حکومتی سر پرستی نہ ہونے کے باعث شوبز انڈسٹری جمود کا شکار ہے ‘ سونم

لاہور(ایچ ایم نیوز) اسٹیج اداکارہ سونم چوہدری نے کہا ہے کہ حکومتی سر پرستی نہ ہونے کے باعث شوبز انڈسٹری جمود کا شکار ہے۔خصوصی گفتگو کرتے ہوئے اداکارہ نے کہا کہ تھیٹر اوررقص میرے لئے کامیابی کی پہلی سیڑھی ہے میں مرحلہ وار سیڑھیوں پر چڑھتے ہوئے فن کی بلندیوں کو چھونا چاہتی ہوں۔ لیکن نئی اداکارائیں سیکھنے کے عمل میں حصہ نہیں لیتیں جسکی وجہ سے تھیٹر کا ماحول بہتر نہیں ہو رہا۔ اداکارہ نے مزید کہا کہ حکومت شوبز انڈسٹری خصوصاً فلم انڈسٹری کی سرپرستی کرے۔ انہوں نے کہا کہ جب تک نئی اداکار ائیں سیکھنے کے عمل میں حصہ نہیں لیں گی اس وقت تک تھیٹر کاماحوال بہتر نہیں ہوسکتا،حکومتی سر پرستی نہ ہونے کے باعث شوبز انڈسٹری جمود کا شکار ہے۔