شوبز میں شارٹ کٹ نہیں، محنت سے ہی کا میابی ملتی ہے‘ صائم ملک

لاہور(ایچ ایم نیوز)اداکارہ صائم ملک نے کہا ہے کہ شوبز میں شارٹ کٹ نہیں محنت سے ہی کا میابی ملتی ہے‘پاکستان میں بے پناہ ٹیلنٹ موجود ہے لیکن پرموشن نہ ہونے کے برابر ہے، شوبز میں پڑھے لکھے افراد کی آمد نہایت ضروری چیز ہے۔ اپنے ایک انٹر ویو میں صائم ملک نے کہا کہ حکومت کو سرکاری سطح پر فن اور فنکار کی پرموشن کے لئے مناسب اقدامات کرنے چاہیے تاکہ نئے ٹیلنٹ کی حوصلہ افزائی ہو سکے۔ ایک سوال کے جواب میں انہوں نے کہا کہ ٹی وی‘ماڈلنگ اور اسٹیج میں بے پناہ مصروفیات کے باعث گھر کے لئے مناسب وقت نکالنا مشکل ہو گیا ہے ذاتی زندگی میں بلا وجہ کی مداخلت سخت ناپسند ہے۔ انہوں نے کہا کہ ہمیں مستحق لوگوں کا بھی خاص خیال رکھنا چاہیے۔