نیلم (ایچ ایم نیوز) ڈپٹی کمشنر نیلم راجہ محمود شاہد نے کہا ہے کہ نیلم بھر میں خالصہ جات کی الاٹمنٹ اور تجاوزات پر مکمل پابندی عائد ہے ۔سیاحتی مقامات پر کسی بھی قسم کی لیز یا الاٹمنٹ نہیں ہورہی ۔نیلم میں لینڈ مافیہ کے خلاف ایکشن لیا جارہا ہے ۔سیاحت کے فروغ کے لیئے بھر پور کوشش کی جارہی ہے سیاحتی مقامات کی رابطہ سڑکوں کی بحالی کے کام میں تیزی لائی جا رہی ہے رواں سیاحتی سیزن کے اختتام سے قبل سیاحتی مقامات کو لنک کرنے والی رابطہ سڑکیں بحال ہو جائیں گی ۔نیلم کے گیسٹ ہاوسسز ،ہوٹلز ،ٹوریسٹ ہٹس انتظامیہ کے جاری کردہ ضابطہ اخلاق اور کرایہ جات پر سو فیصد عمل درآمد کریں ۔
New User Gifts
آزاد کشمیر میںٹور ازم فورس کے قیام سے سیاحت کے فروغ میں اضافہ ہوگا‘ آئی جی صلاح الدین محسود
نیلم (ایچ ایم نیوز) انسپکٹر جنرل پولیس آزاد کشمیر صلاح الدین محسود نے کہا ہے کہ آزاد کشمیر میںٹور ازم فورس کے قیام سے سیاحت کے فروغ میں اضافہ ہوگا۔ٹور ازم پولیس کو گاڑیاں موٹر سائیکل فرسٹ ایڈ کس فراہم کردیے ہیں ٹور ازم پولیس کا کام سیاحوں کو گائیڈ لائن فراہم کرنا راستے میں ان کی مشکلات کو حل کرنا ، ریسکیو کرنا ہے ۔ٹور ازم پولیس ضلع و ٹریفک پولیس کے معاملات میں مداخلت نہیں کرے گی جہاں کسی قسم کی شکائت ہو تو ضلع پولیس سے رابطہ کرے گی سیاحوں کو مقامی روایات اور ضابطہ اخلاق کی پاسداری کے لیئے پمفلٹ بروشر فراہم کیے جائیں گے۔سیاحوں کے ساتھ بہتر ین اخلاق سے پیش آیا جائے ۔ٹوریسٹ پولیس کو باقاعدہ تربیت دی گی ہے ۔سیاحوں کی طرف سے کسی بھی قسم کی شکایت موصول نہیں ہونی چاہیے ۔ہماری خواہش ہے کہ سیاح حضرات علاقے کے سفیر بن کر لوگوں کی توجہ کشمیر کی طرف مبذول کروائیں ۔ آزاد کشمیر پولیس کو مثالی پولیس بنایا جارہا ہے عوامی شکایات کو برائے راست آئی جی آفس ،ڈی آئی جی آفس سے مانیٹر ز کیا جائے گا تمام تھانہ جات اور چوکیوں کو جدید ٹیکنالوجی سے لنک کیا جارہا ہے نیلم ویلی سیاحوں کے لیئے جنت ہے مقامی لوگ ٹور ازم پولیس کے ساتھ تعائون کریں ان خیالات کا اظہار آئی جی پولیس نے ایس پی آفس نیلم میں ٹورازم پولیس نیلم کی افتتاحی تقریب سے خطاب کرتے ہوئے کیا اس موقع ڈی آئی جی ٹریفک ڈاکٹر لیاقت، ا ٹور ازم پولیس آزاد کشمیر ریجن کے انچارج عابد میر، قائمقام ایس پی نیلم ملک احسان الحق، پی ڈی ایس پی سردار بشیر ، ڈسٹرکٹ ٹریفک انسپکٹر محمد اکبر، انچارج ٹور ازم پولیس نیلم عبدالقدوس شاہد و ٹور ازم پولیس، ضلع پولیس،ٹریفک پولیس کے اہلکاران کی بڑی تعداد موجود تھی۔انسپکٹر جنرل پولیس صلاح الدین محسود نے ٹورازم پولیس نیلم کو نئی گاڑیوں اور موٹر سائیکلز کی چابیاں دیں علاوہ ازیں انہوں نے میڈیا سے گفتگو کرتے ہوئے کہا کہ وزیر اعظم آزاد کشمیر نے ٹورازم پولیس کے لیئے مذید پچاس موٹر سائیکلز اور پانچ ہزار روپے الائونس کی منظوری دیدی ہے محکمہ سیاحت نے بھی ٹور ازم پولیس کے قیام میں تعائون کیا ہے وقت حالات کے ساتھ ساتھ ٹور ازم پولیس کی تعداد میں اضافہ کیا جائے گا۔آزاد کشمیر میں سیاحت کو انڈسٹری کا روپ دھارنے کے لیئے تمام اداروں کو ملکر کام کرنا ہوگا۔ قبل ازیں انسپکٹر جنرل پولیس نے دورہ نیلم کے دوران سیاحتی مقامات پر سیاحوں سے ملاقات کی سیاحوں اور مقامی لوگوں نے آئی جی پولیس کی کاوشوں کو سراہا انہیں مبارکباد پیش کی ۔
قانون ساز اسمبلی میں پاکستان کی بھارت کے حق میں ووٹ دینے کیخلاف قراردار لائق تحسین ہے‘ ارشد بخاری
مظفرآباد(ایچ ایم نیوز)امیر جماعت اسلامی ضلع مظفرآباد سید ارشد بخاری نے کہا ہے کہ آزادجموںوکشمیر اسمبلی میں پاکستان کی جانب سے بھارت کے حق میں ووٹ دینے کیخلاف جو قراردار پیش کی ہے وہ لائق تحسین ہے اور میں ممبران اسمبلی کا شکریہ اور اس فیصلہ کا خیرمقدم کرتے ہیں ،امیر جماعت اسلامی عبدالرشید ترابی کا آزادکشمیر اسمبلی میں میں بھارتی افواج کے مظالم پر اظہار خیال قابل تحسین ہیں ،8جولائی کو عالمی یوم مذمت کے طور پر منانے کے اعلان کا بھی خیر مقدم کرتے ہیں ،برہان وانی ایک حریت ،آزادی ،اور حقوق کی علامت ہے ،اس دن کو جماعت اسلامی مظفرآباد ایک عظیم الشان کانفرنس کا انعقاد کرے گی ،ان خیالات کا اظہار سید ارشدبخاری نے گزشتہ روز صحافیوں سے گفتگو کرتے ہوئے کیا انہوں نے کہا کہ پاکستان کی جانب سے اقوام متحدہ میں دو سالہ رکنیت کے لیے بھارت کی حمایت پربہت افسوس ہے ایک طرف پاکستان کشمیری عوام کے وکیل بن کر دنیا بھر میں مسئلہ کشمیر اُجاگر کررہا ہے جب کہ آج پاکستان نے بھی بہت مایوس کر دیا ہے ،بھارت میںکشمیریوں کی نسل کشی کررہے ہیں عالمی برادری خاموش تماشائی کا کردار ادا کررہی ہے ،آزادکشمیر گلگت بلتستان اور پاکستان میںمقیم لاکھوں کشمیری مہاجرین سیز فائر لائن کو پائوں تلے روندنے پر مجبور ہوں گے ،نریندر مودی آر ایس ایس کے ایجنڈے کی تکمیل کے لیے جموں میں حلقہ بندیوں کے ذریعے مسلم اکثریت کو اقلیت میں بدلنے کی سازش کررہے ہیں، آزاد جموں وکشمیر قانون ساز اسمبلی کے اجلاس میں مقبوضہ کشمیر میں بڑھتی ہوئی بھارتی ریاستی دہشت گردی کی شدید مذمت لائق تحسین ہے،کشمیر کے اندر آپریشن کے نام بستیوں کی بستیاں تاراج کی جارہی ہیں بے گناہ نوجوانوں کو گرفتار کر کے لاپتہ کیا جارہا ہے بالخصوص حریت پسند نوجوانوں کو مطلوب قرار دے کر انہیں شہید کرنے کے لیے قابض افواج کو اہداف دئیے جا رہے ہیں۔ تحریک آزادی کشمیر کو بین الاقوامی سطح پر موثر بنانے کے لیے کشمیریوںکا کردار وقت کی ضرورت ہے ،مقبوضہ کشمیر میں بھارتی جارحیت اور انسانی حقوق کی خلاف ورزیوں کے واقعات میں اضافے پر تشویش ہے، قابض بھارتی افواج تمام تر جبر اور ظلم کے باوجود کشمیریوں کے دلوں سے پاکستان کی محبت اور آزادی کی تڑپ ختم نہیں کر سکی ۔جدوجہد آزادی میں مصروف عمل تمام حریت پسندوں کو خراج تحسین پیش کرتے ہیں اور ان کی جدوجہد میں ان کے ساتھ ہیں ۔
وزیراعظم فاروق حیدرخان کے ویژن کے مطابق ضلع کوٹلی کوتعمیروترقی کاشاہکاربنائینگے ‘ راجہ ایوب
کوٹلی (ایچ ایم نیوز)پاکستان مسلم لیگ ن ضلع کوٹلی کے صدر،ایڈمنسٹریٹرضلع کونسل راجہ محمدایوب نے کہاہے کہ وزیراعظم آزادکشمیرراجہ محمدفاروق حیدرخان کے ویژن کے مطابق ضلع کوٹلی کوتعمیروترقی کاشاہکاربنائینگے مسلم ن لیگ کی حکومت نے الیکشن میںجوبھی وعدے عوام سے کئے تھے ان پرمن وعن عمل درآمدجاری ہے آزادکشمیربھرمیںبلاتخصیص تعمیروترقی کے میگاپراجیکٹس پرکام جاری ہے پورے آزادکشمیرمیںبلاتخصیص ترقیاتی کام ہورہے ہیںموجودہ حکومت وزیر اعظم آزاد کشمیر راجہ محمدفاروق حیدر خان کی سربراہی میں گڈ گورننس میرٹ کی بحالی اداروں میں کرپشن کے خاتمے اور مسئلہ کشمیر کے پائیدار حل کے لیے کوشاں ہے ایکٹ 74میں ترمیم ،فری ایمر جنسی کا نفاذ،ختم نبوت بل کی منظوری ،این ٹی ایس کا نفاذ،میرٹ کی بالادستی ،کرپشن کا خاتمہ اور بجٹ دوگنا کر کے وزیر اعظم آزاد کشمیر راجہ محمد فاروق حیدر خان نے وہ کارہائے نمایاںسر انجام دیئے جو آج تک کوئی نہ کرسکا وزیر اعظم آزاد کشمیر راجہ محمد فاروق حیدر خان نے پروٹوکول کلچر کوکم کیا ،میرٹ کی بحالی ، پبلک سروس کمیشن،این ٹی ایس کا نفاذموجودہ حکومت کا تاریخ ساز کارنامہ ہے جس سے میرٹ پر تعلیم یافتہ نوجوانوں کو حق مل رہا ہے اور یہی وجہ ہے کہ عوام کا مسلم لیگ ن پر اعتماد مزید مضبوط ہوا ہے عوام مسلم لیگ ن کے پرچم تلے متحد و منظم ہو رہے ہیں کارکنان کسی بھی جماعت کا قیمتی اثاثہ ہوتے ہیں مسلم لیگ ن کی کامیابی کے لیے کارکنوں نے جس انداز سے محنت اور دن رات ایک کیا اسکی مثال نہیں ملتی انہوں نے کہا کہ مسلم لیگ ن کے کارکن وزیر اعظم آزاد کشمیر راجہ محمد فاروق حیدر خان کے شانہ بشانہ کھڑے ہیں مسلم لیگ ن آئندہ انتخابات میں بھاری اکثریت حاصل کر کے دوبارہ حکومت بنائے گی ۔
انجمن ہلال احمر نیلم، ڈی ڈی ایم اے اور شہری دفاع کے زیراہتمام خطرات سے نمٹنے کیلئے مشترکہ 2 روزہ ٹریننگ ورکشاپ
نیلم(ایچ ایم نیوز)انجمن ہلال احمر نیلم،DDMAاور شہری دفاع کے زیراہتمام خطرات سے نمٹنے کیلئے مشترکہ 2 روزہ ٹریننگ ورکشاپ ،تفصیلات کے مطابق انجم ہلال احمرضلعی برانچ نیلم،DDMA نیلماورشہری دفاع کے زیراہتمام ڈسٹرکٹ کمپلیکس نیلم میں 2 روزہ ورکشاپ کاانعقاد کیاگیا جس میں محکمہ پولیس ، ڈی سی آفس کے سٹاف کے علاوہ ہلال احمرنیلم اور شہری دفاع کے رضاکاران نے شرکت کی ۔ شرکاء ٹریننگ کو ابتدائی طبعی امداد ، ان پھٹا دھماکہ خیز مواد، فائرفائٹنگ ، ڈیزاسٹرمینجمنٹ اور Search & Rescue کے حوالے سے تر بیت دی گئی ،ٹریننگ میں DDMA نیلمDRM آفیسر محمداختر ایوب ،ریڈکریسنٹ کے ڈسٹرکٹ فرسٹ ایڈ ٹریننگ آفیسر طاہر ضیاء CLO قاضی بلال، ناصربخاری اورشہری دفاع کے امتیاز شیخ DDMA سے خواجہ شفیق نے تربیت فراہم کی دو روزہ ورکشاپ کے اختتام پر DC نیلم راجہ محمود شاہد اور اسسٹنٹ کمشنر راجہ عمر طارق اوردیگر ضلعی آفیسران نے خطاب کیا اور شرکاء میں اسناد تقسیم کیں،نیلم میں اس نوعیت کی ورکشاپس کے مزید انعقاد پر زوردیا اور اپنی طرف سے ہر ممکن تعاون فراہمی کی یقین دہانی کروائی ہے ۔
محکمہ جات میں مالیاتی ڈسپلن قائم کرنے کے لیے بھرپور اقدامات کریں گے ‘ چیئرمین پی اے سی عبدالرشید ترابی
مظفرآباد(ایچ ایم نیوز) آزاد کشمیر پبلک اکائونٹس کمیٹی کے چیئر مین عبدالرشید ترابی جمعہ کے روز بھی اپنے چیمبر میں مصروف رہے۔ ڈائریکٹر جنرل حسابات ایاز احمد خان، ڈائریکٹر جنرل لوکل فنڈز آڈٹ محمد حسن رانا سمیت کمیٹی کے سٹاف نے ملاقات کی، کمیٹی کی تعارفی تقریب سے متعلق معاملات زیر غور آئے۔ چیئر مین کمیٹی نے اس موقع پر کہا کہ سابق کمیٹیز کی اعلیٰ روایات کی پاسداری کرتے ہوئے محکمہ جات میں مالیاتی ڈسپلن قائم کرنے کے لیے بھرپور اقدامات کریں گے اور کوشش ہوگی کہ اسمبلی کے فورم سے جن مقاصد کے لیے بجٹ منظور ہوتا ہے اُس کا صحیح استعمال یقینی بنایا جا سکے۔ یاد رہے کہ 9جولائی کو کمیٹی کا تعارفی اجلاس ہو گا۔ اُس کے بعد محکمہ جات کے ریکارڈ کی جانچ پڑتال کے لیے مشاورت سے شیڈول ترتیب دیا جائے گا۔
راولپنڈی سے مظفر آباد آنے والے کوسٹر لوئر دیول مری کے مقام پر حادثہ کا شکار ‘ 30 مسافر زخمی
مظفر آباد(ایچ ایم نیوز)راولپنڈی سے مظفر آباد آنے والے کوسٹر گاڑی لوئر دیول مری کے مقام پر حادثہ کا شکار ‘ 30 مسافر شدید زخمی ‘ زخمیوں کو پھگواڑی ہسپتال منتقل کر دیا گیا ‘ حادثہ کی وجوہات معلوم نہیں ہو سکیں ۔
آزاد کشمیر کی بیوروکریسی عوام کی خدمت کو اصول بنائے اور عوام کے لئے اپنے دروازے کھلے رکھے ‘
تیرہویں ترمیم سے ریاست کو بہت کچھ ملا مزید بھی ملے گا‘ ہم نے ذاتی پسند اور ناپسند پر اچھے لوگ ضائع کر دیئے‘ ہمارے ہاں اونر شپ نہیں رہی‘ طارق مسعود جیسے لوگ اونر شپ والے لوگ تھے جو ریاست کے مفاد کو مقدم رکھتے تھے
وزیر اعظم راجہ محمد فاروق حیدر خان کا طارق مسعود کی یاد میں منعقدہ تعزیتی ریفرنس سے خطاب
