مظفرآباد(ایچ ایم نیوز)میٹرک کے نتائج میں پرائم سکالج آف کامرس کا شاندار رزلٹ ،ادارے کے تمام طلبہ نمایاں نمبرات کے ساتھ کامیاب،عوام علاقہ نے شاندار رزلٹ دینے پر صدر معلم،ادارے کے سٹاف اور محکمہ تعلیم کے آفسیران کو مبارکباد دیتے ہوئے مطالبہ کیا ہے کہ ادارے میں سٹاف کی کمی کو پورا کیا جائے۔یاد رہے کہ مذکورہ سکول تعلیمی پیکج کی تحت اپ گریڈ ہوا اور گزشتہ کئی سالوں سے 100 فیصد رزلٹ دے رہا ہے۔ نجی شعبے میں قائم اثریہ پبلک سکول اینڈ کالج اوردوسری تعلیم اداروں میں نمایاں فرق یہ بھی ہے کہ یہاں طلباء کی جدید علوم کے ساتھ کردارسازی اوران میں قائدانہ صلاحتیں پیدا کرنے پر بھی برابر توجہ دی جاتی ہے جس پر والدین اور شہریوں نے ادارہ کو زبردست خراج تحسین پیش کیا۔دریں اثناء سکول کے پرنسپل نے تمام کامیاب ہونے والے ہونہار طلباء،طالبات اوراساتذہ کو شاندار محنت پر مبارکباد پیش کی ہے۔
New User Gifts
یوم نیلہ بٹ کی تین روزہ تقریبات کے لئے کمیٹیوں کی منظوری دے دی گئی
مظفرآباد(ایچ ایم نیوز)آل جموںو کشمیر مسلم کانفرنس کے صدر مرزا محمد شفیق جرال ایڈووکیٹ نے جہاد آزاد ی کشمیرکے نقطہ آغاز نیلہ بٹ کے 72 ویں یوم تاسیس کو شا یاں شان طریقے سے منانے کے لئے مرکزی مجلس استقبالیہ، مرکزی مجلس انتظامیہ اور سوشل میڈیا چیئرمین پرسن کی منظوری دے دی ہے۔ مسلم کانفرنس کے قائمقام سیکرٹری جنرل سردار عبدالرازق خان ایڈووکیٹ کی طرف سے جاری علامیہ کے مطابق مرکزی مجلس استقبالیہ کے چیئرمین سردار عبدالرشید خان چغتائی ، سیکرٹری سید امجد گردیزی ایڈووکیٹ، مرکزی مجلس انتظامیہ کے چیئرمین ڈاکٹر عبدالشکور خان ، سیکرٹری سردار عنصر شہزاد عباسی ہونگے۔محترمہ سمیعہ ساجد راجہ ۔ مظفرآباد چیئرپرسن سوشل میڈیا ہونگی۔ مرکزی مجلس استقبالیہ کے ممبران میں سردار الطاف حسین خان(پلندری)،ملک محمد نواز خان(کوٹلی)،راجہ محمد یٰسین خان(باغ)،سردار محمد صغیر خان چغتائی(پونچھ)،سردار مختار احمد خان عباسی۔ ممبر کشمیر کونسل،دیوان علی خان چغتائی(مظفرآباد)،سردار خضر حیات خان (نکیال)،سردار عبدالرازق خان ایڈووکیٹ(راولپنڈی)،راجہ ظفر معروف (میرپور)،وحید الحق ہاشمی ایڈووکیٹ(گجرانوالہ)، محترمہ شمیم علی ملک(نیلم)،سردار منظور چغتائی ایڈووکیٹ(باغ)،سردار کاشان مسعودخان(ہجیرہ)،میجر(ر) خضر الرحمان راجا(سماہنی بھمبر) اورمحترمہ سمعیہ ساجد راجا(مظفرآباد) جبکہ تمام ضلعی اور ڈویژنل صدوربلحاظ عہدہ مجلس استقبالیہ کے ممبرز ہونگے۔مرکزی مجلس انتظامیہ کے ممبران میں سردار سفیر خان کلس پجے،سجاد عباسی،سردار جلیل احسن نیلہ بٹ اورسردار توصیف عباسی ہونگے۔ دیگر کمیٹیوں کے عہدیداران و ممبران کے ناموں کا اعلان آئندہ چند رو ز میں کر دیا جائے گا۔مسلم کانفرنس کے قائمقام سیکرٹری جنرل نے کہا ہے کہ اکیس اگست کو تحریک آزادی کشمیر کے شہید اول اور دیگر شہداء کی قبروں پر فاتحہ خوانی اور پھولوں کی چادریں چڑھائی جائیں گی۔ بائیس اگست کو بارہ دری نیلہ بٹ کے مقام پر ختم شریف کا اہتمام کیا جائے گا جسمیں شہدائے تحریک آزادی کشمیر اور مقبوضہ ریاست کی آزادی کے لئے خصوصی دعائیں مانگی جائیں گی۔ تیئس اگست کوصبح دس بجے جلسہ عام منعقد کیا جائے گا جسمیں مختلف سیاسی و مذہبی جماعتوں کے قائدین خطاب فرمائیں گے۔
سابق میڈیا ایڈوائزر کا خالق آباد کے رہائشی دو بھائیوں کی وفات پر گہرے دکھ اور افسوس کا اظہار
دونوں بھائیوںکی موت کے ذمہ دار محکمہ برقیات کے اعلیٰ حکام ہیں،حکومت اور چیف سیکرٹری آزادکشمیر نے نوٹس نہ لیاتوشدید احتجاج کریںگے،خالد محمود خالق
بریڈفورڈ (ایچ ایم نیوز)سابق میڈیا ایڈوائزر خالد محمود خالق نے خالق آباد کے دو بھائیوں کی وفات پر گہرے دکھ اور افسوس کا اظہار کرتے ہوئے کہا کہ دونوں بھائیوںکی موت کے ذمہ دار محکمہ برقیات کے اعلیٰ حکام ہیں،حکومت آزادکشمیر اور چیف سیکرٹری آزادکشمیر نے دونوں بھائیوں کی اموات کا نوٹس نہ لیا اور غفلت برتنے والے محکمہ برقیات کے اعلیٰ حکام کو نوکریوں سے برطرف نہ کیا گیا تو پھر تارکین وطن دیار غیر میں حکومت آزادکشمیر اور برقیات ملازمین کے خلاف شدید احتجاج کرینگے۔ محکمہ برقیات کی نا اہلی کی وجہ سے یہ پہلا واقعہ رونما نہیں ہوا بلکہ اس سے پہلے بھی میرپور نانگی پارک میں دو اموات ہو چکی ہے مگر اس کے باوجود محکمہ برقیات کے اعلیٰ حکام اپنی ذمہ داری پوری کرنے سے کترا رہے ہیں خالق آباد کے دو بھائیوں کی اموات کا مقدمہ چیف انجینئر برقیات کے خلاف درج ہونا چاہیے تا کہ آئندہ ایسے جانی نقصان سے بچا جا سکے۔ہفتہ کو اپنے بیان میں خالد محمو د خالق نے کہا کہ دونوں بھائی کی موت سے نہ صرف اہلیان میرپور و خالق آباد کے عوام غم سے نڈھال ہیں بلکہ دیار غیر میں مقیم تارکین وطن میں دونوں بھائیوں کی اچانک وفات سے گہرے صدمے سے دوچار ہیں۔انہوں نے کہا کہ دونوں بھائیوں کی موت محکمہ برقیات کی غفلت اور نا اہلی کی وجہ سے ہوئی ہے محکمہ برقیات کے چیف انجینئر اور اعلیٰ حکام کے خلاف مقدمہ درج ہونا چاہیے محکمہ برقیات کی غفلت کی وجہ سے میرپور میں چار اموات ہو چکی ہیں مگر اس کے باوجود برقیات کے ملازمین خواب خرگوش کے مزے لے رہے ہیں۔انہوں نے کہا کہ اگر حکومت آزادکشمیر اور چیف سیکرٹری آزادکشمیر نے خالق آباد میں دوبھائیوں کی اموات کا نوٹس نہ لیا تو پھر تارکین وطن دیار غیر میں حکومت آزادکشمیر اور چیف انجینئر برقیات کے خلاف شدید احتجاج کرنے پر مجبور ہونگے۔آخر میں انہوں نے کہا کہ اللہ پاک دونوں بھائیوں کو کروٹ کروٹ جنت میں اعلیٰ مقام عطا فرمائے اور پسماندگان کو یہ دلی صدمہ برداشت کرنے کی توفیق دے آمین۔
امریکہ کی جانب سے ثالثی کا کردار پیش کی کرنے کی پیشکش اچھا اقدام ہے،کشور عزیز
میرپور(ایچ ایم نیوز)آل جموں کشمیر مسلم کانفرنس خواتین ونگ سٹی میرپور کی سابق صدر کشور عزیز نے کہا ہے کہ امریکہ کی جانب سے ثالثی کا کردار پیش کی کرنے کی پیشکش اچھا اقدام ہے، مسئلہ کشمیر کا حل وقت کی ضرورت ہے نہتے مسلمانوں کی نسل کشی کو پہلے مرحلہ میں روکا جائے کئی سالوں سے کشمیری قوم جان کی بازی لگا کر کشمیر بنے گا پاکستان کی تکمیل کرنے کیلئے قربانیاں دے رہے ہیں پاکستان کو تنہا کرنے کا خواب کبھی پورا نہیں ہو گا آل جموں کشمیر مسلم کانفرنس نظریاتی محاذ کی مضبوطی کیلئے کوشاں ہے مسئلہ کشمیر کا پر امن حل کشمیریوں کو منشاء ہے کشمیر کو بھارتی چھاونی میں تبدیل کر کے نہتے مسلمانوں کے ساتھ جو سلوک کیا جا رہا ہے قابل مذ مت ہے وزیر اعظم پاکستان کی ٹرمپ سے ملاقات اور بالخصوص مسئلہ کشمیر کے حل میں ثالثی کا کردار ادا کرنے کی پیشکش خوش آئند ہے آل جموں کشمیر مسلم کانفرنس خواتین ونگ سٹی میرپور کی سابق صدر محترمہ کشور عزیز نے کہا کہ پاکستان ہماری امنگوں کا ترجمان ہے مسلح افواج پاکستان نے ہر مشکل گھڑی میں عوام کے ساتھ یکجہتی کا مظاہرہ کیا حالیہ واقعہ ملکی سلامتی پر حملہ تھا ایسے شر پسند عناصر کے خلاف سخت سے سخت کاروائی عمل میں لائی جائے پاکستان افواج کے خلاف لب کشائی اور حملہ کرنے والے ملک قوم اور امن کے دشمن ہیں پاکستان فوج نے اپنی جانوں کے نذرانے دے کر پاکستان کی جڑوں کو مضبوط کیا عالم اسلام کے خلاف یہود نصار بر سرے پیکار ہیں ایسے ھالات میں مملکت خداداد پاکستان میں شر پسند عناصر کے خلاف سخت ایکشن لیا جائے ۔
قائد مسلم کانفرنس سردار عتیق احمد خان کو برطانیہ دورہ پر خوش آمدید کہتے ہیں ،آل جموں کشمیر مسلم کانفرنس کی ریاستی تشخص کی بحالی کیلئے خدمات تاریخ کا سنہرا باب ہے
آل جموں کشمیر مسلم کانفرنس کے مرکزی رہنما سابق امیدوار قانون ساز اسمبلی حلقہ ایل اے ٹو اشفاق احمد خان کا بیان
میرپور(ایچ ایم نیوز)آل جموں کشمیر مسلم کانفرنس کے مرکزی رہنما سابق امیدوار قانون ساز اسمبلی حلقہ ایل اے ٹو اشفاق احمد خان نے کہا ہے کہ قائد مسلم کانفرنس سابق وزیر اعظم آزاد کشمیر سردار عتیق احمد خان کو برطانیہ دورہ پر خوش آمدید کہتے ہیں، آل جموں کشمیر مسلم کانفرنس کی ریاستی تشخص کی بحالی کیلئے خدمات تاریخ کا سنہرا باب ہے، تارکین وطن ہونے والی تقریب میں بھرپور شر کت کریں گے آل جموں کشمیر مسلم کانفرنس کی مضبوطی کیلئے کردار جاری رہے گا آل جموں کشمیر مسلم کانفرنس کی قیادت متحد ہے بہت جلد آل جموں کشمیر مسلم کانفرنس کا دور دورہ ہوگا۔ہفتہ کو اپنے بیان میں انہوں نے کہا کہ قائد کشمیر سابق وزیر اعظم آزاد کشمیر سردار عتیق احمد خان کا دورہ برطانیہ اہمیت کا حامل ہے ریاستی جماعت کے وراث کارکنان ہرمیدان میں کامیابی کیلئے کوشاں ہیں نظریاتی محاذ کی وارث سیاسی جماعت آل جموں کشمیر مسلم کانفرنس تحریک آزاد کشمیر، تکمیل پاکستان کی جدو جہد جاری رکھے ہوئے ہیں امریکہ کی جانب سے ثالثی کا کردار پیش کی کرنے کی پیشکش اچھا اقدام ہے مسئلہ کشمیر کا حل وقت کی ضرورت ہے نہتے مسلمانوں کی نسل کشی کو پہلے مرحلہ میں روکا جائے کئی سالوں سے کشمیری قوم جان کی بازی لگا کر کشمیر بنے گا پاکستان کی تکمیل کرنے کیلئے قربانیاں دے رہے ہیں آل جموں کشمیر مسلم کانفرنس کے مرکزی رہنما سابق امیدوار قانون ساز اسمبلی حلقہ ایل اے ٹو اشفاق احمد خان نے کہا کہ پاکستان کو تنہا کرنے کا خواب کبھی پورا نہیں ہو گا آل جموں کشمیر مسلم کانفرنس نظریاتی محاذ کی مضبوطی کیلئے کوشاں ہے مسئلہ کشمیر کا پر امن حل کشمیریوں کو منشاء ہے کشمیر کو بھارتی چھاونی میں تبدیل کر کے نہتے مسلمانوں کے ساتھ جو سلوک کیا جا رہا ہے قابل مذ مت ہے وزیر اعظم پاکستان کی ٹرمپ سے ملاقات اور بالخصوص مسئلہ کشمیر کے حل میں ثالثی کا کردار ادا کرنے کی پیشکش خوش آئند ہے۔
وزیراعظم آزادکشمیرکی ہدائت پراسسٹنٹ کمشنرراجہ طارق کا حلقہ فتح پورتھکیالہ میںکھلی کچہری کاانعقاد
کھلی کچہری میںعوام علاقہ نے اپنے اپنے مسائل بیان کئے اوربعض محکموںکے خلاف شکایات بھی کیں
شہریوںکوجملہ درپیش مسائل کے حل کیلئے انتظامیہ ،پولیس اورتمام سرکاری محکمہ جات بھرپوراقدامات اٹھائیںگے ،راجہ طارق
کوٹلی/فتح پورتھکیالہ(ایچ ایم نیوز)وزیراعظم آزادکشمیرراجہ محمدفاروق حیدرخان کی ہدائت پراسسٹنٹ کمشنرراجہ طارق نے حلقہ فتح پورتھکیالہ میںکھلی کچہری کاانعقاد کیا۔ کھلی کچہری میںعوام علاقہ نے اپنے اپنے مسائل بیان کئے اوربعض محکموںکے خلاف شکایات بھی کیں۔کھلی کچہری میںایڈمنسٹریٹرسردارذوالفقارکھنڈہاروی، ایس ایچ اوراجہ طاہرایوب،ا ے ای اویاسین حسرت،چیف آفیسرسردارمحمدعظیم خان،رینج آفیسرسرداراخترودیگرمحکمہ جات کے متعلقین،سیاسی وسماجی رہنماچوہدری ظفرعالم ایڈووکیٹ کے علاوہ حلقہ بھرسے عوام علاقہ،تاجرحضرات کی کثیرتعداد نے شرکت کی۔ہفتہ کو کھلی کچہری سے خطاب کرتے ہوئے اسسٹنٹ کمشنرراجہ طارق نے کہا کہ حکومت آزادکشمیراورچیف سیکرٹری آزادکشمیرکی ہدایات پرضلعی انتظامیہ اورجملہ سرکاری محکمہ جات عوامی خدمت کے لیے کوئی دقیقہ فروگزاشت نہیںکرینگے،روزمرہ اشیاء کی پڑتال اورپرائس کنٹرول کمیٹی کی طرف سے مقررکردہ نرخوںکے مطابق اشیاء خردونوش کی فروخت یقینی بنانے کے لیے ہرممکن اقدامات اٹھائے جارہے ہیں،شہریوںکوجملہ درپیش مسائل کے حل کے لیے انتظامیہ ،پولیس اورتمام سرکاری محکمہ جات بھرپوراقدامات اٹھائیںگے ،سڑکات اورحلقہ بھرمیںمحکمہ تعلیم،پبلک ہیلتھ وصحت کے ھوالہ سے عوامی شکایات کاازالہ کیاجارہاہے ۔جن میں سے بعض شکایات کواسسٹنٹ کمشنرنے موقع پرحل کرنے کی ہدایات کیں۔اسسٹنٹ کمشنرراجہ طارق نے محکمہ شاہرات کوہدائت کی کہ وہ حالیہ مون سون میںروڈپرممکنہ سلائڈنگ کے لیے محکمہ شاہرات کے اہلکاران کوالرٹ رکھیں۔اسسٹنٹ کمشنرراجہ طارق نے عوام علاقہ کویقین دلایاکہ محکمہ جات کے اہلکاران تحصیل فتح پورتھکیالہ میں پراپربیٹھ کراپنے فرائض سرانجام دینگے اسسٹنٹ کمشنرنے محکمہ صحت کے آفیسران کوہدائت کی کہ وہ صحت کی سہولیات کے سلسلہ میںاپنے سٹاف کی صحت کے مراکزمیںحاضری یقینی بنائیں۔شرکاء کھلی کچہری نے حکومت آزادکشمیراوروزیرمال سردارفاروق سکندرخان کابھارتی افواج کی بلااشتعال فائرنگ کے نتیجہ میںزخمی وشہیدہونے والوںکوبروقت معاوضہ کی ادائیگی پرشکریہ اداکیا۔ایس ایچ اوراجہ طاہرایوب نے کہاکہ عوام کی جان ومال کی حفاظت ہماری ذمہ داری ہے پولیس اپنے پیشہ ورانہ فرائض احسن طریقہ سے سرانجام دے رہی ہے شہری بھی پولیس کے ساتھ تعاون کریںتاکہ معاشرہ سے جرائم کامکمل خاتمہ ہوسکے۔کھلی کچہری کے اختتام پرشرکاء نے ضلعی انتظامیہ بالخصوص اسسٹنٹ کمشنرراجہ طارق کا کھلی کچہری لگانے پرشکریہ اداکیا۔
جماعت اسلامی ریاست کے دونوں آزاد خطوں کو اسلامی فلاحی ریاست بنانے کی جدوجہد کررہی ہے ،جماعت اسلامی کے پاس بے روزگار نوجوانوں کیلئے روزگار اور صحت کی بہتر سہولیات کا بہتر ایجنڈا موجود ہے جماعت اسلامی آمدہ انتخابات میں بھرپور طریقے سے ریاست کے دونوں آزاد خطوں میں حصہ لے گی
جماعت اسلامی آزاد جموں وکشمیر کے امیر ڈاکٹر خالد محمود خان کا مرکزی مجلس شوریٰ کے افتتاحی سیشن سے خطاب
