی ایک ویڈیو منظر عام پر آئی تھی جس میں وہ بھارتی پارلیمنٹ کے باہر دیگر سیاستدانوں کے ہمراہ جھاڑو لگارہی تھیں۔ تاہم ان کا جھاڑو لگانے کا انداز ایسا تھا جیسے ان سے زبردستی یہ کام کرایا جارہا ہو، سوشل میڈیا پر بھی انہیں جھاڑو لگانے کے نام پر ڈراما کرنے پر شدید تنقید کا نشانہ بنایاگیا۔تاہم ہیمامالنی کا مذاق اڑانے والوں میں صرف سوشل میڈیا صارفین ہی نہیں بلکہ ان کے شوہر اداکار دھرمیندر بھی شامل تھے۔ ٹوئٹر پر جب دھرمیندر سے ہیمامالنی کے جھاڑو لگانے سے متعلق پوچھا گیا تو انہوں نے کہا ہاں ہیما نے فلموں میں جھاڑو لگائی ہے تاہم پارلیمنٹ کے باہر جھاڑو لگاتے وقت مجھے بھی اناڑی لگ رہی تھی۔دھرمیندر نے مزید کہا مگر میں بچپن میں اپنی ماں کے ساتھ ہمیشہ ہاتھ بٹایا کرتاتھا اور میں صفائی بہت اچھی کرتاہوں۔ لیکن اب دھرمیندر نے اپنی اس ٹوئٹ پر معافی مانگتے ہوئے کہا ہے کچھ بھی کہہ بیٹھتا ہوں اور میرے یار لوگ کچھ بھی سمجھ بیٹھتے ہیں، توبہ توبہ اب کبھی نہ کروں گا۔ اس کے ساتھ دھرمیندر نے اپنی پرانی فلم کی ایک تصویر بھی شیئر کی جس میں وہ ہاتھ جوڑے ہوئے ہیں۔
لیجنڈ اداکار، پروڈیوسر اور گلوکار ندیم بیگ نے زندگی کی 78بہاریں دیکھ لیں
Heart meetJuly 19, 2019لیجنڈ اداکار، پروڈیوسر اور گلوکار ندیم بیگ نے زندگی کی 78بہاریں دیکھ لیں
No comments
![](https://img2.blogblog.com/img/icon18_edit_allbkg.gif)
نصف صدی بعد بھی اداکار ندیم بیگ فن کے افق پر ایک ستارے کی طرح جگمگا رہے ہیں
لاہور (ایچ ایم نیوز) شائقین کے دلوں میں بسنے والے عظیم اداکار پروڈیوسر اور گلوکار ندیم بیگ نے زندگی کی 78بہاریں دیکھ لیں۔عظیم فنکار ندیم بیگ فلمی دنیا کا ایک جگمگاتا ستارہ ہیں، ندیم بیگ کا سحرانگیز کیرئیرفلم چکوری سے شروع ہوا۔ اداکاری کے ساتھ ندیم بیگ نے گلوکاری کا شوق بھی پورا کیا۔ندیم اور شبنم کی رومانوی جوڑی سپر ہٹ رہی، مہدی حسن اور احمد رشدی کے کئی مشہور نغمیاداکار پر ہی فلمائے گئے۔ نصف صدی بعد بھی اداکار ندیم بیگ فن کے افق پر ایک ستارے کی طرح جگمگا رہے ہیں۔
شادی کے بعد زندگی میں بڑی تبدیلیاں رونما ہوئی ہیں ‘ ریما خان
شوبز میں کام کرتے ہوئے کبھی کسی کیلئے برا نہیں سوچابلکہ رہنمائی کرتی ہوں
لاہور(ایچ ایم نیوز)نامور اداکارہ ریما خان نے کہا ہے کہ شوبز میں کام کرتے ہوئے کبھی کسی کیلئے برا نہیں سوچا بلکہ اپنی دانست کے مطابق دوسروں کی رہنمائی ہی کی ہے، مرد ہو یا عورت شادی کے بعد ان میں احساس ذمہ داری زیادہ ہو جاتا ہے اور شادی کے بعد زندگی میں بڑی تبدیلیاں رونما ہوئی ہیں۔ ایک انٹر ویو میں ریما نے کہا کہ انسان کو پتھر کی طرح نہیں بلکہ دریا کی طرح ہونا چاہیے ، پتھر نہ صرف راستے کی رکاوٹ ہوتا ہے بلکہ خود بھی آگے نہیں بڑھتا جبکہ دریا میں انتہائی وسعت ہوتی ہے اور وہ آگے بڑھتا ہے ۔ کبھی کسی کے کیرئیر میں رکاوٹ نہیں بنی بلکہ دوسروں کی کامیابی پر ہمیشہ خوشی کا اظہار کیا ہے اور اسے آگے بڑھنے میں بھی مدد دی ہے ۔ ریما نے کہا کہ شادی سے پہلے آپ کی اپنی زندگی ہوتی ہے اور آپ اپنے فیصلے خود کرتے ہو لیکن شادی کے بعد آپ کو بڑی سوچ بچار کیساتھ فیصلے کرنا ہوتے ہیں۔ آپ کو اپنے ہمسفر کے ساتھ قدم سے قدم ملا کر چلنا ہوتا ہے ،اس میں آگے نکل جانا بھی بہتر نہیں اور پیچھے رہ جانا بھی زندگی میں خلل ڈالتا ہے ۔
دنیا کو دہشت زدہ کردینے والے جوکر کی ایک بار پھر واپسی
’’اٹ چیپٹر 2‘‘ رواں سال 6 ستمبر کو دنیا بھر میں ریلیز کی جائے گی
نیویارک (ایچ ایم نیوز)2017 کی ہارر فلم اٹ کے سیکوئل کا فائنل ٹریلر جاری کردیا گیا ہے اور اس سے معلوم ہوتا ہے کہ اس بار یہ خوفناک جوکر کتنی دہشت پھیلانے والا ہے۔اس فلم کے پہلے ٹریلر میں کچھ زیادہ نہیں دکھایا گیا تھا مگر اس ٹریلر میں کہانی کا کسی حد تک اندازہ لگایا جاسکتا ہے۔پہلی فلم کی کہانی ایک چھوٹے قصبے کے گرد گھومتی ہے جہاں سات بچے جنھیں لوزر کلب کے نام سے جانا جاتا ہے، کو زندگی کے مسائل، بدزبانیوں اور ایک عفریت کا سامنا ہوتا ہے جو کہ ایک جوکر کا روپ اختیار کرکے انہیں دہشت زدہ کرتا ہے۔جس کو وہ شکست دے دیتے ہیں مگر اب 27 سال بعد وہ اس قصبے میں واپس لوٹتے ہیں تو یہ جوکر ایک بار پھر ان کا خیرمقدم کرتا ہے۔خوفناک جوکر پینی وائز کے مرکزی کردار پر مبنی اس فلم میں یہ کردار بل سکارسگرڈ ادا کررہے ہیں جبکہ جیسیکا چیسٹن، جیمز کیکاوے، جے ریان، بل ہارڈر، عیسیٰ مصطفیٰ، جیمز رینسن اور اینڈی بین لوزر کلب کے بچوں کے بالغ روپ میں نظر آئیں گے۔اس نئی فلم میں ہارر فلموں کی تاریخ کا سب سے خونی سین بھی شامل کیا جارہا ہے اور اداکارہ جیسیکا چیسٹن گزشتہ روز سان ڈیاگو کامک کون میں اس بارے میں بتایا 'جب ڈائریکٹر نے پہلی بار اس سین کے بارے میں بات کی تو میں نے سوچا کہ یہ بہت زبردست ہے اور میں پرجوش ہوگئی۔انہوں نے مزید کہا مگر پھر ڈائریکٹر نے کہا کہ خون تمہارے کندھوں تک آجائے گا تو میں سن کر شاک رہ گئی۔واضح رہے کہ معروف مصنف اسٹیفن کنگ کے ناول ’’اٹ‘‘ کو 1990 میں بھی فلمایا جاچکا ہے اور 2017 میں اس کا ریمیک بنایا گیا تھا جبکہ اب اس ریمیک کا سیکوئل تیار ہورہا ہے جبکہ ڈائریکٹر نے جوکر کے کردار کا پریکوئیل بنانے کا عندیہ بھی دیا ہے
فنکار صرف فن کے ذریعے ہی شہرت حاصل کرتے ہیں ،تابندہ علی
بعض اداکارائیں شہرت حاصل کرنے کیلئے بیہودہ لباس اور نازیبا جملے استعمال کرتی ہیں
لاہور(ایچ ایم نیوز )فنکار صرف فن کے ذریعے ہی شہرت حاصل کرتے ہیں بعض اداکارائیں شہرت حاصل کرنے کیلئے بیہودہ لباس اور نازیبا جملے استعمال کرتی ہیں ان خیالات کا اظہار فلم اور سٹیج کی معروف اداکارہ تابندہ علی نے ہمارے نمائندے سے گفتگو میں کیا انہوں نے کہا کہ میں اس وقت کامیابیوں کی بلندیا کے دور سے گزر رہی ہوں اور میں نے بڑی جدوجہد اور محنت سے موجودہ مقام حاصل کیا ہے اور ان کامیابیوں کا تسلسل قائم رکھنے کیلئے مزید محنت اور لگن سے کام کر رہی ہوں ،ایک سوال کے جواب میں تابندہ علی نے کہا کہ جو اداکارائیں شہرت اور پیسہ کی خاطر فحش کام کرتی ہیں یہ باقی اداکاروں کی بندنامی کا باعث بنتی ہیں جو کسی طور مناسب نہیں ۔
یادیں راشد علی کی گانا نمبر 15ریلیز کر دیا گیا
سو گانے تک راشد علی کے گانوں کی ریلیز کا سلسلہ مسلسل جاری رہے گا
لاہور(ایچ ایم نیوز )یادیں راشد علی کی گانا نمبر 15ریلیز کر دیا گیا۔تفصیلات کے مطابق پاکستان کے معروف گلوکار راشد علی جن کی وفات کو 2سال ہونے والے ہیں ان کی یاد میںان کی زندگی میں سوشل میڈیاپر ان کے نا ریلیز ہونے والے گانوں کو سوشل میڈیا کے ست رنگ نیو ز یوٹیوب چینل پر ریلیز کیا جارہا ہے ،یادیں راشد علی کی کے نام سے ان کے15گانے ریلیز ہو چکے ہیں اور راشد کے مزید گانوں کی ریلیز کا سلسلہ مسلسل جاری ہے گانا نمبر 16آج ریلیز کیا جائے گا ، یہ گانے راشد علی کے بھائی اختر علی اور راشد علی کے شگرد خاص شمریز علی کے تعاون اور ان کے پرستاروں کی بھر پور فرمائش پر ریلیز کیے جا رہے ہیں ۔
اقوام متحدہ نے چینی فوج کے 140 افسران اور جوانوں کو امن میڈل سے نواز دیا
Heart meetJuly 19, 2019اقوام متحدہ نے چینی فوج کے 140 افسران اور جوانوں کو امن میڈل سے نواز دیا
No comments
![](https://img2.blogblog.com/img/icon18_edit_allbkg.gif)
بیجنگ(ایچ ایم نیوز)اقوام متحدہ کی طرف سے سوڈان کے علاقے ڈارفور میں امن مشن میں چینی فوج کے خدمات سرانجام دینے والے 140 افسران اور جوانوں کو اقوام متحدہ کے امن میڈل سے نواز گیا ہے۔ عالمی ادارے کی نمائندہ خصوصی برائے امن مشن Anita Kiki Gebe نے ڈارفور میں منعقدہ خصوصی تقریب کے دوران امن میڈل چینی فوج کے افسران اور جوانوں کو عطا کیئے۔ اس موقع پر انہوں نے سوڈان میں امن و امان کے قیام کے حوالے سے چینی ہیلی کاپٹر یونٹ کے جرات مندانہ اقدامات کو سراہا۔
چین یورپی یونین کے ساتھ اپنے تعلقات کو انتہائی اہمیت دیتا ہے، چینی وزیراعظم