مظفرآباد (ایچ ایم نیوز)وزیر اعظم آزادحکومت ریاست جموںوکشمیر راجہ محمد فاروق حیدر خان نے کہا ہے کہ آزاد کشمیر کی بیوروکریسی عوام کی خدمت کو اصول بنائے اور عوام کے لئے اپنے دروازے کھلے رکھے ۔ تیرہویں ترمیم سے ریاست کو بہت کچھ ملا مزید بھی ملے گا۔ ہم نے ذاتی پسند اور ناپسند پر اچھے لوگ ضائع کر دیے۔ ہمارے ہاں اونر شپ نہیں رہی طارق مسعود جیسے لوگ اونر شپ والے لوگ تھے جو ریاست کے مفاد کو مقدم رکھتے تھے ۔ وہ گزشتہ شب آزاد کشمیر کے مایہ ناز بیوروکریٹ طارق مسعود مرحوم کی یاد میں بورڈ آف ریونیو کے زیر اہتمام منعقدہ تعزیتی ریفرنس سے بطور مہمان خصوصی خطاب کررہے تھے ۔ تعزیتی ریفرنس کی صدارت مرحوم کے بھائی سابق سفیر عارف کمال نے کی جبکہ تقریب سے سینئر وزیر چوہدری طارق فاروق ، ایڈیشنل چیف سیکرٹری ترقیات ڈاکٹر سید آصف حسین ، ایڈیشنل چیف سیکرٹری جنرل فرحت علی میر ، سینئر ممبر بورڈ آف ریونیو فیاض علی عباسی ، سابق سیکرٹری اکرم سہیل ، سابق اسی ایم بی آر راجہ فاروق نیاز، ایڈیشنل انسپکٹر جنرل پولیس فہیم عباسی ، عارف کمال ، اور کمشنر مظفرآباد ڈویژن چوہدری امتیاز احمد نے بھی خطاب کیا ۔ جبکہ تعزیتی ریفرنس میں چیف سیکرٹری مطہر نیاز رانا، سیکرٹری مالیات فرید احمدتارڈ، پرنسپل سیکرٹری راجہ امجد پرویز علی ، سیکرٹری سیرازاہد علی عباسی،سیکرٹری اطلاعات ، سیاحت و آئی ٹی محترمہ مدحت شہزاد ، سیکرٹری لوگل گورنمنٹ و دیہی ترقی راجہ اعجاز احمد خان ،سیکرٹری برقیات سردار ظفر خان ، سیکرٹری سروسز ڈاکٹر لیاقت حسین چوہدری ، سیکرٹری ایس ڈی ایم اے ظہیر الدین قریشی ، سیکرٹری سوشل ویلفیئر خواجہ محمد احسن ، سیکرٹری جموں وکشمیر لبریشن سیل منصور قادرڈار ، سیکرٹری بہبود آبادی راجہ محمد رزاق خان ،کمشنر بحالیات عطاء اللہ عطا، سیکرٹری سپورٹس ظہور الحسن گیلانی اور سیکرٹری ٹرانسپورٹ چوہدری محمد بشیر ، سربراہان محکمہ جات اور دیگر آفیسران بھی موجود تھے ۔ تقریب سے خطاب کرتے ہوئے وزیراعظم راجہ محمد فاروق حیدر خان نے کہا کہ تیرہویں ترمیم سے ہم نے اپنا حق واپس لیا ہم آزاد کشمیر کو ذمہ دار بنانا چاہتے ہیں میں نے اپنا کام کر دیا اب مجھے کوئی فکر نہیں اب بیورو کریسی کا کام ہے کہ وسائل کا بہترین استعمال کر کے عوام کی فلاح و بہبود کو یقینی بنایا جائے ۔انہوں نے کہا کہ ہم ذمہ داری اٹھانا چاہتے ہیں ۔ انہوں نے کہا کہ افسران اپنے دفاتر کے دروازے عوام کے لئے کھلے رکھیں میں سٹیٹ ڈیپارٹمنٹ گیا دیکھا وہاں دفاتر کے دروازے کھلے تھے مجھے بتایا گیا کہ افسر کی موجودگی میں دفتر کا دروازہ کھلا رکھا جاتا ہے اور اگر افسر موجود نہ ہو تا بند ہوتا ہے ۔ انہوں نے کہا کہ پرانے بیورو کریٹ مشکل کا حل نکالتے تھے ۔ قاعدہ قانون کا خیال رکھنے والے لوگ تھے ۔ انہوں نے کہا کہ اس سال نیشنل ایوارڈ زمیں طارق مسعود اور خلیل قریشی جیسے بیوروکریٹس کو بھی شامل کیا جائے گا۔ انہوں نے کہا کہ ملک ایسے نہیں بنا اس کے لئے سب چھوٹے بڑے لوگوں نے قربانیاں دی ہیں ہمیں ایسے لوگوں کی قربانیوں کو تسلیم کرنا ہوگا۔ وزیر اعظم نے کہا کہ ہم یوسف صراف کی کتاب کا تیسرا والیم بھی چھپوائیں گے یہ کشمیر پر بہترین کتاب ہے ۔ سینئر وزیر چوہدری طارق فاروق نے خطاب کرتے ہوئے کہا کہ وہ گزشتہ سال خلیل قریشی مرحوم کے تعزیتی ریفرنس میں بھی آئے تھے ۔انہوں نے کہا کہ مجاہد اول اور سالار جمہوریت جیسے لوگوں کو کامیاب بنانے میں خلیل قریشی اور طارق مسعود جیسے بیوروکریٹس کا کر دار تھا ۔ قواعد کے مطابق بات اور کام کرنا انہی لوگوں کا کمال تھا ۔ طارق مسعود ہمہ جہت شخصیت کے مالک تھے ، فلم ، آرٹ ، ڈرامہ ، کھیل، تحریک آزاد کشمیر سب کے ساتھ خاص لگائو رکھتے تھے ۔چوہدری طارق فاروق نے کہا کہ لوگ اپنے نسخے سنبھال کر رکھتے ہیں مگر طارق مسعود جیسے لوگوں نے علم اور تجربے کو آگے نوجوانوں میں منتقل کیا نئے افسران ان کی زندگی سے بہت کچھ سیکھ سکتے ہیں ۔ انہوں نے کہا کہ آزا د کشمیر میں سیاسی ، آئینی ، انتظامی ومالی اختیارات جمہوری حکومتوں کی منتقل کرنے کیلئے عوام اور بیوروکریسی کے اندر سوچ پیدا کرنے میں طارق مسعود کا نام بہت ممتاز ہے ۔ ایڈیشنل چیف سیکرٹری ترقیات ڈاکٹر سید آصف حسین نے کہا کہ محکمہ منصوبہ بندی و ترقیات میں ان کے ساتھ سروس کے دوران بہت کچھ سیکھنے کو ملا ، طارق مسعود ہمیشہ مسائل حل کرنے کے حصہ ہوتے تھے ۔ ایڈیشنل چیف سیکرٹری ترقیات فرحت علی میر نے کہا کہ طارق مسعود مرحوم زیرک اور متحرک اٖفسر تھے ان سے سیکھی ہوئی چیزیں میرا اثاثہ ہیں میرے حقیقی ناصح اور معلم تھے میں ان کی عمومی گفتگو سے بھی مستفید ہوا۔ بے پنا ہ قابلیت کے مالک تھے اور میرے لئے ایک رول ماڈل تھے ۔ طارق مسعود سفارش اور برادری ازم کے سخت خلاف تھے انہیں اردو اور انگریزی پر عبور تھا اور ان کا حلقہ احباب بہت وسیع تھا ۔ سیکرٹری سیرا زاہد علی عباسی نے کہا کہ آج کا تعزیتی ریفرنس طارق مسعود مرحوم کی خدمات کااعتراف ہے ۔ مرحوم ہر چیز کی ایس او پی بناتے تھے اور اس کو اپ ڈیٹ بھی کرتے رہتے تھے ۔ سابق سیکرٹری اکرم سہیل نے کہا کہ ترہویں ترمیم وزیر اعظم راجہ محمد فاروق حید ر خان کی بہت بڑی کامیابی ہے ۔ آزاد کشمیر کی ریاست قدرتی وسائل سے مالا مال ہے ۔ انہوں نے کہا کہ طارق مسعود قانون قانون کی بالادستی اور میرٹ پر یقین رکھتے تھے وہ حکومتوں کو ایسے مشورے دیتے تھے جو قانون کے مطابق ہوں اور ریاست کے مفاد میں ہوں ۔ سول سروس کے قوانین کو مدون کرنے میں انہی لوگوں کا کردار ہے ۔ ایڈیشنل انسپکٹر جنرل فہیم عباسی نے خطاب کرتے ہوئے کہا کہ طارق مسعود کے سارے خانوادے کو خراج عقیدت پیش کیا جانا چاہیے ۔ انہوں نے کہا کہ غور کریں قانون کی بالادستی کا صرف اظہار نہیں ہونا چاہیے بلکہ اس پر عمل بھی ہونا چاہیے ۔ سابق ایس ایم بی آر راجہ فاروق نیاز نے کہا کہ اتنی اعلیٰ تقریب کے انعقاد پر مبارکباد دیتا ہوں طارق مسعود کی خدمات کا اعتراف ایک محکمہ کے ساتھ ساتھ ریاستی سطح پر بھی ہونا چاہیے ۔ طارق مسعود میرٹ پر سمجھوتہ نہ کرنے ولاے بیوروکریٹ تھے ۔ طارق مسعود مرحوم کے بھائی سابق سفیر عارف کمال نے کہا کہ انہوں نے یہاں آکر اپنے بھائی کے متعلق بہت کچھ سیکھا۔قبل ازیں طارق مسعود مرحوم کی روح کو ایصال ثواب کے لئے قرآن خوانی کا اہتمام بھی کیا گیا ۔ ایس ایم بی آر نے تعزیتی ریفرنس کے تمام شرکاء کا شکریہ ادا کیا ۔
ہالی ووڈ فلم دی کرنٹ وار کا ٹریلر جاری
لاس اینجلس (ایچ ایم نیوز) ہالی ووڈ کی نئی ڈرامہ فلم دی کرنٹ وارکا ٹریلر جاری کر دیاگیا۔ بیسک آوینک اوراسٹیون زیالنگ کی پروڈکشن میں بننے والی اس فلم میں اداکاربینی ڈکٹ کمبر بیچ،مائیکل شینن اور نکولس ہالٹ سمیت کئی نامور ہالی ووڈ اداکار اہم کرداروں میں جلوہ گر ہوں گے ۔فلم رواں سال اکتوبرمیں نمائش کے لئے پیش کی جائے گی۔
ارجن کپور اور ہ ملائیکا اروڑا چھٹیاں منانے امریکہ جائینگے
ممبئی (ایچ ایم نیوز) بالی وڈو اداکار ارجن کپور اور اداکارہ ملائیکا اروڑا جو اپنے تعلقات کے حوالے سے اکثر میڈیا میں زیر بحث رہتے ہیں اب چھٹیاں منانے اکٹھے امریکہ روانہ ہورہے ہیں۔ بھارتی میڈیا کے مطابق ملائیکا اروڑا کچھ روز کے لیے چھٹیاں منانے بھارت امریکا روانہ ہورہی ہیں اور اس دوران اداکار ارجن کپور بھی ان کے ساتھ اس ٹرپ پر موجود ہوں گے۔دونوں اداکاروں نے تو اس ٹرپ کے حوالے سے کچھ نہیں بتایا البتہ چند روز بعد ان کو ایئرپورٹ پر دیکھا گیا، جس کے بعد ملائیکا نے اپنے سوشل میڈیا اکانٹس پر اپنی چھٹیوں کی تصاویر اور ویڈیوز شیئر کرنا شروع کردی۔ملائیکا اور ارجن تو ہمیشہ ایک دوسرے کو اپنا اچھا دوست کہتے آرہے تھے تاہم اس ٹرپ پر ایک ساتھ جانے کے بعد سے ان دونوں کے تعلقات کے حوالے سے مزید خبریں سامنے آنے لگی۔اور اب بولی وڈ اداکارہ نے خود اپنے انسٹاگرام پر ارجن کپور کے ہمراہ ایک رومانوی تصویر شیئر کرکے اپنے تعلق کا اعلان کردیا ہے ۔یاد رہے کہ ملائیکا اروڑا کو سوشل میڈیا پر خود سے 11 برس چھوٹے ارجن کپور سے تعلق رکھنے پر شدید تنقید کا نشانہ بنایا جاتا رہا ہے۔
بالی ووڈ فلم مہرہ کا مشہور زمانہ گانا ٹپ ٹپ برسا پانی کا ریمکس
ممبئی (ایچ ایم نیوز) بالی ووڈ فلم مہرہ کا مشہور زمانہ گانا ٹپ ٹپ برسا پانی کا ریمکس بنایا جارہا ہے جس میں اکشے کمار اور کترینہ کیف نظر آئیں گے۔ بھارتی میڈیا کے مطابق پرانے گانوں کو نئے انداز میں پیش کرنے کا رجحان تیزی سے بڑھ رہا ہے اور اس ہی لیے ماضی کے کئی کامیاب گانے ریمکس کرکے پیش کیے جارہے ہیں۔ایسا ہی ایک گانا 'ٹپ ٹپ برسا پانی' ہے، جو 1994 کی فلم 'مہرہ' کا کامیاب گانا تھا، جس میں بولی وڈ کھلاڑی اکشے کمار اور روینہ ٹنڈن نے پرفارم کیا تھا۔اب اس ہی گانے کے ریمکس کو ایک فلم کا حصہ بنایا جارہا ہے، جس میں اکشے کمار تو پرفارم کریں گے تاہم ہیروئن کے روپ میں روینہ ٹنڈن کی جگہ کترینہ کیف زرد ساڑھی میں رقص کرتی نظر آئیں گی۔کترینہ کیف نے اس گانے کی شوٹنگ کے دوران کی چند تصاویر اپنے سوشل میڈیا اکانٹ پر بھی شیئر کیں۔جبکہ اکشے کمار نے بھی اپنے انسٹاگرام پر فلم 'مہرہ' کے پروڈیوسر رتن جین کے ہمراہ تصویر شیئر کی اور انہیں ٹپ ٹپ برسا گانا استعمال کرنے کی اجازت دینے پر شکریہ ادا کیا۔
بالی ووڈ سلطان سلمان خان کا سروگیسی کے ذریعے باپ بننے کا فیصلہ
ممبئی (ایچ ایم نیوز) بالی ووڈ سلطان سلمان خان نے انڈسٹری کے دیگر اداکاروں کے نقش قدم پر چلتے ہوئے سروگیسی کے ذریعے باپ بننے کا فیصلہ کیا ہے۔بھارتی میڈیا کے مطابق 52 سالہ اداکار نے شادی کرنے میں تو کوئی دلچسپی ظاہر نہیں کی البتہ انہوں نے باپ بننے کا فیصلہ ضرور کیا ہے اور اس کے لیے وہ سروگیسی کا عمل اپنائیں گے۔بھارت میں سروگیسی کے ذریعے بچوں کی پیدائش پر کوئی پابندی نہیں ہے اور بالی ووڈ میں بھی متعدد اسٹارز سروگیسی کے ذریعے والدین بن چکے ہیں جن میں نامور ہدایت کار کرن جوہر اور اداکار تشار کپور شادی کے بغیر ہی سروگیسی کے ذریعے باپ بنے جب کہ دیگر اداکاروں میں شاہ رخ خان، عامر خان، سنی لیونی سمیت دیگر شامل ہیں۔
دپیکا پڈوکون اپنے والد کا کردار ادا کرنے کی خواہشمند
ممبئی (ایچ ایم نیوز) بالی ووڈ اداکارہ دپیکا پڈوکون نے والد کے کردار سے متعلق انوکھی خواہش کا اظہار کردیا۔بھارتی میڈیا کے مطابق دپیکا پڈوکون نے ایک چینل کو انٹرویو دیتے ہوئے کہا کہ وہ فلموں میں اپنے والد پراکاش پڈوکون کا کردار نبھانا چاہیں گی کیوں کہ وہ بھارت کے پہلے شخص ہیں جنہوں نے آل انگلینڈ بیڈ منٹن چیمپئن شپ جیتی تھی۔دپیکا نے یہ بھی کہا کہ میں اس بات کو سمجھتی ہوں کہ میرے سامنے صنف کا مسلہ درپیش ہے لیکن اگر مجھے کسی کھلاڑی کا کردار ادا کرنے کا موقع ملا تو میں اپنے والد کا کردار یا اس دور کے لیجنڈ کھلاڑیوں کا کردار نبھانا پسند کروں گی۔ اداکارہ نے یہ کردار ادا کرنے کی وجہ بتاتے ہوئے کہا کہ والد نے محدود وسائل، فنڈز اور دیگر سہولیات کی کمی کے باوجود جن حالات میں کامیابیاں حاصل کیں اور ان کی لگن اور کامیابی نے انہیں جو مقام دلایا وہ قابل تعریف اور میرے نزدیک بہت اہمیت کا حامل ہے کیوں کہ اب پہلے جیسے حالات نہیں ہیں۔
بالی ووڈ فلم دوستانہ کا سیکوئل بنانے کا اعلان
ممبئی (ایچ ایم نیوز) بالی ووڈ پروڈیوسر اور ہدایت کار کرن جوہر اپنی کامیاب فلم 'دوستانہ' کا سیکوئل بنا رہے ہیں، جس کی مرکزی کاسٹ بھی سامنے آگئی ہے۔کرن نے سوشل میڈیا پر اعلان کیا کہ اس فلم میں کارتک آرین اور جھانوی کپور مرکزی کردار نبھاتے نظر آئیں گے۔فلم کی ہدایات کرن جوہر نہیں بلکہ ایک نئے ڈائیریکٹر کولن ڈی کنہا دے رہے ہیں، التبہ کرن جوہر اپنی کمپنی دھرما کے بینر تلے اس فلم کو پروڈیوس کریں گے۔کرن جوہر کی ٹویٹ کے مطابق فلم میں کارتک آرین اور جھانوی کپور تو کاسٹ کرلیے گئے ہیں تاہم ابھی ایک اور کردار کے لیے نئے چہرے کی تلاش جاری ہے اور مداحوں کو انتظار کرنا ہوگا یہ دیکھنے کے لیے کہ اس فلم کیساتھ کونسا نیا اداکار بولی وڈ میں ڈیبیو کرے گا۔ فلم دوستانہ' 2008 میں ریلیز ہوئی تھی، اس فلم میں پریانکا چوپڑا، ابھیشیک بچن اور جون ابراہم نے کام کیا تھا۔
دبنگ 3 میں چلبل پانڈے کے والد کا کردار پرامود کھنہ ادا کرینگے
ممبئی (ایچ ایم نیوز) بالی ووڈ اداکار سلمان خان ان دنوں دبنگ تھری کی تیاریوں میں مصروف ہیں،فلم سے متعلق اپ ڈیٹ دیتے ہوئے سلمان خان نے بتایا ہے کہ دبنگ تھری میں چلبل پانڈے کے والد پرجا پتی پانڈے کا کردار ونود کھنہ کے بھائی پرامود کھنہ ادا کریں گے۔سلمان خان نے انسٹا گرام پر ایک ویڈیو شیئر کی ہے جس میں وہ فلم کی ہیروئن سناکشی سنہا، ڈائریکٹر پرابھودیوا اور پرامود کھنہ کے ساتھ دکھائی دے رہے ہیں۔ واضح رہے کہ سینئر اداکار ونود کھنہ کینسر کے مرض میں مبتلا رہنے کے بعد 2017 میں چل بسے تھے، انہوں نے 2010 میں دبنگ اور 2012 میں دبنگ 2 میں پرجاپتی کا کردار ادا کیا تھا۔فلم دبنگ تھر ی20 دسمبر کو سنیما گروں کی زینت بنے گی۔
فریحہ الطاف لکس اسٹائل ایوارڈز کی آفیشل شو ڈائریکٹر مقرر