اسلام آباد (ایچ ایم نیوز)جماعت اسلامی آزاد جموں وکشمیر کے امیر ڈاکٹر خالد محمود خان نے کہا ہے کہ جماعت اسلامی ریاست کے دونوں آزاد خطوں کو اسلامی فلاحی ریاست بنانے کی جدوجہد کررہی ہے ،جماعت اسلامی کے پاس بے روزگار نوجوانوں کیلئے روزگار اور صحت کی بہتر سہولیات کا بہتر ایجنڈا موجود ہے جماعت اسلامی آمدہ انتخابات میں بھرپور طریقے سے ریاست کے دونوں آزاد خطوں میں حصہ لے گی ، ،آزادکشمیر اور گلگت بلتستان کو وفاق ڈیمز کی رائلٹی ،واٹر یوزیز چارجزصوبوں سے بڑھ کر دئیے جائیں،دونوں آزاد خطوں کو لوڈ شیڈنگ سے مستثنیٰ قرار دیا جائے ،وفاق 15لاکھ بیرون ملک کشمیریوں کے فارن ایکسچینج کا50سالہ حساب دے،کشمیر کی آزادی نوشتہ دیوار ہے ،ہندوستان مقبوضہ کشمیر جماعت اسلامی پر پابندی اٹھائے ،جماعت اسلامی امت کی وحدت پر یقین رکھتی ہے صدر مرسی شہید سمیت ان سارے قائدین کو خراج تحسین پیش کرتی ہے جو احیاء اسلام کے لیے میدان عمل میں ہیں ،ان خیالات کااظہار انہوں نے جماعت اسلامی آزاد جموں وکشمیر کی مرکزی مجلس شوریٰ کے افتتاحی سیشن سے خطاب کرتے ہوئے ،اس موقع پر سابق امیر جماعت اسلامی سردار اعجاز افضل خان،نائب امراء نورالباری، ارشد ندیم ایڈووکیٹ،مشتاق ایڈووکیٹ،راجہ جہانگیر خان ،سیکرٹری جنرل راجہ فاضل تبسم سمیت دیگر قائدین نے گفتگو کی ،اجلاس میں سابقہ کام کا جائزہ پیش کیا گیا ،اجلاس سے خطاب کرتے ہوئے ڈاکٹر خالد محمود خان نے کہا کہ جماعت اسلامی آزاد خطے کی سب سے بڑی دینی سیاسی جماعت ہے جو نظام کو تبدیل کرنے کی جدوجہدکر رہی ہے ،اللہ کی توفیق سے ہی ہم ایسی تحریک سے وابستہ ہیں جو کار انبیاؑ کی امین ہے ،اللہ کی توفیق کے بغیر ہم ایک قدم بھی نہیں اٹھا سکتے یہ اللہ کا ہم سب پر کرم ہے کہ ہم اللہ کے دین کے غلبے کی جدوجہد میں اپنا کردار ادا کررہے ہیں ،انہوں نے کہاکہ جماعت اسلامی کے پاس باصلاحیت،دیانتدار ،امانتدار عوام کی خدمت کرنے والی قیادت موجود ہے ،جماعت اسلامی کے ادارے آزاد کشمیر میں نمایاں خدمات سر انجام دے رہے ہیں ،ڈاکٹر خالد محمود خان نے کہاکہ ریڈ فائونڈیشن نے تعلیم کے میدان میں نمایاں خدمات سر انجام دی ہیں بورڈ میں پوزیشنز حاصل کیں جن پر ہم ریڈ فائونڈیشن کی تمام انتظامیہ سٹاف اور طلبہ کو مبارکباد پیش کرتے ہیں ،الخدمت فائونڈیشن نے خدمت کے میدان میں کار ہائے نمایاں سر انجام دئیے ہیں مساجد و مدارس فائونڈیشن نے آزاد خطے کے نوجوانوں کو دینی تعلیم دینے کا بیڑا اٹھایا ہے اور ایسے علماء تیار کررہی ہے جو جدید چیلنجز سے نمبر د آزما ہونے کا داعیہ رکھتے ہوں ،انہوں نے کہاکہ آزاد کشمیر میں نہ فرقہ واریت ہے نہ ہی سرمایہ دارانہ اور جاگیردارانہ نظام ہے اس موافق فضا سے استفاد کرتے ہوئے آزاد خطے کے ایک ایک فرد تک اللہ کے پیغام کو پہنچایا جائے ،مطالعے کے کلچر کو عام کیا جائے روزانہ قرآن و حدیث کا مطالعہ کیا جائے ،انہوں نے کہاکہ جماعت اسلامی ویژن 2030لے کر میدان عمل میں ہے کشمیر کی آزادی اور بیس کیمپ کی خوشحالی کے لیے جماعت اسلامی مصروف جہد ہے ۔
خطے کو ایٹمی جنگ سے بچانے کیلئے مسئلہ کشمیر کا سہ فریقی حل نکالنا ناگزیر ہے، مذاکرات کا ماحول بنانے کیلئے تمام فریقین کو اپنا فعال کردار ادا کرنا ہوگا،امریکی صدر ڈونلڈ ٹرمپ کی ثالثی کی پیشکش بہت اہم ہے
آل جموںو کشمیر مسلم کانفرنس کے قائد و سابق وزیراعظم آزادکشمیر سردار عتیق احمد خان کا استقبالیہ سے خطاب
برمنگھم(ایچ ایم نیوز) آل جموںو کشمیر مسلم کانفرنس کے قائد و سابق وزیراعظم آزادکشمیر سردار عتیق احمد خان نے کہا ہے کہ خطے کو ایٹمی جنگ سے بچانے کیلئے مسئلہ کشمیر کا سہ فریقی حل نکالنا ناگزیر ہے، مذاکرات کا ماحول بنانے کیلئے تمام فریقین کو اپنا فعال کردار ادا کرنا ہوگا،امریکی صدر ڈونلڈ ٹرمپ کی ثالثی کی پیشکش بہت اہم ہے۔وہ ہفتہ کو اپنے برطانیہ کے دورے کے دوران لار ڈ مئیر آف برمنگھم چوہدری محمد عظیم کی طرف سے دئیے گئے استقبالیہ سے خطاب کررہے تھے۔ خطاب کرتے ہوئے سردار عتیق احمد خان نے کہا کہ جنوبی ایشیاء کی دو ایٹمی طاقتوں کے درمیان جنگ کا تصور خوفناک ہے، مسئلہ کشمیر کے حوالے سے عمران خان کے دورے سے مسئلہ کشمیر پر جمود ٹوٹا ہے ، نریندر مودی نے جو بات امریکی صدر سے اندر کی ہے وہ باہر نہیں کر سکتے کیونکہ ان پر دبائو ہے۔ امریکہ پاکستان اور عالمی طاقتوں کو نریندر مودی کو اس دبائو سے نکالنا چاہئے ۔ چین نے امریکی صدر کی پیشکش کا خیر مقدم کیا ہے، برطانیہ ، روس اور یورپ کو بھی اس کی تقلید کرنی چاہئے۔ اقوام متحدہ میں کشمیریوں کی شرکت سہ فریقی مذاکرات ہی کی شکل ہے۔ افغانستان پراکسی نیو کلئیر سٹیٹ ہے جہاں کئی ایٹمی طاقتیں سرگرم ہیں ۔ خطے کو تباہی سے بچانے کیلئے مسئلے کا حل ضروری ہے۔ دنیا میں دو ہی راستے ہیں یا تو مسئلہ جنگ سے حل کیا جائے یا مذاکرات کے ذریعے ۔ اس بار اگر امریکہ کو افغانستان سے پر امن طریقے سے نکلنا ہے تو کشمیر کا مسئلہ حل کرنا ہوگا۔ انھوں نے کہا کہ ہندوستان کو ٹوٹنا بچانے کیلئے مسئلہ کشمیر کا پر امن حل نکالنا ہو گا،قائد مسلم کانفرنس نے لارڈ مئیر کا تقریب کے انعقاد پر شکریہ ادا کیا۔ اس موقع پر سابق میئر کونسلر شفیق شاہ ، ڈپٹی لیڈ ی کونسلر برائڈ جٹ جانس ، کونسلر صاداق مینا ، کونسلر چوہدری ادریس ، کونسلر چوہدری فاضل، راجہ اسحاق صابر صدر مسلم کانفرنس برطانیہ سمیت دیگر لوگوں نے شرکت کی ۔ اس موقع پر قائد مسلم کانفرنس کو لارڈ مئیر آف برمنگھم چوہدری محمد عظیم نے دیگر کونسلر کے ہمراہ شیلڈ پیش کی ۔ دریں اثناء صدر مسلم کانفرنس کے اعزاز میں مسلم کانفرنس برطانیہ کے صدر راجہ اسحاق صابر کی طرف سے ظہرانے سے خطاب کرتے ہوئے سردار عتیق احمد نے کہا کہ ہندوستان کشمیریوں کا قاتل ، آٹھ لاکھ ہندوستانی فوج کشمیریوں کو حق خودارادیت سے روکنے میں مکمل طور پر ناکام ہے، کرفیوکے باوجود ہر روز کشمیری ہندوستان کے خلاف نفرت کیلئے سٹرکوں پر نکلتے ہیں، ہندوستان اخلاقی طور پر کشمیر کے اندر جنگ ہار چکا ہے بلکہ برطانیہ مسئلہ کشمیر کا اصل فریق ہے، اسے اس مسئلے کو حل کرنے کیلئے اپنا بنیادی اور کلیدی کردار اد کرنا ہو گا۔ ا س سے قبل قائد مسلم کانفرنس اسحاق صابر کی رہائش گاہ پر پہنچے تو وہاں موجود کارکنوں نے ان کا شاندار استقبال کیا۔ بعد ازاں قائد مسلم کانفرنس کے اعزاز میں برمنگھم کے معروف بزنس مین میاں مقبول حسین کی رہائش گاہ پر ڈنر کا اہتمام کیا گیا جس میں برمنگھم میں کمیونٹی کے اہم ارکان، مرکزی سیکرٹری جنرل محترمہ مہر النساء ، عبدالقادر، عبدالخالق قادری، ملک ساجد، شبیر ملک، راجہ محمد اسحاق خان ، راجہ ذوالقرنین ، چوہدری زیارت ، راجہ صابر، حاجی چوہدری اکرم گل، حاجی نصیب کونسلر، فضل خان ، جمیل تبسم، سردار امجد عباسی، سید عابد کاظمی و دیگر نے ڈنر میں شرکت کی ۔
سنکیانگ پر چینی حکومتی موقف کی مکمل حمایت کرتے ہیں ،50 ممالک کے سفیروں کااقوام متحدہ انسانی حقوق کونسل کے نام خط
بیجنگ (ایچ ایم نیوز)50 ممالک کے سفیروں نے سنکیانگ پرچینی موقف کی حمایت کی ہے ،اقوام متحدہ کے جنیوا میں قائم دفتر میں تعینات 50ممالک کے سفیروں نے اس سلسلے میں ایک خط اقوام متحدہ کے انسانی حقوق کونسل کے صدر اور انسانی حقوق کمشنر کو لکھا ہے ،خط میں سنکیانگ پر چینی موقف کی حمات کی گئی ہے ، واضح رہے کہ اس سے پہلے12 جولائی کو جنیوا میں مقیم متعدد سفیروں نے ایک مشترکہ خط چینی مشن کو بھیجا تھا جس میں بیجنگ کی سنکیانگ میں پوزیشن کی حمات کی گئی تھی ،جنیوا میں چینی مشن نے ایک بیان میں کہا ہے کہ کچھ اور ممالک نے بھی الگ الگ خطوط اور بیانات میں اس معاملے پر چین کی حمایت کی ہے ،خط میں سنکیانگ میں چینی حکومت کی طرف سے معاشی و سماجی ترقی ،انسداد دہشت گردی اور انسانی حقوق کیلئے چینی حکومت کی تعریف کی گئی ہے ،خطوط میں بیرون ممالک کے اعلیٰ حکام سفارتکاروں اور میڈیا کے نمائندوں کا دورہ سنکیانگ کی بھی تعریف کی گئی ہے ۔بییرون ممالک کے سفیروں نے بعض ممالک کے سرگرم گروپوں کو کہا ہے کہ چین کے حوالے سے بے بنیاد اطلاعات ا ور الزامات پھیلانے سے گریز کریں ،جنیوا میں چینی مشن نے کہا ہے کہ دہشت گردی، انتہا پسندی ایک عالمی مسئلہ ہے اور سنکیانگ کو بھی اس مسئلے کا سامناہے اور اس کے حل کیلئے قانون کے مطابق اقدامات ا ٹھارہا ہے ،بیان میں مزید کہا گیا ہے کہ سنکیانگ میں پیشہ ورانہ تعلیم ، تربیتی مراکز قائم کئے گئے ہیں تاکہ دہشتگردی اور انتہا پسندی کو قا بو کیاجاسکے۔
چین اور فلپائن دو طرفہ تعلقات کو فروغ دینے کے لیئے اہم نقاط پر متفق
بیجنگ (ایچ ایم نیوز) چین اور فلپائن دو طرفہ تعلقات کو فروغ دینے کے لیئے اہم اتفاق رائے پرپہنچ گئے ہیں۔ چائنہ ریڈیو انٹرنیشنل کے مطابق چینی وزارت خارجہ کی ترجمان حوا چھون اینگ نے ہفتہ وار بریفنگ کے دوران بتایا کہ دونوں ممالک کے درمیان سفارتی سطح پر22ویں مذاکرات منعقد ہوئے جس میں بحیرہ جنوبی چین سمیت علاقائی امور پرتبادلہ خیال کیاگیا۔ چینی ترجمان نے کہا کہ اجلاس کے دوران دونوں ممالک نے باہمی اختلافات کو بات چیت کے ذریعے حل کرنے پراتفاق کیا اورمختلف شعبوں میں تعاون کے فروغ پر زور دیا جس سے ناصرف چین اورفلپائن کی ترقی کے لئے معاونت فراہم ہوگی بلکہ اس سے خطے کی ترقی اورخوشحالی بھی ممکن ہوگی۔
چینی امریکی کمپنی نے چینی قوانین کی خلاف ورزی کرتے ہوئے چینی صارفین کے ساتھ دغا کیا ہے
بیجنگ (ایچ ایم نیوز)حال ہی میں،چین کے متعلق ہمحکمہ نے فیڈیکس کی طرف سے نام اور پتے کے مطابق میل بھیجنے کی تحقیقات کی،جس میں دیکھاگیا کہ فیڈیکس کی طرف سے چینی کمپنی ہواوے کے ایکسپریس میل کو امریکہ میں "غلطی" سے بھیجنے کا بیان حقائق سے مطابقت نہیں رکھتا۔اس کے علاوہ فیڈیکس کی طرف سے ہواوے کمپنی کے سو سے زیادہایکسپریس میل کو چین میں نہ بھیجنے کا شبہ ا ور دیگر غیر قانونی سرگرمی کوبھی نوٹ کیا گیا ہے۔
سروے کے تازہ ترین نتائج سے عوام کے خدشا ت کا جواب ملا ہے۔جس سے قانون کے مطابق صارف کے حقوق کی حفاظت کے لئے چین کے عزم کا اظہار ہوتاہے اوراس سلسلے میںعملی اقدامات یہ بھی ظاہر کرتی ہیں کہ چین میں کوئی کمپنی یا فرد قانونکے دائرے سے باہر نہیںہے، اور فیڈ یکس کو چینی صارفین کو لازمی طور پر جواب دینا چاہئے.امریکہ کے ایکسپریس ڈلیوریکے میدان میں بڑی کمپنی کے طور پر،فیڈیکس 30 سال پہلے کاروبار کے لئے چین میں داخل ہوا.اس لئے فیڈیکس کوچین کے قوانین اور قواعد و ضوابط کا اچھی طرح ادراک ہونا چاہئے. تاہم، امریکی حکومت نے رواںسال مئی میںہواوے کوبرآمدی پابندیوں کے اداروں کی فہرست میں شامل کیا، بعد میں "ٹرانسمیشن " کے سلسلے میں غلطی کو تسلیم کیا۔لیکن اب تحقیقات سے پتہ چلتا ہے کہ یہ بیان حقائق کے مطابق نہیں ہے، جس سے لوگوں کو اس کے کاروباری ساکھ پرشک ہو گا.فیڈیکس نے صارفین کے حقوق اور مفادات کو نقصان پہنچایا ہے ، کیا یہ چینی کمپنیوں اور افراد کیلئے اعتمادکے لائق ہے؟
ہانگ کانگ میں معیشت کی بہتری کیلئے استحکام ضروری ،مسائل بہت جلد حل ہو جائیں گے
معاملات کو مذاکرات کے ذریعے حل کیا جائے
ہانگ کانگ (ایچ ایم نیوز)معروف بزنس مین اور لان کیوی فارم ہولڈنگ لمیٹڈکے چیئر مین الن زمنگ نے کہا ہے کہ ہانگ کانگ میں موجودہ صورتحال میں عوام اور بزنس کمیونٹی کواستحکام چاہئے ،چینی خبر رساں ادارے کے مطابق ہانگ کانگ میں بزنس کمیونٹی سے وابسطہ افراد نے امید ظاہر کی ہے کہ تشدد جیسے مسائل بہت جلد حل ہو جائیں گے انہوں نے ہانگ کانگ میں زندگی کے معیار، کاروبار ،آزاد تجارت اور کھلے پن کی تعریف کرتے ہوئے کہا ہے کہ ہانگ کانگ چینی مارکیٹ کیلئے ایشیاء میں ایک اہم گیٹ وے ہے ،کاروباری افراد کا کہنا تھا کہ انہیں ہانگ گانگ میں استحکام اور پر امن ماحول چاہئے ، ہانگ گانگ میں پر تشدد واقعات سے معیشت پر برے اثرات پڑ سکتے ہیں اور بزنس کمیونٹی نے اس بات پر زور دیا کہ تمام مسائل کو مذاکرت کے ذریعے حل کیا جائے تاکہ ملکی معیشت کو برے اثرات سے بچایا جاسکے کیونکہ عدم استحکام کسی کے مفاد میں نہیں ۔
جنوبی کوریا، چھت گرنے سے 2 افراد ہلاک جبکہ 9 کھلاڑی زخمی
سیول (ایچ ایم نیوز)جنوبی کوریا میں ایک کلب کی چھت گرنے سے 2افراد ہلاک جبکہ 9اتھلیٹ سمیت 8افراد زخمی ہوئے ،یہ واقعہ جنوب مغربی علاقے میں پیش آیا ہے جہاں 18 ویں ایف آئی این اے ورلڈ چمپین شپ کا انعقاد ہو رہا تھا، چمپین شپ میں حصہ لینے والوں میں امریکہ ، نیوزی لینڈ،اٹلی ، برازیل اور نیدر لینڈ کے کھلاڑی شامل تھے ،حکام کا کہناہے کہ تمام زخمی کھلاڑی خطرے سے باہر ہیں اور ان کا علاج ہسپتال میں کیا جا رہا ہے ۔
صدر شی کی کیو بوقی انٹر نیشنل ڈیزرٹ فورم کے منتظمین کو مبارکباد
بیجنگ (ایچ ایم نیوز)چینی صدر شی جن پھنگ نے 7ویں کیو بوقی انٹر نیشنل ڈیزرٹ فورم کو مبارکباد کا پیغام بھیجا ہے ،چینی خبر رساں ایجنسی شنہوا کے مطابق کیو بوقی انٹر نیشنل ڈیزرٹ فورم ہفتے کو چائنہ کی شہر اورڈوس میں ہو رہا ہے چینی صدر نے اپنے پیغام میں منتظمین کو مبارکباد دی ہے اور ان کیلئے نیک خواہشات کا اظہارکیا ہے۔
افغانستان،غزنی میں کار بم حملہ، متعددافراد جاںبحق، صوبائی ترجمان عارف نوری
غزنی (ایچ ایم نیوز)افغان حکام کا کہناہے کہ صوبہ غزنی میں کار بم حملے میں 3پولیس اہلکار جاں بحق جبکہ 12افراد زخمی ہوگئے ، غزنی کے صوبائی حکومت کے ترجمان عارف نوری نے ہفتے کے روز میڈیا کو بتایا کہ کار بم حملہ ضلع آبندکے پولیس اسٹیشن کے باہر ہوا ہے جس میں ہلاکتیں ہوئی ہیں ،ترجمان کاکہنا تھا کہ دھماکے میں 12 افراد زخمی بھی ہوئے ہیں واضح رہے کہ افغانستان میںحال ہی میں تشدد میں اضافہ دیکھنے میں آیا ہے ۔
