سرینگر(ایچ ایم نیوز)مقبوضہ کشمیر میں موبائل فون، لینڈ لائن فون اور انٹرنیٹ کی بندش برقرار ،رواں سال اب تک 59 انٹرنیٹ بلیک آوٹ ہو چکے ہیں جو بھارت میں کہیں بھی ہونے والے بلیک آوٹ سے زیادہ ہیں۔اس صورتِ حال میں مقبوضہ وادی اور بھارت کے دیگر حصوں میں ٹیلی ویژن چینل ابلاغ اور پیغام رسانی کا ذریعہ بن گئے ہیں۔بھارتی میڈیا کی رپورٹ کے مطابق ملک کے مختلف حصوں میں بہت سے لوکل کیبل چینلز اور علاقائی چینلز پر کشمیر سے متعلق لوگوں کے پیغامات نشر کیے جا رہے ہیں۔ان پیغامات کے ذریعے کچھ لوگ وادی میں اپنے پیاروں کی خیریت جاننا چاہتے ہیں اور کچھ لوگ اپنی خیریت سے آگاہ کرتے ہیں۔بہت سے لوگ ان چینلز کو اطلاعات کی فراہمی کے ذریعے کے طور پر استعمال کر رہے ہیں۔امریکی ٹی وی کی رپورٹ کے مطابق مقبوضہ کشمیر میں اس سال اب تک انٹرنیٹ کے 59 بلیک آوٹ ہو چکے ہیں جو بھارت میں کہیں بھی ہونے والے بلیک آوٹ سے زیادہ ہیں۔این جی او سافٹ ویئر فریڈم لا سینٹر کے مطابق مقبوضہ کشمیر میں طویل ترین انٹرنیٹ بلیک آوٹ 2016 میں برہان وانی کی شہادت کے بعد ہوا جو 133 دن تک جاری رہا تھا۔
Home »
مقبوضہ کشمیر میں موبائل فون، لینڈ لائن فون اور انٹرنیٹ کی بندش برقرار ،رواں سال 59 انٹرنیٹ بلیک آوٹ ہوئے
» مقبوضہ کشمیر میں موبائل فون، لینڈ لائن فون اور انٹرنیٹ کی بندش برقرار ،رواں سال 59 انٹرنیٹ بلیک آوٹ ہوئے
0 comments:
Post a Comment