کراچی (ایچ ایم نیوز) پاکستان کی صفِ اول کی کوریوگرافر اور اداکارہ فریحہ الطاف اگلے ماہ ہونے والے لکس اسٹائل ایوارڈز کی آفیشل شو ڈائریکٹر ہوں گی۔ میڈیا سے گفتگو کرتے ہوئے فریحہ کا کہنا تھا کہ بطور ایل ایس اے شو ڈائریکٹر اس سال ایوارڈز کا حصہ ہونے پر مجھے بہت خوشی ہے۔ لکس اسٹائل ایوارڈز پاکستان میں فلمی، فیشن، ٹی وی، موسیقی اور انٹر ٹینمنٹ کی صنعت کے سب سے معتبر ایوارڈز ہیں اور مجھے 18ویں لکس اسٹائل ایوارڈز کا حصہ بننے اور ایک طویل عرصے کی شراکت داری پر دلی مسرت ہے۔ میری ہمیشہ کوشش رہی ہے کہ اس شو میں کچھ منفرد ناظرین اورسامعین کے لیے پیش کروں۔ ویسے تو اس سال میں نے کیا سوچا ہے، وہ میں ابھی بیان کرنے سے قاصر ہوں۔ تاہم یہ وعدہ ضرور کروں گی کہ اس سال انٹرٹینمنٹ اور فیشن انڈسٹریز کا بہترین عکس دیکھنے کے ملے گا۔
عمر شریف کے بیٹے نے والد کی بیماری کے حوالے افواہوں کی ترید کردی
کراچی (ایچ ایم نیوز) پاکستان کے بین الاقوامی شہرت یافتہ اداکار و کامیڈین عمر شریف کے اہل خانہ نے ان کی بیماری کے حوالے افواہوں کی ترید کردی ۔عمر شریف کے صاحبزادے جواد عمر نے کہا کہ ان کے والد اپنے اسٹیج شو کی ریہرسل میں مصروف تھے اور آپ لوگ جلد انہیں اسٹیج پر دیکھیں گے ۔جواد عمر نے کچ میڈیا اور سوشل میڈیا پر چلنے والی افواہوں کی تردید کرتے ہوئے کہا کہ ان کے والد روز مرہ کے چیک اپ کے کیلئے ہسپتال گئے تھے ان کی صحت بالکل ٹھیک ہے ۔
گانا چوری کرنے کا الزام‘ راحت فتح کا سعدیہ امام کیخلاف عدالت جانے کا عندیہ
کراچی (ایچ ایم نیوز) معروف ٹی وی اداکارہ و میزبان سعدیہ امام کی جانب سے لگائے جانے والے گانے کی چوری کے الزامات کے جواب میں راحت فتح علی خان نے معاملے کو عدالت لے جانے کا عندیہ دیا ہے۔اس حوالے سے جب راحت فتح علی خان کی بزنس انتظامیہ سے بات کی گئی تو خان کے بزنس ڈائریکٹرسلمان احمد نے بتایا کہ جب پوری دنیا راحت فتح علی خان کو آکسفورڈ یونیورسٹی کی جانب سے اعزازی ڈگری ملنے کا جشن منارہی تھی اس وقت سعدیہ امام اتنے برس گزرنے کے بعد یہ سب کہہ رہی تھیں۔ سلمان احمد نے مزید کہا اگر ضرورت پڑی تو ہم یہ معاملہ عدالت لے کر جائیں گے اوراگرسعدیہ امام اپنے دعوے پر قائم رہیں کہ ان تمام گانوں کی شاعری انہوں نے لکھی ہے تو انہیں اس بات کے ثبوت فراہم کرنے ہوں گے۔ واضح رہے کہ دو روز قبل اداکارہ سعدیہ امام نے ایک ٹی وی شومیں انکشاف کیا تھا کہ بالی ووڈ فلم کلیوگ کا مقبول ترین گیت جیا دھڑک دھڑک جائے جسے راحت فتح علی خان نے گایا ہے اس گیت کے بول دراصل انہوں نے لکھے تھے لیکن افسوس کی بات ہے کہ انہیں اس گانے کی شاعری کا کریڈٹ نہیں دیا گیا۔صرف یہی گیت نہیں بلکہ سعدیہ امام نے کہا کہ فلم لائف ان اے میٹرو کے لیے راحت فتح علی خان کا گایا ہوا ایک اورگیت زندگی سفر میں ہے کٹ رہا ہے راستہ کی شاعری بھی سعدیہ نے ہی لکھی تھی لیکن بدقسمتی سے اس گانے میں بھی ان کا نام کہیں شامل نہیں۔سعدیہ امام کا کہنا تھا کہ وہ اورراحت فتح علی خان بہت اچھے دوست ہیں اورانہوں نے اس بارے میں کبھی اس لیے بات نہیں کی کیونکہ وہ اپنے گانے بطور دوست راحت فتح علی خان کو دے چکی تھیں، تاہم یہ ان کی اخلاقیات تھی کہ وہ ان گانوں کا کریڈٹ مجھے دیتے لیکن انہوں نے ایسا نہیں کیا۔
چین ،چانگ کنگ اورعدیس ابابا کے درمیان پہلی مال بردار فضائی پرواز شروع
پہلی پرواز 103ٹن سامان لے کر براستہ دہلی عدیس ابابا روانہ ہوگی ،پرواز ہفتے میں2روز ہوگی
چانگ کنگ(ایچ ایم نیوز)چین کے جنوب مغربی شہر چانگ کنگ اور ایتھوپیا کے دارالحکومت عدیس ابابا کے درمیان براستہ دہلی ایک نئی کارگو ائیرلائن شروع کردی گئی ہے،افریقہ کے ساتھ فضائی رابطے کیلئے یہ پہلی مال بردار پرواز ہے، چانگ کنگ انٹرنیشنل ائیرپورٹ کے مطابق پہلی پرواز گزشتہ روز103ٹن سامان لے کر عدیس ابابا کیلئے روانہ ہوئی سامان میں بجلی کے آلات اور کپڑے کی مصنوعات شامل تھیں جوچانگ کنگ میںتیار کی گئیں یہ مال بردار پروازیں ہفتہ میں دو روز ہونگی،توقع ہے کہ اس نئی پرواز سے دونوںممالک کے درمیان اقتصادی تبادلوںں میںتیزی آئی گی۔ چانگ کنگ سے بین الاقوامی روٹس پر85سے زائد پروازین ہیں آئندہ کیلئے بمبئی اور ڈھاکہ کیلئے بھی مال بردار پروازیں شروع کرنے کی منصوبہ بندی کی جارہی ہے۔
چین کے صدر شی سے یوگنڈا کے صدر کی ملاقات
دونوں رہنمائوں نے تعلقات کوجامع تعاون کی شراکت داری تک لے جانے پر اتفاق کیا
چین یوگنڈا تعلقات کو بڑی اہمیت دیتے ہیں،صدر شی اوریوویری موسوینی کی بات چیت
بیجنگ(ایچ ایم نیوز)چین کے صدر شی جن پھنگ نے چین کے دورے پر آئے ہوئے یوگنڈا کے صدر یوویری موسوینی سے ملاقات کی،دونوں رہنما اپنے تعلقات کو جامع تعاون کی شراکت داری تک لے جانے پر متفق ہوگئے،صدرشی نے اس موقع پر بات چیت کرتے ہوئے کہا کہ اس وقت چین یوگنڈاتعلقات تاریخ کی بہترین سطح پر ہیںدونوں ممالک کے درمیان دوطرفہ اعتماد موجود ہے اور عملی تعاون کے زبردست نتائج سامنے آئے ہیں،دونوںممالک علاقائی اور بین الاقوامی سطح پر قریبی رابطہ برقرار رکھے ہوئے ہیں۔انہوں نے کہا کہ چین یوگنڈا کے ساتھ مل کر کام کرنے،بیلٹ اینڈ روڈ کی مشترکہ تعمیر اور تعلقات کو فروغ دینے کا خواہاں ہے،یوگنڈا کے صدر نے کہا کہ یکطرفہ نظام دنیا کے کیلئے خطرناک ہے،یوگنڈا اور چین کو مل کر رابطے اور تعاون کومزید مضبوط بنانا چاہیے اور اقوام متحدہ کے فریم ورک میں کثیرالجہتی امور میں تعاون کرنا چاہیے۔
چینی صدر شی کی مثالی ملازمین کے نمائندوں سے ملاقات
ملازمین پارٹی کے ساتھ مخلص رہیں اور اس مشن اور جذبے کو یاد رکھیں،شی جن پھنگ
بیجنگ(ایچ ایم نیوز)چین کے صدر شی جن پھنگ نے گزشتہ روز چین کے مثالی سول ملازمین کے نمائندوں سے ملاقات کی،جنہوں نے بیجنگ میں قومی ایوارڈ کی تقریب میں شرکت کی،صدر شی جو چینی کمیونسٹ پارٹی مرکزی کمیٹی کے جنرل سیکرٹری اور مرکزی فوجی کمیشن کے چیئرمین ہیں نے مثالی ملازمین کی حوصلہ افزائی کی اور کہا کہ وہ پارٹی کے ساتھ مخلص رہیں اور اپنے ذہن میں اس مشن اور جذبے کو یاد رکھیں اور اپنے فرائض میں غیر معمولی کارکردگی کا مظاہرہ کریں اس موقع پرچین کے وزیراعظم لی کھی چیانگ اور چینی کمیونسٹ پارٹی مرکزی کمیٹی سیکرٹریٹ کے رکن وانگ ہو ننگ بھی موجود تھے۔صدر شی اور دیگر رہنمائوں نے نمائندوں سے ہاتھ ملائے اور ان سے بات چیت کی،یہ خصوصی تقریب عظیم عوامی ہال بیجنگ میں منعقد ہوئی۔
رزمیہ فلم بگل فرام گوتیان یکم اگست کو چین میں ریلیز ہوگی
بیجنگ(ایچ ایم نیوز)ایک رزمیہ فلم ’’بگل فرام گوتیان‘‘گوتیان اجلاس اور فوجی قیادت میں چینی کمیونسٹ پارتی کی 90ویں سالگرہ کے موقع پر اس سال آرمی ڈے پرریلیز کی جائے گی۔جو یکم اگست کو ہوگا،اس کی کہانی 1929کے اس واقع کے گرد گومتی ہے،جس کا تعلق جنوب مشرقی فوجیان صوبے میں جنم لینے والے انقلابی فوجی دستوں سے ہے، جن کا وہاں اجلاس ہواتھا،ڈائریکٹر چن لی کے مطابق گوتیان اجلاس میںفوج کے انقلابی دور میں سیاسی کام کیلئے راہ متعین کی تھی اور اس طرح فوج پر چینی کمیونسٹ پارٹی کی قیادت کے اصول کو قائم کیا گیا تھا،فلم کی کہانی چینی کمیونسٹ پارٹی اورفوج کے حقیقی جذبات اور مشن کی ترجمانی کرتی ہے اس کا اعلان یہاں بیجنگ کے ایک فلم سیمینار میں کیا گیا ہے۔
چینی کھلاڑی 2022 بیجنگ اولمپکس کے 109ایونٹس میں حصہ لیں گے
اولمپک کیلئے3300کھلاڑی تیاری کررہے ہیں،اولمپک کے تمام وینیوز2020تک مکمل ہوجائیں گے
لائو سانے،سوئٹزرلینڈ(ایچ ایم نیوز)چینی کھلاڑی 2022کے بیجنگ اولمپکس گیمز کے تمام 109ایونٹس میں کامیابی حاصل کرنے کی کوشش کریں گے،ان خیالات کا اظہار انٹرنیشنل اولمپکس کمیٹی (آئی او سی)کے کوارڈینیشن کمیشن کے چیئرمین جوان انتونیو نے آئی او سی کے 134ویں اجلاس میںکیا ہے،انہوںنے کہا کہ وہ کوشش کررہے ہیں کہ چین کے 3300کھلاڑی اولمپکس کے 109ایونٹس کیلئے کوالیفائی کریں ،گزشتہ گیمز میں 3ہزار کھلاڑیوں نے حصہ لیا تھا چین نے 82کھلاڑی جن میں 36مرد اور46عورتیں شامل ہیں،گزشتہ سال پیانگ چانگ گرمائی اولمپکس 2018میں بھیجے تھے، 2014کے سوچی گرمائی اولمپکس میں چینی کھلاڑیوں نے55ایونٹس میں حصہ لیا تھا۔انہوں نے کہا کہ بیجنگ گرمائی اولمپکس کے تمام مقامات2020تک مکمل کرلیے جائیںگے،جبکہ پہلا اتھلیٹ گائوں دسمبرمیں مکمل ہوجائے گا،اور پہاڑی گائوں2021سے قبل مکمل کرلیا جائیگا۔
تائیوان میں 10فیصد افراد بے خوابی کا شکار
ایک سال کے دوران 4.26ملین افراد نے 918ملین خواب آور گولیاں استعمال کیں
گولیاں نیند نہ آنے کا مستقل حل نہیںاجتناب کرنا چاہیے،چیئرمین فارماسسٹ ایسوسی ایشن
تائی پی(ایچ ایم نیوز)تائیوان میں دس فیصد افراد بے خوابی کا شکار ہیں،محکمہ صحت کے اعدادو شمار کے مطابق تقریباً4.26ملین افراد نے ایک سال کے دوران 918ملین خواب آور گولیاں استعمال کیں جن کی مالیت6.73ملین امریکی ڈالر بتائی گئی ہے،یہ اخراجات ہیلتھ انشورنس پروگرام سے کیے گئے،2026میں4.117ملین افراد نے نیند کی گولیاں استعمال کیں اس طرح کل 870ملین نیند کی گولیاں استعمال کی گئیں،تائیوان کے شہریوں میں نیند نہ آنا ایک سنگین مسئلے کی صورت اختیار کرگیا ہے،تائیوان فارماسسٹ ایسوسی ایشن کے چیئرمین گوبورین کا کہنا ہے کہ یہ ایک سنگین مسئلہ ہے نیند کی گولیاں نیند نہ آنے کے مسئلے کیلئے مستقل حل نہیں ہے،اس لیے مریضوں کو گولیاں استعمال کرنے سے اجتناب کرنا چاہیے۔
چلی میںبس حادثہ ،6کان کن ہلاک،34زخمی
2زخمیوں کی حالت نازک ہے،زخمیوں کوفوری طور پر ہسپتال منتقل کردیا گیا
سنتیاگو(ایچ ایم نیوز)شمالی چلی کے علاقے میں ایک مسافر بس الٹنے کے باعث کم ازکم 6کان کن ہلاک اور34زخمی ہوگئے،زخمیوں میں سے2کی حالت نازک ہے،وزارت داخلہ کے مطابق پولیس نے سڑک بند کردی،اور حادثے کی وجوہات معلوم کرنے کیلئے تحقیقات شروع کردی ہیں،تاہم پولیس کا خیال ہے کہ حادثہ بس کے بریک فیل ہونے کے باعث پیش آیا،بس ایک مقامی کان کن کمپنی کے ملازمین کو لے کر جارہی تھی کہ تیزرفتاری کے باعث الٹ گئی،تاہم زخمیوں اور لاشوں کو بس میں سے نکال لیا گیا ہے،زخمیوں کو ہسپتال منتقل کردیا گیا ۔
طالبان نے افغانستان میں 2 امریکی فوجیوں کو قتل کردیا
طالبان نے سیدآباد میںامریکی فوج پر حملہ کیا،ترجمان نیٹو امدادی مشن نے تصدیق کردی
انتہاپسندوں نے امریکی وزیر خارجہ مائیک پومپیو کے خفیہ دورہ کابل کے چند گھنٹے بعد حملہ کیا
کابل(ایچ ایم نیوز)افغانستان میں دو امریکی فوجیوں کو قتل کردیا گیا ہے جس کی سرکاری طور پر تصدیق کی گئی ہے،سرکاری ذرائع نے بتایا ہے کہ وہ اس بات کی تصدیق کرتے ہیں کہ افغانستان میں دو امریکی فوجیوں کو قتل کردیا گیا ہے، نیٹو امدادی مشن کی ترجمان نے کہا کہ وہ اس حادثے کے بارے میں زیادہ تفصیلات فراہم نہیں کرسکتیں،تاہم طالبان نے اپنے ایک بیان میںکہا ہے کہ ان کے انتہاپسندوں نے وردک صوبے کے ضلع سید آباد میں امریکی فوج پر حملہ کیا،جس کے نتیجے میں دو امریکی فوجی ہلاک ہوگئے،یہ حادثہ امریکی وزیر خارجہ مائیک پومپیوکے غیر اعلانیہ دورہ کابل کے چند گھنٹے بعدپیش آیا ہے۔
چین،منشیات سمگلنگ کے الزام میں11افراد گرفتار
34.47کلو گرام ہیروئن برآمد،ملزمان کئی شہروں کے علاوہ بیرون ملک بھی منشیات فروشی کرتے تھے
شی جیا ژوانگ(ایچ ایم نیوز) چین کے شمالی صوبے ہیبی کے شہر شی جیا ژوانگ کی پولیس نے 11مشتبہ افراد کو گرفتار کرکے ان کے قبضے سے34.47کلو گرام ہیروئن برآمد کرلی ہے،یہ ملزمان سرحد پار منشیات سمگلنگ میں ملوث تھے،پولیس نے بائو ڈنگ سے ایک شخص ہو کو گرفتار کیا، جس کے بارے میں پتہ چلا کہ وہ منشیات فروشوں کے ساتھ کاروبار میں ملوث تھا، اور اس نے خود بھی منشیات سمگلنگ کیلئے اپنا گروپ بنا رکھا ہے،وہ ہوبی،یننان،شنزی اور جیلن کے علاوہ بیرون ملک بھی منشیات سمگل کرنے کے دھندے میں ملوث تھا پولیس نے کئی ماہ کی کوشش کے بعد مختلف مقامات سے11افراد کو گرفتار کیا جن کے قبضے سے10ملین یوآن(1.45ملین امریکی ڈالر ) سے زیادہ مالیت کی ہیروئن برآمد کی۔
سنکیانگ میں بجلی کی کل پیداوار 114.04ارب کلو واٹ گھنٹے ہوگئی
سال کے پہلے چار ماہ کے دوران پیداوار بالترتیب12.13اور 3.74ارب کلو واٹ گھنٹے تک پہنچ گئی