غیر قانونی تارکین وطن کو شہریت دی جائے گی، برطانوی وزیر اعظم نے نوید سنا دی
پانچ لاکھ پر امن افراد کئی سالوں سے برطانیہ میں مقیم ہیں،برطانوی شہری کہلانا انکا حق بنتاہے،بورس جانسن
لندن(ایچ ایم نیوز)برطانوی وزیراعظم بورس جانسن نے کہا ہے کہ غیر قانونی تارکین وطن کو شہریت دینے کے معاملے پر غور کیا جارہا ہے، ان کا کہنا ہے کہ لاکھوں تارکین وطن کا حق بنتاہے انہیں اجازت دی جائے۔برطانوی میڈیا کے مطابق برطانیہ کے نئے وزیر اعظم بورس جانسن نے برطانیہ میں مقیم غیر قانونی تارکین وطن کو خوشخبری سنادی۔برطانوی وزیراعظم نے پارلیمنٹ میں بیان دیتے ہوئے کہا کہ5لاکھ تارکین وطن کو ایمنسٹی دینے پرغور کررہے ہیں، ہم نے ماضی میں بھی غیر قانونی تارکین وطن کو ایمنسٹی دینے کا مطالبہ کیا تھا۔بورس جانسن کا مزید کہنا تھا کہ پانچ لاکھ افراد گزشتہ کئی سالوں سے پرامن طور پر برطانیہ میں مقیم ہیں، لاکھوں تارکین وطن کا حق بنتاہے لہذا انہیں اجازت دی جائے۔واضح رہے کہ گزشتہ سال 2018میں اس وقت کے سیکریٹری خارجہ بورس جانسن نے برطانوی پارلیمنٹ سے مطالبہ کیا تھا کہ گذشتہ دس برس سے غیر قانونی طور پر مقیم افراد کو شہریت دی جائے،بورس جانسن کا مزید کہنا تھا کہ جن تارکین وطن کا ماضی شفاف ہے، برطانیہ میں غیر قانونی طور پر بسنے والے وہ افراد جو جرائم سے پاک ہوں انہیں فوری طور پر برطانیہ کی شہریت دی جائے۔یاد رہے کہ برطانیہ کے سیکریٹری برائے امور خارجہ جارس بونسن لندن کے میئر بھی رہ چکے ہیں، اور موجودہ حکمران پارٹی کے اہم رکن بھی سمجھے جاتے ہیں۔
بحری ٹریفک کا تحفظ ،آبنائے ہرمز میں برطانوی مشن کے حامی ہیں، ڈنمارک
ڈینش پارلیمنٹ آبنائے ہرمز میں کسی بھی سیکیورٹی مشن میں شمولیت پر غور کرے گی
کوپن ہیگن (ایچ ایم نیوز) ڈینش وزیر خارجہ جیب کوفوڈ کا کہنا ہے کہ ان کی حکومت برطانیہ کی طرف سے آبنائے ہرمز میں جہاز رانی کے تحفظ کے مجوزہ اقدام کو مثبت نظر سے دیکھتی ہے۔تفصیلات کے مطابق ڈینش وزیر خارجہ جیب کوفوڈ نے کہا کہ سمندر کے کنارے واقع ہونے والے ملک کی حیثیت سے ڈنمارک کا آزادانہ آبی ٹریفک کی روانی کو ضروری سمجھتا ہے۔ڈینش وزیر خارجہ کا کہنا تھا کہ ڈینش پارلیمنٹ آبنائے ہرمز میں کسی بھی سیکیورٹی مشن میں شمولیت پر غور کرے گی۔انہوں نے مزید کہا کہ ڈینش حکومت برطانیہ کی طرف سے آبنائے ہرمز میں جہاز رانی کے تحفظ کے مجوزہ اقدام کو مثبت نظر سے دیکھتی ہے۔اس سے قبل 23 جولائی کوجیریمی ہنٹ نے ایران سے تحویل میں لیا برطانوی بحری جہاز چھوڑنے اورعملے کو رہا کرنے کا مطالبہ کیا تھا۔جیریمی ہنٹ کا کہنا تھا کہ ہم ایک بار پھر ایران پر زور دیتے ہیں کہ وہ ہمارا تیل بردار بحری جہاز اور اس کا عملہ چھوڑ دے ورنہ اسے خلیج میں برطانیہ کی بھاری فوجی کمک کا سامنا کرنا پڑے گا۔
یمن ، ماحولیاتی آفت دروازے پر ،دس لاکھ بیرل تیل سمندر کو آلودہ کرنے والا ہے
ممکنہ حادثہ دو اہم ترین آبی گزر گاہوں آبنائے ہرمز اور نہر سوئز میں سمندری جہاز رانی کو لپیٹ میں لے سکتا ہے
صنعا(ایچ ایم نیوز) یمن میں حوثی ملیشیا نے ابھی تک اقوام متحدہ کی فنی ٹیم کو اس بات کی اجازت نہیں دی ہے کہ وہ یمن کے ساحل پر موجودتیل بردار جہاز صافر کی مرمت کا کام شروع کرے۔بین الاقوامی خبر رساں ادارے کے مطابق اس حوالے سے ماحولیاتی آفت کے جنم لینے سے متعلق مسلسل متنبہ کیا جا رہا ہے۔تفصیلات کے مطابق یمن کے پورٹ پر کھڑے مذکورہ تیل بردار جہاز میں دس لاکھ بیرل سے زیادہ خام تیل موجود ہے اور اس کے پھٹ جانے کا اندیشہ بھی پایا جا رہا ہے۔ ایسی صورت میں یہ ممکنہ حادثہ دنیا میں تیل کے سب سے بڑے رساو کے واقعات میں سے ایک ہو سکتا ہے۔یہ تیل بردار جہاز یمن کے مغرب میں الحدیدہ صوبے کی راس عیسی بندرگاہ کے قریب چار برس سے کھڑا ہے۔غیرملکی خبررساں ادارے کے مطابق یمن کے وزیر اطلاعات معمر الاریانی نے ایک بار پھر خبردار کیا کہ حوثی ملیشیا کی ہٹ دھرمی اور اقوام متحدہ کی تکنیکی ٹیم کو تیل بردار جہاز تک رسائی نہ دینے کے سبب جلد ایک ماحولیاتی آفت جنم لے سکتی ہے۔الاریانی کے مطابق تیل بردار جہاز پھٹنے یا اس پر لدے تیل کے رساو کے نتیجے میں تاریخ میں خام تیل کے رساو کا سب سے بڑا واقعہ پیش آ سکتا ہے۔ انہوں نے کہا کہ اس ممکنہ حادثے کی تباہ کاریاں بحر احمر کے علاوہ دنیا کی دو اہم ترین آبی گزر گاہوں آبنائے ہرمز اور نہر سوئز میں سمندری جہاز رانی کو لپیٹ میں لے سکتا ہے۔یمنی وزیر نے کہا ہے کہ حوثیوں کی جانب سے شرط رکھی گئی ہے کہ جہاز کی مرمت کی اجازت دینے کے عوض انہیں اس پر لدے تیل کامنافع (جس کا اندازہ 8 کروڑ ڈالر لگایا گیا ہے)کو فروخت کرنے کی ضمانت دی جائے ، ان کی اس ضد کا نتیجہ ایسی ماحولیاتی آفت کو جنم دے گاجو سعودی عرب، اریٹیریا ، سوڈان اور مصر تک پھیل سکتی ہے۔
6سالہ بچی کا کارنامہ،ویڈیوز سے دولت کما کر ایک ارب کی عمارت خرید لی
بورام مزاحیہ وڈیو بنانے میں ایکسپرٹ ہے ،بچی کے چینلز کے مجموعی سبسکرائبر 30کروڑ سے زائد ہیں
واشنگٹن(ایچ ایم نیوز)ویڈیو اسٹریمنگ ویب سائٹ یوٹیوب پر چینلز بنا کر یوں تو دنیا کے سیکڑوں افراد سالانہ اربوں روپے کما رہے ہیں۔بین الاقوامی خبر رساں ادارے کے مطابق گزشتہ چند سال ایسے کم عمر بچے بھی سامنے آئے ہیں جو یوٹیوب پر والدین کی مدد سے اکائونٹ بنانے کے بعد اب سالانہ اربوں روپے کما رہے ہیں۔اگرچہ یوٹیوب پر کم عمر بچوں میں کمائی میں سب سے آگے 7 سالہ امریکی بچہ ریان ہے، جس کی سالانہ کمائی تقریبا ڈھائی ارب روپے پاکستانی ہے۔تاہم یوٹیوب پر ریان سے زیادہ جنوبی کورین بچی 6 سالہ بورام کے سبسکرائبر زیادہ ہیں اور حال ہی میں انہوں نے ایک ارب روپے سے زائد کی شاندار عمارت خرید کر سب کو حیران کردیا۔امریکی نشریاتی ادارے سی این این کے مطابق بچوں سے متعلق مزاحیہ ویڈیوز بنا کر یوٹیوب پر رکھنے والی جنوبی کورین بچی 6 سالہ بورام نے دارالحکومت سیول میں شاندار عمارت خرید کر سب کو حیران کردیا۔رپورٹ کے مطابق بورام نے تقریبا 80 لاکھ امریکی ڈالر یعنی پاکستانی ایک ارب روپے سے زائد کی رقم میں 5 منزلہ عمارت خرید کر سب کو حیران کردیا۔بورام کے یوٹیوب پر دو مختلف چینلز ہیں اور ان کے دونوں چینلز کے مجموعی سبسکرائبر کی تعداد 30 کروڑ سے زائد ہے اور ان کی ویڈیوز کو چند ہی دن میں لاکھوں بار دیکھا جاتا ہے۔
فلپائن ، ہلاکت خیز زلزلے ، 8 افراد ہلاک، 60 زخمی
زلزلے سے متعدد عمارتیں منہدم ، سڑکوں پر دراڑیں ، اسپتالوں میں ایمرجنسی نافذ،امدادی کارروائیاں جاری
منیلا(ایچ ایم نیوز) فلپائن میں 5.4 اور 5.9 شدت کے زلزلوں نے بڑے پیمانے پر تباہی مچادی جس کے نتیجے میں 8 افراد ہلاک اور درجنوں زخمی ہوگئے۔بین الاقوامی خبر رساں ادارے کے مطابق فلپائن کے شمالی جزیرے بیٹنس کے علاقوں اطبیات میں 5.4 جس کی گہرائی 12 کلومیٹر جب کہ باسکو اور سبتانگ میں 5.9 شدت کے زلزلوں کے جھٹکوں کے باعث بڑے پیمانے پر جانی و مالی نقصان ہوا ہے۔ مقامی حکام نے اب تک 8 افراد کی ہلاکت اور 60 کے زخمی ہونے کی تصدیق کی ہے۔زلزلے سے متعدد عمارتیں منہدم اور سڑکوں پر دراڑیں پڑ گئیں جب کہ اسپتالوں میں ایمرجنسی میں نافذ کر دی گئی ہے۔ حکام کی جانب سے سونامی کی وارننگ جاری کردی گئی ہے اور زلزلے کے مزید جھٹکے متوقع ہیں۔ریسکیو ادارے کے ترجمان کا کہنا ہے کہ متاثرہ علاقوں میں عمارتیں منہدم ہونے سے درجنوں افراد ملبے تلے دب گئے تاہم ریسکیو ادارے امدادی کاموں میں مصروف ہیں۔ انہوں نے بتایا کہ امدادی کاموں کے دوران لاشیں ملنے کا سلسلہ جاری ہے جب کہ ہلاکتوں میں اضافے کا خدشہ ہے۔
منشیات اور انسانی اسمگلنگکا الزام، امریکی بحریہ کے 16 اہلکار گرفتار
نیوی اہلکار میکسیکو کے تارکین وطن سے رقم لے کر امریکا میں داخل کروا دیتے تھے
واشنگٹن(ایچ ایم نیوز) امریکا میں منشیات اور انسانی اسمگلنگ میں ملوث امریکن نیوی کے 16 اہلکاروں کو گرفتار کرلیا ہے۔عالمی خبر رساں ادارے کے مطابق میکسیکو کی سرحد سے محض 90 کلومیٹر کے فاصلے پر قائم امریکی بحریہ کے فوجی کیمپ پینڈالٹن میں نئی بٹالین کی تشکیل کے دوران 16 اہلکاروں کو حراست میں لے لیا گیا ہے۔اس بارے میں امریکی فوج کے بیان میں کہا گیا ہے کہ ان 16 اہلکاروں کو منشیات اور انسانی اسمگلنگ میں ملوث گروہ کی جانب سے نشاندہی پر حراست میں لیا گیا ہے جب کہ مزید 8 اہلکاروں سے بھی پوچھ گچھ کی گئی ہے۔کچھ ماہ قبل امریکی نیوی کے 2 اہلکاروں کو میکسیکو سے تارکین وطن کو امریکا میں داخل کرانے کیلیے 8 ہزار ڈالر رشوت لینے پر گرفتار کیا جا چکا ہے اور انہی دو اہلکاروں سے تفتیش کے دوران حیران کن انکشافات سامنے آئے تھے۔واضح رہے کہ امریکی صدر ڈونلڈ ٹرمپ نے تارکین وطن کو میکسیکو سے امریکا میں داخل ہونے سے روکنے کیلیے سرحد عبور کرنے والوں کو گولی مارنے سے لے کر سرحدی دیوار کی تعمیر جیسے غیر مقبول فیصلے کیے ہیں اور امریکی بحریہ کے اہلکاروں کے خلاف کارروائی بھی اسی تناظر میں ہے۔
امریکا ایف- 35طیاروں کی فراہمی سے انکاری ہے تو کسی دوسرے ملک جائیں گے ،ترکی
اگرامریکا ایسا رویہ جاری رکھے گا توہم دیگر معاملات پر بھی نظر ثانی کریں گے، صدر اردگان
انقرہ(ایچ ایم نیوز)ترک صدر رجب طیب اردگان نے امریکا کے ترکی کو ایف-35 طیاروں کے پروگرام سے باہر کرنے کے فیصلے پر رد عمل دیتے ہوئے کہا کہ اگر ایسا کیا گیا کہیں اور سے حاصل کرنے کی کوشش کریں گے۔واضح رہے کہ ترکی نے حال ہی میں روس سے ایس-400 میزائل نظام کا معاہدہ کیا تھا اور اس کی ابتدائی کھیپ بھی پہنچ گئی ہے جس پر امریکی صدر ڈونلڈ ٹرمپ نے ترکی کو اس معاہدے سے باز رہنے کا مطالبہ کیا تھا۔ڈونلڈ ٹرمپ نے ترکی کے فیصلے کے بعد اعلان کیا تھا کہ نیٹو اتحادی ترکی کو ایف-35 طیاروں کے پروگرام سے باہر کردیا جائے گا اور پابندیاں بھی عائد کردی جائیں گی۔بین الاقوامی خبر رساں ادارے کے مطابق انقرہ میں جسٹس اینڈ ڈیولپمنٹ پارٹی(اے کے پی)کے ایک جلسے میں خطاب کرتے ہوئے طیب اردگان نے کہا کہ اگلے موسم بہار میں ہم ایس-400 نظام استعمال کرنے کے قابل ہوجائیں گے۔ترکی نے اس سے قبل بھی امریکی مطالبات اور دھمکیوں کو مسترد کردیا تھا۔اردوان نے اپنے خطاب میں امریکا سے کشیدہ تعلقات پر کہا کہ امید ہے کہ امریکی عہدیدار پابندیوں کے معاملے پر بہتر فیصلہ کریں گے اور ان کا کہنا تھا کہ اس صورت میں ترکی کو امریکا سے جدید بوئنگ طیارے خریدنے کے معاملے پر نظر ثانی کرسکتا ہے۔ان کا کہنا تھا کہ گزشہ ماہ کے آخر میں جاپان میں منعقدہ جی-20 سربراہی اجلاس میں اس معاملے کو امریکی صدر ڈونلڈ ٹرمپ کے سامنے اٹھایا تھا۔ٹرمپ سے ملاقات کے حوالے سے ترک صدر کا کہنا تھا کہ کیا آپ ہمیں ایف-35 طیارے نہیں دیں گے، پھر ٹھیک ہے لیکن ہم ایک مرتبہ پھر اس معاملے پر اقدامات کریں گے اور ہم کہیں اور جائیں گے۔ان کا کہنا تھا کہ اگر ہمیں ایف-35 طیارے نہیں مل رہے ہیں تو ہم 100 جدید بوئنگ طیارے خرید رہے ہیں جس کے معاہدے پر دستخط ہوچکے ہیں اور ایک بوئنگ پہنچ بھی چکا ہے اور اس کی ادائیگی بھی کررہے ہیں اور ہم کسٹمرز ہیں۔بوئنگ طیاروں کیمعاہدے پر بات کرتے ہوئے ان کا کہنا تھا کہ اگر اس طرح کی چیزیں جاری رہیں تو پھر ہم اس معاملے پر نظر ثانی کریں گے۔
ٹرمپ کی نئی بڑکیاں، امریکی کمپنیوں ٹیکس لگانے کا حق صرف امریکہ کو ہے
ہم میکرون کی حماقت کا جواب دیں گے،میں ہمیشہ کہتا ہوں کہ امریکی شراب فرانسیسی سے بہت بہتر ہے
واشنگٹن(ایچ ایم نیوز)صدر ڈونلڈ ٹرمپ نے اعلان کیا ہے کہ امریکہ کی ٹیکنالوجی کمپنیوں پر اگر کوئی ملک ٹیکس عائد کر سکتا ہے تو وہ خود امریکہ ہے۔بین الاقوامی خبر رساں ادارے کے مطابق انہوں نے یہ اعلان اپنے ایک ٹویٹ میں کیا ہے جو فرانس کی جانب سے حال ہی میں امریکی ٹیکنالوجی کمپنیوں پر بھاری ٹیکس عائد کرنے کا جواب قرار دیا جا رہا ہے۔صدر ٹرمپ نے مزید کہا ہے کہ فرانس نے امریکی کمپنیوں پر بھاری ٹیکس عاید کیا ہے، ہم میکرون کی اس حماقت پر جوابی کارروائی بہت جلد کریں گے۔فرانسیسی شراب پر ٹیکس عائد کرنے کا عندیہ دیتے ہوئے انہوں نے مزید کہا کہ میں ہمیشہ کہتا ہوں کہ امریکی شراب فرانسیسی سے بہت بہتر ہے۔11 جولائی کو فرانسیسی سینیٹ نے ان بڑی کمپنیوں پر 3 فیصد ٹیکس عائد کیا تھا جو ان کے ملک میں کام کر رہی ہیں، امریکہ کی بڑی کمپنیاں، ایپل، فیس بک، ایمازون اور گوگل بھی اس قانون کی زد میں آ گئی تھیں۔اس سے قبل 10 جولائی کو امریکہ کے تجارتی نمائندے رابرٹ لائیٹ ھائیزر نے فرانسیسی سینیٹ کو خبردار کیا تھا کہ اس کی جانب سے غیرملکی کمپنیوں پر عائد کیے جانے والے متوقع ٹیکس پر امریکی حکومت کو سخت تشویش ہے۔انہوں نے کہا تھا کہ صدر ٹرمپ نے اس قانون کے متوقع اثرات کی تحقیقات کی ہدایت کی ہے اور اس بات کا تعین کیا جائے کہ کہیں یہ امریکی تجارت کو متاثر تو نہیں کرے گا۔بعد ازاں مائیکروسافٹ، گوگل، فیس بک اور ایمازون کے نمائندوں پر مبنی ایک گروپ نے ان تحقیقات کو یورپ میں بڑھتے ہوئے امتیازی ٹیکسوں کے خلاف امریکی قیادت کا پختہ اظہار قرار دیتے ہوئے اس کا خیر مقدم کیا تھا۔
