کشمیری رہنماوں کو گرفتار کرنے سے بھارت اپنے مزموم مقاصد حاصل نہیں کر سکے گا، علی امین خان گنڈاپور

اسلام آباد(ایچ ایم نیوز ) وفاقی وزیر امور کشمیر و گلگت بلتستان علی امین خان گنڈاپور نے مقبوضہ کشمیر کی بگڑتی صورتحال پر گہری تشویش کا اظہار کرتے ہوئے کہا مقبوضہ کشمیر میں بھارتی ریاستی دہشتگردی کی نئی لہرانتہائی قابل مزمت ہے، کشمیری رہنماوں کو گرفتار کرنے سے بھارت اپنے مزموم مقاصد حاصل نہیں کر سکے گا ، علی امین گنڈاپور نے کہا بھارت کی ہٹ دھرمی پوری دنیا پر واضح ہو چکی ہے ، کشمیری مقبوضہ کشمیر کی کسی قسم کی جغرافیاء حثیت کو تبدیل کرنے کی کوشش کی مزاحمت کریں گے ، پاکستان کے خلاف کسی قسم کی جارحیت کا منہ توڑ جواب دیں گے ، بھارت کو 27 فروری کا دن نہیں بھولنا چائیے، علی امین گنڈاپور نے کہا پاکستان اپنے دفاع پر کسی قسم کا سمجھوتہ نہیں کرے گا ، عالمی دنیا بھارت کی جانب سے ایل اوسی پر جنگ بندی کی خلاف ورزیوں کا فوری نوٹس لے ،عالمی برادری بھارت کو مقبوضہ کشمیر میں کسی قسم کے انتہاء اقدامات سے روکنے کے لیے اپنا کردار ادا کرے ۔