ارمچی(ایچ ایم نیوز)چین کے شمال مغربی خودمختار ریجن سنکیانگ یغورکی ہوائی اور شمسی توانائی توانائی کی پیداواراس سال کے پہلے چارماہ کے دوران 2ہندسوں تک پہنچ گئی ہے،یہ تمام کوششیں سبز توانائی کو فروغ دینے کیلئے کی گئیں،جن کے نتیجے میں ہوائی اور شمسی توانائی کی پیداوار بالترتیب 12.13ارب کلوواٹ گھنٹے اور3.74ارب ارب کلو واٹ گھنٹے تک پہنچ گئی،جس میں بالترتیب12.1فیصد اور12.7فیصد کا سالانہ اضافہ ہوا ۔سنکیانگ میں اس سال بجلی کی طلب میں نمایاں اضافہ ہوا ہے،جنوری سے اپریل تک ریجن میں بجلی کی کل پیداوار 9.2فیصد اضافے کے ساتھ114.04ارب کلو واٹ گھنٹے ہوگئی،مقامی حکومت نے نئی توانائی کے استعمال کی حوصلہ افزائی کیلئے کئی اقدامات کیے،سنکیانگ میں توانائی پیدا کرنے کے مزید وسائل بھی موجود ہیں۔
پاکستان میں 68فیصد نوجوان ملکی تقدیر بدلنے کی صلاحیت رکھتے ہیں،عثمان ڈار
ملکی تقدیر نوجوانوں کے ہاتھوں بدلے گی،صحت، روزگار اور اصلاحاتی پروگرام سمیت اکنامک خود مختاری پر کام جاری ہے،نیشنل یوتھ ڈویلپمنٹ فریم نوجوانوں کی تعمیروترقی میں مددگار ثابت ہوگا
وزیراعظم کے معاون خصوصی عثمان ڈار کا ورلڈیوتھ منسٹرز کانفرنس سے خصوصی خطاب
لزبن(ایچ ایم نیوز) وزیراعظم کے معاون خصوصی عثمان ڈار نے کہا ہے کہ ملکی تقدیر نوجوانوں کے ہاتھوں بدلے گی، صحت، روزگار اور اصلاحاتی پروگرام سمیت اکنامک خود مختاری پر کام جاری ہے،نیشنل یوتھ ڈویلپمنٹ فریم نوجوانوں کی تعمیروترقی میں مددگار ثابت ہوگا۔ ورلڈیوتھ منسٹرز کانفرنس سے خصوصی خطاب کرتے ہوئے وزیراعظم کے معاون خصوصی نے کہا کہ پاکستان نوجوانوں کے لیے تیزی سے اصلاحاتی ایجنڈے پر کام کررہا ہے۔انہوں نے کہا کہ موجودہ حکومت نے پہلی بار نوجوانوں کیلئے اسٹریٹیجک روڈمیپ تشکیل دیا، کامیاب نوجوان پروگرام موجودہ حکومت کا لینڈمارک منصوبہ ہے۔عثمان ڈار نے کہا ہے کہ نیشنل یوتھ ڈویلپمنٹ فریم نوجوانوں کی تعمیروترقی میں مددگار ثابت ہوگا، وزیراعظم عمران خان کی قیادت میں نوجوانوں کو بااختیار بنانے پر پوری توجہ ہے۔ان کا مزید کہنا تھا کہ پاکستان میں 68فیصد نوجوان ملکی تقدیر بدلنے کی صلاحیت رکھتے ہیں۔
پاکستان میں غیرملکی سرمایہ کاروں کیلئے وسیع امکانات موجودہیں، نفیس زکریا
پاکستانی ہائی کمشنر کی برطا نوی سرمایہ کاروں کوپاکستان میں موجودمواقع سے زیادہ سے زیادہ استفادہ کرنے کی دعوت
لندن (ایچ ایم نیوز ) برطانیہ میں پاکستان کے ہائی کمشنرمحمدنفیس زکریانے کہاہے کہ پاکستان میں اس کے تذویراتی محل وقوع کی بدولت غیرملکی سرمایہ کاروں کے لئے وسیع امکانات موجودہیں۔انہوں نے یہ بات لندن کے بکنگھم پیلس میں ملکہ الزبتھ کواپنی اسنادِسفارت پیش کرنے کی ایک تقریب کے دوران کہی۔انہوں نے برطانیہ کے سرمایہ کاروں کوپاکستان میں موجودمواقع سے زیادہ سے زیادہ استفادہ کرنے کی دعوت دی۔ہائی کمشنرنے پاکستان کے صدر،وزیراعظم اورعوام کی جانب سے ملکہ الزبتھ، شاہی خاندان ، برطانیہ کی حکومت اورعوام کے لئے نیک خواہشات کااظہارکیا۔اس موقع پرملکہ الزبتھ دوئم نے ہائی کمشنرکابکنگھم پیلس میں پرتپاک استقبال کیا۔ملکہ الزبتھ نے پاکستان اوربرطانیہ کے درمیا ن دوستانہ تعلقات کوسراہتے ہوئے پاکستان کی حکومت اورعوام کے لئے نیک خواہشات کااظہارکیا۔
اسد درانی کی توہین عدالت کی درخواست پر سیکرٹری داخلہ کو نوٹس،جواب طلب
سیکرٹری داخلہ ای سی ایل سے نام نکالنے کی درخواست پر فیصلہ نہیں کررہے، اسد درانی
اسلام آباد(ایچ ایم نیوز) اسلام آباد ہائی کورٹ نے سابق ڈی جی آئی ایس آئی اسد درانی کی توہین عدالت کی درخواست پر سیکرٹری داخلہ کو نوٹس جاری کرتے ہوئے جواب طلب کر لیا ۔ تفصیلات کے مطابق اسلام آباد ہائی کورٹ میں سیکرٹری داخلہ کے خلاف سابق ڈی جی آئی ایس آئی اسد درانی کی توہین عدالت کی درخواست کی سماعت ہوئی۔ ہائی کورٹ نے سیکرٹری داخلہ کو نوٹس جاری کر کے جواب طلب کرلیا۔اسد درانی نے توہین عدالت کی درخواست میں موقف اختیار کیا کہ سیکرٹری داخلہ عدالتی حکم پر عمل درآمد نہیں کررہے۔ عدالت نے کیس کی سماعت دو ہفتے کے لیے ملتوی کردی۔اسد درانی نے وزارت داخلہ میں ای سی ایل سے نام نکلوانے کی درخواست دائر کر رکھی ہے اور اسلام آباد ہائی کورٹ نے سیکرٹری داخلہ کو ایک ماہ میں 27 فروری تک اس درخواست پر فیصلہ کرنے کی ہدایت کی تھی۔
لورالائی، پولیس لائن میں دہشتگردی کا حملہ ناکام، 3 خودکش بمبار ہلاک، ایک اہلکار شہید، ایک زخمی
دو مسلح افراد نے خود کو دھماکہ خیز مواد سے اڑا دیا، ان کا تیسرا ساتھی پولیس کی فائرنگ سے ہلاک ہوا
لورالائی (ایچ ایم نیوز) لورا لائی پولیس لائن پردہشت گردوں کے حملے کے نتیجے میں ایک اہلکار شہید اور ایک زخمیجب کہ جوابی کارروائی میں 3دہشت گرد مارے گئے،دو مسلح افراد نے خود کو دھماکہ خیز مواد سے اڑا دیا جب کہ ان کا تیسرا ساتھی پولیس کی فائرنگ سے ہلاک ہوگیا۔ تفصیلات کے مطابق لورالائی میں پولیس لائن پردہشت گردوں نے حملہ کردیا۔ حملے کے نتیجے میں ایک اہلکار محرررب نوازشہید، دو زخمی جب کہ پولیس کی جوابی کارروائی میں 3 دہشت گرد مارے گئے۔ حملے کے دوران دھماکے کی بھی آوازسنی گئی۔ پولیس اوردہشت گردوں کے درمیان فائرنگ کے تبادلے میں متعدد دہشت گردوں کے داخلے کی اطلاع موصول ہوئی ہے۔پولیس نے پولیس لائن جانے والے راستے سیل کردئیے۔ پولیس لائن میں سیکیورٹی ہائی الرٹ کرنے کے ساتھ جوانوں کی مزید نفری طلب کرلی گئی ہے اس کے علاوہ پولیس اور دیگر قانون نافذ کرنے والے اداروں کے اہلکاربھی پہنچ گئے۔ڈی پی او لورالائی جواد طارق کے مطابق لورالائی میں پولیس کے محکمانہ امتحان کی تیاری جاری تھی کہ اچانک تین مسلح افراد نے پولیس لائن پر حملہ کردیا۔پولیس کے مطابق تینوں مسلح افراد نے پولیس لائن میں داخل ہونے کی کوشش کی، جس پر ڈیوٹی پر موجود اہلکاروں نے انہیں روکنے کی کوشش کی اور اس دوران مسلح افراد نے فائرنگ شروع کردی۔ پولیس کی جانب سے مزاحمت پر دو مسلح افراد نے خود کو دھماکہ خیز مواد سے اڑا دیا جب کہ ان کا تیسرا ساتھی پولیس کی فائرنگ سے ہلاک ہوگیا۔فائرنگ کے نتیجے میں ایک پولیس اہلکار شہید اور ایک زخمی ہوگیا۔دہشتگردوں کے خلاف آپریشن کے دوران پولیس اور دیگر قانون نافذ کرنے والے اداروں کے اہلکار بھی جائے وقوعہ پر پہنچے۔ ڈی پی او لورالائی کے مطابق پولیس لائن اور اطراف کے تمام راستےآمد ورفت کیلئے سیل کر دیے گئے، واقعے کے بعد بم ڈسپوزل اسکواڈ کی ٹیم کو بھی طلب کیا گیا تاہم صورتحال معمول پر ہے۔
پاکستان کااقوام متحدہ کے فلسطینی پناہ گزینوں کے امدادی ادارے کی مالی معاونت کے عزم کا اظہار
فلسطین کی امداد اورتعمیرات کے ادارے کی رضاکارانہ امداد کر یں گئے، ڈاکٹر ملیحہ لودھی کا اقوام متحدہ میں اظہارخیال
نیویارک (ایچ ایم نیوز ) پاکستان نے اقوام متحدہ کے فلسطینی پناہ گزینوں کے امدادی ادارے کی مالی معاونت کا عزم ظاہر کرتے ہوئے کہا ہے کہ فلسطین کی امداد اورتعمیرات کے ادارے کی رضاکارانہ امداد کر یں گئے ۔اقوام متحدہ میں پاکستان کی مستقل مندوب ملیحہ لودھی نے نیویارک میں ایک کانفرنس میں اظہارخیال کرتے ہوئے فلسطینی پناہ گزینوں کے امداد سے متعلق کانفرنس دوہزارانیس میں فلسطینیوں کی امداد کے عزم کااعادہ کیا۔انہوں نے کہاکہ پاکستان اقوام متحدہ کے سربراہ کی اپیل کی حمایت کرتاہے اوروہ فلسطین کی امداد اورتعمیرات کے ادارے کی رضاکارانہ امداد کرے گا۔ملیحہ لودھی نے امیدظاہرکی کہ فلسطینی پناہ گزینوں کی اپنے گھروں کوواپسی سے فلسطینی ریاست کے قیام کی امیدروشن ہوگی۔
اے پی سی کی ناکامی کے بعد مولانا صاحب خود کو دین کی خدمت کے لیے وقف کر دیں، فردوس عاشق اعوان
حکومت کو اپوزیشن سے کوئی خطرہ نہیں بلکہ اپوزیشن کو اپوزیشن سے خطرہ ہے، معاون خصوصی کا بیان
اسلام آباد (ایچ ایم نیوز) وزیر اعظم کی معاون خصوصی برائے اطلاعات فردوس عاشق اعوان نے کہا ہے اے پی سی کی ناکامی کے بعد مولانا صاحب خود کو دین کی خدمت کے لیے وقف کر دیں،حکومت کو اپوزیشن سے کوئی خطرہ نہیں بلکہ اپوزیشن کو اپوزیشن سے خطرہ ہے۔ بدھ کو سماجی رابطے کی ویب سائٹ ٹویٹر پر معاون خصوصی برائے اطلاعات و نشریات فردوس عاشق اعوان نے اپنے بیان میں کہا اے پی سی کی شاہکار فلم سکرین پر آنے سے پہلے ہی اتر گئی ۔ مفادات کی قیدی قیادت ہر مرتبہ مولانا کو بلا کر ان کی کرسی کھینچ لیتی ہے۔ مولانا صاحب سے دلی ہمدردی ہے کیونکہ اپوزیشن کے ناتواں کندھے ان کی سیاسی محرومی کا بوجھ اٹھانے کو تیار نہیں۔ انہوں نے کہا حکومت کو اپوزیشن سے کوئی خطرہ نہیں،اپوزیشن کو اپوزیشن سے خطرہ ہے۔اے پی سی کاٹھ کی ہنڈیا ہے، بیچ چوراہے پھوٹے گی۔مولانا فضل الرحمان کے اس منصوبے کا نتیجہ وہی نکلے گا جو ان کے الیکشن ایڈونچر کا نکلا تھا۔ فردوس عاشق اعوان نے کہا اے پی سی کی ناکامی کے بعد مولانا صاحب آئندہ چار سال کے لیے خود کو صرف دین کی خدمت کے لیے وقف کر دیں۔
ڈالر کی قیمت میں 4 روپے 2 پیسے اضافہ ، ملکی تاریخ کی بلند ترین سطح 161 روپے پر پہنچ گیا
ڈالر مہنگا ہو نے سے پاکستان پر غیرملکی قرضوں کے حجم میں ایک ہزار ارب روپے سے زائد اضافہ ہوگیا ، ترقیاتی منصوبوں کی لاگت بھی بڑھ گئی ہے
تیل کی ادائیگیوں اورامپورٹ بل نے روپے پر شدید دبا وبڑھادیا،ایکسچینج کرنسی ایسوسی ایشن
کراچی(ایچ ایم نیوز) انٹر بینک مارکیٹ میں ڈالر مزید 4 روپے 2 پیسے مہنگا ہونے کے بعد ملکی تاریخ کی بلند ترین سطح 161 روپے پر پہنچ گیا ۔ تفصیلات کے مطابق روپے کی قدر میں مسلسل کمی کا سلسلہ جاری ہے اور ڈالر تیزی کے ساتھ ڈبل سنچری کی جانب گامزن ہے، بدھ کو انٹربینک مارکیٹ میں ڈالر مزید 4 روپے 2 پیسے مہنگا ہوگیا جس کے بعد ڈالر کی قیمت 161 روپے کی نئی بلند ترین سطح پر پہنچ گئی ہے۔اوپن مارکیٹ میں گزشتہ ایک ماہ کے دوران ڈالر کی قیمت تقریبا 7 روپے بڑھ گئی جب کہ رواں ماہ انٹربینک میں ڈالر 8 روپے 8 پیسے مہنگا ہوا، روپے کی قدر کم ہونے سے جون کے مہینے میں قرضوں کی مالیت میں 800 ارب روپے کا اضافہ ہوا ہے۔واضح رہے کہ گزشتہ چند ماہ کے دوران ڈالر 10 روپے سے زیادہ مہنگا ہوا ہے جس کے باعث پاکستان پر غیرملکی قرضوں کے حجم میں ایک ہزار ارب روپے سے زائد اضافہ ہوگیا ہے جبکہ ترقیاتی منصوبوں کی لاگت بھی بڑھ گئی ہے۔ روپے کی قدرمیں کمی کی وجہ مختلف ادائیگیاں ہیں۔ پٹرولیم مصنوعات اور دیگر درآمدی اشیا کی ادائیگیوں کی وجہ سے روپے پر دباوپڑا ہے۔ایکسچینج کرنسی ایسوسی ایشن کے مطابق تیل کی ادائیگیوں اورامپورٹ بل نے روپے پر شدید دبا وبڑھادیا ہے جسکی وجہ سے ڈالر مسلسل مہنگا ہورہا ہے۔کرنسی مارکیٹ ذرائع کے مطابق آئی ایم ایف سے پاکستان کے معاہدے کی خبروں کے بعد روپے پر دباو کے باعث ڈالر مہنگا ہوا ۔ پاکستان کے آئی ایم ایف سے معاہدے کے بعدروپے کے مقابلے میں ڈالر کی قیمت میں اضافے کی خبریں گردش کررہی تھیں ۔
اداکار کمال راشد خان نے کترینہ کی کامیابی کا سہرا اکشے کے سر باندھ دیا
ممبئی (ایچ ایم نیوز) بالی ووڈ کے اداکار کمال راشد خان نے کترینہ کیف کی کامیابی کا سہرا سلمان خان کے بجائے اکشے کمار کے سر باندھ دیا۔کمال راشد خان نے اپنی ٹویٹ میں سلمان خان پر تنقید کرتے ہوئے کہا ہے کہ میڈیا کہتا ہے کہ کترینہ کیف کو بنانے میں سلمان خان کا ہاتھ ہے، درحقیقت ایسا کہنا اکشے کمار اور ہدایت کار راج کنور کے ساتھ 100 فیصد ناانصافی ہوگی کیوں کہ یہ وہ لوگ ہیں جنہوں نے کترینہ کیف کو فلم ہم کو دیوانہ کرگئی میں متعارف کروایا تھا۔کمال راشد نے یہ بھی کہا کہ اکشے کمار نے ٹوئنکل کھنہ کی جانب سے پابندی عائد کرنے تک کترینہ کیف کو بہت سی فلمیں دیں۔ انہوں نے اکشے کمار کی فلموں کا حوالہ دیتے ہوئے کہا کہ اکشے کمار اب تک کترینہ کے ساتھ 8 فلمیں کرچکے ہیں اور ان کی آٹھویں فلم سوریا ونشی ہے تو اس کا مطلب یہ ہے کہ اکشے کمار ہی کترینہ کے لیے اصل گاڈ فادر ہوئے یہاں تک کہ کترینہ نے خود سلمان خان کے شو میں اکشے کمار کو والد کی طرح قرار دیا تھا۔ واضح رہے کہ روہت شیٹھی ہدایت کاری میں بننے والی فلم سوریا ونشی میں اکشے کمار اور کترینہ کیف مرکزی کردار ادا کر رہے ہیں۔ فلم اگلے سال 27 مارچ کو سنیما گھروں کی زینت بنے گی۔