برطانیہ نے روسی ٹی وی پر چار کروڑ روپے جرمانہ عائد کردیا
نشریات کی خلافورزی مارچ، اپریل میں نیوز اور کرنٹ افیئرزپروگراموں میں کی گئی، برطانوی میڈیا رگولیٹر
جرمانہ بلاجواز اور سراسر غلط ہے،لندن کی ہائی کورٹ میں اپیل زیر سماعت ہے،
فیصلہ چیلنج کیا جائیگا، ترجمان روسی ٹی وی
لندن/ماسکو(ایچ ایم نیوز) برطانیہ نے روسی ٹی وی آر ٹی کوسروس فراہم کرنے والے ذیلی نشریاتی ادارے کو قوانین کی خلاف ورزی کرنے پرتقریبا چار کروڑ روپے جرمانہ عائد کر دیا۔برطانیہ کے میڈیا رگولیٹرآف کام نے اپنے ایک بیان میں کہا کہ اے این او ٹی وی نووستی کو برطانیہ کے نشریاتی قوانین کی خلاف کرنے پر تین کروڑ ننانوے لاکھ سے زائد کا جرمانہ عائد کردیا گیا ہے۔برطانیہ کے میڈیا رگولیٹرآف کام نے کہا کہ نشریات کی خلاف ورزی مارچ اور اپریل کے درمیان نیوز اور کرنٹ افیئرز کے مختلف پروگراموں میں کی گئی۔ یہ پروگرام برطانوی کے لیے جاسوسی کرنے والے سابق روسی آفیسر سریگی اور ان کی بیٹی یولیا سکپیلل کو زہر دینے کے معاملے، شام کی جنگی صورت حال اور یوکرین کی نازی جرمنی پر موقف حوالے نشر کیے گیے تھے۔روسی ٹی وی آر ٹی کے ترجمان نے اپنے ایک بیان میں کہا کہ جرمانہ بلاجواز اور سراسر غلط ہے۔ اپنے ایک بیان میں آر ٹی کے ترجمان نے کہا کہ آف کام کی طرف سے جرمانہ ایسے موقع پر عائد کیا گیا ہے جب لندن کی ہائی کورٹ میں ان کی اپیل پر سماعت زیر التوا ہے۔آر ٹی نے مزید کہا کہ جبکہ وہ نشریات کی مبینہ خلاف ورزی پر آف کام کی قانونی جارہ جوئی کو عدالت میں چیلنج کرچکا ہے اور کیس کی کورٹ میں سماعت سے پہلے اتنے بڑے پیمانے پر جرمانہ نامناسب اور غیر معمولی ہے۔
پرینیتی چوپڑا کا پریانکا کی وائرل تصویر پر تبصرہ کرنے سے انکار
ممبئی(ایچ ایم نیوز )نامور بالی ووڈ اداکارہ پرینیتی چوپڑا نے اپنی بہن اوراداکارہ پریانکا چوپڑا کی سگریٹ پیتے ہوئے وائرل ہونے والی تصویر پر تبصرہ کرنے سے انکار کردیا۔بالی ووڈ اور ہالی ووڈ کی نامور اداکارہ پریانکا چوپڑا کی حال ہی میں ایک تصویر وائرل ہوئی ہے جس میں وہ سگریٹ پیتی ہوئی نظر آرہی ہیں۔ جب کہ ان کے برابر میں موجود ان کے شوہر نک جونز اور ان کی والدہ مدھو چوپڑا بھی سگار کا مزہ لے رہی ہیں۔ پریانکا کی یہ تصویر ان کی 37 ویں سالگرہ کی ہے۔ تصویر میں پریانکا سگریٹ پی کر اپنی سالگرہ کا جشن مناتی نظر آرہی ہیں۔یاد رہے کہ پریانکا چوپڑا نا صرف دمہ کے حوالے سے چلائی جانے والی مہم کا حصہ ہیں بلکہ خود دمے کی مریضہ بھی ہیں اور گزشتہ برس انہوں نے لوگوں کو دمہ کے حوالے سے آگاہی دینے کی مہم میں بڑھ چڑھ کر حصہ لیاتھا۔ لہذا سوشل میڈیا صارفین نے پریانکا چوپڑا کو سگریٹ پینے پر ان کے دہرے معیار کو شدید تنقید کا نشانہ بناتے ہوئے انہیں دوغلہ قرار دیا ہے۔حال ہی میں جب پریانکا کی بہن پرینیتی چوپڑا سے ایک تقریب کے دوران اس بارے میں سوال کیاگیا تو انہوں نے یہ کہہ کر اس پر تبصرہ کرنے سے انکار کردیا کہ اس بارے میں بولنے کا ان کا کوئی حق نہیں۔
اداکارہ ماہ نور بلوچ کی دو سال بعد چھوٹی سکرین پر واپسی
کراچی (ایچ ایم نیوز )معروف اور خوبرو اداکارہ ماہ نور بلوچ نے دو سال بعد چھوٹی سکرین پر واپسی کی تیاریاں مکمل کرلی ہیں،پاکستان میں حسن کی ملکہ کہلائی جانیوالی ماہ نور بلوچ کا خوبصورتی میں کوئی ثانی نہیں، لاجواب اداکاری اور سدا بہار شخصیت کی وجہ سے پہچانی جانے والی ماہ نور بلوچ کے مداح آج بھی ان کے ڈراموں کا بے صبری سے انتظار کرتے ہیں تاہم دو سال سے پردہ سے غائب رہنے کے بعد ایک بار پھر اداکارہ نے چھوٹی اسکرین پر آنے کا فیصلہ کیا ہے۔49 سالہ اداکارہ رومانوی اور کامیڈی سے بھرپور ٹیلی فلم اپنی اپنی لوسٹوری میں معروف اداکارہ اعجاز اسلم کے ہمراہ مرکزی کردار ادا کرتی نظر آئینگی جبکہ ان کے ہمراہ اظفر رحمان ، صدف کنول اور ایاز سومرو بھی اداکاری کے جوہر دکھائیں گے۔واضح رہے کہ کاشف سلیم کی ہدایت کاری میں بننے والی ماہ نور بلوچ ٹیلی فلم اپنی اپنی لو سٹوری رواں سال عید الاضحی پر دکھائی جائیگی۔
اپنا فلمی نام کیارا پریانکا چوپڑا سے متاثر ہو کر رکھا، عالیہ ایڈوانی
ممبئی (ایچ ایم نیوز )بالی ووڈ کی نئی ابھرتی ہوئی اداکارہ کیارا ایڈوانی نے انکشاف کیا ہے کہ انہوں نے اپنا نام کیارا فلم انجانا انجانی میں پریانکا چوپڑا کے نام کیارا سے متاثر ہوکر رکھا ہے۔بالی ووڈ کی نئی ریلیز ہونیوالی فلم کبیر سنگھ میں شاہد کپور کیساتھ مرکزی کردار ادا کرنے والی اداکارہ کیارا ایڈوانی نے ایک انٹرویو میں بتایا کہ ان کا پیدائشی نام عالیہ ایڈوانی ہے لیکن انہوں نے بالی ووڈ میں آنے کے بعد پریانکا چوپڑا سے متاثر ہوکر اپنا فلمی نام کیارا ایڈوانی رکھ لیا۔کیارا ایڈوانی نے کہا کہ انہوں نے 2014 میں فلم فگلی سے اپنے کیرئیر کا آغاز کیا اور تب سے ہی انہوں نے اپنا نام بھی عالیہ ایڈوانی سے کیارا ایڈوانی میں تبدیل کرلیا تھا۔اپنا فلمی نام رکھنے کی وجہ بتاتے ہوئے انہوں نے کہا کہ بالی ووڈ انڈسٹری میں عالیہ نامی ایک اداکارہ پہلے ہی موجود ہیں جو کہ ایک سپر اسٹار ہیں۔فلمی شائقین ہم دونوں عالیہ میں کنفیوژ نہ ہوجائیں اس لئے میں نے اپنا نام تبدیل کرلیا۔اداکارہ نے مزید کہا کہ انہوں نے پریانکا چوپڑا کی فلم انجانا انجانی دیکھی اور اس میں جس طرح پریانکا نے اپنا تعارف کرایا کہ ہائے، میں کیارا ہوں۔ تب انہوں نے سوچا کہ یہ کتنا خوبصورت نام ہے، اگر میرے یہاں بیٹی ہوئی تو میں اس کا نام یہی رکھوں گی۔ لیکن ابھی مجھے اپنے لئے ایک نام کی ضرورت ہے تومیں نے یہ نام اپنا رکھ لیا۔
عارف لوہار لندن میں 14اگست کو پرفارم کریں گے
لاہور(ایچ ایم نیوز )پاکستان کے معروف فوک گلوکار عارف لوہار 14 اگست کو لندن میں جشن آزادی کی مناسبت سے منعقد ہونے والے شوز میں اپنے فن کا مظاہرہ کریں گے لہذا وہ ان شوز میں شرکت کے لئے لندن روانہ ہو گئے ہیں ۔
اداکارفیصل کھچی نئی پنجابی فلم’’عشق میراانمول‘‘میں سکھ کا کرداراداکریں گے
یہ مکمل میوزیکل فلم ہے ،جس میں میرا کرداربہت ہی اہمیت کا حامل ہے،اداکار کی گفتگو
لاہور(ایچ ایم نیوز )اداکارفیصل کھچی نئی پنجابی فلم’’عشق میراانمول‘‘میں سکھ کے کردارکے لئے کاسٹ،تفصیلات کے مطابق ہدائیتکارباسوچودھری کی نئی بننے والی پنجابی فلم’’عشق میراانمول‘‘میںاداکارفیصل کھچی کو بہت ہی اہم کردارکے لئے کاسٹ کرلیا گیا ہے،فلم میں فیصل کھچی سکھ کا کردار ادا کریں گے،یہ مکمل میوزیکل فلم ہے ، فلم ’’عشق میراانمول‘‘کے فلمسازنعیم خان،سلیم باجوہ ،ملک محمدنعیم ہیں ، نغمہ نگاراکرم خیال ،میوزک ڈائریکٹرقادرعلی شگن ،کوریوگرافرڈیوڈملک جبکہ دیگرکاسٹ میں گلوکارصفدرماہی،سحرملک مرکزی کردارمیں جلوہ گرہورہے ہیں۔
ہدایتکاروحیداعوان کا جواں سال بیٹا ہارٹ اٹیک سے چل بسا
نماز جنازہ میں مختلف شعبہ ہائے زندگی سے تعلق رکھنے والی معروف شخصیات کی کثیرتعدادمیں شرکت
لاہور(ایچ ایم نیوز)معروف ہدایتکاروحیداعوان کا جواں سال بیٹا ہارٹ اٹیک سے چل بسا،تفصیلات کے مطابق ہدائیتکاروحیداعوان کا جواں سال بیٹا اچانک ہونے والے ہارٹ اٹیک سے اپنے خالق حقیقی سے جاملا،اسے گزشتہ روز مقامی قبرستان میں ہزاروں سوگواروں کی موجودگی میں سپردخاک کردیا گیا،وحیداعوان کے بیٹے کی نماز جنازہ میں مختلف شعبہ ہائے زندگی سے تعلق رکھنے والی معروف شخصیات ،میڈیا اورشوبزانڈسٹری سے تعلق رکھنے والے احباب کی کثیرتعدادنے بھی شرکت کی اوروحیداعوان سے ان کے جواں سال بیٹے کی اچانک موت پر ان سے تعزیت کا اظہارکیا اورمرحوم کے بلنددرجات اور جنت الفردوس میں اعلیٰ مقام ملنے کے لئے دعا کی۔
اداکارسونوبھٹی کی نئی فلم’’آئی ہیٹ لویو‘‘تکمیل کے آخری مراحل میں داخل
میگا بجٹ فلم میں ملٹی سٹارزکاسٹ شامل ،محرم کے بعد ریلیزکی جائیگی،فلمسازواداکارکی گفتگو
لاہور(ایچ ایم نیوز )فلمسازواداکارسونوبھٹی کی نئی فلم’’آئی ہیٹ لویو‘‘تکمیل کے آخری مراحل میں داخل ہوچکی ہے،یہ فلم ملٹی سٹارزکاسٹ کے ساتھ میگا بجٹ پر بنائی جارہی ہے،فلمسازواداکارسونوبھٹی نے کہا کہ فلم انڈسٹری سے وابستہ تکنیک کاروں نے فلم میں جس طرح سے اپنی صلاحیتوں کواستعمال کیا ہے اس کی کوئی دوسری مثال نہیں ملتی۔انہوں نے کہا کہ ’’آئی ہیٹ لویو‘‘بڑے بجٹ سے تیار کی جانے والی یہ فلم پاکستانی سنیما کے اس بحران میں مددگار ثابت ہوسکتی ہیں، فلم کا کام تقریبا مکمل ہوچکا ہے،جسے محرم الحرام کے فوری بعد پاکستان کے سینما گھروں میں نمائش کے لئے پیش کیا جائے گا۔
پروڈیوسرنعیم خان نے اپنی فلم ’’عشق میرا‘‘کا نام بدل کر’’عشق میراانمول ‘‘رکھ لیا
گانوں کی عکس بندی جاری ،فلم کوجلدہی سینما سکرین پر نمائش کے لئے پیش کردیا جائے گا،فلم پروڈیوسرکی گفتگو
لاہور( ایچ ایم نیوز )پاکستان فلم انڈسٹری کے نوجوان پروڈیوسرنعیم خان نے اپنی نئی بننے والی پنجابی فلم’’عشق میرا‘‘کا نام بدل کر ’’عشق میرا انمول‘‘رکھ لیا،ایک ملاقات کے دوران نعیم خان نے بتایا کہ انہوں نے اپنی نئی پنجابی فلم کو’’عشق میرا‘‘کے نام سے بنا رہے تھے لیکن کچھ دوستوں کے اصرارپر فلم کا نام بدل کر ’’عشق میرا انمول ‘‘رکھ لیا ہے ،جسے پاکستان فلم پروڈیوسرزایسوسی ایشن سے باقاعدہ طورپررجسٹرڈبھی کروالیا ہے۔انہوں نے کہا کہ فلم ’’عشق میرا انمول‘‘کا میوزک پر کام تقریبا مکمل ہوچکا ہے جس کے گانوں کی عکسبندی ان دنوں زوروشورسے جاری ہے،فلم کوجلدہی سینما سکرین پر نمائش کے لئے پیش کردیا جائے گا۔
معروف اداکار ہمایوں سعید 48برس کے ہوگئے ، دنیا بھر سے پرستاروں کی مبارکباد
لاہور(ایچ ایم نیوز )معروف اداکار ہمایوں سعید 48برس کے ہوگئے ۔انہوں نے اپنی فیملی اور دوستوں کے ساتھ سالگرہ منائی،ہمایوں سعید کو دنیا بھر سے پرستاروں نے مبارکباد دی۔ہمایوں سعید پاکستان کے ایک نامور اداکار، ماڈل اور پرڈیوسر ہیں وہ چندبھارتی فلموں میں کام کر چکے ہیں اگرچہ ان کے کام کو بھارت میں پزیرائی نہیں ملی ۔ان کا نیا ڈرامہ میرے پاس تم ہو کی پہلی جھلک جاری کردی گئی، ڈرامے میں عائزہ خان، ہمایوں سعید اور کبری خان مرکزی کردار ادا کریں گے۔ڈرامے کی پہلی جھلک میں ایک کمرے کا دروازہ کھلتا ہوا دکھایا گیا جس کے بعد ڈرامے کا نام لکھا ہے اور گلوکار گانے کے بول میرے پاس تم ہو گنگنانے رہے ہیں۔ڈرامے کی کہانی تین کرداروں عائزہ خان، کبری خان اور ہمایوں سعید کے گرد گھومتی ہے،ڈرامے میرے پاس تم ہو کی پہلی قسط 17 اگست کو جاری ہوگی۔میرے پاس تم ہو کی ہدایت کاری کے فرائض ندیم بیگ نے انجام دئیے ہیں جبکہ اس کی کہانی خلیل الرحمان قمر نے لکھی ہے۔اداکار ہمایوں سعید کی ڈراموں میں واپسی چار سال بعد ہورہی ہے اس سے قبل انہوں نے کامیاب فلم جوانی پھر نہیں آنی ٹو میں اداکاری کے جوہر دکھائیں تھے۔ہمایوں سعید نے ڈرامے میں اپنے کردار کے حوالے سے بات کرتے ہوئے کہا کہ میرا کردار بہت ہی سادہ ہے، میں ایک غریب گھرانے سے تعلق رکھتا ہوں، زندگی بہت مشکل ہے مگر میں اپنی بیوی اور بچوں سے بہت محبت کرتا ہوں اور بہت ہی ایماندار شخص ہوں، ایمانداری کی انہیں بھاری قیمت چکانا پڑتی ہے۔پاکستانی فلم انڈسٹری میں ہمایوں سعید کا مقام کم لوگوں نے پایا ہے۔ ایک ہیرو کے طور پر ول لوگوں میں ویسے ہی جانے جاتے ہیں مگر اس کے ساتھ ساتھ وہ پاکستان کے سب سے نمایاں فلم پروڈیوسرز میں بھی شامل ہیں۔
ہالی ووڈ فلم دی گولڈ فنچ کا نیا ٹریلر جاری
لاس اینجلس (ایچ ایم نیوز) ہالی ووڈ فلم دی گولڈ فنچ کا نیا ٹریلر جاری کردیا گیا ہے۔ جوہن کرولے کی ہدایتکاری میں بننے والی اس فلم کی کہانی نیو یارک کے رہائشی ایک ایسے لڑکے کے گرد گھوم رہی ہے جو بم دھماکے میں اپنی ماں کی مو ت کے بعد دوسری فیملی کے ساتھ رہنے لگتا ہے۔ فلم کی کاسٹ میں معروف اداکارہ نیکول کڈمین کے علاوہ سارہ پالسن،فن وولف ہارڈ،جیفرے رائٹ،پیٹر جیکب سن اور رابرٹ جوئے شامل ہیں۔ فلم 13ستمبر کو ریلیز کی جائے گی۔
اقلیتوں پر مظالم‘ بالی ووڈ کے 49فنکاروں کا نریندر مودی کو خط
ممبئی (ایچ ایم نیوز) بالی ووڈ کے 49 فنکاروں نے بھارتی وزیر اعظم نریندر مودی کو خط لکھا ہے جس میں مسلمانوں اور اقلیتوں پر ہونے والے تشدد کے خلاف آواز اٹھائی ہے۔ بھارت میں مسلمانوں سمیت دیگر اقلیتوں پر بڑھتے مظالم اور تشدد نے بالی ووڈ فنکاروں کو بھی آواز اٹھانے پر مجبور کردیا ہے۔ فنکاروں اور سماجی کارکنوں کی جانب سے نریندر مودی کو لکھے گئے کھلے خط میں مسلمانوں سمیت دیگر اقلیتوں پر ہونے والے تشدد پر تشویش کا اظہار کرتے ہوئے کہا گیا ہے کہ مسلمانوں، دلت اوردیگر اقلیتوں پر ہونے والے تشدد کو اب بند ہوناہوگا۔ خط میں فنکاروں کا کہنا تھا کہ وزیراعظم کا پارلیمنٹ میں تشدد کے ان واقعات کی مذمت کرنا کافی نہیں۔ ان واقعات کے خلاف کیا ایکشن لیاگیا یہ بتایا جائے۔ اس کے علاوہ فنکاروں نے ان واقعات میں ملوث افراد کو سخت سے سخت سزا دینے کا مطالبہ کیاہے۔
ہالی ووڈ اینی میٹڈ فلم پلے موبل‘ دی مووی کا نیا ٹریلر