Heart meetJuly 19, 2019چین یورپی یونین کے ساتھ اپنے تعلقات کو انتہائی اہمیت دیتا ہے، چینی وزیراعظم
No comments
![](https://img2.blogblog.com/img/icon18_edit_allbkg.gif)
بیجنگ(ایچ ایم نیوز)چینی وزیراعظم لی کھ چھیانگ نے Ursula von der Leyen کو یورپی کمیشن کی سربراہ منتخب ہونے پر مبارکباد دی ہے۔ چینی وزیراعظم نے انہیں ارسال کیئے گئے تہینتی پیغام میں کہا ہے کہ چین یورپی یونین کے ساتھ اپنے تعلقات کو انتہائی اہمیت دیتا ہے۔ انہوں نے کہا کہ چین اور یورپی یونین کے مابین دوطرفہ تعلقات کی ترقی مسلسل مذاکرات کے ذریعے استوار ہوئی ہے، جبکہ فریقین کے مابین کئی شعبوں میں دو طرفہ تعاون موجود ہے۔
عالمی انٹرنیٹ نمائش ووژی میں 7ستمبر سے ہوگی
4روزہ نمائش میں 30ملکوں کی 500نام ور کمپنیاں شرکت کریں گی
بیجنگ(ایچ ایم نیوز)عالمی انٹرنیٹ 2019نمائش چین کے مشرقی صوبے جیانگ سو کے شہر ووژی میں 7ستمبر سے شروع ہوگی،نمائش 4روز جاری رہے گی اس سال نمائش میں وہیکل انٹرنیٹ،موبائل انٹرنیٹ اور انٹرنیٹ آف تھنگز پر توجہ مرکوز کی جائے گی،ووژی کی منظوری وزار ت صنعت وانفارمیشن ٹیکنالوجی نے دی ہے،نمائش میں گاڑیوں،آٹومیٹک الیکٹرانکس کے تیار کنندگان اور انٹرنیٹ آف وہیکل کی خدمات فراہم کرنے والے اپنی مصنوعات پیش کریں گے۔اس نمائش میں تیس ملکوں کی اور500بڑی کمپنیاں شریک ہونگی،توقع ہے کہ 1لاکھ80ہزار افراد نمائش دیکھنے آئیں گے جن میں 30ممالک اور خطوں کے مہمان بھی شامل ہونگے۔
آسٹریلیا میں تمباکونوشی کے باعث روزانہہلاکتوں کی تعداد18ہوگئی
تمباکو نوشی کی وجہ سے دل کے امراض میں مبتلا افراد کے مرنے کی شرح 3گنا ہوسکتی ہے
کنبرا(ایچ ایم نیوز)اسٹریلیا میں ہرروز17افراد تمباکو نوشی کے باعث ہلاک ہوجاتے ہیں،اسٹریلین نیشنل یونیورسٹی نے ایک تحقیق میں بتایا ہے کہ تمباکو نوشی نے دل امراض میں مبتلا لوگوں میں مرنے کی شرح3گنا کردی ہے،جبکہ2گنا افراد دل کے دورے کے باعث مر جاتے ہیں،ریسرچ ٹیم نے 190000تمباکو نوش اور نان سموکر کی تحقیق کی،تو پتہ چلا کہ تمباکو نوش36ممالک امراض کا شکار ہوجاتے ہیں تمباکو نوش 6400 افرادصرف دل کا دورہ پڑنے سے ہر سال مر جاتے ہیں۔دل سے متعلق امراض کو تمباکو نوشی 3گنا کردیتی ہے،اورہر سال 114ہزار افراد کو دل کا دورہ پڑتا ہے اسٹریلیا میں 27لاکھ افراد تمباکو نوشی کرتے ہیں،تحقیق کے مطابق دن میں 5سگرٹ استعمال کرنے والے شخص میں دل کی بیماری کے باعث مرنے کی شرح2گناہوجاتی ہے۔
چین میں عالمی فوجی گیمز 3اگست 2019سے شروع ہونگے
چین نے ان مقابلوں کی میزبانی کی تیاریاں پروگرام کے مطابق شروع کردی ہیں
روس،قازقستان،ازبکستان سمیت12ممالک نے گیمز میں شرکت کی تصدیق کردی ہے
بیجنگ(ایچ ایم نیوز)چین میں عالمی فوجی گیمز 3اگست 2019سے شروع ہونگے،چین نے ان مقابلوں کی میزبانی کی تیاریاں پروگرام کے مطابق شروع کردی ہیں فوجی ذرائع کے مطابق مقابلے میں حصہ لینے والے7ممالک کی ٹیموں نے سہولتوں بارے اپنا سروے مکمل کرلیا ہے،یہ گیمز شمال مغربی چین کے خودمختار ریجن سنکیانگ یغورمیں منعقد ہوگی،مرکزی فوجی کمیشن کے مطابق اس وقت تک 12ممالک نے ان گیمز میں شرکت کی تصدیق کردی ہے۔جن میں روس،قازقستان،ازبکستان بھی شامل ہیں،چین ان گیمز کے 4مقابلوں کی میزبانی کریگا۔چین نے2017میں بھی ان گیمز کی میزبانی کی تھی۔
چین،2032میں دنیا کی سب سے بڑی معاشی طاقت ہو گا، برطانوی سینٹر فار اکنامکس اینڈ بزنس ریسرچ
Heart meetJuly 19, 2019چین،2032میں دنیا کی سب سے بڑی معاشی طاقت ہو گا، برطانوی سینٹر فار اکنامکس اینڈ بزنس ریسرچ
No comments
![](https://img2.blogblog.com/img/icon18_edit_allbkg.gif)
چین کیساتھ بھارت، جاپان، جنوبی کوریا اور انڈونیشیا بھی پہلی 10معیشتوں میں شامل ہو جائیں گی،رپورٹ
بیجنگ (ایچ ایم نیوز) چین 2032تک دنیا کی سب سے بڑی معاشی طاقت کا اعزاز حاصل کرلے گا، امریکا عالمی سطح پر اپنی معاشی حکمرانی بتدریج کھورہا ہے، چین کے ساتھ 4اور ایشیائی طاقت ،بھارت، جاپان، جنوبی کوریا اور انڈونیشیا عالمی سطح پر پہلی دس پوزیشنز پر براجمان ہوجائیں گی، چین نے اپنی اصلاحات اور پیش بندی کے سبب پوزیشن حاصل کی ہے، برطانوی سینٹر فار اکنامکس اینڈ بزنس ریسرچ کی رپورٹ میں کہا گیا ہے کہ امریکا بتدریج عالمی سطح پر اپنی معاشی حکمرانی کھورہا ہے، رپورٹ میں کہا گیا ہے کہ چین سے امید ہے کہ 2032تک دنیا کی سب سے بڑی معاشی طاقت کے طور پر ابھر کر سامنے آئے گا، چین کے ساتھ 4دیگر ایشیائی طاقتیں بھی معاشی طور پر دنیا کی پہلی 10 طاقتوں میں شمار ہوں گی، 2032 میں عالمی سطح پر بڑی معیشتیں بالترتیب،چین ،امریکا ، بھارت ،جاپان، جرمنی ، برازیل،برطانیہ ، جنوبی کوریا، فرانس،ا ور انڈونیشیا ہوں گی، رپورٹ میں کہا گیا ہے کہ چین نے یہ پوزیشن اپنی معاشی اصلاحات اور پیش بندی کی و جہ سے حاصل کرنے میں کامیاب ہوگا، چین کی اقتصادی ومعاشی اصلاحات تیزی سے ترقی کے مراحل طے کرنے میں مدد گار ثابت ہورہی ہیں۔
چین کی امن مشن پر دنیا بھر میں پذیرائی، چین امن مشن کیلئے بہترین خدمات مہیا کرنیوالا ملک قرار، چینی میڈیا
Heart meetJuly 19, 2019چین کی امن مشن پر دنیا بھر میں پذیرائی، چین امن مشن کیلئے بہترین خدمات مہیا کرنیوالا ملک قرار، چینی میڈیا
No comments
![](https://img2.blogblog.com/img/icon18_edit_allbkg.gif)
بیجنگ(ایچ ایم نیوز)چین کے سلامتی کارکنوں کی انسانیت کی خدمت کو عالمی سطح پر پذیرائی حاصل ہوئی ہے،اقوام متحدہ کی سلامتی کونسل کے مستقل پانچ ممبران میں سے چین نے بین الاقوامی طور پر امن مشن کے لئے سب سے زیادہ اور بہتر خدمات سر انجام دیں،اقوام متحدہ کے امن مشن کے لئے چینی کارکنوں کی بہترین خدمات کو سراہا گیا، چین نے 24امن مشن میں 35ہزار سے زائد انسانوں کومدد فراہم کی،پانچ فوجی مبصرین سمیت 2409 کارکن امن مشن میں اپنی خدمات سر انجام دے رہے ہیں، چین نے اپنے امن مشن کومشرق وسطی سے ایشیا اور افریقہ کے متعدد علاقوں تک بڑھا دیا ہے، چینی میڈیا میں دی گئی تفصیلات کے مطابق چینی سلامتی کاکنوں کو اقوام متحدہ کی سلامتی کونسل نے امن مشن میں بہترین خدمات کے اعتراف میں سراہتے ہوئے کہا ہے کہ اقوام متحدہ کی سلامتی کونسل کے مستقل پانچ ممبران میں چین نے بین الاقوامی امن مشن کے لئے سب سے زیادہ اور بہتر خدمات سر انجام دیں۔چین نے 24امن مشن میں 35ہزار سے زائد انسانوں کو امداد فراہم کی،پانچ فوجی مبصرین سمیت 2409 کارکن امن مشن میں اپنی خدمات سر انجام دے رہے ہیں، چین نے اپنے امن مشن کومشرق وسطی سے ایشیا اور افریقہ کے متعدد علاقوں تک بڑھا دیا ہے۔چین نے انجینئرنگ، نقل و حمل، طبی، سیکورٹی فضائی شعبہ جات میں امن مشن کے لئے خدمات سر انجام دیں اور اب اس استعداد کار کو بڑھا رہا ہے۔ مزید یہ کہ چین امن امن بحالی کا تربیتی نظام بھی وضع کرنے میں مصروف ہے۔چین امن فنڈ کیلئے بھی عالمی سطح پر دوسرے نمبر پر ہے۔ چین غیر ملکی مواصلات بارے بھی تربیت کے لئے اہم پلیٹ فارم مہیا کر رہا ہے۔ یاد رہے چین نے 2015میں اعلان کیا تھا کہ چین اقوام متحدہ کی امن فوج کی اہلیت کی تیاری کے نظام میں شمولیت اختیار کریگا اور اس طرح اس نے امن قائم رکھنے والی مستقل ٹیم قائم کرنے اور 8ہزارفوجیوں کی امن بحالی کی قوت قائم کرنے کا فیصلہ کیا تھا۔چین آئیندہ 5سالوں میں 2ہزار امن ساتھیوں کو تربیت دے گا۔10امدای پروگرام شروع کریگا۔چین کی یہ سعی اقوام متحدہ کی سلامتی کے آپریشن میں سرگرم حمایت اور وسیع پیمانے پر تعاون بین الاقوامی امن اور سلامتی کے لئے ایک نئی روح پھونکنے کے مترادف ہے۔چین کی امن پسندی، اخلاص اور دوستی کو دینا میں ایک منفرد شناخت حاصل ہے۔
مسلم یوٹیوبرز کی حمایت میں بولنے پر بالی ووڈ اداکار اعجاز خان کے خلاف مقدمہ درج
Heart meetJuly 19, 2019مسلم یوٹیوبرز کی حمایت میں بولنے پر بالی ووڈ اداکار اعجاز خان کے خلاف مقدمہ درج
No comments
![](https://img2.blogblog.com/img/icon18_edit_allbkg.gif)
