سنکیانگ کے امور پر چین کے موقف کی بھر پور حمایت کرتے ہیں ،سری لنکن صدر

کولمبو(ایچ ایم نیوز) سری لنکا کے صدر متھری پالا سری سینا نے چینی سفیر چھن شو یوان سے ملاقات کی اور سنکیانگ کے معاملے پر چین کے مؤقف کے لیے اپنی بھر پور حمایت کا اعادہ کیا۔ چائنہ ریڈیو انٹر نیشنل کے مطابق چینی سفیر نے کہا کہ چین اور سری لنکا روایتی دوستانہ ملک ہیں ، چین سنکیانگ کے معاملے پر سری لنکا کے منصفانہ کردار کی تعریف کرتا ہے۔سری لنکا کے صدر نے کہا کہ سری لنکا چین کے انسداد دہشت گردی کے اقدامات کی حمایت کرتا ہے اور سری لنکا میں"اکیس اپریل " کی دہشت گرد حملے کے بعد چین کی بے لوث مدد کا شکر گزار ہے۔دونوں فریقین اس بات پر متفق ہیں کہ چین اور سری لنکا دونوں سامراجیت اور بالادستی کا شکار تھے۔ دونوں ممالک"جمہوریت اور آزادی" کی آڑ میں دوسرے ممالک کے اندرونی معاملات میں بیرونی قوتوں کی مداخلت کی بھرپور مخالفت کرتے ہیں۔ انہوں نے امید ظاہر کی کہ دونوں ممالک بین الاقوامی سطح پر باہمی مفاہمت اور روابط کو مستحکم رکھیں گے،ایک دوسرے کے بنیادی مفادات سے وابستہ امور پر ایک دوسرے کی حمایت کرتے رہیں گے اور مشترکہ طور پر "دی بیلٹ اینڈ روڈ" اور ہم نصیب معاشرے کی تعمیر کو فروغ دیں گے۔