لاس اینجلس (ایچ ایم نیوز) ہالی وڈ کی کامیڈی سے بھرپور تھری ڈی اینی میٹڈ فلم پلے موبل؛دی مووی کا نیا انٹرنیشنل ٹریلر ریلیز کر دیا گیا ۔ فلم کی کہانی مارلا نامی ایسے دلچسپ اینی میٹڈ کردار کے گرد گھومتی ہے جو اپنے لاپتہ بھائی چارلی کی تلاش میں لمبے سفر پر نکل پڑتا ہے اور اس دوران کئی مشکلات کا سامنا کرناپڑتا ہے تاہم وہ ہمت نہیں ہارتا اور کوشش جاری رکھتا ہے۔ فلم کے کرداروں کیلئے ڈائیلاگ نامور ہالی ووڈ اداکار ڈینئل ریڈ کلف، جم جیفیگن، انایا جوائے، گیبریئل بیٹ مین اور ایڈم لیمبرٹ سمیت کئی فنکاروں کی آوازوں میں ریکارڈ کئے گئے ہیں۔ فلم اگست میں سنیما گھروں میں نمائش کیلئے پیش کر دی جائے گی۔
کنگنا رناوت ایک فلم میں کام کرنے کا سب سے زیادہ معاوضہ لینے والی اداکارہ بن گئیں
ممبئی (ایچ ایم نیوز) بالی ووڈ اداکارہ کنگنا رناوت رواں سال ایک فلم میں کام کرنے کا سب سے زیادہ معاوضہ حاصل کرنے والی اداکارہ بن گئیں۔ بھارتی میڈیا کے مطابق ایک فلمی سائٹ نے رواں سال سب سے زیادہ معاوضہ حاصل کرنے والی اداکارائوں کی فہرست جاری کی ہے ۔ فہرست میں بالی ووڈ کی متنازع کوئین کنگنا رناوت ٹاپ پر ہیں اوردپیکا پڈوکون دوسرے نمبر پر ہیں۔ کنگنا ایک فلم کا معاوضہ 18 کروڑ روپے وصول کر رہی ہیں جبکہ نامور بالی ووڈ اداکارہ دپیکا پڈوکون ایک فلم کے لیے 17 کروڑ روپے معاوضہ وصول کرتی ہیں۔ اس فہرست میں پریانکا چوپڑا تیسرے نمبر پر ہیں اور وہ ایک فلم میں کام کرنے کا معاوضہ 16 کروڑ وصول کرتی ہیں۔بالی ووڈ کی بے بو اداکارہ کرینہ کپور ایک فلم میں کام کرنے کا معاوضہ 15 کروڑ وصول کرتی ہیں۔ اداکارہ شردھا کپور ایک فلم کا معاوضہ 14 کروڑ روپے تک لیتی ہیں۔ حالیہ دور کی مقبول ترین اداکارہ عالیہ بھٹ ایک فلم کا معاوضہ 13 کروڑ روپے لیتی ہیں۔ بالی ووڈ کی باربی ڈول کترینہ کیف کامعاوضہ پر فلم 12 کروڑ ‘ سونم کپور11 کروڑ‘ ودیا بالن کا معاوضہ 10 کروڑ‘ انوشکا شرما9 کروڑ‘ پرینیتی چوپڑا 8 کروڑ‘ سوناکشی سنہا ایک فلم کے لیے 7 کروڑ روپے معاوضہ لیتی ہیں۔
بالی ووڈ اداکارہ کیارا ایڈوانی نے اپنا نام عالیہ بھٹ کی وجہ سے بدلا
ممبئی (ایچ ایم نیوز) بالی ووڈ کی ابھرتی ہوئی اداکارہ کیارا ایڈوانی نے اپنا نام کیارا رکھنے کی وجہ عالیہ بھٹ کو قرار دیدیا۔ بھارتی میڈیا رپورٹس کے مطابق نئی ابھرتی ہوئی اداکارہ کیارا ایڈوانی نے اپنا فلمی نام رکھنے کی وجہ بتاتے ہوئے انکشاف کیا کہ میرا اصل نام عالیہ ایڈوانی ہے لیکن 2014 میں ریلیز ہونے والی ڈیبیو فلم سے اب تک میرا نام کیارا ایڈوانی چلا آرہا ہے ۔ کیارا نے مزید بتایا کہ بالی ووڈ میں پہلے ہی عالیہ بھٹ موجود ہیں جوکہ ایک سپر اسٹار ہیں اس لئے میں عالیہ کے نام سے اپنی شناخت نہیں کرانا چاہتی تھی بلکہ اپنی خود کی ایک پہچان بنانا چاہتی تھی کیوں کہ میں نہیں چاہتی تھی کہ یکساں ناموں کی وجہ سے شائقین کنفیوژ ہوجائیں ۔کیارا ایڈوانی نے مزید انکشاف کرتے ہوئے کہا کہ میں نے اپنا نام کیارا فلم انجانا انجانی میں پریانکا چوپڑا کے نام کیارا سے متاثر ہو کر رکھا ہے۔ فلم کے ایک سین میں پریانکا اپنا تعارف کرواتے ہوئے کہتی ہیں کہ ہائے میں کیارا ہوں۔ وہ ڈائیلاگ دیکھ کر مجھے نام بہت پسند آیا۔ اگر میری کوئی بیٹی ہوتی تو میں اسے کیارا کے نام سے پکارتی لیکن اس سے قبل مجھے نام کی ضرورت تھی اس لئے میں نے اس نام کا انتخاب کیا جوکہ آج میری پہچان بن گیا ہے۔
نورا فتیحی نے غیر ملکیوں کیلئے بھارت کو مشکل ملک قرار دیدیا
ممبئی (ایچ ایم نیوز) بالی ووڈ کی مراکشی اداکارہ نورا فتیحی نے غیر ملکیوں کیلئے بھارت میں رہنے کو مشکل قرار دیتے ہوئے بتایا کہ بھارتی لوگوں کے رویے نے انہیں رونے پر مجبور کردیا تھا۔ ایک انٹرویو ممیں اپنی آپ بیتی سناتے ہوئے نورا نے بتایا کہ غیر ملکیوں کے لیے بھارت میں زندگی گزارنا بہت مشکل ہے جب کہ انہوں نے بالی ووڈ میں جگہ بنانے کے لیے کئی قربانیاں دی ہیں۔ انٹرویو میں نورا فتیحی نے بتایا کہ ابتدا میں انہیں ہندی زبان نہیں آتی تھی جس کی وجہ سے انہیں کئی بار آڈیشنز میں شرمندہ کیاگیا۔ نورا نے کہا لوگ مجھ پر ہنستے تھے جیسے میں کوئی سرکس ہوں، مجھے پریشان کرتے اور بہت تذلیل کرتے تھے۔ ایک بار ایک کاسٹنگ ایجنٹ نے مجھے کہا تھا کہ واپس چلی جا ہمیں تمہاری ضرورت نہیں ہے۔ بالی ووڈ میں موجود لوگوں کے رویے دیکھ کر میں اپنے گھر جاتے ہوئے رو رہی تھی، میں یہ سب کبھی بھلا نہیں سکوں گی۔ انہوں نے کہا کہ وہ ایک اپارٹمنٹ میں 8 لڑکیوں کے ساتھ رہتی تھیں جہاں ایک لڑکی نے ان کا پاسپورٹ چوری کرلیا۔ اتنا سب برداشت کرنے کے بعد میرا بھارت میں رہنا بہت مشکل ہوگیاتھا اور کچھ وقت کے لیے میں بھارت چھوڑ کر کینیڈا چلی گئی تھی۔
نامور قوال عزیز میاں کی (آج) 77 ویں سالگرہ
لاہور (ایچ ایم نیوز)پاکستان کے نامور قوال عزیز میاں کی (آج) 77 ویں سالگرہ منائی جائیگی۔ عزیز میاں 27جولائی 1942ء کو یوپی کے شہر بلند میں پیداہوئے تھے ،ان کی مشہور قوالیوں میں ’’میں شرابی ، تیری صورت نگاہوں میں اور اللہ ہی جانے کون بشر ہے ‘‘ سرفہرست ہیں، حکومت پاکستان نے ان کی خدمات کے اعتراف میں صدارتی تمغہ برائے حسن کارکردگی سے نوازا، عزیز میاں6 دسمبر2000ء کو وفات پاگئے تھے۔
فلم سپر اسٹار کا نیا گانا’’ غلط فہمی‘‘ ریلیز کر دیا گیا
لاہور (ایچ ایم نیوز) پاکستانی فلم سپر اسٹار کا نیا گانا غلط فہمی ریلیز کر دیا گیا۔گانا غلط فہمی ریلیز ہوتے ہی سوشل میڈیا پر چھا گیا اور چند گھنٹے میں ہی لاکھوں لوگوں نے اس گانے کو سنا اور پسند کیا۔ اس سے قبل ریلیز ہونے والے گیت نوری نے دھوم مچا دی تھی اور یوٹیوب پر اب تک اسے نو لاکھ سے زائد شائقین دیکھ چکے ہیں۔ نوری میں ماہرہ خان کے غیرمعمولی رقص نے جہاں شائقین کو مسحور کر دیا وہاں اس کی موسیقی بھی چاروں اور چھا گئی۔ یاد رہے اس سے قبل فلم کا ایک اور گانا ان دنوںریلیز کیا گیا تھا جس نے مقبولیت کے نئے ریکارڈ قائم کر دیے تھے۔ عاطف اسلم کی آواز میں ریکارڈ کیا گیا یہ گانا فلم کے مرکزی اداکاروں ماہرہ خان اور بلال اشرف پر فلمایا گیا ہے۔ گانے میں دونوں کو بطور پریمی جوڑا دکھایا گیا ہے۔ فلم سپر اسٹار کے گانے ان دنوں کے بول شکیل سہیل نے تحریر کیے ہیں جبکہ اس کی موسیقی آذان سمیع خان اور سعد سلطان نے دی ہے۔ سپر اسٹار کو ناظرین عید الاضحی پر سینما گھروں میں دیکھ سکیں گے۔
اسرائیل و افغانستان مابین بڑھتی قربتیں، اسرائیلی کاروباری شخصیات کی افغان خاتون اول سے ملاقات
اسرائیلی کمپنیاں کابل، فراہ، ہلمند اور نیم روز میں مالی سرمایہ کاری کریں گی،اسرائیل عرب و غیر عرب مسلم مالک کیساتھ شراکت داری کا خواہاں ہے، سربراہ بین الاقوامی مشاورتی فرم یوآف مردخائی
کابل(ایچ ایم نیوز)اسرائیل کی ایک بین الاقوامی مشاورتی فرم کے سربراہ یوآف مردخائی نے رواں ماہ جولائی کے اوائل میں افغانستان کی خاتون اول رولا غنی سے ملاقات کی۔ ملاقات میں اس بات پر اتفاق ہوا کہ اسرائیلی کمپنیاں افغان اراضی میں سرمایہ کاری کریں گی۔بین الاقوامی خبر رساں ادارے کے مطابق مذکورہ عرصے میں یوآف مردخائی کی صدارت میں ایک پانچ رکنی وفد نے دو قابل اعتماد کاروباری شخصیات کے ہمراہ کابل کا دورہ کیا۔ دورے کا مقصد افغانستان میں سرمایہ کاری کے مواقع تلاش کرنا تھا۔مردخائی کے مطابق یہ ملاقات افغانستان کی خاتون اول رولا غنی سے متعلقہ ایک کمپنی کی دعوت پر منعقد ہوئی۔ اس سلسلے میں افغان ذمے داران کے ساتھ تجارتی بات چیت اور اجلاسوں کے حوالے سے تمام تر رابطہ کاری اسی کمپنی نے انجام دی۔تین روز تک جاری رہنے والے اس دورے میں یوآف مردخائی اور ان کے اسرائیلی تجارتی شراکت داروں نے افغانسان کی خاتون اول رولا غنی سے ملاقات کی۔افغان ذمے داران کے ساتھ کئی اجلاسوں کے دوران اس بات پر اتفاق رائے سامنے آیا کہ اسرائیلی کمپنیوں کی کابل، فراہ، ہلمند اور نیم روز میں مالی سرمایہ کاری ہو گی۔ قابل ذکر بات یہ ہے کہ یوآف مردخائی نے اسرائیلی وفد میں کاروباری شخصیت کی حیثیت سے شامل ہو کر بحرین کے اقتصادی ورکشاپ میں بھی شرکت کی تھی۔ایسا نظر آ رہا ہے کہ اسرائیلی حکومت غیر سرکاری اور اقتصادی تنظیموں کی وساطت سے عرب اور غیر عرب مسلمانوں کے ساتھ اپنی شراکت داری کو وسیع کرنے کا ارادہ رک
مداحوں کا دپیکا کو لورانجن کی فلم میں کام نہ کرنے کا مشورہ
ممبئی (ایچ ایم نیوز) بالی ووڈ سٹار دپیکا پڈوکون کو ان کے مداحوں نے جنسی ہراسانی کے کیسز میں نامزد ڈائریکٹر لو رانجن کی فلم میں کام نہ کرنے کا مشورہ دیدیا۔ بھارتی میڈیا کے مطابق دپیکا کے مداحوں نے سوشل میڈیا پر ناٹ مائی دپیکا کا ہیش ٹیگ استعمال کرتے ہوئے مہم کا آغاز کر دیا جس کا مقصد دپیکا کو ایک ایسی فلم میں کام کرنے سے روکنا ہے جس کے ڈائریکٹر پر جنسی ہراسانی کا الزام ہے اور وہ مشہورِ زمانہ مہم می ٹو کا بھی حصہ رہ چکے ہیں۔ دپیکا پڈوکون کے مداحوں کا کہنا ہے کہ دپیکا ہمارے لیے ایک رول ماڈل ہیں اور ان کے کردار سے ہمیں حوصلہ ملتا ہے۔ انہوں نے دپیکا کو مشورہ دیا ہے کہ وہ ڈائریکٹر لو رانجن کی فلم کا حصہ نہ بنیں ورنہ بحیثیت اداکارہ وہ ہماری نظروں میں بنا ہوا اپنا خوبصورت اور مضبوط مقام کھو دیں گی۔ واضح رہے کہ جنسی ہراسانی کے متعدد کیسز میں نامزد فلم ڈائریکٹر لو رانجن کی فلم میں دپیکا کے کام کرنے کی خبریں گردش کررہی ہیں تاہم دپیکا نے اس حوالے سے کوئی بیان نہیں دیا۔
سلمان خان میرج ہال کی تیاری میں مصروف
ممبئی (ایچ ایم نیوز) بالی ووڈ سٹار سلمان خان بلبل میرج ہال کے نام سے نئی فلم کی تیاری میں مصروف جس کی کہانی ایک شادی ہال کے گرد گھومتی ہے۔ بھارتی میڈیا کے مطابق سلمان خان کی اگلی فلم میں بھارتی شادی ہالز کو بنیاد بناتے ہوئے مختلف معاشرتی مسائل کو اجاگر کیا جائے گا۔ فلم کی کہانی دو ایسے بھائیوں کے بارے میں ہوگی جو دہلی میں ایک شادی ہال کے مالک ہیں اور اس شادی ہال کے کاروبار میں انہیں کئی طرح کی پریشانیوں کا سامنا کرنا پڑتا ہے۔ فلم کے اسکرپٹ پر کام شروع کردیا گیا ہے۔
ہالی ووڈ تھرلر فلم21برجز کا نیا ٹریلر جاری
لاس اینجلس (ایچ ایم نیوز) ہالی ووڈ تھرلر فلم21برجز کا نیا ٹریلر جاری کردیا گیا۔ فلم کی کہانی نیو یارک پولیس ڈپارٹمنٹ کے ایک جاسوس کے گرد گھوم رہی ہے جو پولیس اہلکاروں کے قتل میں ملوث ایک گینگ کو پکڑنے کیلئے لاک ڈاون کروادیتا ہے۔فلم کی کاسٹ میں چیڈوک بوسمین،سیانا ملر،اسٹیفن جیمز،جے کے سیمونز،کیٹی میک کلینن،شینا ریان اور ٹیلر کچ سمیت دیگر اداکار شامل ہیں۔فلم 27ستمبرکو ریلیز کی جائے گی۔
گلوکارہ خوشبو لغاری نے نیا 'صوفی کلام 'ریکارڈ کروالیا
لاہور(ایچ ایم نیوز) گلوکارہ خوشبو لغاری نے نیا 'صوفی کلام ریکارڈ کروالیا۔تفصیلات کے مطابق اردو،پنجابی اور سندھی زبان میں صوفیانہ کلام سے شہرت حاصل کرنے والی معروف گلوکارہ خوشبو لغاری نے نیا 'صوفی کلام 'ریکارڈ کروالیا صوفیانہ کلام کی جلد ویڈیو بنا کر ریلیز کر دی جائیگی۔ایک ملاقات میں خوشبو لغاری نے بتایا کہ اردو،پنجابی اور سندھی میرے سارے صوفیانہ کلام بے حد مقبول ہوئے اور امید ہے کہ میرا نیا 'صوفی کلام 'پوری دنیا میں مقبولیت حاصل کرے گا۔
پاکستانی فلم انڈسٹری میں بننے والی فلمیں عالمی معیارکے مطابق ہیں‘ ارمینا رانا خان
لاہور(ایچ ایم نیوز) اداکارہ وماڈل ارمینا رانا خان نے کہا ہے کہ پاکستان فلم انڈسٹری کی رونقیں بحال ہونا خوش آئند ہے‘ پاکستانی فلم انڈسٹری میں بننے والی فلمیں ہرلحاظ سے عالمی معیارکے مطابق ہیں۔اپنے ایک انٹر ویو میں ارمینا رانا خان نے کہا کہ اعلی تعلیم یافتہ اور نوجوان فلم سازوں نے جب سے فلم انڈسٹری کی باگ ڈور سنبھالی ہے تب سے بہتری کے آثارنمایاں ہونے لگے ہیں بلکہ پڑھے لکھے نوجوان اب اس شعبے کو بڑی ذمے داری کے ساتھ بطورپروفیشن اپنانے لگے ہیں جو بہت خوش آئند بات ہے۔ انہوں نے کہا کہ پاکستان فلم انڈسٹری کی رونقیں بحال ہونا خوش آئند ہے پاکستانی فلم انڈسٹری میں بننے والی فلمیں ہرلحاظ سے عالمی معیارکے مطابق ہوتی ہیں۔
شوبز میں صرف عروج کے دنوں کے دوست ہوتے ہیں‘ وینا ملک
لاہور(ایچ ایم نیوز) نامور اداکارہ وینا ملک نے کہا ہے کہ شوبز میں صرف عروج کے دنوں کے دوست ہوتے ہیں‘جب کسی سے جڑی امید ٹوٹتی ہے تو یہ بڑا تکلیف دہ مرحلہ ہوتا ہے۔ خصوصی بات چیت کرتے ہوئے وینا ملک نے کہا کہ عروج کے دونوں میں آپ کے بہت سے دوست ہوتے ہیں جبکہ زوال کے دنوں میں آپ کا سایہ بھی ساتھ چھوڑ جاتا ہے۔ انہوں نے کہا کہ میں کسی سے زیادہ امیدیں لگانے کی قائل نہیں کیونکہ جب کسی سے جڑی امید ٹوٹتی ہے تو یہ بڑا تکلیف دہ مرحلہ ہوتا ہے۔انہوں نے کہا کہ جو دل کو اچھا لگے وہی کرتی ہوں،کسی کی بلا وجہ مداخلت یا تنقید کو خاطر میں نہیں لاتی اور اپنے کام سے کام رکھتی ہوں۔ وینا ملک نے کہا کہ شوبز سے دور ہونے کا سوال ہی پیدا نہیں صرف معیاری کام ہی کروں گی۔
اقرا عزیز نے اہلیہ پر مبینہ تشدد کرنے پر محسن عباس حیدر کو کھری کھری سنا دیں
لاہور (ایچ ایم نیوز) اقرا عزیز نے اہلیہ پر مبینہ تشدد کرنے پر محسن عباس حیدر کو کھری کھری سنا دیں۔ سماجی رابطے کی ویب سائٹ انسٹا گرام پر گلوکار محسن حیدر کے مبینہ تشدد پر برہمی کا اظہار کرتے ہوئے اقراء نے کہا کہ تن سازی انسان کو مضوط بناتی ہے لیکن کسی عورت پر ہاتھ اٹھانا آپ سے مرد ہونے کا اعزاز چھین لیتا ہے۔ اقرا عزیز نے کہا کہ ہمیں یہ سننے کی بھی ضرورت نہیں کہ اس وقت آپ کے دماغ میں کیا چل رہا تھا اور نہ ہی آپ کی کہانی کی ضرورت ہے۔ اب وقت ختم ہو گیا ہے۔واضح رہے کہ گزشتہ روز معروف گلوکار و اداکار محسن عباس حیدر کی اہلیہ نے شوہر پر الزام عائد کرتے ہوئے کہا تھا کہ محسن نے حاملہ ہونے کے باوجود مجھے بری طرح جسمانی تشدد کا نشانہ بنایا۔