ممبئی (ایچ ایم نیوز) بھارت کے پانچ مقبول مسلم یو ٹیوبرز پر پابندی کے خلاف آواز بلند کرنے پر بالی ووڈ اداکار اعجاز خان کے خلاف مقدمہ درج کرلیا گیا۔ بھارت میں مسلمانوں پر تشدد اور ظلم و جبر کے واقعات آئے روز دیکھنے میں آتے ہیں لیکن خود کو سیکولر ملک کہلانے والے بھارت میں ظلم کے خلاف آواز اٹھانا بھی جرم ہے۔ حال ہی میں سوشل میڈیا پر ویڈیو وائرل ہوئی جس میں کچھ شرپسند مسلم نوجوان تبریز انصاری پر بری طرح تشدد کرتے ہیں اور اسے ہندو مذہب کے لگانے کا کہتے ہیں۔ ظلم کی انتہا کرنے والوں نے تبریز انصاری کو اس قدر تشدد کا نشانہ بنایا کہ وہ جانبر نہ ہوسکا۔ انہوں نے تشدد کی ویڈیو سوشل میڈیا پر بھی شیئر کی جو جنگل کی آگ کی طرح ہر جگہ پھیل گئی جس کے بعد بھارت بھر سے تبریز کی حمایت میں بیانات سامنے آنے لگے۔بھارت میں ٹیم زیرو سیون کے نام سے 5 مسلم نوجوانوں پر مشتمل یوٹیوبرز نے ٹک ٹاک کے ذریعے تبریز انصاری کی حمایت میں ویڈیو بنائی جس پر بھارت کی روایتی گھسی پٹی سوچ کا اندازہ اس بات سے لگایا جاسکتا ہے کہ بھارتی حکومت نے نہ صرف ان پر پابندی عائد کردی بلکہ ان کے خلاف قانونی کارروائی بھی شروع کردی۔بھارت میں بسنے والے مسلمانوں نے تبریز انصاری کے ساتھ ساتھ یوٹیوبر کی بھی حمایت کرنا شروع کردی۔ بالی ووڈ اداکارہ اعجاز خان نے بھی یوٹیوبر کی حمایت کرنا چاہی تو انہیں بھی قانونی شکنجے میں جکڑ لیا گیا اور ان کے خلاف بھی آیف آئی آر درج کرلی گئی ہے۔ اعجاز خان نے پریس کانفرنس میں یہ کہا کہ ٹیم 07 نامی یو ٹیوبر نے ٹک ٹاک پر دوسرے کی آواز میں ریکارڈ ایک ویڈیو بنائی جسے پہلے ہی 171 ملین لوگوں بنا چکے ہیں لیکن صرف پانچ لوگوں کو ٹارگٹ کیا جارہا ہے اور ان پر الزام لگایا جارہا ہے کہ انہوں نے ویڈیو کے ذریعے فسادات کرنے کی کوشش کی، ان کے خلاف آیف آئی آر درج کی گئی صرف اس وجہ سے کہ یہ لوگ مسلمان ہیں۔
شلپا شیٹھی 12 سال بعد فلموں میں اداکاری کریں گی
ممبئی (ایچ ایم نیوز) بالی ووڈ کی معروف اداکارہ شلپا شیٹھی 12 سال بعد فلموں میں اداکاری کے جوہر دکھائیں گی۔بھارتی میڈیا رپورٹس کے مطابق اداکارہ شلپاشیٹھی 12 برس قبل 2007 میں فلم اپنے میں اداکار سنی دیول، بوبی دیول، دھرمیندر اورکترینہ کیف کے ساتھ نظر آئی تھیں تاہم اس کے بعد انہوں نے بطور اداکارہ کسی فلم میں کام نہیں کیا لیکن اب شلپا کے مداحوں کے لیے خوشخبری ہے کہ وہ 12 سال بعد پروڈیوسر رمیش تورانی کی فلم میں اداکاری کریں گی۔ میڈیا رپورٹس کے مطابق شلپا شیٹھی فلم میں رائٹر کا کردار نبھائیں گی، جب کہ ان کے ساتھ اداکار دلجیت دوسانجھ اوریامی گوتم بھی فلم میں اداکاری کرتے نظر آئیں گے، فلم کے نام کا اعلان تاحال نہیں کیاگیاہے۔
ہالی ووڈ فلم دی لوج کاپہلا ٹریلر جاری
لاس اینجلس (ایچ ایم نیوز) خوف دہشت اور سنسنی سے بھرپور ہالی ووڈ فلم دی لوج کاپہلا ٹریلر جاری کردیا گیا۔ فلم کی کہانی ایک ایسی خاتون کے گرد گھوم رہی ہے جو دو بچوں کے باپ سے شادی کرکے انکے ساتھ رہنے لگتی ہے تاہم خاتون کی آمد کے بعد کئی پراسرار واقعات اس خاندان کیلئے مشکلات کھڑی کردیتے ہیں۔ فلم کی کاسٹ میں رچرڈ آرمیٹاگا،ریلے کیوہ،جیڈن مارٹل،لیا میک ہیو،الیسیا سلور اسٹون اور کیٹلین ویلز سمیت دیگر اداکار شامل ہیں۔ فلم 22 اگست کو ریلیز کی جائے گی۔
ہالی ووڈ ہارر فلم اٹ کے سیکوئل اٹ چیپٹر 2 کا فائنل ٹریلر ریلیز
لاس اینجلس (ایچ ایم نیوز) ہالی ووڈ کی 2017 کی ہارر فلم اٹ کے سیکوئل اٹ چیپٹر 2 کا فائنل ٹریلر جاری کردیا گیا۔خوفناک جوکر پینی وائز کے مرکزی کردار پر مبنی اس فلم میں یہ کردار بل سکارسگرڈ ادا کررہے ہیں جبکہ جیسیکا چیسٹن، جیمز کیکاوے، جے ریان، بل ہارڈر، عیسی مصطفی، جیمز رینسن اور اینڈی بین لوزر کلب کے بچوں کے بالغ روپ میں نظر آئیں گے۔اٹ چیپٹر 2 رواں سال 6 ستمبر کو دنیا بھر میں ریلیز کی جائے گی۔
ہالی ووڈ فلم دی لائن کنگ سینماگھروں میں ریلیز
لاس اینجلس (ایچ ایم نیوز) ہالی ووڈ کی اینی میٹڈ ایڈونچر فلم دی لائن کنگ جمعہ کے رو ز دنیا بھر کے سینماؤں میں ریلیز کردی گئی۔ ہدایتکارجان فیوریو کی اس دلچسپ فلم کی کہانی افریقہ کے سمبا نامی ایک ایسے ننھے شیر کے گرد گھومتی ہے جو اپنا پرائیڈ واپس لینے کے لئے مستقبل میں جنگل میں ہونے والی بغاوت کو نہ صرف کچلے گا بلکہ دشمنوں کا مقابلہ کرتے ہوئے جنگل کے بادشاہ کی حیثیت سے انتظام سنبھال لے گا۔ کیرن گلکرسٹ، جیفرے سلور اور جان فیوریو کی مشترکہ پروڈکشن میں بننے والی اس فلم کے دلچسپ کرداروں کے ڈائیلاگ نامور ہالی ووڈ اداکار سیٹ روجن، بیونسے، جیمز ایرل، ڈونلڈ گلور، بلی ایچنر اور ایلفرے ووڈلڈ سمیت کئی فنکاروں کی آوازوں میں ر یکارڈ کروائے گئے ہیں۔
یادیں راشد علی کی گانا نمبر 15ریلیز کر دیا گیا
سو گانے تک راشد علی کے گانوں کی ریلیز کا سلسلہ مسلسل جاری رہے گا
لاہور(ایچ ایم نیوز) یادیں راشد علی کی گانا نمبر 15ریلیز کر دیا گیا۔تفصیلات کے مطابق پاکستان کے معروف گلوکار راشد علی جن کی وفات کو 2سال ہونے والے ہیں ان کی یاد میں ان کی زندگی میں سوشل میڈیاپر ان کے نا ریلیز ہونے والے گانوں کو سوشل میڈیا کے ست رنگ نیو ز یوٹیوب چینل پر ریلیز کیا جارہا ہے،یادیں راشد علی کی کے نام سے ان کے15گانے ریلیز ہو چکے ہیں اور راشد کے مزید گانوں کی ریلیز کا سلسلہ مسلسل جاری ہے گانا نمبر 16آج ریلیز کیا جائے گا، یہ گانے راشد علی کے بھائی اختر علی اور راشد علی کے شگرد خاص شمریز علی کے تعاون اور ان کے پرستاروں کی بھر پور فرمائش پر ریلیز کیے جا رہے ہیں۔
شوبز میں اپنا نام بننا مشن ہے جس میں کا میاب ہوں‘روبا خان
لاہور(ایچ ایم نیوز)اداکارہ و ماڈل روبا خان نے کہا ہے کہ مجھے اداکاری کا جنون کی حد تک شوق ہے شوبز میں اپنا نام بننا مشن ہے جس میں کا میاب ہوں‘میرے پاس پیار،محبت اور عشق کے لئے وقت نہیں ہے۔اپنے ایک انٹرویو میں روبا خان نے کہا کہ کامیابی ہمیشہ ایک طویل سفر طے کرنے کے بعد ہی حاصل ہوتی ہے اور شوبزانڈسٹری تو ویسے بھی کانٹوں کی سیج کی طرح ہے جس پر پھونک پھونک کر قدم رکھنا پڑتا ہے۔ خود کو اس لحاظ سے خوش قسمت سمجھتی ہوں کہ میں بہت کم وقت میں کامیابی حاصل کی ہیں۔میرا موجودہ مقام محنت اور جنون کا نتیجہ ہے۔
شوبز میں شارٹ کٹ نہیں، محنت سے ہی کا میابی ملتی ہے‘ صائم ملک
لاہور(ایچ ایم نیوز)اداکارہ صائم ملک نے کہا ہے کہ شوبز میں شارٹ کٹ نہیں محنت سے ہی کا میابی ملتی ہے‘پاکستان میں بے پناہ ٹیلنٹ موجود ہے لیکن پرموشن نہ ہونے کے برابر ہے، شوبز میں پڑھے لکھے افراد کی آمد نہایت ضروری چیز ہے۔ اپنے ایک انٹر ویو میں صائم ملک نے کہا کہ حکومت کو سرکاری سطح پر فن اور فنکار کی پرموشن کے لئے مناسب اقدامات کرنے چاہیے تاکہ نئے ٹیلنٹ کی حوصلہ افزائی ہو سکے۔ ایک سوال کے جواب میں انہوں نے کہا کہ ٹی وی‘ماڈلنگ اور اسٹیج میں بے پناہ مصروفیات کے باعث گھر کے لئے مناسب وقت نکالنا مشکل ہو گیا ہے ذاتی زندگی میں بلا وجہ کی مداخلت سخت ناپسند ہے۔ انہوں نے کہا کہ ہمیں مستحق لوگوں کا بھی خاص خیال رکھنا چاہیے۔
فنکار صرف فن کے ذریعے ہی شہرت حاصل کرتے ہیں،تابندہ علی
بعض اداکارائیں شہرت حاصل کرنے کیلئے بیہودہ لباس اور نازیبا جملے استعمال کرتی ہیں
لاہور(ایچ ایم نیوز) فنکار صرف فن کے ذریعے ہی شہرت حاصل کرتے ہیں بعض اداکارائیں شہرت حاصل کرنے کیلئے بیہودہ لباس اور نازیبا جملے استعمال کرتی ہیں۔ ان خیالات کا اظہار فلم اور سٹیج کی معروف اداکارہ تابندہ علی نے خصوصی گفتگو میں کیا انہوں نے کہا کہ میں اس وقت کامیابیوں کی بلندیا کے دور سے گزر رہی ہوں اور میں نے بڑی جدوجہد اور محنت سے موجودہ مقام حاصل کیا ہے اور ان کامیابیوں کا تسلسل قائم رکھنے کیلئے مزید محنت اور لگن سے کام کر رہی ہوں،ایک سوال کے جواب میں تابندہ علی نے کہا کہ جو اداکارائیں شہرت اور پیسہ کی خاطر فحش کام کرتی ہیں یہ باقی اداکاروں کی بندنامی کا باعث بنتی ہیں جو کسی طور مناسب نہیں۔