رنویر سنگھ نے دپیکا کو اچھی سندھی بہو قرار دیدیا
ممبئی (ایچ ایم نیوز) بالی ووڈ اداکار رنویر سنگھ نے اپنی اہلیہ اداکارہ دپیکا کو اچھی سندھی بہو قرار دیتے ہوئے ان کی تعریف کی ہے۔ بھارتی میڈیا کے مطابق دپیکا پڈوکون نے انسٹاگرام پر سفید لباس میں اپنی تصاویر شیئر کیں، جن پر ان کے مداحوں سمیت ان کے شوہر رنویر سنگھ نے بھی کمنٹس کیے اور ان کی جانب سے کیے گئے کمنٹس سب کی توجہ کا مرکز بن گئے۔ رنویر سنگھ نے اہلیہ کی سفید لباس کی تصاویر کی تعریف کرتے ہوئے جہاں انہیں اچھی سندھی بہو قرار دیا، وہیں ان سے شکوہ بھی کیا کہ ان کے ڈمپلس ان کا دل لے گئے۔ساتھ ہی انہوں نے اپنی اہلیہ کے لباس کی سندھی زبان میں بھی تعریف کی۔ رنویر سنگھ نے دپیکا پڈوکون کی ایک تصویر پر کمنٹس کرتے ہوئے انہیں اچھی سندھی بہو قرار دیا، تو ان کی دوسری تصویر پر لکھا کہ ان کے ڈمپلس ان کا دل لے گئے ۔اسی طرح رنویر سنگھ نے دپیکا پڈوکون کی ایک اور تصویر پر کمنٹ کرتے ہوئے ان کی لباس کی تعریف کی اورسندھی میں لکھا کہ ھی پتلون ڈاڈھو سٹھو آھے ( یہ پتلون بہت ہی اچھی ہے)۔
سنجے بھنسالی نہیں اپنی محنت سے فلم میں کام ملا‘ شرمین سیگل
ممبئی (ایچ ایم نیوز) نئی ابھرتی بھارتی اداکارہ شرمین سیگل کا کہنا ہے کہ انہیں ا پنے ماموں اور بھارت کے مشہور ہدایتکار سنجے لیلا بھنسالی کی وجہ سے نہیں بلکہ خود اپنی محنت سے فلم میں کام ملا ہے۔ بھارتی میڈیا رپوٹ کے مطابق سنجے لیلا بھنسالی کی بھانجی شرمین سیگل کا کہنا ہے کہ وہ سنجے لیلا کی بھانجی ضرور ہیں مگر انہوں نے آج تک فلم انڈسٹری میں اپنے ماموں کی با اثر شخصیت سے فائدہ نہیں اٹھایا ۔اگلے ماہ 9 جولائی کو ریلیز ہونے والی فلم ملال کی ہیروئن کا کہنا ہے کہ فلم انڈسٹری میں قدم رکھنے سے پہلے وہ کافی موٹی تھیں، انہوں نے اپنا وزن کئی کلو گرا کر خود کو فٹ کیا ہے، یہ فلم ان کی محنت کا نتیجہ ہے۔ شرمین سیگل کا کہنا ہے کہ انہیں کیرئر کے شروع میں کافی مشکلات اور تنقید کا سامنا کرنا پڑا ، لوگ سمجھتے ہیں انہیں سفارش سے فلم میں کام ملا ہے، اور وہ ان سب کو اپنی بہترین اداکاری سے ان کی تنقید کا جواب دینا چاہتی ہیں۔ واضح رہے کہ بھارتی فلم انڈسٹری کو متعدد بلاک بسٹر فلمیں دینے والے سنجے لیلا بھنسالی فلم ملال کے پروڈیوسر ہیں ۔ شرمین سیگل کی والدہ بیلا سیگل بھی فلم انڈسٹری میں کام کر چکی ہیں، انہوں نیفلم بلیک اور دیوداس میں فلم ایڈیٹر کے طور پر کام کیا تھا جبکہ فلم شیریں فرہاد کی تو نکل پڑی میں ہدایتکاری بھی دے چکی ہیں۔
محسن عباس حیدر بہت جلد اپنے نئے گانے ریلیز کرینگے
لاہور (ایچ ایم نیوز) اداکار و گلوکار محسن عباس حیدر بہت جلد اپنے نئے گانے ریلیز کرنے جارہے ہیں۔ میڈیا سے بات کرتے ہوئے محسن عباس حیدر نے انکشاف کیا کہ وہ چند نئے گانوں پر کام کررہے ہیں جنہیں وہ جلد ریلیز کریں گے۔ گلوکار کا کہنا تھا کہ میوزک پر کام جاری ہے، لیکن اس میں وقت لگ رہا ہے، کیوں کہ سب مجھے ملٹی ٹاسکر کہتے ہیں اور یہ بھی کہتے ہیں کہ میں کئی کاموں میں ماہر ہوں، اس لیے میں کئی اور پروجیکٹس سے جڑا ہوا ہوں۔ اپنے آنے والے نئے گانوں کے حوالے سے محسن عباس کا کہنا تھا کہ 'میں اس وقت ایک پنجابی رومانوی صوفی گانے پر کام کررہا ہوں، اس کے علاوہ ایک نہایت شاندار اردو گانا بھی ہے جو یقینا ہر شادی میں بجایا جائے گا۔ محسن عباس فلمز 'نامعلوم افراد' اور 'لوڈ ویڈنگ' کے لیے گانوں کی گلوکاری کرچکے ہیں جبکہ انہوں نے یہ گانے کمپوز بھی کیے۔ اس حوالے سے محسن کا کہنا تھا کہ 'میں اپنے گانے خود لکھتا اور کمپوز کرتا ہوں، بے پرواہ میرا پہلا گانا تھا، اسے میرے انکل ریاض انجم صاحب نے تحریر اور کمپوز کیا، اس کے بعد سے اب تک جتنے بھی میرے گانے فلموں کا حصہ بنے، میں نے خود لکھے اور کمپوز کیے۔ محسن عباس حیدر نے یہ تو نہیں بتایا کہ وہ اپنے گانے کب ریلیز کررہے ہیں تاہم گلوکار کے مطابق یہ سب کو یقینا محظوظ کریں گے۔
حقیقی زندگی میں سلطان میں نہیں میرے والد ہیں‘ سلمان خان
ممبئی (ایچ ایم نیوز) بالی ووڈ کے سلطان سلمان خان نے بتادیا کہ حقیقی زندگی میں سلطان وہ نہیں بلکہ ان کے والد ہیں۔حال ہی میں سلمان خان نے انسٹاگرام پر ایک ویڈیو شیئر کی ہے جس میں ان کے والد سلیم خان ماضی کا مقبول گیت سہانی رات ڈھل چکی گاتے نظر آرہے ہیں جب کہ سلمان خان بھی اپنے والد کی آواز میں آواز ملاتے نظر آرہے ہیں۔ یہ ویڈیو شیئر کرتے ہوئے سلمان خان نے بتایا کہ ان کی فیملی کے اصل سلطان اورٹائیگر ان کے والد ہیں۔ گزشتہ روزشیئر کی گئی اس ویڈیو کو اب تک 24 لاکھ سے زائد بار دیکھا جاچکا ہے۔
ویر زارا میں رانی مکھرجی کا کردار ٹھکرا دیا تھا‘ اداکارہ نادیہ جمیل
کراچی (ایج ایم نیوز) نامور اداکارہ نادیہ جمیل نے انکشاف کیا ہے کہ بالی ووڈ کے ہدایت کار یش چوپڑا نے انہیں اپنی فلم ویر زارا میں رانی مکھرجی کا کردار ادا کرنے کی آفر دی، تاہم انہوں نے اس کردار کو نبھانے سے انکار کردیا۔ ایک انٹرویو میں نادیہ جمیل نے بتایا کہ انہوں نے اپنے کیریئر کے بہترین دور میں بالی ووڈ کی کامیاب فلم 'ویر زارا' کے ہدایت کار یش چوپڑا سے ملاقات کی تھی۔انہوں نے انکشاف کیا کہ ہدایت کار یش چوپڑا نے انہیں فلم 'ویر زارا' میں بولی وڈ کنگ شاہ رخ خان کے ساتھ کام کرنے کی آفر دی تھی۔ نادیہ جمیل نے بتایا کہ یش چوپڑا نے انہیں فلم میں رانی مکھرجی کا کردار ادا کرنے کی آفر دی، تاہم انہوں نے اس کردار کو نبھانے سے انکار کردیا۔ اس حوالے سے اداکارہ کا کہنا تھا کہ 'میرے کیریئر کا خاص حصہ وہ تھا جب میری ملاقات یش چوپڑا سے ہوئی، ویر زارا بننے ہی والی تھی، میری امی میرے ساتھ تھیں اور وہ میرے دو ماہ کے بیٹے کی دیکھ بھال کر رہی تھیں، لیکن مجھے اس وقت ایسا لگا کہ اگر میں ابھی اس راہ پر چل پڑی تو پھر مجھے اس کی عادت ہوجائے گی اور پھر میں اسے چھوڑ نہیں پائوں گی، اس وقت میں نے سوچا کہ یا دو میں ایک ماں بن جائوں یا پھر اداکارہ، اس لیے میں نے اس کردار کو ٹھکرا دیا، لیکن اس موقع پر میں یش چوپڑا اور ان کی فیملی سے کافی قریب ہوگئی۔
آکسفورڈ ڈگری فیملی و قوال گھرانے کے نام کرتا ہوں، گلوکار سے زیادہ خود کو قوال کہلوانا زیادہ پسند ہے‘ راحت فتح علی
لاہور/لندن (ایچ ایم نیوز) عالمی شہرت یافتہ گلوکار و قوال راحت فتح علی خان کا کہنا ہے کہ میں بنیادی طور پر ایک قوال ہوں اور مجھے گلوکار سے زیادہ خود کو قوال کہلوانا زیادہ پسند ہے‘ ڈگری اپنی فیملی، قوال گھرانے اور اپنی ٹیم کے نام کرتا ہوں۔ میڈیا سے گفتگو کرتے ہوئے استاد راحت فتح علی خان نے کہا کہ برِصغیر پاک و ہند میں قوالی کا فن تقریبا چھ سو سال پرانا ہے، جو پشت در پشت منتقل ہوتا ہوا ہم تک پہنچ رہا ہے، پاکستان میں استاد نصرت فتح علی خان نے فن قوالی کو پوری دنیا میں نئے رنگ اور منفرد انداز سے متعارف کروایا ان کے والد فتح علی خان کی فنی خدمات بھی کسی سے پوشیدہ نہیں ہیں۔ راحت فتح علی خان نے یہ بھی کہا کہ استاد نصرت فتح علی خان کے انتقال کے بعد میں اپنے ملک اور خاندان کا نام پوری دنیا میں روشن کررہا ہوں،اسی وجہ سے مجھے موسیقی میں ڈاکٹریٹ کی ڈگری دی جارہی ہے، میں بنیادی طور پر ایک قوال ہوں اور مجھے گلوکار سے زیادہ خود کو قوال کہلوانا پسند ہے۔ گلوکار نے کہا کہ صوفیانہ کلام میری روح میں بسا ہوا ہے، قوالی ہمارا خاندانی کام ہے اور قوالی کا فن کبھی ماند نہیں پڑا، قوالی ایک مقبول عوامی میوزک ہے، تا قیامت درگاہوں اور درباروں میں قوالی کی محفلیں ہوتی رہیں گی، یہ صدیوں پرانا فن ہے، آئندہ چند برس میں فنِ قوالی کو مزید عروج ملے گا۔ بین الاقوامی شہرت یافتہ گلوکار نے کہا کہ آج کے دور کے گانوں میں جو صوفیانہ رنگ نظر آتا ہے، وہ قوالی کی مرہون منت ہے، جس فلم میں بھی قوالی شامل کی جاتی ہے وہ فلم سپرہٹ ثابت ہوتی ہے، انگریز کو قوالی بہت پسند ہے وہ ہماری ثقافتی موسیقی کو بے انتہا چاہتے ہیں۔ واضح رہے کہ برطانیہ کی مشہور آکسفورڈ یونیورسٹی کی جانب سے بدھ 26 جون کو لندن میں قوالی اور موسیقی میں نمایاں خدمات انجام دینے پر استاد راحت فتح علی خاں کو ڈاکٹریٹ کی اعزازی ڈگری سے نوازا گیا ۔ اس موقع پر مختلف شعبہ ہائے زندگی سے تعلق رکھنے والی اہم شخصیات نے شرکت کی۔
آکسفورڈ یونیورسٹی کے چانسلر کا راحت فتح علی خان کے اعزاز میں عشائیہ
لندن (ایچ ایم نیوز) آکسفورڈ یونیورسٹی لندن کے چانسلر کی جانب سے استاد راحت فتح علی خان کے اعزاز میں عشائیہ دیا گیا۔اس موقع پر ان کے بزنس ڈائریکٹر سلمان احمد بھی موجود تھے۔استاد راحت فتح علی خان نے آکسفورڈ یونیورسٹی لندن کے چانسلر کا شکریہ ادا کیا۔اس موقع پر راحت فتح علی خان کا کہنا تھا کہ انسان اگر سچی لگن اور محنت سے کسی بھی شعبے میں کام کرے تو ایک دن بڑی کامیابی ضرور حاصل ہوتی ہے۔ انہوں نے کہا کہ قوالی کا فن دنیا کے چپے چپے میں مقبول ہورہا ہے۔ہمارے خاندان نے اس فن کی آبیاری میں کئی سال لگائے۔6 سو سال سے ہم قوالی گار ہے ہیں۔
روسی صدر اس سال اسرائیل کا دورہ کریں گے
دونوں ممالک کے درماین تعلقات کو فروغ دینے کے معاہدوں پر دستخط ہونگے،اسرائیلی وزیراعظم
یروشلم(ایچ ایم نیوز)روس کے صدر ولادی میر پوٹن اس سال کے آخر میں اسرائیل کا دورہ کریں گے اس دورے کے دوران دونوں ممالک کے درمیان تعلقات کو مزید فروغ دینے کے معاہدوں پر بھی دستخط ہونگے،ان خیالات کا اظہار اسرائیل کے وزیراعظم بنجمن نیتن یاہونے گزشتہ روز کیا ہے،انہوں نے کہا کہ روسی صدر اس سال کے آخر میں دورہ کریں گے۔
پاناما سے گوشت کی پہلی کھیپ چین برآمد
نئے دوطرفہ تجارتی معاہدے کے تحت چین بھیجا گیا یہ پہلا کنٹینر ہے
پاناما(ایچ ایم نیوز)پاناما سے گوشت کی پہلی کھیپ چینبرآمد کی گئی ہے،چین اور پاناما کے درمیان نئے دوطرفہ تجارتی معاہدے کے تحت یہ پہلا کنٹینر ہے جو گوشت لے کر چین پہنچا ہے،پاناماکے صدر جوانگ کارلس وریلا میں بتایا ہے کہ چین کوآئندہ18ماہ کے دوران پانچ ہزار ٹن گوشت بھیجا جائیگا۔جس کی مالیت2 5ملین امریکی ڈالر سے زیادہ ہے،پہلا کنٹینر بھیجنے کے موقع پرپاناما کے جنوب مغربی صوبے لاس سنتوس میں خصوصی تقریب منعقد کی گئی جس میںگوشت برآمد اور پیک کرنے والوں نے خاص طورپر شرکت کی اس موقع پر صدر نے بھی خطاب کیا،پاناما چین کو گوشت فراہم کرنے والا دوسرا ملک ہے دونوں ممالک کے درمیان 13جون2017کو سفارتی تعلقات قائم ہوئے تھے تقریب میں چینی سفیر بھی موجود تھے۔
گیارواں شنزن کارٹون فیسٹیول شنزن میں اختتام پذیر
فیسٹیول ہر سال موسم گرما میں منعقد ہوتا ہے،آغاز2009سے ہوا تھا
شنزن(ایچ ایم نیوز)گیارواں شنزن کارٹون فیسٹیول گزشتہ روز شنزن کنونشن ونمائش مرکز میں ختم ہوگیا،یہ چین کے چاربڑے فیسٹیولز میں سے ایک ہے،جو چین کے جنوبی صوبے گوانگ ڈانگ میں ہر سال موسم گرما میں منعقد ہوتا ہے،اس فیسٹیول کا آغاز 2009میں ہوا تھا،جس میں کارٹون اور ساکن تصاویری کمپنیاں اور شائقین شرکت کرتے ہیں، اس سال یہ فیسٹیول تین ہالز میں منعقدہوا جس میں شہریوں نے گہری دلچسپی کا اظہار کیا۔
ہیبی میں6346افراد گرفتار،4.45ٹن منشیات برآمد
ملزمان کے خلاف6094مقدمات درج ،منشیات تیار کرنے والی11فیکٹریاں تباہ
ووہان(ایچ ایم نیوز)چین کے مرکزی صوبے ہوبی کی پولیس نے گزشتہ سال کے دوران6346مشتبہ افراد کو گرفتار کرکے4.45ٹن منشیات برآمدکرلی ہیں اور اس سلسلے میں ملزمان کے خلاف6094مقدمات درج کیے ہیں۔ مقامی حکام کے مطابق پولیس نے منشیات کے 136مقدمات درج کیے اور اس سلسلے میں منشیات کے 226افراد کو منشیات تیار اور سمگل کرنے کے الزام میں گرفتارکیا،صوبائی حکومت نے منشیات کی11فیکٹریاںتباہ کردیں اور اس کے دوران62.2ٹن منشیات میں استعمال ہونے والا کیمیکل بھی قبضے میں لے لیا،جوکہ31ہزارافراد استعمال کرتے تھے،11ہزار افراد کو بحالی مراکز میں بھیج دیا گیا ہے،جبکہ منشیات کے ایک لاکھ پودے بھی تباہ کردیے گئے ہیں پولیس نے2018کے دوران 12ہزار ایسے مقامات پر چھاپہ مارا جہاں منشیات استعمال کی جاتی تھیں۔
چینی صدر شی کا چین افریقہ رابطہ کار اجلاس کے نام تہنیتی پیغام