وقت سب سے بڑااستاد ہے جو بہت کچھ سیکھا جاتا ہے‘ اداکارہ صبا قمر
لاہور (ایچ ایم نیوز) ٹی وی و فلم کی نامور اداکارہ صبا قمر نے کہا ہے کہ وقت سب سے بڑااستاد ہے‘ پاکستانی فلموں کی کامیابی خوش آئند ہے تاہم معیار کو ترجیح دی جانی چاہئے۔ خصوصی گفتگو کرتے ہوئے دلکش مسکراہٹ والی اداکارہ صبا قمر نے کہا کہ وقت سب سے بڑااستاد ہے اور اگر کوئی سیکھنا چاہے تو وقت سے بہت کچھ سیکھا جا سکتا ہے۔ انہوں نے کہا کہ کسی بھی شعبے میں کامیابی کیلئے جستجو اور عمل ضروری ہے۔ صبا قمر نے کہا کہ پاکستانی فلموں کی کامیابی خوش آئند ہے فلمیں تو بنائی جا رہی ہیں لیکن یہ بھی دیکھنا ضروری ہے کہ فلموں کا معیار کیا ہے کیونکہ غیر معیاری فلمیں ایک ہزار بھی بنا لی جائیں تو اس کا انڈسٹری کو کوئی فائدہ نہیں ہو گا۔ صبا قمر نے کہا کہ عزت دینے اور عزت لینے پر یقین رکھتی ہوں اسی وجہ سے آج تک کسی سکینڈل کا شکار نہیں ہوئی۔
فاطمہ نے بغیر ثبوت کے مجھ پر الزام عائد کیا ہے‘ نازش جہانگیر
لاہور (ایچ ایم نیوز) ماڈل و اداکارہ نازش جہانگیر نے کہا ہے کہ محسن عباس کی اہلیہ فاطمہ نے بغیر ثبوت کے ان پر الزام تراشی کی ہے۔ انسٹاگرام پر اپنے ایک بیان میں ماڈل نازش جہانگیر نے کہا کہ اداکار محسن عباس حیدر کی اہلیہ فاطمہ نے مجھ پر بغیر کسی ثبوت کے الزام عائد کیا کہ میرے ان کے شوہر کے ساتھ ناجائز تعلقات ہیں جس کے بعد مجھے گھر توڑنے والی کہا گیا۔ نازش جہانگیر نے کہا کہ آپ سب اپنی عقل کا استعمال کریں اور سوچیں کہ اگر فاطمہ کے پاس میرے خلاف کوئی ثبوت ہوتے تو وہ ان کو بھی منظر عام پر لاتی جیسے فاطمہ اپنے شوہر کے خلاف ثبوت سامنے لے کر آئی۔ انہوں نے کہا کہ بیٹے کی پیدائش سے ایک گھنٹہ قبل فاطمہ سے میری بات ہوئی اور میں نے اسے مبارک باد دی۔ اس وقت محسن کراچی میں کسی شوٹنگ میں مصروف تھا جبکہ میں اسلام آباد میں تھی۔ لیکن فاطمہ گھریلو تشدد کا نشانہ بنی ہیاور میری تمام تر ہمدردی اس کے ساتھ ہے اور میں اس بات کا اعلان بھی کرنا چاہتی ہوں کہ ان کی ازدواجی زندگی میں تنازعات کی وجہ میں نہیں ہوں۔ انہوں نے مزید کہا کہ صرف محسن ہی اس حوالے سے وضاحت کر سکتا ہے کہ آخر اس کی بیوی نے اس سارے معاملے میں میرا نام کیوں لیا۔ فاطمہ نے کسی ثبوت کے بغیر مجھ پر پورے میڈیا کے سامنے الزام عائد کیا۔ میں نے کبھی کسی کی ذاتیات پر بات نہیں کی اور اسی لیے میرے لیے یہ سب نہایت دردناک ہے میں صرف یہ کہنا چاہوں گی کہ صرف فاطمہ ہی اس سب کا شکار نہیں ہوئی، بغیر ثبوت مجھ پر الزام عائد کر کے ذاتی منافرت کی بنیاد پر مجھے بھی اس سب میں گھسیٹا گیا جس سے مجھے ذہنی طور پر کافی پریشانی ہوئی۔
چین، کفایت شعاری قوانین کے خلاف ورزی پر37207 ملازمین کو سزائیں سنا دی گئیں
بیجنگ(ایچ ایم نیوز)چین میں رواں سال 37207سرکاری ملازمین کو کفایت شعاری کے قوانین کی خلاف ورزی کرنے سے سزائیں سنائی گئیں ۔منگل کے روز چین کی حکمران جماعت کمیونسٹ پارٹی آف چائنہ(سی پی سی) کی جانب سے جاری کردہ اعداد و شمار کے مطابق جون کے مہینے میں8506سرکاری ملازمین کو 6060 مقدمات میں سزائیں سنائی گئیں ۔زیادہ تر سرکاری ملازمین پر یہ الزام تھا کہ انہوں نے قوانین کی خلاف ورزی کرتے ہوئے اضافی الائونسز جاری کئے ۔تحائف کو وصول کیا اور سرکاری خزانے سے کھانے کھلائے گئے۔
ڈالر کے مقابلے میں چینی کرنسی کی شرح قدر میںکمی
بیجنگ(ایچ ایم نیوز)چینی کرنسی یوآن (آر ایم بی )کی مرکزی شرح تباد لہ منگل کو امریکی ڈالر کے مقابلے میں59بنیادی پوائنٹس کی کمی سے 6.8818ہو گئی ہے ،چین کی غیر ملکی زرمبادلہ کے تبادلہ کی کھلی منڈی میں چینی کرنسی کو ہر کاروباری روز 2فیصد کمی بیشی کی اجازت ہے ۔
چینی معیشت مستحکم طور پر ترقی کر رہی ہے،اقتصادی ماہرین
بیجنگ (ایچ ایم نیوز ) چین کے قومی ادارہ برائے شماریات نے کہا ہے کہ رواں سال کی دوسری سہ ماہی میں چین کے جی ڈی پی میں پچھلے سال کی اسی مدت کے مقابلے میں چھ اعشاریہ دو فی صد کا اضافہ ہوا ہے اور اسی طرح رواں سال کے پہلے نصف میں جی ڈی پی کی شرح میں اضافہ پچھلے سال کی اسی مدت کے مقابلے میں چھ اعشاریہ تین فی صد زیادہ رہا ہے۔ چائنہ ریڈیو کے مطابق ان اعدادو شمار کے اجرا کے بعد کچھ غیر ملکی ذرائع ابلاغ نے یہ کہا کہ دوسری سہ ماہی میں چین کے جی ڈی پی کی ترقی کی رفتار انیس سال میں سب سے سست ہے ،اس کا مطلب یہ ہے کہ چینی معیشت سست روی کا شکار ہوئی ہے ۔ اس حوالے سے عالمی اقتصادی تعاون و ترقی کی تنظیم کی چین کی اقتصادی پالیسی دفتر کی ڈائریکٹر مارگیٹ مولنار نے کہا کہ ایسا کہنا بے بنیاد ہے ۔ موجودہ عالمی صورت حال کے تناظر میں دیکھا جائے تو چینی معیشت کو نمایاں پیش رفت حاصل ہوئی ہے ۔ چینی حکومت نے کہا کہ رواں سال کے پہلے نصف میں چینی معیشت نے مجموعی طور پر مستحکم ترقی کی ہے ۔ مارگیٹ مولنار اس بات پر متفق ہیں ۔ انہوں نے کہا کہ اگرچہ اقتصادی ترقی کی رفتار پہلے کے مقابلے میں سست ہے ،لیکن اس میں بہت کم کمی ہوئی ہے اس سے ظاہر ہوتا ہے کہ چینی معیشت مستحکم ہے ۔ دوسری طرف چینی معیشت کے معیار کو بلند کیا گیا ہے ۔اس سے ظاہر ہوتا ہے کہ چینی معیشت نے ترقی کی ہے ۔صنعت کے بجائے سروسزسے چینی معیشت کی ترقی ہو رہی ہے ، صنعت اور سروسز کے شعبوں میں ہائی ٹیکنالوجی کی حامل صنعت اور نئی ابھری ہوئی صنعت چینی معیشت کی ترقی کا اہم ذریعہ بن چکی ہے ۔اس لیے میرا خیال ہے کہ چینی معیشت کی ترقی میں نمایاں پیش رفت ہوئی ہے ۔
صنعتی پارک چینی معیشت کی ترقی میں اپنا موثر کردار ادا کر رہا ہے
گوانگ ڈونگ میں جدید زرعی صنعتی پارک کی تعمیر ملکی معیشت کی ترقی میں معاون
گوانگ ڈونگ (ایچ ایم نیوز ) چین کے صوبے گوانگ ڈونگ میں تعمیر کردہ زرعی صنعتی پارک چینی معیشت کی ترقی میں اپنا موثر کردار ادا کر رہا ہے، اس پارک میں زرعی و صنعتی ٹیکنالوجی کا حسین امتزاج دیکھا جا سکتا ہے۔چائنہ ریڈیو انٹرنیشنل کے مطابق اس جدید زرعی صنعتی پارک کی تعمیر سے صوبہ گوانگ ڈونگ کے دیہات کی معیشت تیز رفتاری سے ترقی کر رہی ہے۔ کسان کھیت میں چاول کی کاشت کاری کے ساتھ ساتھ مچھلی فارم ، بطخ فارم سمیت کامیاب غلہ بانی کر رہے ہیں۔ یہ جانور نہ صرف کھیت میں گھاس اور کیٹروں کی صفائی میں مدد کر سکتے ہیں ،بلکہ ان کے فضلات کھیت کے کھاد کا کام کرتے ہیں ۔ دوسری طرف کھیت ان جانوروں کو آرام کرنے کی اچھی جگہ بھی فراہم کرتا ہے ۔ اس کے علاوہ مقامی کسان کھیت کے آس پاس پھلوں کے درخت بھی اگا رہے ہیں ۔اس طرح کے ماڈل زرعی فارمز سے حاصل ہونے والی آمدن اس سے طرح کے عام زرعی رقبے سے حاصل ہونے والی معمول کی آمدن سے دگنی ہے۔اس کے علاوہ جدید زرعی ماڈل فارمز کی ترقی میں جدید ٹیکنالوجی کے استعمال نے بہت اہم کردار ادا کیا ہے۔گوانگ ڈونگ کی کئی یونیورسٹیوں اور سائنسی اداروں نے اس جدید زرعی صنعتی پارک کے ساتھ تعاون کیا ہے ۔ ان اداروں کی جدید ترین ریسرچ کے نتائج اس جدید زرعی صنعتی پارک میں استعمال کئے جار ہے ہیں ۔ اس جدید زرعی صنعتی پارک میں کاشت کاری کی ترقی کے ساتھ ساتھ پیداوار کی پروسیسنگ کی ترقی بھی کی جا رہی ہے ۔ یہاں چاول سے بنی ہوئی کئی مصنوعات مارکیٹ میں مقبول ہیں۔ اس کے علاوہ ، اس جدید زرعی صنعتی پارک میں زراعت اور سیرو سیاحت کو ملانے کی کوشش کی جا رہی ہے ۔ کھیتوں کو خوبصورت پارک بنایا گیا ہے ،جس سے شہرمیں رہنے والے افراد یہاں سیر کے لئے آسکتے ہیں اور ساتھ ساتھ یہاں پیدا ہونے والی اجناس براہ راست خرید سکتے ہیں۔
متعدد ملکوں کے ماہرین نے "سنکیانگ کی تاریخی حیثیت"کے حوالے سے جاری وائٹ پیپر کو سراہا
چینی اقدامات نے انتہا پسندی اور دہشت گردی کے پھیلا کو مثر طریقے سے روک دیا، ماہرین
بیجنگ (ایچ ایم نیوز ) متعدد ملکوں کے ماہرین کی جانب سے "سنکیانگ کی تاریخی حیثیت"کے حوالے سے جاری وائٹ پیپر کو سراہا تے ہوئے کہا ہے کہ چین کے ان اقدامات نے انتہا پسندی اور دہشت گردی کے پھیلا کو مثر طریقے سے روک دیا ۔ چائنہ ریڈیو انٹرنیشنل کے مطابق 21 جولائی کو چین کی ریاستی کونسل کے انفارمیشن آفس نے "سنکیانگ کی تاریخی حیثیت"کے حوالے سے ایک وائٹ پیپر جاری کیا۔جس نے سنکیانگ سے متعلق بہت سے تاریخیحقائق کو واضح کیا ہے اور چین کے اندرونی اور بیرونی علاقوں میں موجوددشمن قوتوںکیپروپیگنڈا کا جواب بھی دیا ہے.متعدد ممالک کے ماہرین نے کہا کہ وائٹ پیپر نے حقائق کو بہتر طور پر سمجھنے میں مثبت کردار ادا کیا ہے۔فرانسیسی خاتون مصنف اور چینی امورکی ماہر سونیا بریسلر جنہوں نے سنکیانگ کا دورہ کر رکھا ہے کہا کہاس وائٹ پیپر نے بین الاقوامی برادری کو سنکیانگ کی تاریخ اور موجودہ صورت حال کی تفصیل بتائی ہے۔انہوں نے کہا کہ چین میں چھپن قومیتیں موجود ہیں، سنکیانگ میں انہوں نے اپنی آنکھوں سے دیکھا ہے کہ کس طرح مختلف قومیتوں کے عوام ایک دوسرے کے ساتھ مل جلکراچھی طرح رہتے ہیں۔سعودی عرب کے چینی امور کے ماہر عبدالعزیز الشعبانی نے کہا کہوائٹ پیپرنے سنکیانگ کی تاریخ اور ترقی کا مکمل اورتفصیلی تعارفپیش کیا ہے اورکچھ ملکوں اور ذرائع ابلاغ کی طرف سے سنکیانگ کے بارے میںپروپیگنڈاکو رد کردیا ہے۔انہوں نے کہا کہ سنکیانگ میں معاشی ترقی کو فروغ دینے اور چین کے سماجی استحکام کو برقرار رکھنے کے لئے چین نے اپنی ضرورت اور حالات کے مطابق بہت سے کوششیں کی ہیں۔ چین کی ان کاوشوں کے خاطر خواہ نتائج حاصل ہوئے ہیں۔ بین الاقومی برادری کو چین کے تجربات سے استفادہ کرنا چاہیے۔ چین کے ان اقدامات نے انتہا پسندی اور دہشت گردی کے پھیلا کو مثر طریقے سے روک دیا ہے جو سنکیانگ کی سماجی اورمستحکم معاشی ترقی کے لئے مفید ہیں۔
چینی وزارت خارجہ کی ہانگ کانگ میں انتہا پسند مظاہرین کی رابطہ دفتر کے محاصرے کی مذمت
بیجنگ (ایچ ایم نیوز ) چین کی وزارت خارجہ نے ہانگ کانگ خصوصی انتظامی علاقے میں مرکزی حکومت کے رابطہ دفتر کے محاصرے کے حوالے سے کہا کہ یہ طرز عمل ایک ملک، دو نظام کے اصول کی آخری حد کو چیلنج کرنے کے مترادف ہے، اور اس کو برداشت نہیں کیا جا سکتا ۔ چائنہ ریڈیو کے مطابق انہوں نے کہا کہ چین ہانگ کانگ میںقائم مرکزی حکومت کے اداروںکو محفوظ بنانے،ہانگ کانگ میں قانون کی حکمرانی کو برقرار رکھنے اورپر تشدد کارروائیوںمیں ملوث افراد کوسخت سزا ئیں دینے کے لئے ہانگ کانگ کی حکومت کے تمام ضروریاقدامات کی مضبوطی سے حمایت کرتاہے۔ انہوں نے پریس کانفرنس میں ایک بار پھر اعادہ کیا کہ ہانگ کانگ چین کا اندرونی معاملہ ہے اورکسی بھی بیرونی قوت کو ملک کے داخلہ امور میں مداخلت کی اجازت نہیں دی جا سکتی۔
بی آر آئی کے تحت چین کے ساتھ باہمی تعلقات کو نئی بلندیوں پر لے جانے کیلئے پر عزم ہیں، صدر آزربائیجان کی سی پی سی کے شعبہ بین الاقوامی تعلقات عامہ کے سربراہ سے گفتگو
باکو(ایچ ایم نیوز)آزربائیجان کے صدر الہام الیہوف نے کہا ہے کہ بیلٹ اینڈ روڈ انیشیٹو(بی آر آئی ) کے تحت چین کے ساتھ باہمی تعلقات کو نئی بلندیوں پر لے جانے کیلئے پر عزم ہیں ۔ منگل کے روز آزربائیجان کے صدر نے کمیونسٹ پارٹی آف چائنہ(سی پی سی) شعبہ بین الاقوامی تعلقات عامہ کے سربراہ سانگ تھائو کے ساتھ ملاقات میں کہا کہ دونوں ممالک کی سیاسی جماعتوں کے مابین باہمی تعلقات کو قدر کی نگاہ سے دیکھتے ہیں ۔ بی آر آئی کے تحت تمام شعبوں میں باہمی تعاون کو فروغ دینے کے وسیع مواقع موجود ہیں۔اس موقع پر سانگ تھائو نے کہا کہ دونوں ممالک کی قیادت کے مابین اپریل میں ہونے والی مالاقات میں باہمی تعلقات کو فروغ دینے کیلئے گائیڈ لائنز فراہم کیں سی پی سی نیو آرزبائیجان پارٹی کے ساتھ دوستانہ تبادلوں کو فروغ دینے کیلئے پر عزم ہے تاکہ باہمی تعاون کیلئے نئی راہیں تلاش کی جا سکیں اور دونوں اطراف کی قیادت کے مابین طے پانے والے اتفاق رائے کے تحت دونوں ممالک کے تعلقات کو آگے بڑھایا جا سکے ۔
چین کی بین الاقوامی کمپنیوں نے امریکہ کو پچھاڑ دیا
129 چینی کمپنیاں فارچون گلوبل500فہرست میں جگہ بنانے میں کامیاب
بیجنگ(ایچ ایم نیوز)چین کی 129کمپنیوں نے فارچون گلوبل 500فہرست میں جگہ بنا لی ۔ منگل کے روز دنیا کی کامیاب ترین کمپنیوں کی جاری کردہ فہرست میں چینی کمپنیوں نے امریکی کمپنیوں کو پچھاڑتے ہوئے فارچون گلوبل 500میں جگہ بنا لی ۔رواں سال چین کی129جبکہ امریکہ کی 121کمپنیوں نے فہرست میں جگہ بنائی ہے ۔چینی کمپنیوں نے سائنو پیک ،چائنہ نیشنل پٹرولیم اور اسٹیٹ گرڈ نے دنیا کی 10بہترین کمپنیوں نے جگہ بنائی۔چین کی ٹیک کمپنی شیائومی نے اپنے لانچ ہونے کے بعدمختصر وقت میں فارچون گلوبل500فہرست میں جگہ بنا کر پڑی کامیابی حاصل کی ہے ۔
افغانستان فضائی حملوں میں 3طالبان ہلاک ،آتش گیر مادہ لے جانے والاٹرک تباہ
غزنی(ایچ ایم نیوز)افغان فضائیہ کے حملوں میں 3طالبان ہلاک جبکہ آتش گیر مادہ کی نقل و حمل میں ملوث ٹرک تباہ کر دیا گیا ۔تفصیلات کے مطابق منگل کے روز افغانستان میںجاری پر تشدد واقعات کے دوران افغان فضائیہ کے تازہ حملوں میں3طالبان رہنما ہلاک ہو گئے جبکہ آتش گیر مادہ کی نقل و حمل میں ملوث ایک ٹرک تباہ ہو گیا۔انٹیلی جنس کی معلومات کی بنیاد پر افغان فضائیہ نے تینوں طالبان رہنمائوں اور بارودی مواد لے جانے والے ٹرک کو نشانہ بنایا طالبان رہنما غزنی میں حملے کرنے کی تیاری میں مصروف تھے ۔