پاناما، بحری جہازوں سے پرچم ہٹانے کا فیصلہ
زیادہ تر جہاز ان کمپنیوں کی ملکیت ہیں جن کو ریاست ایران میں چلا رہی ہے
پاناما سٹی(ایچ ایم نیوز) پاناما میں سمندری نقل و حمل کی اتھارٹی نے بتایا ہے کہ پاناما بین الاقوامی پابندیوں اور قوانین کی خلاف ورزی کرنے والے مزید بحری جہازوں سے اپنا پرچم ہٹا لے گا۔تفصیلات کے مطابق پاناما کے سابق صدر خوان کارلوس وریلا نے اپنے ملک میں رجسٹرڈ جہازوں میں سے 59 کی رجسٹریشن حذف کرنے کے لیے گرین سگنل دے دیا تھا، گذشتہ چند ماہ کے دوران ایران اور شام سے تعلق رکھنے والے تقریبا 60 جہازوں کو پاناما کی اندراجی فہرست سے حذف کیا جا چکا ہے۔یہ پیش رفت 2018 میں واشنگٹن کی جانب سے ایران پر دوبارہ پابندیاں عائد کرنے کے بعد سامنے آئی،مذکورہ ذرائع کے مطابق ان میں سے زیادہ تر جہاز ان کمپنیوں کی ملکیت تھے جن کو ریاست ایران میں چلا رہی ہے۔ تاہم ان میں شام کو تیل پہنچانے سے متعلق بحری جہاز بھی شامل تھے۔رواں ماہ جولائی کے اوائل میں ایک بڑا تیل بردار جہاز(گریس)جبل طارق کے علاقے میں پہنچا جہاں اسے برطانوی بحریہ نے حراست میں لے لیا۔ اس جہاز پر شام کے خلاف پابندیوں کی خلاف ورزی کا شبہہ ہے۔جبل طارق میں حکام نے بتایا کہ یہ تیل بردار جہاز اپنی پوری گنجائش کے ساتھ تیل لے کر مبینہ طور پر شام کی بانیاس ریفائنری کی جانب رواں دواں تھا۔یہ تیل بردار جہاز جبل طارق پہنچا تو اس پر پاناما میں رجسٹرڈ نام موجود تھا۔ تاہم بعد میں پاناما کی حکومت نے بتایا کہ وہ 29 مئی کو اس جہاز کو اپنی اندراجی فہرست سے حذف کر چکی ہے۔
ایئر کینیڈا طیارے کے ہوا میں ہچکولے، درجنوں مسافر زخمی
فضا میںہچکولے کھانے سے مسافروں کے سر اور گردن ٹکرائے سے چوٹیں آئیں
اوٹاوہ(ایچ ایم نیوز) کینیڈا سے سڈنی جانے والے طیارے میں موسم کی خرابی کے باعث فضا میں ہچکولے کھانے سے 35 مسافر زخمی ہوگئے۔تفصیلات کے مطابق ایئر کینیڈا کے طیارے کو موسم کی خرابی کے باعث ہوائی کے ایئرپورٹ پر ہنگامی لینڈنگ کرنا پڑی تاہم اس دوران طیارے کے فضا میں ہچکولے کھانے اور زوردار جھٹکے لگنے کے باعث 35 مسافر زخمی ہوگئے۔غیر ملکی خبر رساں ادارے کا کہنا تھا کہ طیارے کے فضا میں تیزی سے اوپر اور نیچے جاتے ہوئے مسافروں کے سر اور گردن چھت سے ٹکرائے جس کی وجہ سے مسافروں کو چوٹیں آئیں جنہیں امریکی ریاست ہوائی ایئرپورٹ پر طبی امداد فراہم کردی گئی جبکہ 9 مسافروں کو اسپتال لے جانا پڑا۔غیر ملکی خبر رساں ادارے کا کہنا تھا کہ ایئر کینیڈا کے بوئنگ 777 طیارے میں 269 مسافر اور عملے کے 15 ارکان سوار تھے، موسم کی صورت حال درست ہونے پر طیارے کو پرواز کی اجازت دے دی گئی۔غیر ملکی خبر رساں ادارے کا کہنا تھا کہ حادثے کے وقت طیارہ 36 ہزار فٹ کی بلندی پر پرواز کررہا تھا۔ایئر کینیڈا کے ترجمان کا کہناتھا کہ طیارہ ریاست ہوائی کے دارالحکومت ہونولولو سے تقریبا 600 میل جنوب مغرب میں پرواز کررہا تھا۔
کویتی پولیس کی بڑی کامیابی ،اخوان المسلمون کا دہشت گرد گروہ گرفتار کرلیا
Heart meetJuly 13, 2019کویتی پولیس کی بڑی کامیابی ،اخوان المسلمون کا دہشت گرد گروہ گرفتار کرلیا
No comments
![](https://img2.blogblog.com/img/icon18_edit_allbkg.gif)
گرفتار افراد مصری عدالتوں کے اشتہاری ، بعض کو 15 سال قید کی سزائیں بھی سنائی گئی ہیں
کویت سٹی(ایچ ایم نیوز) کویتی پولیس نے اخوان المسلمون سے وابستہ دہشت گروہ کو گرفتارکرلیا، زیر حراست تمام افراد مصری عدالتوں کی طرف سے اشتہاری قرار دیے گئے تھے۔تفصیلات کے مطابق خلیجی ریاست کویت کی وزارت داخلہ نے کہاہے کہ پولیس نے ایک کارروائی کے دوران اخوان المسلمون سے وابستہ دہشت گرد نیٹ ورک کا پتا چلایا ہے۔ اب تک اس نیٹ ورک سے وابستہ آٹھ افراد کو گرفتار کیا گیا ہے۔غیر ملکی خبر رساں ادارے کا کہنا تھا کہ گرفتار ہونے والے افراد مصری عدالتوں کی طرف سے اشتہاری قرار دیے گئے تھے اور ان میں سے بعض کو 15 سال قید کی سزائیں بھی سنائی گئی ہیں۔غیرملکی خبررساں ادارے کے مطابق کویتی وزارت داخلہ کی ویب سائٹ پر جاری ایک بیان میں کہا گیا کہ گرفتار عناصر مصری حکام سے فرار کے بعد کویت آ گئے تھے، جہاں وہ خفیہ طور پر اخوان کی سرگرمیوں میں ملوث رہے۔ کویتی پولیس اور دیگر سیکیورٹی اداروں نے ان پر نظر رکھی ہوئی تھی۔خبر رساں ادارے کی رپورٹ میں بتایا گیا ہے کہ کویت میں اخوان عناصر پر مشتمل اس سیل کے خلاف بروقت کارروائی کرکے ملک کو انارکی سے بچا لیا گیا۔کویت کے متعلقہ اداروں نے دوران تفتیش ملزمان سے دوسرے ساتھیوں کے مختلف جگہوں پر بنائے ٹھکانوں کی بابت معلوم کیا اور پھر وہاں پیشگی چھاپہ مار کارروائی کر کے گرفتاریاں کیں۔غیر ملکی میڈیا کا کہنا تھا کہ گرفتار ملزموں نے اعتراف کیا کہ وہ دہشت گرد کارروائیاں کرتے رہے ہیں۔ نیز مصری سرزمین پر وہ مختلف مقامات پر دہشت گرد کارروائیوں کا ارتکاب کر چکے ہیں،انہیں کس نے اتنی دیر پناہ دی اور کون کون ان لوگوں کے رابطے میں تھے اور کون انہیں تعاون فراہم کر رہے تھے، سب کی تحقیقات ہو رہی ہیں۔
تائیوان کو ہتھیاروں کی فروخت کا معاملہ، چین کا امریکی کمپنیوں پر پابندی کاعندیہ
Heart meetJuly 13, 2019تائیوان کو ہتھیاروں کی فروخت کا معاملہ، چین کا امریکی کمپنیوں پر پابندی کاعندیہ
No comments
![](https://img2.blogblog.com/img/icon18_edit_allbkg.gif)
تائیوان کو ہتھیاروں کی فروخت بین الاقوامی قانون اور بنیادی اقدار کی خلاف ورزی ہے،چین اپنے قومی مفادات کا بھرپور تحفظ کریگا،ترجمان چینی وزارت خارجہ
بیجنگ(ایچ ایم نیوز)چین کا کہنا ہے کہ وہ تائیوان کو ہتھیاروں کی فروخت کرنے والی امریکی کمپنیوں پر پابندی عائد کرے گا۔تفصیلات کے مطابق چینی وزارت خارجہ کے ترجمان جینگ شوآنگ نے اپنے بیان میں کہا کہ 'امریکا کی تائیوان کو ہتھیاروں کی فروخت سے بین الاقوامی قانون اور تعلقات کے بنیادی اقدار کی خلاف ورزی ہوئی ہے۔انہوں نے کہا کہ 'قومی مفادات کے تحفظ کے لیے چین، تائیوان کو ہتھیار کی فروخت میں حصہ لینے والی امریکی کمپنیوں پر پابندیاں عائد کرے گا۔امریکا کی جانب سے تائیوان کو بڑے پیمانے پر ہتھیاروں کی فروخت ایسے وقت میں کی جارہی ہے جب واشنگٹن اور بیجنگ کے درمیان تجارتی جنگ کے باعث تعلقات کشیدہ ہیں۔چین، تائیوان کو اپنے ملک کا حصہ تصور کرتا ہے اور اس کا کہنا ہے کہ وہ ایک دن اس پر ضرور قبضہ کرے گا چاہے یہ طاقت کے استعمال کے ذریعے ہی کیوں نہ کرنا پڑے۔چند روز قبل چین نے امریکا سے تائیوان کو 2 ارب 20 کروڑ ڈالر مالیت کے ہتھیاروں کی فروخت فوری طور پر منسوخ کرنے کا مطالبہ کیا تھا۔چینی وزارت خارجہ کے ترجمان نے پریس بریفنگ کے دوران کہا تھا کہ چین نے سفارتی چینلز کے ذریعے تائیوان کو ہتھیاروں کی فروخت پر باقاعدہ شکایات درج کی ہیں، جن میں امریکی اقدام پر عدم اطمینان اور مخالفت کا اظہار کیا ہے۔امریکی ڈیفنس سیکیورٹی کوآپریشن ایجنسی (ڈی ایس سی اے)کے مطابق معاہدے میں 108 ایم ون اے ٹو ٹی ابرامس ٹینکس، 250 اسٹینگر اینٹی ایئر کرافٹ میزائل، متعلقہ آلات اور معاونت شامل ہیں جن کی لاگت اندازا 2 ارب 20 کروڑ ڈالر سے زائد ہے۔ڈی ایس سی اے نے بتایا کہ ہتھیاروں کی مجوزہ فروخت سے تائیوان کے جنگی ٹینکوں کی تعداد میں اضافہ اور فضائی دفاعی نظام مضبوط ہوگا، تائیوان کی سیکیورٹی اور دفاعی قابلیت کی بہتری میں مدد سے امریکا کی خارجہ پالیسی اور قومی سلامتی کی حمایت ہوگی۔یہ پہلا موقع نہیں ہے جب بیجنگ نے امریکا کے تائیوان کو ہتھیاروں کی فروخت کے منصوبے پر پابندیوں کی دھمکی دی ہو۔
خلیج میں برطانیہ بھی کود پڑا،دوسرا لڑاکا بحری جہاز میدان عمل میں اتارنے کا اعلان
Heart meetJuly 13, 2019خلیج میں برطانیہ بھی کود پڑا،دوسرا لڑاکا بحری جہاز میدان عمل میں اتارنے کا اعلان
No comments
![](https://img2.blogblog.com/img/icon18_edit_allbkg.gif)