چین افریقی ممالک کے ساتھ تعلقات کوبڑی اہمیت دیتاہے،صدر شی جن پھنگ
بیجنگ(ایچ ایم نیوز)چین کے صدر شی جن پھنگ نے چین افریقہ تعاون فورم میں طے کیے گئے،اقدامات کے نفاذ کیلئے رابطہ کاروں کے اجلاس کے نام مبارکباد کا پیغام ارسال کیا ہے۔صدر شی نے اپنے تہنیتی پیغام میں کہا ہے کہ وہ افریقی ممالک کے ساتھ تعلقات کوبڑی اہمیت دیتے ہیں،چین افریقہ تعاون فورم میں جن اقدامات پر اتفاق ہوا ہے ان کے نفاذ کیلئے رابطہ کاروں کا اجلاس انتہائی اہمیت کا حامل ہے،میں اس اجلاس کے انعقاد اور شرکاء کو دلی مبارکباد پیش کرتاہوں۔
امریکہ ،7موٹر سائیکل سواروں کو کچلنے والا پک اپ ڈرائیور گرفتار
23سالہ ملزم کو اس کے گھر سے گرفتار کرکے مقدمہ قائم کردیا گیا ہے،پولیس ذرائع
واشنگٹن(ایچ ایم نیوز)امریکی ریاست نیو ہمپ شائر میں 7موٹر سائیکل سواروں کو کچل کر ہلاک کرنے والے پک اپ ڈرائیور کو گرفتارکرلیا گیا ہے، اور اس کے خلاف مقدمہ درج کردیا گیا ہے،23سالہ ولادی میرزوکووسکی کو پولیس نے گزشتہ روز اس کے گھر سے گرفتار کیا،اور اسے اٹارنی جنرل آفس میں پیش کردیا۔گرفتاری کے بعد ڈرائیورکا کہنا تھا کہ یہ واقع ایک بڑا حادثہ تھا،مجھے بہت صدمہ ہوا ہے لیکن یہ اتنی جلدی ہوگیا،میں پولیس کے ساتھ تعاون کررہا ہوں میں ذہنی طورپر بھی تکلیف محسوس کرتا ہوں۔یاد رہے کہ یہ حادثہ نیوہمپ شائر کی دو رویا شاہراہ پر پیش آیا،جس میں ایک پک اپ نے7موٹر سائیکل سواروں کو کچل دیا۔
افغانستان ،طالبان نے تخار میں پل بارودی مواد سے اڑا دیا
صوبہ فاریاب کے ضلع بل چراغ پر طالبان کا حملہ پسپا،انتہاپسند فرار ہونے پر مجبور
تالکان(ایچ ایم نیوز)طالبان انتہاپسندوں نے افغانستان کے شمالی صوبے تخار میں ایک پل کو بارودی مواد سے اڑا دیا، جس سے تالکان شہر کا سینکڑوں دیہات کے ساتھ رابطہ منقطہ ہوگیا،صوبائی پولیس ترجمان عبدالخلیل اثر کے مطابق طالبان کے گروپ نے چنزئی کے علاقے میں ایک بڑے پل کو بارودی مواد سے اڑا دیا،جس کے نتیجے میںصوبائی دارالحکومت تالکان شہر کا سینکڑوں دیہات سے رابطہ کٹ گیا ہے،مقامی ذرائع کے مطابق ان علاقوں کے لوگو ں کوکئی گھنٹے کا مزید سفر طے کرکے تالکان شہر جانا ہوگا۔اس سے قبل طالبان قندھار اور تخار صوبوںکے کم ازکم تین بڑے پل تباہ کرچکے ہیں۔دریں اثناء سرکاری فورسز نے صوبہ فاریاب کے ضلع بل چراغ پر طالبان کا حملہ پسپا کردیا، اور شہر پر قبضہ کرنے کی طالبان کوشش ناکام بنادی ہے۔صوبائی حکومت نے اپنے ایک بیان میں کہا ہے کہ سیکیورٹی فورسز نے گزشتہ روزعلاقے میںفضائی اور زمینی اپریشن شروع کیا جس کے نتیجے میں انتہاپسندوںکوفرار ہونے پر مجبور کردیا گیا ۔اب یہاں امن وامان قائم رکھنے کیلئے پولیس موجود ہے۔ تاہم سرکاری اعلان میں جانی نقصان کے بارے میںکچھ نہیں بتایاگیا،طالبان اس علاقے پر قبضہ کرنے کیلئے دو سال سے جدوجہد کررہے ہیں۔
بھارتی ریاست جھاڑ کھنڈ میں بس حادثہ 6افراد ہلاک،39زخمی
نئی دہلی(ایچ ایم نیوز)بھارت کی مشرقی ریاست جھاڑکھنڈ میں ایک تیز رفتار بس بے قابو ہوکرسڑک کے کنارے باڑ میں جالگی،جس کے نتیجے میں کم از کم6افراد ہلاک اور39زخمی ہوگئے،حادثے کی اطلاع ملتے ہی پولیس موقع پر پہنچ گئی،لاشوں کوگاڑی سے باہرنکالا اور زخمیوں کو ہسپتال منتقل کیا ،مزید تحقیقات جاری ہیں۔
عراق ، داعش ٹھکانوں کے خلاف کاروائی،5انتہاپسند ہلاک
فضائی کاروائی میں 4گاڑیاں بھی تباہ کردی گئیں،ترجمان مشترکہ کمانڈ اپریشن
بغداد(ایچ ایم نیوز)امریکی قیادت میں اتحادی جنگی طیاروںنے گزشتہ روز مغربی عراق میںداعش انتہاپسندوں کے ٹھکانوں کو نشانہ بنایاجس کے نتیجے میں کم از کم 5دہشتگرد ہلاک ہوگئے،یہ کاروائی امبار صوبے میں انٹیلی جنس رپورٹوں کی بنیاد پر کی گئی،جنگی طیاروںنے القاسم قصبے کے قریب بھی کاروائی کی،مشترکہ کمانڈ اپریشن کے ترجمان نے بتایا ہے کہ اس کاروائی کے دوران پانچ انتہاپسند ہلاک ہوگئے،جبکہ چار گاڑیاں تباہ کردی گئیں،کاروائی شام ،اردن اور سعودی عرب کی سرحدوں کے ساتھ کی گئی
امانت راہی اور رانی کی نیو ڈیوٹ ''بولیاں ''کی عکسبندی مکمل
لاہور(ایچ ایم نیوز) )امانت راہی اور رانی کی نیو ڈیوٹ ''بولیاں ''کی عکسبندی مکمل۔تفصیلات کے مطابق بائو پروڈکشن کے بینر تلے معروف گلوکار اور گلوکارہ رانی کی آواز میں نئی بولیا ں ''عشق تیرے نے پاگل کیتا''کی عکسبندی مکمل کر لی گئی ان بولیوں کو جلد ردنیا بھر میں ریلیز کر دیا جائے گا ،ویڈیو ڈائریکٹر بائو اصغر اورماڈلنگ صنم جان اور مرتضی ریمبو نے کی ہے جبکہ کیمرہ مین مدثر ناز ہے۔ایک ملاقات میں امانت راہی نے بتایا کہ ہماری نئی ثقافتی بولیاں ایک نئے انداز میں سننے کو ملے گی اور ہماری یہ بولیاںبے حد عوامی مقبولت حاصل کرینگی ۔
الحمر ا 3میں پروگرام ''عینک والا جن''میں میگھا کی خصوصی شرکت
لاہور(ایچ ایم نیوز) الحمر ا 3میں پروگرام ''عینک والا جن''میں میگھا کی خصوصی شرکت۔تفصیلات کے مطابق الحمرا ہال نمبر 3 لاہور میں حفیظ پاشا کامسلسل 10سال سے ہر اتوار کو پیش کیا جانے والا پروگرام ''عینک والا جن''میں میگھا کی گزشتہ روز چیف گیسٹ کے طور پر شرکت اور دیگر مہمانوںمیں معروف بیوٹیشن روبی شہزاد ،رائٹر و ڈائریکٹر ڈاکٹر اجمل ملک ،معروف گلوکار ناصر براج ودیگر نے شرکت کی اس موقع پر میگھا کی شرکت کی خوشی میں کیک کاٹا گیا اورناصر بشیر نے میگھا کو اپنی کتاب کا مجموعہ پیش کیا ،اس موقع پرمیگھا نے میڈیا سے گفتگو کرتے ہوے کہا کہ پروگرام می ''عینک والا جن''میں بچوں کی کثیر تعداد میں شرکت دیکھ کر اپنا بچپن یاد آگیا دلی خوشی ہوئی کہ پروگرام ''عینک والا جن'' آج بھی اتنا مقبول ہے ،انہوں مزید کہا کہ ایسے پروگرام ہماری ثقافت کو اجاگر کرنے میں اہم کردار ادا کرتے ہیں مزید ایسے پروگرام پیش کرنے کی ضرورت ہے جن کو دیکھنے کیلئے فیملیزآئے ۔
حسد ایک ایسا روگ ہے جس کا کوئی علاج نہیں ،فرح ناز
فحاشی پھلانے سے کوئی فنکار نہیں بن سکتا فنکار فنی صلاحیتوں سے بنتا ہے،گفتگو
لاہور(ایچ ایم نیوز)حسد ایک ایسا روگ ہے جس کا کوئی علاج نہیںجو کہ اس وقت ہر شعبہ میں پایا جاتا ہے مگر ہماری شوبز انڈسٹری میں تو کچھ زیادہ ہی ہے ان خیالات کا اظہار فلمسٹار فرح ناز نے خصوصی گفتگو میں کیا ،انہوں نے کہا کہ حسد کے علاوہ کچھ سوشل میں پر فحش تصویر وں اور ویڈیو ز اپ لوڈ کرنے والی اداکاروں نے شوبز انڈسٹری کو بدنام کر کے رکھ دیا ہے ان کو پوچھنے والا کوئی نہیں ،ایک سوال کے جواب میں فرح ناز نے کہا کہ فحاشی پھلانے سے کوئی فنکار نہیں بن سکتا فنکار اپنی فنی صلاحیتوں سے بنتا ہے ان فحاشی پھلانے والی اداکاروں کے خلاف کاروائی ہونی چاہیے ان کی وجہ سے باقی فنکار بھی بدنام ہو رہے ہیں ۔
نیرو باجوہ نے بالی ووڈ سے کنارہ کشی کی وجہ بتا دی
ممبئی (ایچ ایم نیوز) پنجابی گانے لونگ لاچی سے شہرت کی بلندیوں پر پہنچنے والی بھارتی اداکارہ 38 سالہ نیرو باجوہ نے پہلی بار بولی وڈ سے کنارہ کشی اختیار کرنے کی وجہ بتاتے ہوئے انکشاف کیا ہے کہ انہیں قابل اعتراض کام کرنے کا کہا گیا۔ ہندوستان ٹائمز کے مطابق نیرو باجوہ ان دنوں اپنی آنے والی ایک اور پنجابی فلم کی تشہیر میں مصروف ہیں اور اسی دوران اداکارہ نے ایک انٹرویو کے دوران انکشاف کیا کہ ماضی میں بولی وڈ میں انہیں نامناسب تجربے کا سامنا کرنا پڑ چکا ہے۔ نیرو باجوہ نے کسی کا نام لیے بغیر بتایا کہ جب وہ بولی وڈ میں کام کرنے لگی تھیں تو ان سے نامناسب کام کا مطالبہ کیا گیا۔ اداکارہ نے وضاحت کی کہ اگرچہ پوری بولی وڈ انڈسٹری ایسی نہیں، تاہم انہیں ایک نامناسب تجربہ ہوا، جس وجہ سے انہوں نے بولی وڈ میں مزید کام نہیں کیا اور انہیں اس بات پر کوئی دکھ نہیں کہ وہ اب بولی وڈ کا حصہ نہیں۔ اداکارہ نے پنجابی شوبز میں اپنی جگہ بنانے میں کامیابی پر اطمینان کا اظہار کیا اور کہا کہ وہ خوش ہیں کہ وہ پنجابی فلموں اور ٹی وی کی نامور اداکارہ ہیں۔ انٹرویو کے دوران اداکارہ نے مزید کہا کہ اب ماضی کے مقابلے فلم انڈسٹری میں کافی تبدیلی آ چکی ہے اور اب خواتین کو 38 برس کی عمر میں بھی مرکزی کردار کے لیے کاسٹ کیا جاتا ہے، جس کی مثال وہ خود ہیں۔
قطب مینار نہیں ہوں کہ ہر کوئی آکر تصاویر کھینچے‘ تاپسی پنو
ممبئی (ایچ ایم نیوز) بالی ووڈ اداکارہ تاپسی پنو نے کہا ہے کہ اگرچہ وہ ایک اداکارہ ہیں اور ان کی حیثیت ایک عوامی شخصیت جیسی ہے، تاہم وہ قطب مینار نہیں ہے کہ ہر کوئی آکر ان کی تصاویر کھینچے۔ بھارتی اخبار انڈیا ٹوڈے کے مطابق تاپسی پنو نے اعتراف کیا کہ بعض مرتبہ حقیقی زندگی میں فلمی انداز اپنانے پر انہیں خود بھی اپنے اوپر حیرت ہوتی ہے اور وہ سوچتی ہیں کہ شاید ان کے وجود میں کوئی اور آ چکا ہے۔ انہوں نے بتایا کہ ایک مرتبہ وہ اپنی بہن کے ساتھ گھومنے کے لیے باہر جا رہی تھیں کہ روڈ پر موٹر سائیکل سوار شخص نے انہیں دیکھ کر اپنا موبائل فون نکال کر ان کی تصویر کھینچنا شروع کی جس پر پر وہ غصے میں آگئیں اور انہوں نے ایسی حرکت کرنے والے شخص کو انتہائی غصے میں کہا کہ وہ اپنی فون بند کرکے جیب میں رکھیں، ورنہ وہ اسے توڑ دیں گی۔اداکارہ نے اعتراف کیا کہ تصویر کھینچنے والے شخص کو ایسی دھمکی دینے کے بعد انہیں بھی اپنے رویے پر حیرت ہوئی اور انہوں نے سوچا کہ دھمکی دینے والی خاتون وہ نہیں ہیں۔ تاپسی پنو کا کہنا تھا کہ اگرچہ اس شخص کا رویہ انتہائی غلط نہیں تھا، تاہم انہیں یہ عمل مناسب نہیں لگا۔اداکارہ کے مطابق اگرچہ وہ ایک اداکارہ ہیں اور ان کی حیثیت ایک عوامی شخصیت جیسی ہے، تاہم وہ قطب مینار نہیں ہے کہ ہر کوئی آکر ان کی تصاویر کھینچے۔
منفی ماضی کے باوجود رنبیر کپور اچھے انسان ہیں‘ عالیہ بھٹ
ممبئی (ایچ ایم نیوز) بالی ووڈ اداکار عالیہ بھٹ نے کہا ہے کہ رنبیر کپور کا ماضی اگرچہ منفی رہا ہے لیکن وہ ایک اچھے انسان ہیں۔ بھارتی اخبار ٹائمز آف انڈیا کو دیے ایک انٹرویو میں عالیہ بھٹ نے انکشاف کیا کہ ان کے بوائے فرینڈ اداکار رنبیر کپور نے ان کی کام کو لے کر بے چینی کو دور کرنے میں ان کی کافی مدد کی۔ عالیہ بھٹ کا کہنا تھا کہ یہ رشتہ نہیں دوستی ہے، میں بہت ایمانداری سے یہ کہہ سکتی ہوں کہ یہ نہایت خوبصورت احساس ہے بس ہمارے رشتے کو کسی کی نظر نہ لگے۔ عالیہ نے مزید بتایا کہ وہ رنبیر کپور کے ماضی میں اداکارہ دپیکا پڈوکون اور اداکارہ کترینہ کیف کے ساتھ افیئرز سے واقف ہیں، جس پر ان کا ماننا ہے کہ 'رنبیر مشکل نہیں ہیں، وہ بہترین انسان ہیں، بس ان کا ماضی منفی رہا، لیکن اس سے کیا فرق پڑتا ہے؟ یہ کسی بھی شخص کی زندگی کا حصہ ہوسکتا ہے'۔ رنبیر کپور سے شادی کرنے کے حوالے سے عالیہ بھٹ نے کہا کہ 'اس وقت اگر کوئی سوال مجھے سب سے زیادہ پریشان کرتا ہے تو وہ یہی ہے، ہر صبح میں اٹھتی ہوں اور میرے سامنے خبر آتی ہے کہ میں شادی کررہی ہوں، لیکن رنبیر کو ان سب کی عادت ہے۔
بالی ووڈ ہدایتکار انوراف کشیپ ایک مرتبہ پھر فلم میں اداکاری کے جوہر دکھائینگے
ممبئی (ایچ ایم نیوز) بھارتی فلم ہدایت کار انوراف کشیپ ایک مرتبہ پھر فلم میں اداکاری کے جوہر دکھاتے نظر آئیں گے۔ بھارتی میڈیا رپورٹس کے مطابق انوراگ کشیپ فلم 'بولے چوڑیاں' میں ایک مختصر مگر خاص کردار نبھانے جارہے ہیں۔ اپنے انٹرویو میں ہدایت کار نے اس خبر کی تصدیق کرتے ہوئے بتایا کہ 'ہاں میں فلم میں کام کررہا ہوں، لیکن ابھی مجھے اس حوالے سے اور کچھ معلوم نہیں، میں نے فلم میں کام کرنے کی حامی صرف اس لیے دی ہے کیوں کہ نوازالدین نے پہلی مرتبہ مجھ سے کچھ مانگا ہے اور میں اس پر بھروسہ کرتا ہوں'۔ انوراگ کشیپ اس وقت ممبئی میں اپنی ایک اور فلم کی شوٹنگ میں مصروف ہیں، جبکہ وہ جلد نوازالدین صدیقی کے ساتھ 'بولے چوڑیاں' کی شوٹنگ کا آغاز کریں گے۔ فلم 'بولے چوڑیاں' کی ہدایات نوازالدین صدیقی کے بھائی شماس صدیقی دے رہے ہیں۔
چاہتا ہوں کہ والد کو ٹائیگر کا باپ کہہ کرپکارا جائے‘ ٹائیگر شروف