ایف بی آر نے سیلز ٹیکس سرکلر جاری کر دیا۔
فنانس ایکٹ 2019 کے تحت کچھ محدود ٹرانزیکشنز پر قومی شناختی کارڈ نمبر کی ضرورت ہو گی سیلز ٹیکس ایکٹ 1990 کی شق 23 میں ترمیم کی گئی ہے۔
سیلز ٹیکس رجسٹرڈ افراد کی موجودہ تعداد 41484 ہے جو گوشواروں کے ساتھ کچھ ٹیکس ادا کر رہے ہیں۔
موجودہ ترمیم کے تحت سیلز ٹیکس رجسٹرڈ فرد سے خریداری کی صورت میں خریدار کی محدود مواقع پر شناختی کارڈ کی دستیابی ضروری ہو گی۔
شناختی کارڈ کی فراہمی کا قطعاً یہ مطلب نہیں کہ خریدار بھی سیلز ٹیکس رجسٹرڈ فرد ہو۔
قانون پچاس ہزار سے کم مالیت کی خریداری کی صورت میں شناختی کارڈ کی دستیابی کو لازمی قرار نہیں دیتا۔
کاروبار کی ترویج کے لئے قانون میں لچک موجود ہے۔ اگر خریدار بیچنے والے کو غلط شناختی کارڈ فراہم کرتا ہے تو بیچنے والے کی نیک نیتی پر بیچی گئی اشیاء پر جرمانہ لاگو نہ ہو گا۔
چھوٹے اور درمیانے درجے کے ریٹیلرز جن کے لئے قوانین زیر تجویز ہیں وہ سیلز ٹیکس کے دائرہ کار میں نہیں آتے ان پر اس قانون کا اطلاق نہیں ہوتا۔
اس قانون کا اطلاق بزنس ٹو بزنس ٹرانزیکشنز اور پچاس ہزار سے زائد مالیت کی ٹرانزیکشنز جو کہ سیلز ٹیکس رجسٹرڈ فرد کے ساتھ کی گئی ہو پر عائد ہوتا ہے۔
قانون کا مقصد جعلی کاروبار کی روک تھام ہے۔ جس کی وجہ سے سیلز ٹیکس سے ملنے والے ریوینیو میں خسارہ ہوتا ہے
اس قانون کو قطعاً کاروباری افراد کو ہراساں اور کاروباری ٹرانزیکشنز میں رکاوٹ ڈالنے کے لیے استعمال نہیں کیا جائے گا۔
چیف کمشنر کی اجازت کے بغیر کوئی ایکشن نہیں لیا جائے گا۔
خاتون خریدار اپنے شوہر یا باپ کا شناختی کارڈ استعمال کر سکے گی۔ایف بی آر نے سیلز ٹیکس سرکلر جاری کر دیا۔
فنانس ایکٹ 2019 کے تحت کچھ محدود ٹرانزیکشنز پر قومی شناختی کارڈ نمبر کی ضرورت ہو گی سیلز ٹیکس ایکٹ 1990 کی شق 23 میں ترمیم کی گئی ہے۔
سیلز ٹیکس رجسٹرڈ افراد کی موجودہ تعداد 41484 ہے جو گوشواروں کے ساتھ کچھ ٹیکس ادا کر رہے ہیں۔
موجودہ ترمیم کے تحت سیلز ٹیکس رجسٹرڈ فرد سے خریداری کی صورت میں خریدار کی محدود مواقع پر شناختی کارڈ کی دستیابی ضروری ہو گی۔
شناختی کارڈ کی فراہمی کا قطعاً یہ مطلب نہیں کہ خریدار بھی سیلز ٹیکس رجسٹرڈ فرد ہو۔
قانون پچاس ہزار سے کم مالیت کی خریداری کی صورت میں شناختی کارڈ کی دستیابی کو لازمی قرار نہیں دیتا۔کاروبار کی ترویج کے لئے قانون میں لچک موجود ہے۔
اگر خریدار بیچنے والے کو غلط شناختی کارڈ فراہم کرتا ہے تو بیچنے والے کی نیک نیتی پر بیچی گئی اشیاء پر جرمانہ لاگو نہ ہو گا۔چھوٹے اور درمیانے درجے کے ریٹیلرز جن کے لئے قوانین زیر تجویز ہیں وہ سیلز ٹیکس کے دائرہ کار میں نہیں آتے ان پر اس قانون کا اطلاق نہیں ہوتا۔
اس قانون کا اطلاق بزنس ٹو بزنس ٹرانزیکشنز اور پچاس ہزار سے زائد مالیت کی ٹرانزیکشنز جو کہ سیلز ٹیکس رجسٹرڈ فرد کے ساتھ کی گئی ہو پر عائد ہوتا ہے۔
قانون کا مقصد جعلی کاروبار کی روک تھام ہے۔ جس کی وجہ سے سیلز ٹیکس سے ملنے والے ریوینیو میں خسارہ ہوتا ہے۔
اس قانون کو قطعاً کاروباری افراد کو ہراساں اور کاروباری ٹرانزیکشنز میں رکاوٹ ڈالنے کے لیے استعمال نہیں کیا جائے گا۔
چیف کمشنر کی اجازت کے بغیر کوئی ایکشن نہیں لیا جائے گا۔خاتون خریدار اپنے شوہر یا باپ کا شناختی کارڈ استعمال کر سکے گی۔
کم آمدن افراد کیلیے گھر تیسری قسط کی عدم ادائیگی پر ضبط ہو سکیں گے
پہلے سے قرض پر گھر بنانے والے افراد بھی پالیسی سے فائدہ اٹھا سکیں گے، پالیسی کا نفاذ صدارتی ا?رڈیننس کے ذریعے ہوگا
اسلام آباد(ایچ ایم نیوز )وفاقی حکومت کی جانب سے کم ا?مدن افراد کو گھروں کی فراہمی کیلئے رہن کی پالیسی نافذ کرنے کا فیصلہ کر کیاگیا ہے۔کابینہ نے گزشتہ روز مورٹگیج پالیسی کی منظوری دی۔ اس پالیسی کے تحت آسان اقساط پر گھر بنانے کیلیے قرضے فراہم کیے جائیں گے۔ صدارتی آرڈیننس کے ذریعے پالیسی کا نفاذ عمل میں لایا جائے گا۔پالیسی کے تحت کمرشل بینک آسان شرائط پر قرضے فراہم کریں گے۔مارٹگیج پالیسی کے تحت قرض عدم ادائیگی کی صورت میں تین نوٹسز دیئے جائیں گے ،تین نوٹسز کے باوجود قرض کی ادائیگی نہ کرنے والے کی جائیداد ضبط کی جاسکے گی۔اس کے علاوہ پہلے سے قرض پر گھر بنانے والے افراد بھی پالیسی سے فائدہ اٹھا سکیں گے جب کہ صدارتی ا?رڈیننس کے ذریعے پالیسی کا نفاذ عمل میں لایا جائے گا۔
ایل این جی یونٹس کی درآمد پر عائد ٹیکس ختم کردیا گیا
ایف بی آ نے ڈیوٹیز اور ٹیکس ختم کرنے کیلیے اسٹیچوٹری ریگولیٹری آرڈر ( ایس ا?ر او) جاری کردیا
اسلام آباد(ایچ ایم نیوز) حکومت نے ایل این جی ٹرمینلز کے لیے نئے فلوٹنگ اسٹوریج اینڈ ری گیسی فکیشن یونٹس( FSRUs ) کی درآمد پر عائد ڈیوٹیز اور ٹیکس ختم کردیے۔ پورٹ قاسم پر تعمیر شدہ موجودہ ایل این جی ٹرمینل کی ہینڈلنگ کی گنجائش690 ملین کیوبک فیٹ یومیہ ( mmcfd ) ہے، جب کہ نئے FSRU کی گنجائش 790 ایم ایم سی ایف ڈی ہوگی۔ فیڈرل بورڈ آف ریونیو نے ایل این جی یونٹس کی عارضی درآمد پر عائد ڈیوٹیز اور ٹیکس ختم کرنے کے لیے آئینی ریگولیٹری آرڈر ( ایس آ او) جاری کردیا ہے۔اعلیٰ حکام کے مطابق پاکستان کو مستقل کی درآمدات کے لیے آن شور ایل این جی ٹرمینل قائم کرنے چاہییں۔ حکومت سسٹم میں ایل این جی کی 200 ایم ایم سی ایف ڈی گنجائش بڑھانے کا ارادہ رکھتی ہے۔ اس کے لیے آئندہ ہفتے بولی طلب کی جائے گی۔علاوہ ازیں حکومت نئے فلوٹنگ یونٹ کی اضافی گنجائش کا بھی استعمال کرسکتی ہے۔ دوسرے ایل این جی ٹرمینل کی ہینڈلنگ کی گنجائش 790 ایم ایم سی ایف ڈی ہے۔ اس وقت دونوں ایل این جی ٹرمینل 1100 ایم ایم سی ایف ڈی سے زائد گیس ہینڈل کررہے ہیں۔ اس مقدار کا 790 ایم ایم سی ایف ڈی پاور سیکٹر اور 180 ایم ایم سی ایف ڈی کھاد سازی کی صنعت استعمال کررہی ہے۔پاکستان اسٹیٹ آئل اس وقت قطر سے 500 ایم ایم سی ایف ڈی ایل این جی درآمد کررہی ہے۔ پاکستان ایل این جی لمیٹڈ ( پی ایل ایل ) نے 200 ایم ایم سی ایف ڈی گیس کی درآمد کے مختصر اور طویل مدتی معاہدے کررکھے ہیں جب کہ بقیہ 400ایم ایم سی ایف ڈی ایل این جی اسپاٹ کنٹریکٹ کے ذریعے خریدی جارہی ہے۔
تجارت کی ا?ڑ میں منی لانڈرنگ کرنیوالوں کیلیے قانونی شکنجہ
ڈائریکٹر جنرل کسٹمز ویلیو ایشن ان کی نشاندہی رپورٹ دیں گے جس کی بنیاد پر سخت کارروائی کی جائے گی
اسلام آباد(ایچ ایم نیوز )تجارت کی آڑ میں منی لانڈرنگ کرنے والے برآمد کنندگان و تاجروں کو قانونی شکنجے میں لانے کا فیصلہ کر لیا گیا۔چیئرمین ایف بی آر شبر زیدی کی ہدایت پر تجارت کی آڑ میں منی لانڈرنگ، قیمتوں کی غلط بیانی، غلط گوشوارے اور غلط رسیدیں دینے والے برآمد کنندگان و تاجروں کو قانونی شکنجے میں لانے کا فیصلہ کر لیا گیا۔ڈائریکٹر جنرل کسٹمز ویلیو ایشن ان کی نشاندہی رپورٹ دیں گے جس کی بنیاد پر سخت کارروائی کی جائے گی، ذرائع کے مطابق قیمتوں میں غلط بیانی کے نتیجے میں ترسیلات زر و غیر ملکی زرمبادلہ کا شدید نقصان ہوتا ہے۔
این آئی اے کی طرف سے روزنامہ کشمیر ریڈر کے ایڈیٹر سے پوچھ گچھ
محمد حیات بٹ کے کشمیری آزادی پسند گروپوں کے ساتھ قریبی رابطے ہیں‘ این آئی اے کے اعلیٰ عہدیدارکا دعویٰ
نئی دلی(ایچ ایم نیوز )بھارت کے بدنام زمانہ تحقیقاتی ادارے این آئی اے نے سرینگر سے شائع ہونیوالے انگریزی روزنامہ کے مالک اور ایڈیٹر حاجی محمد حیات بٹ سے نئی دلی میں اپنے ہیڈ کوارٹر میں پوچھ گچھ کی ہے ۔ کشمیرمیڈیاسروس کے مطابق این آئی اے حکام نے میڈیا کو بتایا ہے کہ انگریزی روزنامہ کشمیر ریڈر کے ایڈیٹر محمد حیات بٹ پوچھ گچھ کیلئے منگل کو نئی دلی میں این آئی اے ہیڈ کوارٹر میں پیش ہوئے تھے اوران سے سوالات کا سلسلہ اب بھی جاری ہے۔ این آئی اے نے دعویٰ کیاہے کہ محمد حیات نے جو ایک چھوٹی سی ایڈورٹائزنگ ایجنسی چلاتے تھے 2012میں کسی دوسرے ملک کی مالی مدد سے روزنامہ کشمیر ریڈر شروع کیا۔ میونسپل کارپوریشن کے ایک عہدے دار کے مطابق محمد حیات نے2007میں انتہائی کم معاوضے کے عوض پورے سرینگر شہر میں تقریبا150مقامات پر دس برس کیلئے سرکاری اشتہارات کی غرض سے سرینگر میونسپل کارپوریشن کے بل بورڈز نصب کرنے کا ٹھیکہ دیاگیا۔ این آئی اے کے ایک اعلیٰ عہدے دار نے دعویٰ کیا ہے کہ محمد حیات بٹ کے کشمیری آزادی پسند گروپوں کے ساتھ قریبی رابطے ہیں اور اپنے روزنامہ کیلئے انہوںنے جہاد سے وابستہ صحافیوں کو کام پر رکھا ہو اہے جو اب کشمیر پریس کلب کے ایگزیکٹو اراکین بن چکے ہیں ۔ ذرائع کے مطابق این آئی اے چند ایڈیٹروں کی طرف سے کشمیر ایڈیٹرز گلڈ کے قیام کا جائزہ لے رہا ہے ۔
بھارتی پولیس نے سرکاری افسر کو سرینگر جموں شاہرا ہ پر روک کروالد کا جسد خاکی تدفین کیلئے سرینگر نہیں لے جانے دیا
سرینگر(ایچ ایم نیوز )مقبوضہ کشمیر میں ایک سینئر سرکاری افسر نے کہا ہے کہ وہ نئی دلی میں جاںبحق ہونے والے اپنے والد کا جسد خاکی تدفین کیلئے سرینگر لے جا رہے تھے مگر سرینگر جموں شاہراہ پر تعینات بھارتی پولیس اہلکاروں نے انہیں آگے جانے کی اجازت نہیں دی۔ کشمیر میڈیاسروس کے مطابق ڈائریکٹر مالیات امتیاز وانی نے سماجی رابطوں کی سائٹ ’فیس بک ‘ پر لکھا کہ بھارتی پولیس اہلکاروںنے انہیں نگروٹہ سے آگے ایک جگہ روک لیا اور آگے جانے سے منع کیا۔ انہوںنے لکھا کہ امرناتھ یاترا کی وجہ سے کشمیریوں کے تمام شہری حقوق معطل ہیں ۔ امتیا ز وانی نے استفسار کیا کہ وہ ایک سرکاری افسر ہے لیکن اسکے باوجود انہیں سرینگر جموں شاہراہ پر روک لیا گیا اور اس بات سے اندازہ لگایا جاسکتا ہے کہ ایک عام کشمیری کس قدر مشکلات سے دوچار ہو گا۔ انہوںنے کہا کہ بھارتی پولیس کے انسپکٹر راکیش نے انہیں واضح کہا کہ جسد خاکی کو آگے لے جانے نہیں دیا جائے گا۔ یاد رہے کہ قابض انتظامیہ نے امرناتھ یاترا کے دوران سرینگر جموں شاہراہ پر عام لوگوں کی نقل و حرکت اور سویلین ٹریفک کی آمد ورفت پر پابندی عائد کر رکھی ہے۔
پیپلز موومنٹ کی طرف سے فوجی گاڑی کی ٹکر سے ایک خاتون اور اسکی بھتیجی کے قتل کی مذمت
جموں(ایچ ایم نیوز )مقبوضہ کشمیرمیںکل جماعتی حریت کانفرنس کی اکائی جموںوکشمیر پیپلز موومنٹ نے ضلع راجوری مین بھارتی فوج کی ایک گاڑی کی ٹکر سے ایک خاتون اور اسکی سات سالہ بھتیجی کے قتل کی شدید مذمت کی ہے ۔ کشمیرمیڈیاسروس کے مطابق ضلع کے علاقے لام نوشہرہ میںبھارتی فوج کی ایک تیز رفتار گاڑی کی ٹکر سے 35سالہ کنیز بیگم اور اسکی سات سالہ بھتیجی روبیہ کوثر جاںبحق ہو گئی تھیں۔ کل جماعتی حریت کانفرنس کے رہنماء اور پیپلز موومنٹ کے چیئرمین میر شاہد سلیم نے جموں سے جاری ایک بیان میں اس واقعے میں ملوث فوجی ڈرائیور کے خلاف سخت کارروائی کا مطالبہ کرتے ہوئے انتظامیہ پر زوردیا کہ وہ اس بات کو یقینی بنائے کے مستقبل میں اس طرح کا واقعہ دوبارہ پیش نہ آئے ۔
بھارت نے مقبوضہ کشمیرکوفرقہ وارانہ بنیادوںپر تقسیم کرنے کے منصوبے پر عمل درآمد کا آغاز کر دیا
جموں(ایچ ایم نیوز )مقبوضہ کشمیرمیں بھارت نے وادی کشمیر میں مہاجر ہندو پنڈتوں کیلئے علیحدہ کالونیاں قائم کرنے کے ذریعے جموںوکشمیر کو فرقہ وارانہ بنیادوں پر تقسیم کرنے کے اپنے منصوبے پر عمل درآمد کا آغاز کردیا ہے ۔ کشمیرمیڈیاسروس کے مطابق گورنر ستیا پال ملک کی سربراہی میں اسٹیٹ ایڈمینسٹریٹو کونسل نے وادی کشمیر کے مختلف اضلاع میں 1680فلیٹوںپر مشتمل ٹرانزٹ کیمپوںکی تعمیر شروع کرنے کے عمل کا آغاز کردیا ہے ۔ قابض انتظامیہ نے ریلیف اینڈ ری ہیب لیٹیشن آرگنائزیشن اور جموںوکشمیر پروجیکٹس کنسٹرکشن کارپوریشن کو منصوبہ بندی ، ترقی اور نگرانی کے محکمے سے ضروری فنڈز کی منصوری اور تاخیر کے شکار منصوبے کی راہ میں حائل رکاوٹیں دور کرنے کیلئے ایک پریزنٹیشن پیش کرنے کی ہدایت کی ہے ۔ سرکاری ذرائع نے میڈیا کو بتایا ہے کہ پبلک ورکس ڈیپارٹمنٹ کے انجینئروں کی طرف سے تیار کی گئی منصوبے کی چھ تفصیلی رپورٹوںکا جائزہ لیاگیا ہے ۔ ان میںبارہمولہ کے علاقے خواجہ باغ میں 336فلیٹ،کپواڑہ کے علاقے مغل پورہ میں 288، شوپیاں کے علاقے Padpawanمیں 192، بانڈی پورہ کے علاقے اوڈینہ سنبل میں480، گاندربل کے علاقے وند ہامہ میں192اور اسلام آباع کے علاقے مرہامہ میں192فلیٹوںکی تعمیر شامل ہے۔
ایاز اکبر کے اہلخانہ کی طر ف سے انکی فوری رہائی کا مطالبہ
تہاڑ جیل میں نظربند مختلف عارضوں میں مبتلا ایاز اکبر کی درخواست کی سماعت 25جولائی مقرر