برطانیہ نہ لڑائی کا خواہشمند ہے نہ کشیدگی میں اض افہ چاہتا ہے لیکن آبنائے ہرمز کی حفاظت یقینی بنائی جائیگی،جیریمی ہنٹ
لندن(ایچ ایم نیوز) برطانیہ نے خلیج میں اپنا دوسرا لڑاکا بحری جہاز بھیجنے کا اعلان کردیا ہے۔ ڈنکن نامی فوجی بحری جہاز ایران کے ساتھ پیدا ہونے والی کشیدگی کے تناظر میں بھیجا جا رہا ہے۔اس بات کا اعلان گزشتہ روز برطانیہ کے وزیر خارجہ جیریمی ہنٹ نے ایک ٹی وی بیان میں کیا۔ان کا کہنا تھا کہ خلیج میں اپنے طویل المدتی قیام کے تحت ڈنکن بحری جہاز کو بھیج رہے ہیں۔برطانیہ کی جانب سے یہ اعلان ایک ایسے وقت میں کیا گیا ہے جب ایران کے ساتھ براہ راست کشیدگی میں اضافہ ہوا ہے۔ لندن اور تہران کے درمیان کشیدگی اس وقت زیادہ بڑھی جب چند روز قبل برطانیہ کی جانب سے جبرالٹر پر ایک ایرانی تیل بردار جہاز کو اس شبہ کے تحت برطانیہ نے اپنی تحویل میں لیا کہ وہ یورپی یونین کی جانب سے عائد پابندیوں کے باوجود خام تیل لے کر شام جانے کی کوشش کررہا تھا۔ایران نے اس عمل پر سخت ردعمل ظاہر کیا تھا۔ تہران نے خبردار کیا تھا کہ جوابی ردعمل کے طور پر ایران کو بھی یہ حق حاصل ہے کہ وہ برطانوی بحری جہازوں کو اپنی تحویل میں لے لے۔خلیج اومان کی بگڑتی ہوئی صورتحال کو دیکھ کر بھارت پہلے ہی اپنا بحری جہاز خلیج میں بھیجنے کا اعلان کرچکا ہے۔ نئی دہلی نے واضح کیا تھا کہ اس کی بحریہ کا مقصد صرف اپنے تجارتی بحری جہازوں کی حفاظت کو یقینی بنانا ہوگا۔دو دن قبل برطانیہ کی جانب سے یہ الزام سامنے آیا تھا کہ ایرانی کشتیوں نے اس کے ایک تیل بردار بحری جہاز کو اپنے قبضے میں لینے کی کوشش کی تھی لیکن برطانوی بحریہ کی بروقت للکار کے سبب وہ واپس چلی گئیں۔ اس کی تصدیق امریکہ نے بھی کی تھی۔ایران کی جانب سے ایسے کسی بھی الزام کو یکسر مسترد کرتے ہوئے بے سر و پا کہا گیا تھا۔عالمی خبر رساں ایجنسی کے مطابق وزیر خارجہ جیریمی ہنٹ نے اپنے ٹی وی بیان میں کہا ہے کہ برطانیہ اور اس کے حلیف نہ لڑائی کے خواہش مند ہیں اور نہ ہی ایران کے ساتھ کشیدگی بڑھانا چاہتے ہیں۔ انہوں نے کہا کہ ہمیں اچھی طرح ادراک ہے کہ یہ صورتحال خاصی خطرناک ہوسکتی ہے۔جیریمی ہنٹ نے واضح کیا کہ ہم اپنے عالمی اتحادیوں کے ساتھ مل کر آبنائے ہرمز میں جہازوں کی نقل و حرکت کو محفوظ بنانے میں معاونت کریں گے۔
صومالی، ہوٹل پر دہشت گردانہ حملہ، دس ہلاک، 50 زخمی،ہلاکتوں میں اضافے کا خدشہ
Heart meetJuly 13, 2019صومالی، ہوٹل پر دہشت گردانہ حملہ، دس ہلاک، 50 زخمی،ہلاکتوں میں اضافے کا خدشہ
No comments
![](https://img2.blogblog.com/img/icon18_edit_allbkg.gif)
بارود سے بھری گاڑی ہوٹل سے ٹکرانے پر تباہی مچ گئی، دھماکہ کیبعد مسلح دہشت گرد ہوٹل میں داخل، دوبدو جھڑپیں جاری
کسمایو(ایچ ایم نیوز) صومالیہ کی جنوبی بندرگاہ کسمایو کے ایک ہوٹل پرہونے والے دہشت گردانہ حملے میں دس افراد ہلاک اور 50 سے زائد زخمی ہوگئے ہیں۔عالمی ذرائع ابلاغ کے مطابق صوبہ جبل کی سیکیورٹی فورسز کے ترجمان ابی نور ابراہیم حسین کا کہنا ہے کہ مسلح دہشت گردوں نے ہوٹل سے ایک دھماکہ خیز مواد سے بھری گاڑی ٹکرائی جس کے نتیجے میں دھماکہ ہوا اورتباہی مچ گئی۔عالمی خبررساں ایجنسی کے مطابق سرکاری ترجمان کا کہنا ہے کہ دھماکہ کرنے کے بعد مسلح دہشت گرد ہوٹل میں داخل ہوئے جس کے بعد سے ان کی مقامی سیکیورٹی فورسزسے دو بدو جھڑپیں ہو رہی ہیں۔خبررساں ادارے کے مطابق تاحال ہلاک اور زخمی ہونے والوں کی درست تعداد معلوم نہیں ہوسکی ہے البتہ ابھی تک دس افراد کے ہلاک ہونے اور 50 کے زخمی ہونے کی تصدیق ہو چکی ہے۔عالمی خبررساں اداروں کے مطابق دھماکے کی ذمہ داری الشباب نامی تنظیم نے قبول کرلی ہے۔مقامی ذرائع ابلاغ کے مطابق ابھی تک یہ معلوم ہوسکا ہے کہ ہلاک ہونے والوں میں زیادہ تر شہری ہیں البتہ دو صحافیوں کے بھی ہلاک ہونے کی اطلاعات ہیں۔مقامی ہوٹل لوگوں کے ملنے ملانے کے حوالے سے کافی مقبول بتایا جاتا ہے۔
سعودی عرب انقلاب کی جانب گامزن، خواتین مردوں کی رضامندی کے بنا غیر ملکی سفر کرسکیں گی
Heart meetJuly 13, 2019سعودی عرب انقلاب کی جانب گامزن، خواتین مردوں کی رضامندی کے بنا غیر ملکی سفر کرسکیں گی
No comments
![](https://img2.blogblog.com/img/icon18_edit_allbkg.gif)
گارجین شپ قانون میں تبدیلیوں کے باعث 21 سال سے کم عمر لڑکوں پر بھی پابندی عائد نہیں ہو گی
ریاض(ایچ ایم نیوز)سعودی عرب کی خواتین کی زندگیوں میں گزشتہ سال جون کے مہینے میں اس لحاظ سے انقلاب آگیا تھا کہ انہیں ڈرائیونگ کی اجازت مل گئی تھی لیکن اب سعودی خواتین کی زندگیوں میں حقیقی معنوں میں اس لحاظ سے انقلاب آنے جا رہا ہے کہ حکومت 18 سال سے زائد عمر کی خواتین کو خاندان یا کنبے کے مردوں کی اجازت یا رضامندی کے بغیر بیرون ملک سفر کی اجازت دینے کا فیصلہ کرنے والی ہے۔امریکہ کے موقر اخبار وال اسٹریٹ جرنل کے مطابق سعودی حکومت ملک میں نافذ گارجین شپ قانون میں تبدیلی کرنے جارہی ہے۔رائج گارجین شپ قانون کے تحت مرد محافظ یا رشتہ دار کی مرضی کے بغیر سعودی خواتین بیرون ملک سفر نہیں کرسکتی ہیں۔اخبار کے مطابق سعودی عرب میں 18 سال سے زائد عمر کی خواتین پر سفر کے حوالے سے عائد پابندی رواں سال کے اختتام تک ختم کی جا سکتی ہے۔وال اسٹریٹ جرنل نے دعوی کیا ہے کہ گارجین شپ قانون میں کی جانے والی تبدیلیوں کے باعث 21 سال سے کم عمر کے لڑکوں پر بھی پابندی عائد نہیں ہو گی کہ وہ بیرون ملک سفر کے لیے اپنے خاندان کے سربراہ یا کسی بڑے سے لازمی اجازت حاصل کریں۔
افغانستان، پر تشدد واقعات، ایک امریکی فوجی ہلاک،امریکا کی تصدیق
رواں سال افغانستان میں امریکی فوجیوں کی ہلاکتوں کی تعداد 10 ہوگئی
کابل(ایچ ایم نیوز) افغانستان میں پرتشدد واقعے میں ایک امریکی فوجی ہلاک ہوگیا۔بین الاقوامی خبر رساں ادارے کے مطابق نیٹو نے امریکی فوجی کی ہلاکت کی تصدیق کردی تاہم واقعے کی تفصیلات نہیں بتائیں کہ وہ علاقے اور کیسے مارا گیا۔ کسی عسکری تنظیم نے بھی اس فوجی کی ہلاکت کی ذمہ داری قبول نہیں کی۔رواں سال افغانستان میں امریکی فوجیوں کی ہلاکتوں کی تعداد 10 ہوگئی ہے۔ گزشتہ ماہ بھی طالبان کے ایک حملے میں دو امریکی فوجی ہلاک ہوئے تھے۔ 2018 میں افغانستان میں مختلف حملوں میں 12 امریکی فوجی مارے گئے تھے۔ایک طرف تو امریکا اور طالبان کے درمیان جنگ بندی کے لیے مذاکرات جاری ہیں، دوسری طرف حالیہ عرصے میں افغانستان میں طالبان کے حملوں میں بھی اضافہ ہوگیا ہے۔رواں ہفتے منگل کو ایک انٹرویو میں امریکی نمائندہ خصوصی برائے افغانستان زلمے خلیل زاد نے کہا تھا کہ امریکا اور طالبان کے درمیان مذاکرات میں 4 میں سے تین نکات پر اتفاق ہوگیا جن میں جنگ بندی، بین الافغان مذاکرات، افغانستان سے امریکی اتحادی افواج کا انخلا اور افغان سرزمین کی امریکا اور اتحادیوں کے خلاف استعمال نہ کرنے کی یقین دہانی شامل ہیں۔
چین پاکستان سے چیری سمیت پھلوںکی درآمدات جلد شروع کر دے گا
چینی وفد کی چیری کے باغات کی سیر اور وزیر اعلیٰ جی بی سمیت اعلیٰ سرکاری عہدیداران سے ملاقات
چیری کی برآمدات میں تمام رکاوٹوں کو دور کرنے کی بھر پور کوششیں کی جائیگی،صدر چیمبر آف کامرس اینڈ انڈسٹریز
جی بی میں4ہزار میٹرک ٹن چیری کی پیداوار، مقامی طور پر کھپت بہت کم، پاکستان چیری کی برآمدات بڑھانے کیلئے قریبی مارکیٹ تلاش کرے،ڈپٹ ڈائریکٹر وزارت تحفظ خوارک جی بی
