فلم انڈسٹری کے اسٹوڈیوزکی ویرانیاں بہت جلدختم ہونے والی ہیں،صائم علی

 ہرپروڈیوسروڈائریکٹرکی خواہش ہوتی ہے کہ صائم علی ہی ان کی فلم میں جلوہ گرہو،معروف ماڈل واداکارہ کی گفتگو

لاہور(ایچ ایم نیوز) پاکستان فلم انڈسٹری کی معروف ماڈل واداکارہ صائم علی نے کہا ہے کہ فلم انڈسٹری کے اسٹوڈیوزکی ویرانیاں بہت جلد ختم ہونے والی ہیں،کیونکہ اس وقت چندایسے پروجیکٹس ہیں جوفلم انڈسٹری کی ویرانیاں دورکرنے میں اہم کرداراداکریں گے،صائم علی نے کہا کہ ہرپروڈیوسروڈائریکٹرکی خواہش ہوتی ہے کہ صائم علی ہی ان کی فلم میں جلوہ گرہو،لیکن میں کم اور معیاری کام کرنے پر یقین رکھتی ہوں،جس کے لئے میں اپنی پسندکے مطابق جانداراسکرپٹ والی فلموں میں ہی کام کررہی ہوں،انہوں نے کہا کہ کسی بھی فلم میں کام کرنے کے حوالے سے میں اپنے کردارکے متعلق بہت سوچ بچارکرتی ہوں،اور اگر کردارمجھے پسندآجائے توپھرہی فلم میں کام کرنے کی حامی بھرتی ہوں،ماڈل واداکارہ نے مزیدکہا کہ میں نے جوبھی اب تک نام کمایا ہے وہ انتھک محنت اور اپنے کام سے مخلص ہونے کی وجہ سے کمایا ہے۔میں ایسی فلموں میں کام کی حامی نہیں بھرتی جس کی آج شوٹنگ ہواور پھر کئی سال بعد دوبارہ سے شوٹنگ ہو،انہوں نے کہا کہ فلم انڈسٹری میں اس وقت چندپروڈیوسروڈائریکٹرایسے ہیں جو معیاری کام کررہے ہیں،جن کے کام کو دیکھ کر مجھے خوشی محسوس ہوتی ہے،صائم علی نے کہا کہ آنے والا دورپاکستان فلم انڈسٹری کے لئے سنہرا دور ہے،اسٹوڈیوزمیں جوویرانیاں اوراندھیرے چھائے ہوئے ہیں وہ بہت جلد دورہونے والے ہیں۔