سرینگر(ایچ ایم نیوز )مقبوضہ کشمیرمیںکل جماعتی حریت کانفرنس کے غیر قانونی طورپر نظربند رہنماء ایاز محمد اکبر کے اہلخانہ نے ان کی فوری رہائی کا مطالبہ کیا ہے تاکہ وہ کینسر سمیت مختلف عارضوں میں مبتلا اپنی اہلیہ کی دیکھ بھال کر سکیں۔ کشمیرمیڈیاسروس کے مطابق نئی دلی کی بدنام زمانہ تہاڑ جیل میں نظربند ایاز اکبر کے اہلخانہ نے دو برس قبل انکی ضمانت پر رہائی کیلئے درخواست دائر کی تھی اور 25جولائی کو سماعت کیلئے مقرر کی گئی ہے ۔ ایاز اکبر کے اہلخانہ کا کہنا ہے کہ انہیں اپنی اہلیہ کی بگڑتی ہوئی صحت کے پیش نظر رہا کیاجانا چاہیے ۔ ڈاکٹروں کے مطابق ایاز اکبر کی اہلیہ کینسر جیسے مہلک مرض میں مبتلا ہیں ۔ ایاز اکبر کے بیٹے سرور احمد نے کہا ہے کہ انہوںنے اپنے والد کی عبوری ضمانت پر رہائی کیلئے درخواست دائر کی تھی جو کہ 25جولائی کو سماعت کیلئے مقرر کی گئی ہے ۔ واضح رہے کہ بھارتی تحقیقاتی ادارے این آئی اے نے 24جولائی 2017کو انکے خلاف درج ایک جھوٹے مقدمے میںایازاکبر کو دیگر حریت رہنمائوں کے ہمراہ گرفتار کر کے نئی دلی منتقل کردیاتھا ۔ بعدازاں انہیں تہاڑ جیل منتقل کردیا گیا۔
احتساب عدالت نے مریم نواز کے خلاف نیب کی درخواست خارج کردی
جعلی ٹرسٹ ڈیٹ کا الزام فرد جرم سے حذف کردیا گیا تھا، نیب بتائے اس الزام پر مزید کیا چاہتے ہیں، جج محمد بشیر
فرد جرم سے الزام مریم نواز کی درخواست پر حذف کیا گیا، عدالت نے کہا تھا جعلی دستاویزات کا معاملہ فیصلے کے بعد دیکھا جائے گا، نیب پراسیکیوٹر
عدالت کے پاس اختیار ہے کہ وہ کسی بھی وقت کارروائی کر سکتی ہے، عدالتی حکم نامہ موجود ہونے پر 30 دن میں کارروائی کی پابندی نہیں، مظفر عباسی
یہ اپیل ہائی کورٹ میں زیر سماعت ہے، یہ عدالت اس پر کوئی کارروائی نہیں کرسکتی، جب کبھی اپیل پر فیصلہ اذئے گا تو اسے دیکھیں گے، جج محمد بشیر
اسلام آباد (ایچ ایم نیوز) احتساب عدالت اسلام آباد نے سابق وزیر اعظم نواز شریف کی صاحبزادی مریم نواز کے خلاف قومی احتساب بیورو (نیب) کی جانب سے دائر کردہ جعلی ٹرسٹ ڈیڈ سے متعلق درخواست خارج کردی۔تفصیلات کے مطابق اسلام آباد کی احتساب عدالت نے ایون فیلڈ ریفرنس میں سزا سنائے جانے کے تقریباً ایک سال بعد مریم نواز کو ان جائیدادوں کی جعلی' ٹرسٹ ڈیڈ پیش کرنے پر 19 جولائی کو طلبی کا نوٹس جاری کیا جس پر پاکستان مسلم لیگ (ن) کی نائب صدر مریم نواز اسلام آباد کی احتساب عدالت پہنچی تھیں، عدالت میں ہونے والی سماعت کے پیش نظر خصوصی سیکیورٹی کے انتظامات کیے گئے اور پولیس اور رینجرز کی بڑی تعداد عدالت کے اطراف موجود رہی تھی۔احتساب عدالت کے جج محمد بشیر نے نیب کی دائر کردہ درخواست پر سماعت کی، اس دوران ڈپٹی پراسیکوٹر جنرل نیب سردار مظفر اور مریم نواز کے وکیل امجد پرویز پیش ہوئے۔دوران سماعت نیب پراسیکیوٹر نے کہا کہ ایون فیلڈ ریفرنس میں مریم نواز کی ٹرسٹ ڈیڈ جعلی تھی۔انہوں نے کہا کہ عدالت کا دائرہ اختیار نہیں جبکہ یہ عدالت کا انتہائی خصوصی دائرہ اختیار ہے، اس پر عدالت میں موجود مریم نواز نے کہا کہ عدالت کویاد دلانے میں آپ کوایک سال کاعرصہ کیوں لگا؟۔اس پر نیب پراسیکیوٹر نے کہا کہ وہی عدالت کو بتارہا ہوں جس پر مریم نواز نے کہا کہ تھوڑی سی دیر کردی بس ایک سال، اس پر واپس جواب دیتے ہوئے نیب پراسیکیوٹر نے کہا کہ دیر آئے درست آئے۔نیب پراسیکیوٹر کے جواب پر مریم نواز کے وکیل امجد پرویز نے کہا کہ ہر وقت بندہ درست نہیں آتا، عدالت نے خود اپنے اختیار کا استعمال کرتے ہوئے جعلی دستاویز پر مریم نواز کو کوئی نوٹس جاری نہیں کیا، لہٰذا نیب اپیل کا حق فیصلے کے 30دن بعد کھو چکا ہے کیونکہ کارروائی کیلئے درخواست 30 دن کے اندر ہی دی جاسکتی تھی۔اس پر جج محمد بشیر نے ریمارکس دیے کہ جعلی ٹرسٹ ڈیٹ کا الزام فرد جرم سے حذف کردیا گیا تھا، نیب بتائے اب اس الزام پر مزید کیا چاہتے ہیں، جس پر نیب پراسیکیوٹر نے کہا کہ فرد جرم سے الزام مریم نواز کی درخواست پر حذف کیا گیا، عدالت نے کہا تھا جعلی دستاویزات کا معاملہ فیصلے کے بعد دیکھا جائے گا۔اس دوران سردار مظفر نے ایون فیلڈ ریفرنس کا حکم نامہ عدالت کو پڑھ کر سنایا اور کہا کہ عدالت کے پاس اختیار ہے کہ وہ کسی بھی وقت کارروائی کر سکتی ہے، عدالتی حکم نامہ موجود ہونے پر 30 دن میں کارروائی کی پابندی نہیں ہے بعد ازاں عدالت نے دلائل مکمل ہونے کے بعد درخواست پر فیصلہ محفوظ کرلیا، جسے کچھ دیر بعد سناتے ہوئے نیب کی درخواست کو ناقابل سماعت قرار دیتے ہوئے خارج کردیا گیا۔بی این پی کے مطابق احتساب عدالت کے جج نے ریمارکس دیے کہ یہ اپیل ہائی کورٹ میں زیر سماعت ہے، یہ عدالت اس پر کوئی کارروائی نہیں کرسکتی، جب کبھی اپیل پر فیصلہ آئے گا تو اسے دیکھیں گے۔خیال رہے کہ احتساب عدالت کے جج محمد بشیر نے گزشتہ سال 6 جولائی کو سابق وزیر اعظم نواز شریف اور ان کی بیٹی مریم نواز کو ایون فیلڈ پراپرٹیز ریفرنس میں بالترتیب 10 سال اور 7 سال قید کی سزا سنائی تھی۔اپنے فیصلے میں جج محمد بشیر نے قرار دیا تھا کہ ایون فیلڈ جائیدادوں سے متعلق ملزمہ مریم نواز کی پیش کردہ ٹرسٹ ڈیڈ بھی جعلی ثابت ہوئی جبکہ اس جعلی ڈیڈ کے حوالے سے ان کے کردار پر انہیں مجرم قرار دیا جاتا ہے اور 7 سال قید بامشقت اور 20 لاکھ پاؤنڈ جرمانے کی سزا سنائی جاتی ہے۔بعد ازاں اس سزا کے خلاف مریم نواز نے اسلام آباد ہائی کورٹ سے رجوع کیا تھاجس نے مسلم لیگ (ن) کی نائب صدر کی سزا معطل کردی تھی۔جس کے بعد نیب نے اس فیصلے کو سپریم کورٹ میں بھی چیلنج کیا گیا تھا، جہاں یہ اپیلیں مسترد ہوگئیں تھیں تاہم نیب کے ڈپٹی پراسیکیوٹر جنرل سردار مظفر خان عباسی نے 9 جولائی 2019 کو احتساب عدالت میں درخواست جمع کرائی جس میں مریم نواز کے خلاف عدالت میں لندن جائیدادوں کی جعلی ٹرسٹ ڈیڈ پیش کرنے پر کارروائی کی استدعا کی گئی۔نیب کی درخواست میں کہا گیا کہ معزز عدالت تمام شواہد کا جائزہ لینے کے بعد اس نتیجے پر پہنچی اس لیے یہ ظاہر ہے کہ جواب دہندہ نے بدنیتی سے من گھڑت اور جھوٹا ثبوت معلومات جمع کرائی جس کا مقصد عدالت کو گمراہ کرنا اور انصاف کی راہ میں رکاوٹ حائل کرنا تھا۔جج محمد بشیر نے پراسیکیوٹر سے معلوم کیا کہ کن بنیادوں پر عدالت معاملے کر آگے بڑھا سکتی ہے، جس پر سردار مظفر خان عباسی نے کہا کہ جج کو اختیار ہے کہ وہ قومی احتساب آرڈیننس 1999 کے سیکشن 30 کے تحت مریم نواز کے خلاف کارروائی کا آغاز کر سکتے ہیں، جسے آرڈیننس کے شیڈول کے سیریل نمبر 3 کے ساتھ پڑھا جاتا ہے۔
٭٭٭٭٭
دھرمیندر نے ہیمامالنی کا مذاق اڑانے پر معافی مانگ لی
سوشل میڈیا پرہیما مالنی کو جھاڑو لگانے کے نام پر ڈراما کرنے پر شدید تنقید کا نشانہ بنایاگیا
ممبئی(ایچ ایم نیوز) ماضی کے نامور بالی ووڈ اداکار دھرمیندر نے اپنی اہلیہ اور سیاستدان ہیمامالنی کا مذاق اڑانے پر معافی مانگ لی۔چند روز قبل ہیمامالنی کی ایک ویڈیو منظر عام پر آئی تھی جس میں وہ بھارتی پارلیمنٹ کے باہر دیگر سیاستدانوں کے ہمراہ جھاڑو لگارہی تھیں۔ تاہم ان کا جھاڑو لگانے کا انداز ایسا تھا جیسے ان سے زبردستی یہ کام کرایا جارہا ہو، سوشل میڈیا پر بھی انہیں جھاڑو لگانے کے نام پر ڈراما کرنے پر شدید تنقید کا نشانہ بنایاگیا۔تاہم ہیمامالنی کا مذاق اڑانے والوں میں صرف سوشل میڈیا صارفین ہی نہیں بلکہ ان کے شوہر اداکار دھرمیندر بھی شامل تھے۔ ٹوئٹر پر جب دھرمیندر سے ہیمامالنی کے جھاڑو لگانے سے متعلق پوچھا گیا تو انہوں نے کہا ہاں ہیما نے فلموں میں جھاڑو لگائی ہے تاہم پارلیمنٹ کے باہر جھاڑو لگاتے وقت مجھے بھی اناڑی لگ رہی تھی۔دھرمیندر نے مزید کہا مگر میں بچپن میں اپنی ماں کے ساتھ ہمیشہ ہاتھ بٹایا کرتاتھا اور میں صفائی بہت اچھی کرتاہوں۔ لیکن اب دھرمیندر نے اپنی اس ٹوئٹ پر معافی مانگتے ہوئے کہا ہے کچھ بھی کہہ بیٹھتا ہوں اور میرے یار لوگ کچھ بھی سمجھ بیٹھتے ہیں، توبہ توبہ اب کبھی نہ کروں گا۔ اس کے ساتھ دھرمیندر نے اپنی پرانی فلم کی ایک تصویر بھی شیئر کی جس میں وہ ہاتھ جوڑے ہوئے ہیں۔
لیجنڈ اداکار، پروڈیوسر اور گلوکار ندیم بیگ نے زندگی کی 78بہاریں دیکھ لیں
نصف صدی بعد بھی اداکار ندیم بیگ فن کے افق پر ایک ستارے کی طرح جگمگا رہے ہیں
لاہور (ایچ ایم نیوز) شائقین کے دلوں میں بسنے والے عظیم اداکار پروڈیوسر اور گلوکار ندیم بیگ نے زندگی کی 78بہاریں دیکھ لیں۔عظیم فنکار ندیم بیگ فلمی دنیا کا ایک جگمگاتا ستارہ ہیں، ندیم بیگ کا سحرانگیز کیرئیرفلم چکوری سے شروع ہوا۔ اداکاری کے ساتھ ندیم بیگ نے گلوکاری کا شوق بھی پورا کیا۔ندیم اور شبنم کی رومانوی جوڑی سپر ہٹ رہی، مہدی حسن اور احمد رشدی کے کئی مشہور نغمیاداکار پر ہی فلمائے گئے۔ نصف صدی بعد بھی اداکار ندیم بیگ فن کے افق پر ایک ستارے کی طرح جگمگا رہے ہیں۔
شادی کے بعد زندگی میں بڑی تبدیلیاں رونما ہوئی ہیں ‘ ریما خان
شوبز میں کام کرتے ہوئے کبھی کسی کیلئے برا نہیں سوچابلکہ رہنمائی کرتی ہوں
لاہور(ایچ ایم نیوز)نامور اداکارہ ریما خان نے کہا ہے کہ شوبز میں کام کرتے ہوئے کبھی کسی کیلئے برا نہیں سوچا بلکہ اپنی دانست کے مطابق دوسروں کی رہنمائی ہی کی ہے، مرد ہو یا عورت شادی کے بعد ان میں احساس ذمہ داری زیادہ ہو جاتا ہے اور شادی کے بعد زندگی میں بڑی تبدیلیاں رونما ہوئی ہیں۔ ایک انٹر ویو میں ریما نے کہا کہ انسان کو پتھر کی طرح نہیں بلکہ دریا کی طرح ہونا چاہیے ، پتھر نہ صرف راستے کی رکاوٹ ہوتا ہے بلکہ خود بھی آگے نہیں بڑھتا جبکہ دریا میں انتہائی وسعت ہوتی ہے اور وہ آگے بڑھتا ہے ۔ کبھی کسی کے کیرئیر میں رکاوٹ نہیں بنی بلکہ دوسروں کی کامیابی پر ہمیشہ خوشی کا اظہار کیا ہے اور اسے آگے بڑھنے میں بھی مدد دی ہے ۔ ریما نے کہا کہ شادی سے پہلے آپ کی اپنی زندگی ہوتی ہے اور آپ اپنے فیصلے خود کرتے ہو لیکن شادی کے بعد آپ کو بڑی سوچ بچار کیساتھ فیصلے کرنا ہوتے ہیں۔ آپ کو اپنے ہمسفر کے ساتھ قدم سے قدم ملا کر چلنا ہوتا ہے ،اس میں آگے نکل جانا بھی بہتر نہیں اور پیچھے رہ جانا بھی زندگی میں خلل ڈالتا ہے ۔
دنیا کو دہشت زدہ کردینے والے جوکر کی ایک بار پھر واپسی
’’اٹ چیپٹر 2‘‘ رواں سال 6 ستمبر کو دنیا بھر میں ریلیز کی جائے گی
نیویارک (ایچ ایم نیوز)2017 کی ہارر فلم اٹ کے سیکوئل کا فائنل ٹریلر جاری کردیا گیا ہے اور اس سے معلوم ہوتا ہے کہ اس بار یہ خوفناک جوکر کتنی دہشت پھیلانے والا ہے۔اس فلم کے پہلے ٹریلر میں کچھ زیادہ نہیں دکھایا گیا تھا مگر اس ٹریلر میں کہانی کا کسی حد تک اندازہ لگایا جاسکتا ہے۔پہلی فلم کی کہانی ایک چھوٹے قصبے کے گرد گھومتی ہے جہاں سات بچے جنھیں لوزر کلب کے نام سے جانا جاتا ہے، کو زندگی کے مسائل، بدزبانیوں اور ایک عفریت کا سامنا ہوتا ہے جو کہ ایک جوکر کا روپ اختیار کرکے انہیں دہشت زدہ کرتا ہے۔جس کو وہ شکست دے دیتے ہیں مگر اب 27 سال بعد وہ اس قصبے میں واپس لوٹتے ہیں تو یہ جوکر ایک بار پھر ان کا خیرمقدم کرتا ہے۔خوفناک جوکر پینی وائز کے مرکزی کردار پر مبنی اس فلم میں یہ کردار بل سکارسگرڈ ادا کررہے ہیں جبکہ جیسیکا چیسٹن، جیمز کیکاوے، جے ریان، بل ہارڈر، عیسیٰ مصطفیٰ، جیمز رینسن اور اینڈی بین لوزر کلب کے بچوں کے بالغ روپ میں نظر آئیں گے۔اس نئی فلم میں ہارر فلموں کی تاریخ کا سب سے خونی سین بھی شامل کیا جارہا ہے اور اداکارہ جیسیکا چیسٹن گزشتہ روز سان ڈیاگو کامک کون میں اس بارے میں بتایا 'جب ڈائریکٹر نے پہلی بار اس سین کے بارے میں بات کی تو میں نے سوچا کہ یہ بہت زبردست ہے اور میں پرجوش ہوگئی۔انہوں نے مزید کہا مگر پھر ڈائریکٹر نے کہا کہ خون تمہارے کندھوں تک آجائے گا تو میں سن کر شاک رہ گئی۔واضح رہے کہ معروف مصنف اسٹیفن کنگ کے ناول ’’اٹ‘‘ کو 1990 میں بھی فلمایا جاچکا ہے اور 2017 میں اس کا ریمیک بنایا گیا تھا جبکہ اب اس ریمیک کا سیکوئل تیار ہورہا ہے جبکہ ڈائریکٹر نے جوکر کے کردار کا پریکوئیل بنانے کا عندیہ بھی دیا ہے
فنکار صرف فن کے ذریعے ہی شہرت حاصل کرتے ہیں ،تابندہ علی
بعض اداکارائیں شہرت حاصل کرنے کیلئے بیہودہ لباس اور نازیبا جملے استعمال کرتی ہیں
لاہور(ایچ ایم نیوز )فنکار صرف فن کے ذریعے ہی شہرت حاصل کرتے ہیں بعض اداکارائیں شہرت حاصل کرنے کیلئے بیہودہ لباس اور نازیبا جملے استعمال کرتی ہیں ان خیالات کا اظہار فلم اور سٹیج کی معروف اداکارہ تابندہ علی نے ہمارے نمائندے سے گفتگو میں کیا انہوں نے کہا کہ میں اس وقت کامیابیوں کی بلندیا کے دور سے گزر رہی ہوں اور میں نے بڑی جدوجہد اور محنت سے موجودہ مقام حاصل کیا ہے اور ان کامیابیوں کا تسلسل قائم رکھنے کیلئے مزید محنت اور لگن سے کام کر رہی ہوں ،ایک سوال کے جواب میں تابندہ علی نے کہا کہ جو اداکارائیں شہرت اور پیسہ کی خاطر فحش کام کرتی ہیں یہ باقی اداکاروں کی بندنامی کا باعث بنتی ہیں جو کسی طور مناسب نہیں ۔
یادیں راشد علی کی گانا نمبر 15ریلیز کر دیا گیا
سو گانے تک راشد علی کے گانوں کی ریلیز کا سلسلہ مسلسل جاری رہے گا
لاہور(ایچ ایم نیوز )یادیں راشد علی کی گانا نمبر 15ریلیز کر دیا گیا۔تفصیلات کے مطابق پاکستان کے معروف گلوکار راشد علی جن کی وفات کو 2سال ہونے والے ہیں ان کی یاد میںان کی زندگی میں سوشل میڈیاپر ان کے نا ریلیز ہونے والے گانوں کو سوشل میڈیا کے ست رنگ نیو ز یوٹیوب چینل پر ریلیز کیا جارہا ہے ،یادیں راشد علی کی کے نام سے ان کے15گانے ریلیز ہو چکے ہیں اور راشد کے مزید گانوں کی ریلیز کا سلسلہ مسلسل جاری ہے گانا نمبر 16آج ریلیز کیا جائے گا ، یہ گانے راشد علی کے بھائی اختر علی اور راشد علی کے شگرد خاص شمریز علی کے تعاون اور ان کے پرستاروں کی بھر پور فرمائش پر ریلیز کیے جا رہے ہیں ۔