بیجنگ(ایچ ایم نیوز) چین پاکستان سے چیری سمیت مشہور پھلوں کودر آمد کرنے کیلئے اقدامات اٹھا رہاہے ۔ اس ضمن میں چینی وفد پاکستان کے صوبہ گلگت بلتستان کا دورہ کیا جو چیری کیلئے مشہور ہے ، چینی وفد نے چیری کے باغات کی سیر کی اور جی بی کے سرکاری عہدیداران سے ملاقات کی، چینی وفد نے جی بی کے وزیر اعلیٰ حافظ حفیظ الرحان سے ملاقات میں چیری کے درآمدات میں فروغ بارے اور دو طرفہ اقتصادی ترقی کی کوششوں میں فروغ کیلئے تبادلہ خیال کیا۔تفصیلات کے مطابق چائنہ اکنامکس نیٹ کی رپورٹ کے مطابق چین نے پاکستان چیری سمیت مشہور پھلوں کی درآمدات میں فروغ کیلئے مزید اقدامات اٹھانے کی ضرورت پر زور دیا۔اس ضمن میں چینی وفد نے پاکستان کے صوبہ جی بی کا دورہ کیا۔ وفد میں صحافیوں کا ایک گروپ بھی شامل تھا۔ چینی وفد نے عالمی سطح پر مشہور چیری کے باغات کی سیر کی اور جی بی کے وزیر اعلیٰ حافظ حفیظ الرحمان سمیت سرکار ی عہدیداران سے گفتگو کی ۔ ملاقات میں چیری کی درآمدات میں فروغ اوردو طرفہ اقتصادی صورتحال میں ترقی اور بہتری کیلئے تبادلہ خیال کیا۔ چائنہ اکنامک نیٹ کے مطابق وفد نے پاکستان کے پھل کی مارکیٹ ویلیو چیک کی ، چینی وفد مطمئن ہو کر واپس گیا ہے ۔ امید ہے چین جلد ہی چیری کی درآمدات میں اضافہ کیلئے کام شروع کر دے گا۔ ڈپٹی ڈائریکٹر جی بی وزارت تحفظ خوراک شاہد عبداللہ نے میڈیا ٹاک کے دوران کیا ہے کہ جی بی4ہزار میٹرک ٹن ایک سیزن میں چیری کی پیداوار دیتا ہے جبکہ مقامی طور پر اس کی کھپت بہت کم ہے ۔چیری کی معیاری مدت کو بڑھانے کیلئے آسانی کے ساتھ اقدامات کئے جا سکتے ہیں ۔ پاکستان کو چیری کی برآمدات بڑھانے کیلئے قریبی مارکیٹ کو تلاش کرنا چاہئے ۔ چین پاکستان کا سب سے قریبی ہمسایہ ہے جہاں چیری کی مانگ میں اضافہ ہوا ہے ۔ یہ پاکستان کیلئے بہترین موقع ہے ۔انہوں نے کہا کہ ماضی میں بھی چین کو چیری کے سیمپل بھیجے گئے تھے جن کو چین نے حفظان صحت کے اصولوں کے تحت مسترد کر دیا تھا جبکہ اب چین چیری درآمد کرنے کیلئے تیار ہے ۔ چونکہ اب چیری کو زیادہ بہتر طریقے سے محفوظ کیا جاتا ہے ۔ چینی وفد چیری کے درختوں کے پتے اور بُر پیتھالوجسٹک کیلئے لیکر اپنے ملک گئے ہیں کہ دیکھا جائے کہ یہ بیماریوں سے محفوظ ہیں یا نہیں ۔جس چینی وفد نے جی بی صوبے کا دورہ کیا ان کا کہنا ہے کہ ہم نے جی بی میں موجود لیبارٹریز کا بھی دورہ کیا ہے ہم یہاں کے حفاظتی اصولوں سے مطمئن ہیں ۔اس ضمن میں جی بی کونسل کے چیمبر آف کامرس اینڈ انڈسٹریز کے صدر عمران نے میڈیا کو بتایا کہ چینی وفد نے یقین دلایا ہے کہ چیری کی برآمدات میں تمام رکاوٹوں کو دور کرنے کی بھر پور کوششیں کی جائیں گی۔چین کے سرکاری عہدیداران کا کہنا ہے کہ چینی گورنمنٹ کو چیری کی درآمدات بارے سفارشات پیش کی جائیں گی کہ پاکستان سے چیری کی درآمد شر وع کر دی جائے ۔
افغان امن عمل ، پاکستان کا کردار اہم قرار، مشترکہ اعلامیہ جاری
افغان حکومت اور طالبان مابین مذاکرات میں تیزی لانے پر اتفاق،امن عمل کا بنیادی ڈھانچہ افغان قوم کیلئے قابل عمل ہونا چاہئے، انٹرا افغان مذاکرات کیساتھ تمام اسٹیک ہولڈرز کو شامل کیا جائے، اعلامیے کا متن
واشنگٹن(ایچ ایم نیوز) چین، روس اور امریکہ نے ایک مشترکہ اعلامیے میں اس بات کا اعتراف کیا ہے کہ افغانستان میں قیام امن کے لیے پاکستان اہم کردار ادا کر سکتا ہے۔امریکی محکمہ خارجہ کی جانب سے جاری ایک مشترکہ اعلامیے میں بتایا گیا کہ افغانستان میں قیام امن کے لیے بات چیت کا عمل افغانوں پر مشتمل ہونا چاہیے۔اس اعلامیے میں قیام امن کے لیے حکومت اور افغان عوام کے درمیان مذاکرات کے فوری آغاز پر بھی زور دیا گیا ہے۔بیجنگ میں افغان امن عمل کے حوالے سے 10 اور 11 جولائی کو اجلاس ہوا جس میں پاکستان، چین ، روس اور امریکی حکام نے شرکت کی۔چاروں ممالک نے افغانستان میں قیام امن کے لیے جاری کوششوں میں پیش رفت پر اطمینان کا اظہار کیا ہے اور چار ملکی افغان عمل میں پاکستان کی شمولیت کو سراہا گیا۔مشترکہ اعلامیے میں کہا گیا اس بات پر دو رائے نہیں کہ پاکستان افغان امن عمل میں اہم کردار ادا کر سکتا ہے۔اجلاس میں افغان حکومت اور طالبان کے درمیان مذاکرات کے لیے کی جانے والی کوششیں تیز کرنے پر اتفاق کیا گیا۔اعلامیے میں کہا گیا ہے کہ افغانستان پرامن معاہدے کا ایسا بنیادی ڈھانچہ جلدازجلد تیار کیا جائے گا جو افغان عوام کو قابل قبول ہو۔اجلاس میں اس بات پر بھی زور دیا گیا کہ تمام ممالک افغانستان میں سیز فائر کے لیے مزید اقدامات اٹھائیں گے اور اس سلسلے میں مذاکراتی دور بھی ہوں گے۔چاروں ممالک کے مشترکہ اعلامیہ میں مزید کہا گیا ہے کہ انٹرا افغان مذاکرات شروع ہوتے ہی دیگر اسٹیک ہولڈرز کو بھی اس عمل میں شامل کرنے پر غور ہوگا۔
خوشی ہے کہ دھونی کو رن آوٹ کرکے مجھے شہرت ملی ، مارٹن گپٹل
ویلنگٹن (ایچ ایم نیوز )نیوزی لینڈ کے بیٹسمین مارٹن گپٹل نے تین دن پہلے اولڈ ٹریفورڈ کے سیمی فائنل میں بھارت کے سابق کپتان اور وکٹ کیپر بیٹسمین مہندر سنگھ دھونی کو ایسے وقت پر براہ راست تھرو سے رن آوٹ کیا جب وہ بھارت کو جیت کی طرف لے جارہے تھے۔اسی رن آوٹ کے بعد دھونی سے مطالبہ کیا جارہا ہے کہ وہ ریٹائرمنٹ لے لیں۔ مارٹن گپٹل کہتے ہیں کہ ورلڈ کپ میں مجھے اپنی بیٹنگ کارکردگی کی وجہ سے مایوسی ہوئی ہے لیکن خوشی ہے کہ مہندر سنگھ دھونی کو رن آوٹ کرکے مجھے شہرت ملی ہے۔انہوں نے اعتراف کیا کہ شائقین مجھ سے میری کارکردگی کی وجہ سے مایوس ہیں، لیکن مجھ سے زیادہ مایوس کوئی اور نہیں ہے۔ مجھے امید ہے کہ فائنل میں ناکامیوں کا ازالہ کروں گا، ایسی کارکردگی دکھاوں گا جس کی مجھ سے توقع کی جارہی ہے۔واضح رہے کہ مارٹن گپٹل ورلڈ کپ کی پانچ اننگز میں ڈبل فیگر تک بھی نہیں پہنچ سکے ہیں۔ سیمی فائنل میں دھونی کو آوٹ کرکے انہوں نے شہ سرخیوں میں جگہ بنائی۔
گلبدین نائب فارغ،راشد خان افغانستان کرکٹ ٹیم کے نئے کپتان مقرر
کابل (ایچ ایم نیوز )ورلڈ کپ میں ناقص ترین کارکردگی کا خمیازہ گلبدین نائب کو بھگتنا پڑگیا اور ان کی جگہ راشد خان کو افغانستان کرکٹ ٹیم کا کپتان مقرر کردیا گیا ہے۔تفصیلات کے مطابق 20 سالہ لیگ سپنر راشد خان کو تینوں طرز کی کرکٹ کیلئے کپتان بنایا گیا ہے جبکہ اصغر افغان ٹیم کے نائب کپتان ہونگے۔اس سے قبل 20 سالہ لیگ سپنر راشد خان صرف ٹی 20 میچوں میں افغان ٹیم کی قیادت کرتے تھے۔ورلڈکپ 2019 میں گلبدین نائب کی قیادت میں افغان ٹیم کی کارکردگی نہایت ناقص رہی اسے اپنے 9 کے 9 میچوں میں شکست کا سامنا کرنا پڑا تھا۔خیال رہے کہ راشد خان نے ورلڈکپ کے 9 میچوں میں مجموعی طور پر 416 رنز دے کر 7 وکٹیں حاصل کیں جب کہ صرف انگلینڈ کے خلاف میچ میں انہوں نے 9اوورز میں ریکارڈ 110 رنز دیے اور کوئی وکٹ حاصل نہیں کی تھی۔
سو سالہ قدیم گرانڈ وائی ایم سی اے پر کھیلوں کی سرگرمیاں 17سال بعد بحال
Heart meetJuly 13, 2019سو سالہ قدیم گرانڈ وائی ایم سی اے پر کھیلوں کی سرگرمیاں 17سال بعد بحال
No comments
![](https://img2.blogblog.com/img/icon18_edit_allbkg.gif)
کراچی (ایچ ایم نیوز ) کراچی کا سو سالہ قدیم گرانڈ وائی ایم سی اے (ینگ مین کرسچیئن ایسوسی ایشن)قبضہ مافیا سے خالی ہوا تو سترہ سال کے طویل وقفے کے بعد وہاں کھیلوں کی سرگرمیاں بھی دوبارہ شروع ہوگئی ہیں۔وائی ایم سی اے گراونڈ سے اولمپئنز سہیل عباس، منصوراحمد مرحوم اور شاہد علی خان جیسے مایہ ناز کھلاڑی پاکستان ہاکی کو ملے۔گراونڈ کو سپریم کورٹ کے حکم پر کراچی سٹی ہاکی ایسوسی ایشن اور ڈپٹی کمشنرساتھ کی کوششوں سے خالی کرایا گیا۔سٹی ہاکی ایسوسی ایشن کے سیکریٹری حیدر حسین کا کہنا ہیکہ گرانڈ خالی کرانے کے باوجود پریشانی کا سامنا کرنا پڑا۔ سیکریٹری اسپورٹس وائی ایم سی اے بابرپال کا کہناہے کہ 17 سال میں اس گرانڈ کا حال خراب ہوگیا ہے لیکن محدود وسائل کے باوجود کھیلوں کی سرگرمیاں شروع کردی گئی ہیں۔وائی ایم سی اے کے اسسٹنٹ سیکریٹری پاسٹر ولیمز کا کہنا ہے کہ قابضین نے گرانڈ کو بہت نقصان پہنچایا ہم اسے اصل شکل میں لانے کی کوشش کررہے ہیں۔کراچی سٹی ہاکی ایسوسی ایشنز کے علاوہ کھیلوں کی دیگر ایسوسی ایشنز سے وابستہ افراد نیتاریخی اور قدیم گرانڈ میں سترہ سال بعد کھیلوں کی سرگرمیاں شروع ہونے کو خوش آئند قرار دیا ہے۔
پی ایف ایف نیشنل چیلنج فٹ بال کپ 19 جولائی سے شروع ہوگا
