ہانگ کانگ چین کا اندرونی معاملہ ہے

 بیرونی طاقتیں معاملے میں دخل اندازی سے باز رہیں ،

ہانگ کانگ کے عوام ایک ملک دو نظام اصول کے تحت خوشحال ،بہتر زندگی گزار رہے ہیں ،بیرونی طاقتوں کی جانب سے ہانگ کانگ کے معاملا ت میں کردار قابل افسوس ہے ،چینی سفیر یائو جنگ

 اسلام آباد(ایچ ایم نیوز) پاکستان میںچین کے سفیر یائو جنگ نے کہا ہے کہ ہانگ کانگ میں تمام افراد آزادی اور جمہوری حقوق کے ساتھ ایک ملک دو نظام اصول کے تحت بہترین زندگی گزار رہے ہیں ،سفیر کے مطابق ہانگ کانگ میں حالیہ حادثات بیرونی مداخلت اور کچھ سازشی عناصر کے پروپیگنڈہ کی وجہ سے پیش آئیں ہیں ،انہوں نے کہا کہ گزشتہ22 سال میں ہانگ کانگ میں ایک ملک دو نظام اصولوں کے مطابق عوام خوشحال معاشی زندگی گزاررہے ہیں اور اس کو عالمی سطح پر کامیابی تسلیم کیا گیا ہے ،پاکستان میں چینی سفیرکے مطابق 2018 میں ہانگ کانگ کی معیشت کی جحم 360 بلین امریکی ڈالر تھا جو کہ سال1996 کے مقابلے میں دوگنا ہے ، سال 2018 میں ہانگ کانگ کو 25 ملین سے زیادہ لوگوںنے سفر کیا جو کہ سال1997 کے مقابلے میں 6 گنا زیادہ ہے اور اسی طرح بین الاقوامی قانونی ماحول کے رینکنگ میں ہانگ کانگ 2018میں 16 ویں نمبر پر تھا جبکہ 1996 میں ہانگ کانگ کا نمبر 60 واں تھا ،چین کی مرکزی جکومت ہانگ کانگ میں آئیںاور ہانگ کانگ کی بنیادی قانون کے مطابق حکومت داری کر رہا ہے اور ہانگ کانگ کو اعلیٰ سطح پر خود مختاری حاصل ہے ، چین کی مرکزی حکومت اقتدار اعلیٰ کی حفاظت کررہا ہے جبکہ ہانگ کانگ میںخوشحالی کیلئے کام کر رہا ہے اور مرکزی حکومت ہانگ کانگ کی انتظامیہ کے ساتھ شانہ بشانہ کھڑا ہے ،چینی سفیر نے ہانگ کانگ کے معاملا ت کو چین کی اندرونی معاملہ قرار دیا اور کہا کہ چین اس معاملے پر کسی بھی بیرونی مداخلت کو برداشت نہیں کرے گا ،چین کی مرکزی حکومت یہ مطالبہ کرتا ہے کہ بعض ممالک کوچاہئے کہ و ہ بنیادی بین الاقوامی قوانین اور دو طرفہ تعلقات پر عمل کریں اور ہانگ کانگ کے معاملات میں دخل اندازی سے گریز کرے اور علاقے میں تشدد کے حمایت سے باز رہے،انہوں نے امید ظاہر کی کہ ہانگ کانگ کے محب وطن افراد کی بدولت علاقے میں جلد نارمل حالات واپس آ جائیں گے ، سفیر نے اس بات پر افسوس کااظہار کیا کہ ہانگ کانگ کے معاملے میں بیرونی قوتیں ایک منفی کردار ادا کر رہی ہے اور بعض مغربی سیاست دانوں نے غیر مناسب ،غیر ذمہ دارانہ الزامات لگائے ہیں جس کی وجہ سے انہوں نے ہانگ کانگ کے اندرونی معاملات میں دخل اندازی کی۔