بھارتی اقدامات سے کشمیر میں نہتے عوام کی جانوں کو شدید خطرہ ہے، ملیحہ لودھی

بھارت کے انسانیت سوز اقدامات صورت حال کومزید گھمبیرکر رہے ہیں،مقبوضہ کشمیرمیں پیلٹ گنز سے سینکڑوں بچے بینائی کھوچکے ہیں، اقوام متحدہ میں پاکستان کی مستقل مندوب ملیحہ لودھی کی سلامتی کونسل کی صدر جوانا وورنیکا، ہومینئٹیرین افیرز کے انڈر سیکرٹری جنرل اور یونیسیف کے ایکسیکٹو ڈائریکٹر سے ملاقاتوں میں گفتگو 

نیویارک(ایم ایم نیوز ) اقوام متحدہ میں پاکستان کی مستقل مندوب ملیحہ لودھی نے کہا ہے کہ بھارت کے انسانیت سوز اقدامات صورت حال کومزید گھمبیرکر رہے ہیں،بھارتی اقدامات سے کشمیر میں نہتے عوام کی جانوں کو شدید خطرہ ہے،مقبوضہ کشمیرمیں پیلٹ گنز سے سینکڑوں بچے بینائی کھوچکے ہیں۔تفصیلات کے مطابق ملیحہ لودھی نے سلامتی کونسل کی صدر جوانا وورنیکا، ہومینئٹیرین افیرز کے انڈر سیکرٹری جنرل اور یونیسیف کے ایکسیکٹو ڈائریکٹر سے ملاقاتیں کیں اور کشمیر میں بڑھتی بھارتی جارحیت سے آگاہ کیا۔ڈاکٹر ملیحہ لودھی نے کہا کہ بھارت کے انسانیت سوز اقدامات صورت حال کومزید گھمبیرکر رہے ہیں، مقبوضہ کشمیرمیں پیلٹ گنز سے سینکڑوں بچے بینائی کھوچکے ہیں۔ انہوں نے کہا کہ کرفیو سے کشمیر میں ہسپتالوں میں دوائیوں کا فقدان پیدا ہو گیا ہے، بھارتی اقدامات سے کشمیر میں نہتے عوام کی جانوں کو شدید خطرہ ہے۔اقوام متحدہ میں پاکستان کی مستقل مندوب ملیحہ لودھی نے یونیسیف حکام اورسفیروں سے بھی خصوصی ملاقاتیں کیں۔