پشاور(ایچ ایم نیوز ) پاکستان فٹ بال فیڈریشن نیشنل چیلنج فٹ بال کپ 19 جولائی تا چار اگست طہماس خان فٹ بال سٹیڈیم پشاور میں کھیلا جائے گا۔ان خیالات کا اظہار خیبرپختونخوا فٹبال ایسوسی ایشن کے سیکرٹری جنرل باسط کمال نے میڈیا سے گفتگو کرتے ہوئے کیاانہوں نے کہا کہ ٹورنامنٹ میں ملک بھر سے 16 ٹیمیں حصہ لیں گی۔ٹیموں میں آرمی، نیوی، پی اے ایف، کے آر ایل، ریلوے، ایس ایس جی سی، این بی پی، ماشا یونائیٹڈ، ایشیا شوگر ملز، پی ٹی وی، پی سی اے اے، واپڈا، پی ایف ایف ٹائیگرز، کے پی ٹی، پولیس اور کراچی یونائیٹڈ شامل ہیں۔
ٹینس اسٹار راجرفیڈرر نے روایتی حریف رافیل نڈال کو شکست دے دی
لندن(ایچ ایم نیوز ) سوئٹزرلینڈ سے تعلق رکھنے والے ٹینس اسٹار راجر فیڈرر نے ٹینس ٹورنامنٹ ومبلڈن اوپن کے سیمی فائنل میں روایتی حریف رافیل نڈال کو شکست دے دی۔تفصیلات کے مطابق لندن میں جاری گرینڈ سلیم ٹورنامنٹ میں راجر فیڈرر نے روایتی حریف رافیل نڈال کو شکست دے کر فائنل میں جگی بنالی۔گرینڈ سلیم کے سیمی فائنل میں دونوں کھلاڑیوں نے شاندار کھیل پیش کیا اور پہلا سیٹ راجر فیڈرر نے ٹائی بریک پر6-7 سے اپنے نام کیا۔دوسرے سیٹ میں رافیل نڈال نے شاندار واپسی کی اور سیٹ 1-6 سے جیت کر مقابلہ 1-1 سے برابر کردیاراجر فیڈرر نے تیسرا سیٹ 3-6 سے جیت کر ایک مرتبہ پھر میچ میں برتری حاصل کی۔ رافیل نڈال دوبارہ مقابلہ برابر کرنے میں کامیاب رہے لیکن سوئس اسٹار نے 4-6 سے جیت کر سیمی فائنل اپنے نام کرلیا۔
ومبلڈن ٹینس، جوکووچ اور فیڈرر کا فائنل(آج)ہوگا
لندن (ایچ ایم نیوز ) ومبلڈن ٹینس، جوکووچ اور فیڈرر کا فائنل (آج) اتوار کو ہوگا۔ومبلڈن ٹینس کے دونوں سیمی فائنل لندن کے آل انگلینڈ کلب میں ہوئے۔ جن میں جوکووچ اور فیڈرر نے کامیابی حاصل کر کے فائنل کے لیے کوالیفائی کرلیا۔ نوواک جوکووچ اور راجر فیڈرر کے درمیان فائنل اتوار کو ہوگا۔پہلے سیمی فائنل میں دفاعی چیمپئن نوواک جوکووچ نے رابرٹو بوٹسٹا کو چار سیٹ کے مقابلے کے بعد مات دی، پہلا سیٹ جوکووچ کے نام رہا لیکن ،دوسرا سیٹ بوٹسٹانے 4-6 سے جیتا۔اگلے دونوں سیٹ میں جوکووچ نے حریف کی ایک نہ چلنے دی اور3-6 اور 2-6 کے اسکور سیفتح حاصل کی ۔دوسرا سیمی فائنل نیڈال اور فیڈرر کے درمیان ہوا، یہ میچ 3 گھنٹے اور 2 منٹ تک جاری رہا۔فیڈرر نے پہلے سیٹ میں سات چھ سے فتح حاصل کی، نیڈال نے دوسرا سیٹ چھ ایک سے اپنے نام کیا ۔تیسرے اور چوتھے سیٹ میں فیڈرر نے چھ تین اور چھ چار سے کامیابی حاصل کی اور فیصلہ کن معرکے میں جگہ بنالی۔
ورلڈکپ کیلئے ٹیم میں واپسی کا مطالبہ نہیں کیا، اے بی ڈی ویلیئرز
کیپ ٹائون (ایچ ایم نیوز ) جنوبی افریقہ کے سابق کرکٹر اے بی ڈی ویلیئرز نے ورلڈکپ میں ریٹائرمنٹ واپس لینے سے متعلق خبروں کی تردید کردی ہے ۔ جنوبی افریقہ کے سابق مایہ ناز کرکٹر اے بی ڈی ویلیئرز نے سوشل میڈیا پر اپنا تفصیلی بیان جاری کیاہے۔سابق جنوبی افریقن کرکٹر اے بی ڈی ویلیئرز نے ورلڈ کپ اسکواڈ میں واپسی کی کوششوں کے حوالے سے منسوب خبروں کی تردید کرتے ہوئے کہا ہے کہ انہوں نے ٹیم میں واپسی کا کوئی مطالبہ نہیں کیا تھا۔ورلڈ کپ کے دوران جنوبی افریقی ٹیم کی مسلسل شکست کے بعد یہ خبریں سامنے آئی تھیں کہ اے بی ڈی ویلیئرز نے ریٹائرمنٹ واپس لے کر عالمی کپ میں جنوبی افریقی ٹیم کی نمائندگی کی خواہش ظاہر کی لیکن ٹیم مینجمنٹ نے اسے مسترد کردیا۔تاہم ڈی ویلیئرز نے اس بات کی تصدیق کی کہ انہوں نے ٹیم کے کپتان فاف ڈو پلیسی سے بات چیت کی تھی۔انہوں نے کہا کہ فاف اور میں اسکول کے زمانے کے دوست ہیں اور ورلڈ کپ کے لیے ٹیم کا اعلان ہونے سے دو دن قبل میں نے ان سے بات چیت کی تھی۔ڈی ویلیئرز نے کہا میں انڈین پریمیئر لیگ کے دوران اچھی فارم میں تھا اور میں نے فاف سیکہا کہ اگر ضرورت ہوئی تو میں دستیاب ہوں، لیکن صرف اس صورت میں کہ اگر ٹیم کو ضرورت ہو۔
پاکستانی نژاد عامر خان نے پہلی بار آسٹریلوی باکسر کو ناک آوٹ کر دیا
Heart meetJuly 13, 2019پاکستانی نژاد عامر خان نے پہلی بار آسٹریلوی باکسر کو ناک آوٹ کر دیا
No comments
![](https://img2.blogblog.com/img/icon18_edit_allbkg.gif)
راحیل شریف نے عامر خان کو گلے لگایا اور مبارکباد دی،عامر خان کی جیت پر اسٹیڈیم پاکستان زندہ باد کے نعروں سے گونجا تو قومی پرچم بھی لہرا یا گیا
جدہ (ایچ ایم نیوز ) پاکستانی نژاد برطانوی باکسر عامر خان نے سعودی عرب میں بھی فتح کے جھنڈے گاڑ تے ہوئے پہلی بار سپر باکسنگ لیگ کے بڑے مقابلے میں آسٹریلوی باکسربلی ڈِب کو ناک آوٹ کر دیا ہے۔پاکستانی نژاد برطانوی باکسر عامر خان کے پے در پے مکوں کا نشانہ اس بار آسٹریلوی باکسر بلی ڈِب بنے۔جدہ کے کنگ عبدالعزیز اسٹیڈیم میں ہونے والے مقابلہ میں عامرخان نے اپنا لوہا منوایا۔عامر خان میچ کے پہلے را ونڈ سے ہی حریف پرحاوی رہے،عامخان نے بارہ رانڈز کے مقابلہ کے چوتھے رانڈ میں ہی آسٹریلوی باکسربلی ڈب کو ناک آوٹ کر ڈالا۔عامر خان کی جیت پر اسٹیڈیم پاکستان زندہ باد کے نعروں سے گونجا تو قومی پرچم بھی لہرا یا گیا،عامر خان اپنی جیت پرخوش تو تھے مگر انہوں نے بھارتی باکسر ویرت گویت سے مقابلہ نہ ہونے پر افسوس کا بھی اظہار کیا۔اسلامی عسکری اتحاد کے سربراہ جنرل ریٹائرڈ راحیل شریف اور وفاقی وزیر فواد چودھری نے بھی مقابلہ دیکھا،سابق آرمی چیف جنرل راحیل شریف نے عامر خان کو گلے لگایا اور مبارکباد دی۔عامر خان کا مقابلہ بھارتی باکسر ویرت گویت سے ہونا تھا مگرکار حادثے میں ویرت گویت کے زخمی ہونے پر بلی ڈِب سے انہیں مقابلہ کرنا پڑا۔
وسیم اکرم کی صاحبزادی لیموں پانی بیچنے لگیں، والدہ نے ننھی عائلہ کی لیموں پانی کا اسٹال لگائے تصویر سوشل میڈیا پر اپلوڈ کر دی
لاہور (ایچ ایم نیوز ) سوئنگ کے سلطان وسیم اکرم کی صاحبزادی عائلہ اکرم نے گرمی سے پریشان ہو کر لیموں پانی کا اسٹال لگا لیا۔سابق کپتان اور فاسٹ باولر وسیم اکرم کی اہلیہ شنیرا اکرم نے ننھی عائلہ کی لیموں پانی کا اسٹال لگائے تصویر سوشل میڈیا پر اپلوڈ کر دی۔گلابی فراک میں ملبوس عائلہ اپنے اسٹال کے عقب میں کھڑے مسکرا رہی ہیں ۔ ساتھ ہی لیموں پانی بنانے کے لئے درکار چیزیں بھی نظر آرہی ہیں ۔شنیرا اکرم نے اپنی بیٹی کی تصویر سماجی رابطے کی ویب سائٹ انسٹاگرام پر اپلوڈ کی اور کیپشن میں لکھا کہ لیموں پانی برطانیہ کا سب سے ٹھنڈا مشروب ہے۔ انہوں نے مزید لکھا کہ عائلہ اپنے ہاتھ سے بنے لیموں پانی سے پڑوسیوں اور ساتھیوں کی پیاس بجھائے گی۔ننھی عائلہ کی اس تصویر کو جہاں دیکھنے والوں نے بے حد پسند کیا، وہیں اداکار عدنان ملک نے بھی کمنٹ کیا۔اداکار نے کمنٹ میں لکھا کہ بلاشبہ یہ ایک خوبصورت عمل ہے ،انہوں نے اس مشروب کوپینے کی خواہش ظاہر کرتے ہوئے لکھا کہ وہ جب بھی کراچی آئیں مجھ سے پیسے وصول کر کے مجھے بھی اپنا لیموں پانی ضرورپلائیں۔
وسیم اکرم کا (آج) انگلینڈ کو سپورٹ کر نے کا اعلان
گزشتہ 30 سالوں سے انگلینڈ میرے لیے دوسرے گھر جیسی حیثیت رکھتا ہے،پاکستانی سابق فاسٹ بولر وسیم اکرم
لندن (ایچ ایم نیوز ) پاکستانی سابق فاسٹ بولر وسیم اکرم نے کہا ہے کہ میں انگلینڈ کو سپورٹ کروں گا کیوں کہ گزشتہ 30 سالوں سے انگلینڈ میرے لیے دوسرے گھر جیسی حیثیت رکھتا ہے۔عمران خان 11 کا حصہ رہنے والے سابق فاسٹ بولروسیم اکرم کا ٹوئٹ کرتے ہوئے کہنا ہے کہ ورلڈ کپ کے فائنل میچ میں اسی ٹیم کی حمایت کروں گا جہاں دل کہے گا۔انگلینڈ اور نیوزی لینڈ دونوں ممالک میں پاکستانیوں کی ایک کثیر تعداد بستی ہے، اس لئے میرے لئے یہ فیصلہ کرنا مشکل ہے کہ فائنل میچ میں میں کس ٹیم کو سپورٹ کروں۔انہوں نے مزید کہا کہ میں (آج) اتوار کے میچ میں انگلینڈ کو سپورٹ کروں گا کیوں کہ گزشتہ 30 سالوں سے انگلینڈ میرے لیے دوسرے گھر جیسی حیثیت رکھتا ہے۔
پاکستان کرکٹ کی تباہی کے ذمہ دار مکی آرتھر قرار
بورڈ حکام کا احتساب ہونا چاہیے سبحان کی اب کوئی ضرورت نہیں رہی،ورلڈکپ میں آخری 4میچز جیتنے کو کافی سمجھنے والوں کو شرم آنی چاہیے،واپسی پر بورڈ کا بڑا عجیب رویہ دیکھنے میں آیا،سابق کرکٹر عبدالقادر
