محمود خان نے صوبائی وزیراطلاعات شوکت یوسفزئی کی صاحبزادی کو پولیو کے قطرے پلائے
پشاور(ایچ ایم نیوز ) خیبر پختونخوا میں تین روزہ انسداد پولیو مہم کا آغاز ہو گیا، وزیراعلی محمود خان اور وزیراعظم کے معاون خصوصی بابر بن عطا نے انسداد پولیو مہم کا افتتاح کیا۔خیبر پختونخوا کے وزیراعلی محمود خان اور وزیراعظم کے معاون خصوصی برائے انسداد پولیو بابر بن عطا نے پولیس سروسز ہسپتال میں انسداد پولیو مہم کا افتتاح کیا، وزیراعلی نے صوبائی وزیراطلاعات شوکت یوسفزئی کی صاحبزادی کو پولیو کے قطرے پلائے۔وزیراعلی کا کہنا تھا کہ انسداد پولیو مہم صوبہ کے 29 اضلاع میں چلائی جائے۔ معاشرے کے تمام افراد پولیو مہم میں ساتھ دیں، پولیو ویکسین ہر لحاظ سے محفوظ ہے۔ والدین پولیو ویکسینیشن کے خلاف جھوٹے پراپیگنڈے اور افواہوں پر کان نہ دھریں۔ خیبرپختونخوا کو پولیو فری بنانے کا عزم کر رکھا ہے۔وزیراعلی کا کہنا تھا کہ عوام سرکاری محکموں سے شکایات پر پولیو ویکسینشن کا بائیکاٹ نہ کریں۔ افغانستان میں امن ہوگا تو پاکستان میں بھی امن ہو گا، پاکستان کا امن افغانستان کے ساتھ جڑا ہے۔
0 comments:
Post a Comment