پرتشدد کارروائیاں ہانگ کانگ کو خطرے کی جانب دھکیل رہی ہیں، حکومت شہریوں سے اپیل کرتی ہے کہ وہ تشدد کی حوصلہ شکنی کریں اور قانون کی حکمرانی کا تحفظ کریں، تر جمان ہا نگ کا نگ حکو مت
ہا نگ کا نگ (ایچ ایم نیوز)ہانگ کانگ خصوصی انتظامی علاقے کی حکومت کے ترجمان نے شہر میں ہونے والے مظاہروں کی شدید الفاظ میں مذمت کر دی، ہانگ کانگ کے کوا ئی چھینگ اور شوین وان سمیت دیگر اضلاع میں احتجاجی مظاہروں کے دوران ہونے والی غیر قانونی اور پرتشدد کارروائیاں ہانگ کانگ کو خطرے کی جانب دھکیل رہی ہیں۔ چا ئنہ ریڈ یو انٹر نیشنل کے مطا بق تر جمان نے کہا کہ ہانگ کانگ کی مقامی حکومت اس عمل کی سخت مذمت کرتی ہے،انہوں نے کہا کہ حکومت شہریوں سے اپیل کرتی ہے کہ وہ تشدد کی حوصلہ شکنی کریں اور قانون کی حکمرانی کا تحفظ کریں تاکہ معاشرتی نظام کو جلد بحال کیا جاسکے ۔ترجمان نے مز ید کہا کہ ضلع کوا ئی چھینگ اور شوین وان میں ہونے والے مظاہروں کے دوران متعدد مظاہرین نے مقررہ راستے سے انحراف کرتے ہوئے سڑکوں کو بلاک کیا، پولیس پر حملے کئیاور سرکاری و نجی املاک کو نقصان پہنچایا۔ مظاہرین نے پولیس اہلکاروں اور ان کی گاڑیوں پر پٹرول بم پھینکے، ان پرتشدد کارروائیوں سے جائے وقوعہ پر موجود پولیس افسران اور شہریوں کی سلامتی کو شدید خطرات سے دوچار کیا گیاہے۔ ان واقعات سے معاشرتی امن کو شدید نقصان پہنچ رہا ہے۔اسی روزمظاہرین نے جلسہ گاہ کوائی چھینگ اسٹیڈیم میں قومی پرچم اتارا اور اس کی بے حرمتی کی۔ مظاہرین کی جانب سے قومی علامتوں اور نشانات کی بارہا بے حرمتی کے واقعات، قومی اقتدار اعلی کو چیلنج کرنے، ایک ملک دونظام کی آخری حدکو عبور کرنے اور حکومت صبر کا امتحان لینے کے مترادف ہیں۔ رات گئے ان پرتشدد واقعات کا سلسلہ شام شوئی پو اورچھیم شا چھوئی سمیت دیگر مقامات تک پھیل گیا تھا۔
0 comments:
Post a Comment