لاہور(ایچ ایم نیوز ) سابق کرکٹر عبدالقادر نے پاکستان کرکٹ کی تباہی کا ذمہ دار مکی آرتھر کو قرار د یتے ہوئے کہا ہے کہ بورڈ حکام کا احتساب ہونا چاہیے سبحان کی اب کوئی ضرورت نہیں رہی۔پاکستان کرکٹ کی سب سے بڑی ویب سائٹ سے گفتگو کرتے ہوئے عبدالقادر نے کہا کہ مکی آرتھر نے پاکستان کرکٹ تباہ کردی،ہیڈ کوچ نے احمد شہزاد، سمیع اسلم، سلمان بٹ، عمراکمل اور سہیل خان سمیت کئی باصلاحیت کھلاڑیوں کو ڈراپ کیا، یہ کرکٹرز کارکردگی اچھی اور تجربہ کار ہونے کی وجہ سے پاکستانی فتوحات میں اہم کردار ادا کرسکتے تھے۔ اگر ان میں سے کسی کے نظم و ضبط کے حوالے سے مسائل بھی تھے تو پی سی بی کی ذمہ داری تھی کہ ان پر قابو پانے کیلیے طریقہ کار اپناتا تاکہ مستقبل میں اس طرح کے واقعات نہ ہوں۔ورلڈکپ میں ناقص کارکردگی کے باوجود پی سی بی کی جانب سے تسلسل کے ساتھ پریس کانفرنسز کے انعقاد پر انھوں نے کہا کہ بڑا عجیب رویہ دیکھنے میں آیا، ابتدا میں ناکامیوں کے بعد آخری 4 میچز جیت کر اس کو بڑی کامیابی ثابت کرنے والوں کو شرم آنی چاہیے،یہ فتوحات بھی جس انداز میں ہوئیں ان میں فخر کرنے والی کوئی بات نہیں، پاکستان نے مسلسل ناکامیوں کا سامنا کرنے والی جنوبی افریقی ٹیم کو ہرایا، اففانستان کیخلاف گرتے پڑتے قوم کی دعاں کے ساتھ فتح حاصل ہوئی۔سابق چیف سلیکٹر نے کہا کہ ورلڈکپ کیلیے پاکستان کی تیاریوں کا یہ عالم تھا کہ آغاز سے قبل ہمارا کمبی نیشن ہی حتمی نہیں تھا،محمد عامر اور وہاب ریاض کی آخر میں شمولیت سے اندازہ ہوتا ہے کہ ٹیم مینجمنٹ کا کوئی پلان ہی نہیں تھا،حیران کن بات نہیں کہ دونوں نے بعد ازاں بہترین کارکردگی کا مظاہرہ کیا۔انھوں نے کہا کہ مستقبل میں بہتری کیلیے سارے کوچنگ اسٹاف کو ہی تبدیل کردینے کی ضرورت ہے لیکن سرفراز احمد کو قیادت سے ہٹانا درست نہیں ہوگا،وہ ایک فائٹر کپتان اور ماضی میں اچھی کارکردگی کا مظاہرہ کرتے رہے ہیں،انڈر 19سطح سے قومی ٹیم تک آنے والے کرکٹر کے کریڈٹ پر چیمپئنز ٹرافی بھی ہے،صرف ایک خراب کارکردگی کی بنیاد پر ان سے کپتانی چھین لینا غلط فیصلہ ہوگا۔عبدالقادر کا کہنا ہے کہ پی سی بی میں 15یا 20سال سے براجمان عہدیداروں کا بھی احتساب ہونا چاہیے،انھوں نے کہا کہ ایک عرصے سے چند افراد بورڈ میں مختلف ذمہ داریاں نبھا رہے ہیں،ان سے سوال ہونا چاہیے کہ اس دوران انھوں نے کیا کارنامہ سرانجام دیا، چیئرمین پی سی بی تمام معاملات ایم ڈی وسیم خان کو سپرد کرکے اپنی ذمہ داریوں سے جان نہیں چھڑا سکتے، بورڈ کا سربراہ ہونے کے ناطے ان کو بھی جوابدہ ہونا ہوگا، پی سی بی میں بغیر کام کیے تنخواہیں وصول کرنے والوں کا بھی احتساب ہونا چاہیے،ایم ڈی کی تقرری کے بعد چیف آپریٹنگ آفیسر سبحان احمد کی بھی کوئی ضرورت نہیں رہی۔عبدالقادر نے انضمام الحق کے دورئہ انگلینڈ پر بھی سوال اٹھا دیا، سابق ٹیسٹ کرکٹر کا کہنا ہے کہ پی سی بی نے ان کو کھلی چھوٹ کیوں دی، چیف سلیکٹر کا کام ٹورنامنٹ سے قبل اسکواڈ کا انتخاب کرنا ہے ٹور سلیکشن کمیٹی میں ان کی کوئی مداخلت نہیں ہونا چاہیے، انھوں نے کہا کہ کپتان سرفراز احمد اور ہیڈکوچ مکی آرتھر بھی انضمام الحق کی انگلینڈ میں موجودگی سے خوش نہیں تھے،بہتر ہوتا کہ پی سی بی ان کو روک کر ایک طرف کردیتا۔
ورلڈ کپ 2019،دنیائے کرکٹ کو نیا عالمی چیمپئن (آج) ملے گا
فائنل میچ میزبان انگلینڈ اور نیوزی لینڈ کے درمیان تاریخی کھیلا جائے گا،ورلڈ کپ کی فیورٹ ٹیم اور میزبان انگلینڈ چوتھی مرتبہ ورلڈ کپ کا فائنل کھیلے گی،انگلش ٹیم 1992 کے بعد اب جاکے فائنل تک رسائی حاصل کرنے میں کامیاب ہوئی ہے
لارڈز(ایچ ایم نیوز ) ورلڈ کپ 2019 میں دنیائے کرکٹ کو نیا ورلڈ چیمپئن(آج) اتوار کو ملے گا، ایونٹ کا فائنل میچ میزبان انگلینڈ اور نیوزی لینڈ کے درمیان تاریخی گراونڈ لارڈز میں کھیلا جائے گا،ورلڈ کپ کی فیورٹ ٹیم اور میزبان انگلینڈ چوتھی مرتبہ ورلڈ کپ کا فائنل کھیلے گی،انگلش ٹیم 1992 کے بعد اب جاکے فائنل تک رسائی حاصل کرنے میں کامیاب ہوئی ہے۔نیوزی لینڈ کی ٹیم مسلسل دوسری بار فائنل تک پہنچنے میں کامیاب ہوئی ہے۔ 2015 کے ورلڈ کپ فائنل میں کیویز کو آسٹریلیا کے ہاتھوں شکست ہوئی تھی۔دونوں ٹیمیں پہلی بار میگا ایونٹ میں تاریخی گرانڈ لارڈز میں آمنے سامنے ہوں گی ۔دونوں ٹیمیں ابھی تک کوئی ورلڈ کپ نہیں جیت پائیں۔دوہزار گیارہ اور 2015 کے ورلڈ کپ میں میزبان ٹیموں نے کامیابی حاصل کی۔ 2011 میں بھارت اور 2015 میں آسٹریلیا ورلڈ چیمپیئن بنا۔ ایک بار پھر ایسا موقع آیا ہے کہ میزبان انگلینڈ کی ٹیم اپنی سرزمین پر فائنل کھیل رہی ہے۔ورلڈ کپ کی تاریخ پر نظردہرائی جائے تو آسٹریلیا کی ٹیم پانچ بار عالمی چیمپئن رہ چکی ۔ ویسٹ انڈیز اور بھارت نے 2،2 مرتبہ ورلڈ کپ جیتا۔ پاکستان اور سری لنکا نے ایک ، ایک مرتبہ ورلڈ چیمپئن ہونے کا اعزاز حاصل کیا ہے۔
اب وزیراعظم عمران کے بھانجے بن گئے گلوکارہ میشا کا نشانہ
اسلام آباد(ایچ ایم نیوز )وزیراعظم عمران خان کے بھانجے بیرسٹر اور سماجی کارکن حسان خان نیازی نے کہا ہے کہ انہیں علی ظفرکی طرفداری کرنے اور میشا شفیع کی غیرملکی فنڈنگ پر سوالات اٹھانے پرگلوکارہ میشا شفیع کی جانب سے دھمکایا جارہا ہے۔گلوکارہ میشا شفیع نے گزشتہ برس علی ظفرپرمی ٹو مہم کے تحت جنسی ہراسانی کا الزام لگایا تھا، اس معاملے کو ایک سال سے زائد کا عرصہ گزرچکا ہے، اس وقت یہ معاملہ عدالت میں ہے تاہم اس عرصے میں اس تنازع نے کئی موڑ لیے ہیں۔حال ہی میں وزیراعظم عمران خان کے بھانجے بیرسٹر اور سماجی کارکن حسان نیازی نے گلوکارہ میشا شفیع پرالزام لگاتے ہوئے کہا ہے کہ میشا اور ان کی ٹیم کی جانب سے انہیں دھمکیاں دی جارہی ہیں کہ وہ می ٹومہم کو میرے خلاف استعمال کرسکتی ہیں کیونکہ میں نے میشا شفیع کو ملنے والی غیر ملکی فنڈنگ پر سوال اٹھائے تھے۔حسان نیازی نے کہا میشا شفیع اپنے ذاتی مقاصد اورپوائنٹ اسکورنگ کے لیے می ٹومہم کا غلط استعمال کررہی ہیں لیکن میں یہاں واضح کرنا چاہتا ہوں کہ اگرمجھے بلیک میل کیا گیا تومیں انہیں مزید بے نقاب کروں گا۔ اس کے ساتھ ہی حسن نیازی نے اپنی ٹوئٹ میں ہیش ٹیگ میشا وومن کارڈ استعمال کررہی ہیں بھی لکھا۔ واضح رہے کہ حسان نیازی نے میشا شفیع کو علی ظفر کے خلاف جعلی گواہ پیش کرنے پر تنقید کا نشانہ بناتے ہوئے انہیں اور ان کی ٹیم کو ملنے والی غیر ملکی فنڈنگ پر سوال اٹھائے تھے۔دوسری جانب میشا شفیع نے حسان نیازی کے ان الزامات کو رد کرتے ہوئے کہا ہے کہ میں اس شخص سے نہ کبھی ملی ہوں اور نہ ہی میں نے اس پر الزام لگایا ہے، اگرچہ اس نے مجھے گزشتہ برس پیغام بھیجا تھا لیکن مجھے یاد نہیں کہ میں نے اسے جواب دیا تھا۔
آکسفورڈ یونیورسٹی میں ایک ہال میرے نام سے منسوب کیا گیا ہے ، مجھے ایوارڈ سے بھی نوازا گیا ،راحت فتح علی خان
Heart meetJuly 13, 2019آکسفورڈ یونیورسٹی میں ایک ہال میرے نام سے منسوب کیا گیا ہے ، مجھے ایوارڈ سے بھی نوازا گیا ،راحت فتح علی خان
No comments
![](https://img2.blogblog.com/img/icon18_edit_allbkg.gif)
لاہور(ایچ ایم نیوز )گلوکار راحت فتح علی خان نے کہا ہے کہ آکسفورڈ یونیورسٹی کی جانب سے ڈاکٹریٹ کی اعزازی ڈگری ملنا انتہائی خوشی کا باعث ہے اور یہ صرف میرا نہیں بلکہ پورے پاکستان کافخر ہے ۔ایک انٹرویو میں راحت فتح علی نے کہا کہ عزت اور شہرت میری ماں اور اساتذ ہ کی دعائوں کی بدولت ہے ۔انہوں نے کہا کہ آکسفورڈ یونیورسٹی میں ایک ہال بھی میرے نام سے منسوب کیا گیا ہے جبکہ مجھے ایوارڈ سے بھی نوازا گیا ۔راحت فتح علی نے کہا کہ میرے استاد نصرت فتح علی خان کو بھی واشنگٹن کی یونیورسٹی سے ڈاکٹریٹ کی اعزازی ڈگری سے نوازا گیا تھا اور اب مجھے بھی ان کی طرح فن کی خدمت پر دنیا کے نامور ادارے سے اعزازی ڈگری ملی ہے جو صر ف میرے نہیں بلکہ پورے پاکستان کیلئے فخر کی بات ہے ۔