ممبئی (ایچ ایم نیوز) بالی ووڈ اداکار جیکی شروف کے بیٹے اداکار ٹائیگر شروف کا کہنا ہے کہ انہیں فخر ہے وہ جیکی شروف کے بیٹے ہیں لیکن ان کی خواہش ہے کہ ان کے والد کو ٹائیگر شروف کا باپ کہہ کر پکارا جائے۔ ہندوستان ٹائمز کے مطابق بالی ووڈ کے تیزی سے ابھرتے ہوئے اداکار ٹائیگر شروف نے ایک انٹرویو میں بتایا کہ انہوں نے جب بالی ووڈ میں قدم رکھا تو ان کے سامنے بہت سے چیلنجز تھیجن کا انہوں نے بخوبی سامنا کیا اور بالی ووڈ میں اپنی محنت سیجگہ بنائی۔ ٹائیگر شروف نے کہا کہ وہ ہمیشہ سیفلم انڈسٹری میں اپنے والد کی موجودگی سے واقف رہے ہیں، وہ بالی ووڈ میں ان کی اہمیت کو بھی بخوبی جانتے ہیں۔ انہوں نے کہا کہ ان کے لیے سب سے بڑا چیلنج خود کو والد سے الگ کرنا اور اپنی نئی پہچان بنانا تھا۔ اداکار نے کہا کہ انہیں اس بات کی بے حد خوشی ہے کہ وہ جلد اپنے والد کا نام استعمال کیے بغیر بالی ووڈ میں اپنی پہچان بنانے میں کامیاب ہوگئے۔ ٹائیگر شروف نے کہا کہ انہیں فخر ہے وہ جیکی شروف کے بیٹے ہیں لیکن اس سے زیادہ خوشی انہیں تب ہوگی جب ان کے والد کو ٹائیگر شروف کا باپ کہہ کر پکارا جائیگا۔
ہالی ووڈ فلم دی لائن کنگ کانیا ٹریلر جاری
لاس اینجلس (ایچ ایم نیوز) ہالی ووڈ کی اینی میٹڈ ایڈونچر فلم 'دی لائن کنگ کانیا ٹریلر جاری کر دیا گیا ۔ دی لائن کنگ 1994 کی سپر ہٹ فلم ہے جس کا ریمیک تیار کیا گیا ہے، فلم کی کہانی ایک شیر کے گرد گھومتی ہے جس کا نام سمبا ہے اور وہ مستقبل میں جنگل کا بادشاہ بنتا ہے۔ 1994 میں ریلیز ہونے والی اس فلم کو راجر ایلرز اور روب منکوف نے ڈائریکٹ کیا تھا جب کہ فلم کے ریمیک کو جون فیورو نے ڈائریکٹ کیا ہے اور انہوں نے 2016 میں فلم دی جنگل بک کا بھی ریمیک بنایا تھا۔ فلم میں مرکزی کردار سمبا کی آواز اداکار ڈونلڈ گلوور کی ہے جب کہ ان کے دیگر کرداروں میں اداکار سیٹھ روجن، شہادی جوزف، جیمز ایرل جونز، جون کینی اور امریکی گلوکارہ بیونس کی آواز بھی شامل ہے۔ فلم 19جولائی کو ریلیز کی جائے گی۔
بالی ووڈ ‘ سارہ اور کارتیک ہنی مون جوڑا قرار، تصاویر وائرل
ممبئی (ایچ ایم نیوز) بالی ووڈ فلم انڈسٹری کے ابھرتے ستارے سارہ علی خان اور کارتیک آریان کی فلم کی شوٹنگ کے دوران تصاویر وائرل ہو گئیں، مداحوں نے دونوں کو ہنی مون کپل قرار دے دیا۔ بھارتی میڈیا کے مطابق سیف علی خان کی بیٹی سارہ علی خان اور بھارتی ہیرو کارتیک آریان آج کل بھارتی ریاست ہما چل میں فلم لوآج کل 2 کی شوٹنگ میں مصروف ہیں، دونوں اداکار ہما چل کے خوبصورت نظاروں سے کافی محظوظ ہو رہے ہیں اور ساتھ ہی اپنی تصاویر سوشل میڈیا پر اپنے مداحوں کے ساتھ شیئر کر رہے اور تعریفیں بٹور رہے ہیں۔دونوں اداکاروں کی تصاویر کے بارے میں سوشل میڈیا صارفین کا کہنا ہے کہ کارتیک اور سارہ ہنی مون پر گئے ہوئے کسی جوڑے کی طرح دکھائی دے رہے ہیں۔واضح رہے کہ بھارتی ریاست ہما چل پردیش میں جہاں آج کل کارتیک اور سارہ علی خان موجود ہیں،بھارتی فلم انڈسٹری کی تاریخ میں پہلی بار یہ جگہ شوٹنگ کے لیے استعمال کی جا رہی ہے۔ فلم لوآج کل 2 14 فروری 2020 کو ویلنٹائن ڈے کے موقع پر ریلیز ہو گی ۔یہ فلم 2009 میں بننے والی رومانٹک فلم لوآج کل کا سیکوئل ہے جس میں سیف علی خان اور دپیکا پڈوکون ایک ساتھ اداکاری کے جوہر دکھاتے نظر آئے تھے۔
بالی ووڈ کنگ شاہ رخ خان کے فلم انڈسٹری میں 27 سال مکمل
ممبئی (ایچ ایم نیوز) بالی ووڈ کے کنگ شاہ رخ خان کو بھارتی فلم انڈسٹری میں 27 سال مکمل ہوگئے اس موقع پر ان کے چاہنے والوں نے انہیں نیک تمنائوں سے نوازا ہے۔ کنگ خان نے 27 سال قبل فلم انڈسٹری میں دہلی کے ایک عام لڑکے نے بالی ووڈ میں قدم رکھا اور اپنی محنت، لگن اوربہترین اداکاری سے بالی ووڈ کنگ کا خطاب حاصل کرلیا۔ 27 سال قبل 25 جون 1992 کو کنگ خان کی فلم دیوانہ ریلیز ہوئی تھی اور اس فلم کے بعد شاہ رخ خان نے پیچھے مڑ کر نہیں دیکھا۔ شاہ رخ خان کا بالی ووڈ میں سفر آسان نہیں تھا انہوں نے اس مشکل سفر میں بہت سے نشیب و فراز دیکھے لیکن آج وہ بالی ووڈ کے کامیاب ترین اداکار ہیں۔ 27 سال مکمل ہونے کے موقع پر کنگ خان کے مداحوں کی جانب سے ان کے لیے نیک تمنائوں کا اظہار کیا جارہا ہے۔
فن کی خاطر میڈیکل کی تعلیم چھوڑ دی‘ اداکارہ نمرہ شاہد
لاہور (ایچ ایم نیوز) ٹیلی ویژن ڈراموں کی ابھرتی ہوئی خوبصورت اداکارہ نمرہ شاہدکا کہنا ہے کہ انہوں نے فن کی خاطر اپنی میڈیکل کی تعلیم چھوڑ دی۔ ایک انٹرویو میں نمرہ نے بتایا کہ انہوں نے ڈاکٹر بننے کے لیے میڈیکل کالج میں داخلہ لیا اور ایک سال بعد ہی فیصلہ کرلیا کہ اب مجھے ایس ایم سی سے ڈاکٹر نہیں بننا، بلکہ ڈراموں میں اداکاری کروں گی، اس کے بعد میں نے ایک کمپنی میں ایکٹنگ کے لیے آڈیشن دیا اور اتفاق سے کامیاب ہو گئی۔ اداکارہ نے کہا کہ آڈیشن میں کامیاب ہونے کے بعد ٹی وی کمرشلز کی لائن لگ گئی۔ نمرہ شاہد نے کہا کہ میرا ماننا ہے کہ کیریکٹر کوئی چھوٹا بڑا نہیں ہوتا، اس لیے میں اپنے لیے ایسے کردار منتخب کرتی ہوں کہ جس میں کام کرنے کا مارجن زیادہ ہو۔ ادکارہ کا کہنا تھا کہ فن کی دنیا میں صرف اور صرف اپنی صلاحیتوں کی بدولت آگے بڑھ رہی ہوں۔ میری اس چمکتی دمکتی دنیا میں کسی نے مدد نہیں کی۔ رقص کی تعلیم بھی حاصل کر رکھی ہے۔ نمرہ نے کہا کہ کسی اچھی فلم میں آفر ہوئی، تو ضرور کام کروں گی۔
میرا کا بینظیر بھٹو کا کردار ادا کرنے کی خواہش
لاہور (ایج ایم نیوز) اداکارہ میرا نے سابق وزیراعظم بے نظیر بھٹو کا کردار ادا کرنے کی خواہش ظاہر کردی۔ تفصیلات کے مطابق اداکارہ میرا خبروں میں رہنے کا فن بخوبی جانتی ہیں کبھی اپنی گلابی انگریزی سے میڈیا کی توجہ حاصل کرلیتی ہیں اور کبھی مختلف اسکینڈلز انہیں مشہور کرنے کا سبب بن جاتے ہیں۔ آج کل میرا اپنی فلم باجی کی تشہیر میں مصروف ہیں اور خوب بڑھ چڑھ کر تشہیری مہم میں حصہ لے رہی ہیں۔ گزشتہ روز فلم کی تشہیر کے سلسلے میں منعقدہ ایک پریس کانفرنس کے دوران جب میرا سے پوچھا گیا کہ انہیں کون سا کردار ادا کرنے کی خواہش ہے تو انہوں نے کہا کہ وہ مستقبل میں بے نظیر بھٹو کا کردار ادا کرنا چاہتی ہیں۔ واضح رہے کہ اداکارہ میرا کی فلم باجی 28 جون کو ریلیز ہوگی۔
موجودہ دور میں فلم انڈسٹری ترقی کی راہ پر گامزن ہے،بائو اصغر علی
فلم انڈسٹری کی کامیابی میں صرف مصنفین کا ہی نہیں بلکہ کئی عناصر کا اہم رول ہوتاہے،گفتگو
لاہور(ایچ ایم نیوز)موجودہ دور میں فلم انڈسٹری ترقی کی راہ پر گامزن ہے بہت سی فلمیں ایسی آئی ہیں جن سے پاک سنیما کی شان بڑھی ہے ان خیالات کا اظہار معروف پروڈیوسر،رائٹروبائوپروڈکشن کے روح رواں بائواصغرعلی نے میڈیا سے گفتگو میں کیا ۔انہوں نے کہا کہ پاکستانی فلمساز اپنی ثقافت کو مدنظر رکھتے ہوئے فلمیں بنائیں کیو نکہ وہی فلمیں زیادہ مقبولیت پاتی ہیں جوتہذیب کی حد میں ہوں نیز معاشرے پر برا اثربھی نہ ڈالیں۔ بائواصغرعلی نے مزید کہا کہ فلم انڈسٹری کی کامیابی میں صرف مصنفین کا ہی نہیں بلکہ کئی عناصر کا اہم رول ہوتاہے۔ خاص طور پر ہمارے اداکاروں کا ، بہت سی فلمیں صرف اس لئے بھی ہٹ ہو جاتی ہیں کہ ان کے اداکار اپنی کارکردگی سے اس میں جان ڈال دیتے ہیں۔انہوں نے کہا کہ ماضی میں مار دھاڑ والی فلموں کے رحجان نے فلم انڈسٹری کو خاصا نقصان پہنچایا ہے کیونکہ ہماری نوجوان نسل تو ایسی فلموں کو زیادہ پسند نہیں کرتی اور بڑے بھی ان فلموں کے لئے سنیما جانے کے روادار نہیں۔اگر پاک فلمیں بھارت یا مغربی فلموں کا روپ دھارنے لگیں یامقبولیت پانے کیلئے اپنی ثقافت کو پیچھے چھوڑنے لگیں تو پھر سے زوال کا سامنا کرنا پڑے گا۔ کیونکہ ایک معزز فیملی کبھی ایسی فلمیں دیکھنے کی روادار نہیں ہوتی اور اپنے بچوں کو بھی روکتی ہے اور سنیما پھر سے ویران ہونا شروع ہو جائیں گے۔ اس لئے پاک سنیما ایسی فلموں کے ساتھ آگے بڑھے جو ہماری ثقافت کو بھی پروموٹ کریں اور ہماری نوجوان نسل کو ان سے سیکھنے کیلئے کچھ ملے۔
پاپ سٹار مائیکل جیکسن کو دنیا چھوڑے 10برس بیت گئے
لاس اینجلس(ایچ ایم نیوز) پاپ موسیقی کے شہنشاہ مائیکل جیکسن کو دنیا چھوڑے 10برس بیت گئے لیکن ان کی پاپ گلوکاری اور ڈانس کے لوگ آج بھی دیوانے ہیں۔پاپ موسیقی کے شہنشاہ مائیکل جیکسن نے صرف 5سال کی عمر میں میوزک کی دنیا میں قدم رکھا.1964 میں اپنے بھائیوں کے پوپ گروپ جیکسن فائیو میں شمولیت اختیار کرکے انہوں نے دھوم مچائی۔انکا پہلا سولو البم 1979 میں ‘آف دی وال ‘کے نام سے ریلیز ہوا۔ جس نے مائیکل کو پہچان دلوائی۔1982 میں البم’ تھرلر’نے پوری دنیا میں تہلکہ مچادیا۔اس طرح انہیں کنگ آف پوپ کے خطاب سے نوازا گیا۔مائیکل جیکسن کا انداز ایسا انوکھا تھا جس نے لوگوں کو کئی سالوں تک اپنے سحر میں جکڑے رکھا۔25جون 2009 کو یہ عظیم فنکار دنیا چھوڑ گیا تھا ۔
ہالی ووڈ فلم ٹوائے اسٹوری4 کا باکس آفس پر راج
لاس اینجلس (ایچ ایم نیوز) ہالی ووڈ کی اینی میٹڈ فلم " ٹوائے اسٹوری 4" کا باکس آفس پرراج ، فلم نے صرف امریکی باکس آفس میں تین دنوں میں 18ارب 54 کروڑ روپے سے زیادہ کمائی کرکے سب کوپیچھے چھوڑدیا ۔ ہالی ووڈ ہی کی فلم چائلڈز پلے نے 2 ارب 19 کروڑ روپے کما کر باکس آفس پردوسرا نمبر حاصل کرلیا جبکہ فلم الہ دین نے صرف امریکہ میں پانچویں ہفتے میں بھی ایک ارب91 کروڑروپے کا شانداربزنس کیا اورتیسرے نمبرپررہی ۔
سلمان خان کی نئی تصویر مداحوں کو حیران کرگئی
ممبئی (ایچ ایم نیوز) بالی ووڈ کے دبنگ سٹار سلمان خان کی سوشل میڈیا پر جاری کی جانے والی نئی تصویر نے ان کے مداحوں کو حیران کردیا ہے۔ بھارتی میڈیا رپورٹس کے مطابق بالی ووڈ کے دبنگ سلمان خان نے انسٹاگرام پراپنی ایک نئی تصویرجاری کی ہے، جسے دیکھ کر سب ہی حیران ہوگئے ہیں۔بالی ووڈ میں ایک لمبا وقت گزارنے کے باوجود بھی سلمان خان دیگراداکاروں کے مقابلے میں بہت فٹ تصور کیے جاتے ہیں جس کا ثبوت انہوں نے خود اپنی اس تصویر کے ذریعے دے دیا جب کہ ان کے مداح بھی داد دیئے بنا نہیں رہ پارہے ہیں جس میں وہ بہت جوان اور سمارٹ نظر آرہے ہیں ۔
شاہ رخ کا دل فلموں سے دور ہونے کیلئے تیار
ممبئی (ایچ ایم نیوز) بالی ووڈ کے کنگ شاہ رخ خان کا کہنا ہے کہ ان کا دل ابھی اس بات پرراضی نہیں کہ وہ کسی بھی فلم میں کام کریں۔ بھارتی میڈیا رپورٹس کے مطابق بالی ووڈ میں ایک طویل اورکامیاب سفرگزارنے کے بعد شاہ رخ کا کہنا ہے کہ اس وقت انکا بالکل بھی دل نہیں چاہ رہا ہے کہ وہ کسی بھی فلم میں کام کریں جب کہ انہیں اس وقت کسی بھی فلم کی آفر بھی نہیں ہے۔ اداکارنے کہا کہ عام طورپرجب آپ کسی بھی فلم میں کام کرتے ہیں تواس کے ختم ہونے سے پہلے سے ہی آپ کسی اورنئی فلم کا حصہ بن جاتے ہیں اورپھرسے 3 سے 4 ماہ کے لیے مصروف ہوجاتے ہیں پر اس وقت یہ والا معاملہ میرے ساتھ بالکل مختلف ہے۔ اداکار نے کہا کہ مجھے لگتا ہے کہ ابھی مجھے صرف فلمیں دیکھنی چاہیئں، کہانیاں سننے سمیت زیادہ سے زیادہ سے کتابیں پڑھنی چاہیئں۔ اداکارنے مزید کہا کہ ان کے بچے بھی پڑھائی پربھرپور توجہ دے رہے ہیں اور اب وہ چاہتے ہیں کہ ان کے ساتھ زیادہ سے زیادہ وقت گزاریں۔
شنگھائی انٹرنیشنل فلم فیسٹیول میں ایرانی فلم تین ایوارڈز جیت گئی
فلم ایوارڈ کے لئے دنیا بھر سے 2555 فلمیں بھیجیں گئیں ، پندرہ فلموں کو حتمی مقابلے میں شامل کیا گیا
بیجنگ (ایچ ایم نیوز) شنگھائی انٹرنیشنل فلم فیسٹیول میں ایرانی فلم تین ایوارڈز جیت گئی، فلم ایوارڈ کے لئے دنیا بھر سے 2555 فلمیں بھیجیں گئیں جن میں سے پندرہ فلموں کو حتمی مقابلے میں شامل کیا گیا۔ چائنہ ریڈیو انٹرنیشنل کے مطابقبائیسویں شنگھائی انٹرنیشنل فلم فیسٹول کے" گولڈن گوبلیٹ ایوارڈ" کی تقریب میں ایرانی فلم "کیسل آف ڈریم"نے بہترین ڈائریکٹر اور بہترین فلم کا ایوارڈ جیتا جبکہ اس فلم کے اداکار حامد صابری بہداد اور چینی فلم " دی ریٹرن" کے اداکار چھانگ فونگ مشترکہ طور پر بہترین اداکار قرار پائے۔ یاد رہے اس فلم ایوارڈ کے لئے دنیا بھر سے 2555 فلمیں بھیجیں گئیں جن میں سے پندرہ فلموں کو حتمی مقابلے میں شامل کیا گیا۔حالیہ برسوں میں شنگھائی انٹرنیشنل فیسٹول میں زیادہ سے زیادہ ملکوں کی شمولیت نے اس فیسٹول پر خوبصورتی کو بڑھا دیا ہے۔یہ فلمی میلہ ایشیا نیز دنیا ثقافتی تبادلوں اور تعاون کا پلیٹ فارم بن چکا ہے۔
دپیکا کی ممبئی ایئرپورٹ کی ویڈیو وائرل
ممبئی (ایچ ایم نیوز) بالی ووڈ اداکارہ دیپکا پڈوکون کی ممبئی ائیر پورٹ کی ایک ویڈیو بے حد وائرل ہورہی ہے جس میں ان کے جواب نے مداحوں کے دل جیت لیے۔بھارتی میڈیا کے مطابق انسٹا گرام پر دیپکا کی ایک ویڈیو وائرل ہورہی ہے جس میں وہ ایئرپورٹ کے اندر بغیر کسی پوچھ گچھ کے داخل ہوتی نظر آرہی ہیں اس پر سیکورٹی اہلکار نے انہیں آواز دے کر روکا اور ان سے آئی ڈی کارڈ دیکھانے کا کہتا ہے جس پر دیپکا نے ا س کی طرف مڑ کر دیکھا اور پوچھا کہ آئی ڈی کارڈ چاہیے کیا؟ اور فورا بیگ سے اپنا آئی ڈی کارڈ نکال کر انہیں دکھادیا۔ دپیکا کے اس عمل کو ان کے مداحوں کی جانب سے کافی سراہا جارہا ہے۔
مجھ سے منافقت برداشت نہیں ہوتی سچ بولنا میری عادت ہے،ندا چوہدری
لاہور(ایچ ایم نیوز)شوبز انڈسٹری کی خوبصورت حسینہ ندا چوہدری نے کہا ہے کہ مجھ سے منافقت برداشت نہیں ہوتی سچ بولنا میری عادت ہے اس لیے جو دل میں ہوں منہ پر کہ دیتی ہوں۔ ان خیالات کا ندا چوہدری نے خصوصی گفتگو میں کیا۔ انہوں نے کہا کہ جس جگہ عزت نہ ہو میں وہاں کام نہیں کرتی ان لوگوں کے ساتھ کام کرتی ہوں جن کا اخلاق اچھا ہواور ان کو فن اور فنکار کی قدر ہو،ایک سوال کے جواب میں ندا چوہدری نے کہا کہ کچھ لوگ 10یا 20ہزار جیب میں لے کر ڈرامہ لگوانے یا فلم بنانے نکل پڑتے ہیں ایسے لوگوں نے شوبز انڈسٹری کا ستیا ناس کیا ہوا ہے ایسے لوگوں سے ہر فنکار کو دور رہنا چاہیے ایسے لوگ خود تو بدنام ہوتے ہیں ساتھ دوسروں کو بھی بدنام کر دیتے ہیں ۔
سٹیج ڈرامہ ''نچاں گے ساری رات''میں صائمہ خان کے ڈانس آئٹم کی دھوم
لاہور (ایچ ایم نیوز) سٹیج اداکارہ صائمہ خان کی سٹیج ڈرامہ ''نچاں گے ساری رات''میں ڈانس آئٹم کی دھوم مچ گئی۔ تفصیلات کے مطابق لاہور کے پلازہ تھیٹر میں نیا شروع ہونے والاسٹیج ڈرامہ ''نچاں گے ساری رات''میں فلم اور سٹیج کی معروف اداکارہ صائمہ خان اپنی نئی منفرد ڈانس آئٹم کی بدولت شائقین کے دلوں کی دھڑکن بنی ہوئی ہے ،اس ڈرامہ کی تحریرو ہدایات لالہ شہزاد کی ہے جبکہ کاسٹ میں صائمہ خان کے علاوہ ستارہ بیگ،شمع رانا ،نادیہ علی ،امان اللہ،مجا ہد رانا ،ظفر ارشاد،گوگا جی ،افشان چیمہ ،عرفیہ بٹ،شاہد نوشاد،فوکی خان،علی خان شامل ہیں ،صائمہ خان نے ایک ملاقات میں بتایا کہ سٹیج ڈرامہ ''نچاں گے ساری رات''میں تمام فنکاروں کی پرفارمنس لاجواب ہے اور ہمارا ڈرامہ سپر ہٹ جا رہا ہے ۔
میرے آئٹم سانگ پر تنقید کر نیوالوں کو اپنا کوئی کام نہیں ؟فلم سٹار مہوش حیات
لاہور(ایچ ایم نیوز) فلم سٹار مہوش حیات نے کہا ہے کہ میرے آئٹم سانگ پر تنقید کر نیوالوں کو اپنا کوئی کام نہیں ؟مجھے پتہ ہے کچھ لوگوں کا کام ہی مجھ پر تنقید کر نا ہے مگر مجھے اس سے کوئی فرق نہیں پڑیگا میں اپنی مر ضی کے مطابق شوبز میں اپنے انداز سے کام کرتی رہوں گی ۔ اپنے ایک انٹرویو کے دوران مہوش حیات نے کہا کہ فلم باجی کیلئے جب سے میں نے آئٹم سانگ شوٹ کیا کچھ لوگوں کے پیٹ میں بلاوجہ درد ہو رہی ہے اور وہ مجھے تنقید کا نشانہ بنا رہے ہیں مجھے افسوس اس بات کا لوگوں نے نہ پورا آئٹم سانگ دیکھا ہے اور نہ انکے کو اس بارے میں کچھ پتہ ہے اسکے باوجود وہ تنقید کر رہے ہیں ایسے لوگوں کو چاہیے وہ اپنے کام سے کام رکھے ۔
اداکارہ ذہین طاہرہ کی جلد صحت یابی کے لیے دعا کی اپیل
کراچی (ایج ایم نیوز) ٹیلی ویژن کی معروف اداکارہ ذہین طاہرہ کے اہل خانہ اور شوبز سے وابستہ شخصیات نے عوام الناس سے اپیل کی ہے کہ وہ ذہین طاہرہ کی جلد صحت یابی کے لیے دعا کریں۔ خدا کی بستی جیسے عالمی شہرت یافتہ ٹی وی ڈرامے سے اپنی منفرد شناخت بنانے والی ذہین طاہرہ کو گزشتہ روز دل کا دورہ پڑنے کے بعد اسپتال منتقل کیا گیا تھا جہاں وہ زیر علاج ہیں۔ دل دیا اہلیز، انوکھا بندھن، خالہ بندھن، خالہ خیرن، جینا اسی کا نام ہے، چاندنی راتیں، شمع، زینت، عروسہ، عجائب خانہ اور راستے دل کے سمیت متعدد ڈراموں میں اپنی فنکارانہ صلاحیتوں کا مظاہرہ کرنے والی ذہین طاہرہ کو پاکستان ٹیلی ویژن کی سینئر ترین اداکاراں میں شمار کیا جاتا ہے۔ ذہین طاہرہ اب تک سینکڑوں ڈراموں میں اپنی صلاحیتوں کے جوہر دکھا چکی ہیں۔
نارووال، مضر صحت کھانا کھانے سے 14 افراد بے ہوش
نارووال(ایچ ایم نیوز ) پنجاب کے شہر نارووال میں مضر صحت کھانا کھانے سے ایک ہی خاندان کے 14 افراد بے ہوش ہو گئے۔اسپتال ذرائع کے مطابق متاثرین کی حالت تسلی بخش ہے، جنہیں طبی امداد دی جارہی ہے۔ریسکیو ذرائع کے مطابق نارووال کے نواحی گاوں میں غیر معیاری کھانا کھانے سے ایک ہی خاندان کے 14 افراد کی حالت غیر ہو گئی اور تمام افراد بے ہوش ہوگئے۔بے ہوش ہوجانے والے تمام افراد کو جان بچانے اور طبی امداد دینے کے لیے اسپتال منتقل کیا گیا۔اسپتال انتظامیہ کے مطابق متاثرہ افراد میں بچے، خواتین اور مرد شامل ہیں جن کو طبی امداد دی جا رہی ہے۔اسپتال کے ایم ایس ڈاکٹر لطیف کے مطابق مذکورہ خاندان نے رات کا باسی کھانا کھایا تھا جو غیر معیاری تھا، اب متاثرین کی حالت خطرے سے باہر ہے۔
پی ٹی آئی نے فریال تالپور کی نااہلی کیلئے الیکشن کمیشن میں درخواست دائر کر دی
فریال تالپورکیخلاف احتساب عدالت میں ریفرنس زیرسماعت، وہ اسمبلی میں رکنیت کی اہل نہیں، درخواست میں موقف
کراچی(ایچ ایم نیوز) پاکستان تحریک انصاف نے پیپلزپارٹی کی رہنما فریال تالپور کی نااہلی کیلئے الیکشن کمیشن میں درخواست دائر کردی۔درخواست پی ٹی آئی کے پارلیمانی لیڈر حلیم عادل شیخ اور رکن سندھ اسمبلی ارسلان تاج نے الیکشن کمیشن کراچی کے دفتر میں جمع کروائی۔درخواست میں موقف اختیار کیا گیاہے کہ فریال تالپور جعلی اکاونٹس بنانے،منی لانڈرنگ کرنے اور کرپشن میں ملوث ہیں۔پاکستان تحریک انصاف کے رہنماوں نے موقف اختیار کیا ہے کہ فریال تالپورکیخلاف اسلام آباد کی احتساب عدالت میں ریفرنس زیرسماعت ہے۔ اس لیے وہ اسمبلی میں رکنیت کی اہل نہیں ہیں۔پی ٹی آئی نے الیکشن کمیشن سے استدعا کی ہے کہ فریال تالپور کونااہل قراردیاجائے۔
اسلام آباد ہائی کورٹ نے دوسری شادی کیلئے مصالحتی کونسل کی اجازت ضروری قرار دیدی
بیوی کی اجازت کے باوجود مصالحتی کونسل انکار کر دے تو دوسری شادی پر سزا ہو گی
اسلام آباد(ایج ایم نیوز) اسلام آباد ہائی کورٹ نے دوسری شادی کیلئے مصالحتی کونسل کی اجازت ضروری قرار د یتے ہوئے کہا ہے کہ بیوی کی اجازت کے باوجود مصالحتی کونسل انکار کر دے تو دوسری شادی پر سزا ہو گی۔تفصیلات کے مطابق اسلام آباد ہائی کورٹ نے دوسری شادی کیس کا فیصلہ سناتے ہوئے کہا ہے کہ دوسری شادی کے لیے بیوی سے اجازت کے باوجود مصالحتی کونسل کی اجازت ضروری ہوگی اور بیوی کی اجازت کے باوجود مصالحتی کونسل انکار کر دے تو دوسری شادی پر سزا ہو گی۔عدالت نے کہا مسلم فیملی لاز آرڈیننس 1961 کے مطابق اجازت کے بغیر شادی کرنے والے شخص کو سزا اور جرمانہ ہو گا۔ لیاقت علی میر اور دلشاد بی بی نے 2011 میں پسند کی شادی کی تھی، لیاقت نے 2013 میں بیوی اور مصالحتی کونسل کی اجازت کے بغیر دوسری شادی کرلی۔ مجسٹریٹ اسلام آباد نے لیاقت میر کو ایک ماہ قید اور 5 ہزار جرمانے کی سزا سنائی تاہم ایڈیشنل سیشن جج نے اسے آزاد کشمیر کا باشندہ ہونے کی وجہ سے بری کر دیا تھا۔ اسلام آباد ہائیکورٹ نے فیصلہ کالعدم کرتے ہوئے حکم دیا ہے کہ جس شخص کے پاس قومی شناختی کارڈ ہے اس پر تمام قوانین کا اطلاق ہو گا، ایڈیشنل سیشن جج میرٹ پر دوسری شادی کیس کا فیصلہ کریں، نکاح اسلام آباد میں رجسٹرڈ ہے، عدالت کو سماعت کا مکمل اختیار ہے۔
آزاد کشمیر میں سیاحت کے فروغ کے لئے جامع حکمت عملی تشکیل دی جائے وزیراعظم عمران خان
منگلا ڈیم ریزنگ (توسیع)پراجیکٹ سے متعلق معاملات کے حل کے لئے کمیٹی تشکیل دینے کی منظوری
آزاد جموں و کشمیر کے مختلف ترقیاتی منصوبوں ، سیاحت کے فروغ اور دیگر اہم معاملات پر اعلی سطح اجلاس سے خطاب
فاروق حیدر نے وزیرِ اعظم عمران خان کوآزاد کشمیر کا دورہ کرنے اور اسمبلی سے خطاب کی دعوت بھی دے دی
اسلام آباد(ایچ ایم نیوز) وزیراعظم عمران خان نے آزاد کشمیر کی حکومت کو آزاد کشمیر میں سیاحت کے فروغ کے لئے جامع حکمت عملی تشکیل دینے کی ہدایت کی ہے۔ جمعرات کو اسلام آباد میں آزاد کشمیر میں ترقیاتی منصوبوں، سیاحت کے فروغ اور دوسرے امور کے حوالے سے اجلاس کی صدارت کرتے ہوئے انہوں نے کہا کہ آزاد کشمیر میں سیاحت کے وسیع مواقع ہیں۔وزیر اعظم نے کہا کہ بیرون ملک مقیم پاکستانی آزاد کشمیر کاسب سے بڑا اثاثہ ہیں اور ان کے مسائل ترجیحی بنیادوں پر حل کئے جانے چاہئیں۔ آزاد کشمیر کے وزیراعظم راجہ فاروق حیدر نے ا س موقع پر گفتگو کرتے ہوئے کہا کہ تحریک انصاف کی حکومت کی نئی ویزا پالیسی آزاد کشمیر میں سیاحت کے فروغ کے حوالے سے مددگار ثابت ہورہی ہے۔وزیراعظم عمران خان نے کہا ہے کہ آزاد جموں و کشمیر میں سیاحت کے بے انتہا مواقع موجود ہیں وہاں سیاحت کو فروغ دینے کی اشد ضرورت ہے۔بیرون ملک مقیم پاکستانی آزاد جموں و کشمیر کا سب سے بڑا اثاثہ ہیں ان کے مسائل کے حل پر خصوصی توجہ دی جائے۔وزیراعظم عمران خان نے یہ بات آزاد جموں و کشمیر کے مختلف ترقیاتی منصوبوں ، سیاحت کے فروغ اور دیگر اہم معاملات پر اعلی سطح کا اجلاس کی صدارت کرتے ہوئے کہی ہے۔اجلاس میں لائن آف کنٹرول کے متاثرین کی بحالی اور فلاح و بہبود کے حوالے سے وفاقی حکومت کے منصوبوں، ایل او سی متاثرین کو صحت انصاف کارڈ کی فراہمی پر بات کی گئی ۔مانسہرہ مظفرآباد منگلا میرپور (فور ایم ) پراجیکٹ، نیلم جہلم اور کوہالہ پراجیکٹ، منگلا ڈیم توسیع منصوبے سے متعلقہ معاملات کے علاوہ آزاد جموں کشمیر میں سیاحت کے فروغ کے حوالے سیبھی گفتگو کی گئی ۔وزیراعظم عمران خان نے کہا کہ نیشنل ٹورازم کوارڈینیشن بورڈ کی مشاورت سے آزاد جموں و کشمیر میں سیاحت کے فروغ اور خصوصا سیاحت کے شعبے میں نجی شعبے کی حوصلہ افزائی و سرمایہ کاری کے لئے مفصل لائحہ عمل تشکیل دیا جائے۔وزیر اعظم آزاد جموں و کشمیر راجا فاروق حیدر نے کشمیر کا مسئلہ پرزور طریقے سے عالمی سطح پر اٹھانے اور آزاد جموں وکشمیر اور گلگت بلتستان کے عوام کو درپیش مسائل کے حل میں وزیر اعظم عمران خان کی ذاتی دلچسپی اور کاوشوں پر ان کا شکریہ ادا کیا۔راجہ فاروق حیدر نے کہا کہ بین الاقوامی سطح پر کشمیر کا مسئلہ اجاگر کرنے، بھارتی جارحیت کا مقابلہ کرنے ، آزاد کشمیر کی تعمیر و ترقی کے لئے مالی معاونت فراہم کرنے پر وفاقی حکومت کے تعاون کے مشکور ہیں۔وزیراعظم آزاد کشمیر نے کہا کہ حکومت پاکستان کی جانب سے نئی ویزہ پالیسی آزاد کشمیر میں سیاحت کے فروغ میں معاون ثابت ہو رہی ہے۔وزیر اعظم آزاد جموں و کشمیر کی جانب سے وزیرِ اعظم عمران خان کوآزاد کشمیر کا دورہ کرنے اورآزاد جموں وکشمیر قانون ساز اسمبلی سے خطاب کی دعوت بھی دی گئی ۔مخدوم خسرو بختیار کی طرف سے دی گئی بریفنگ میں کہا گیا کہ ایل او سی سے متاثرہ افراد کی بحالی کے لئے تین ارب روپے کا پراجیکٹ بنایا گیا ہے۔وزیرِ اعظم کو نیلم جہلم اور کوہالہ پراجیکٹ کے معاملات کا جائزہ لینے کے لئے قائم کردہ کمیٹی کی کارروائی اوراب تک کی پیش رفت پر تفصیلی بریفنگ بھی دی گئی ۔وزیراعظم نے منگلا ڈیم ریزنگ (توسیع)پراجیکٹ سے متعلق معاملات کے حل کے لئے کمیٹی تشکیل دینے کی منظوری بھی دی ۔اجلاس میں وزیر برائے امور کشمیر و گلگت بلتستان علی امین گنڈا پور، وزیر منصوبہ بندی مخدوم خسرو بختیار، وزیرِ آبی وسائل فیصل واڈا، مشیر برائے ماحولیاتی تبدیلی ملک امین اسلم معاون خصوصی برائے سماجی تحفظ و تخفیفِ غربت ڈاکٹر ثانیہ نشتر، متعلقہ وفاقی سیکرٹریز ، چیف سیکرٹری آزاد جموں و کشمیر و دیگر سینئر افسران بھی اجلاس میں شریک تھے۔
سپریم کورٹ نے معذورافرادکے ملازمتوں میں کوٹہ سے متعلق کیس میں بھرتیوں سے متعلق وفاقی اورصوبائی حکومتوں سے رپورٹ طلب کرلی
اسلام آباد(ایچ ایم نیوز )سپریم کورٹ آف پاکستان نے معذورافرادکے ملازمتوں میں کوٹہ سے متعلق کیس میں بھرتیوں سے متعلق وفاقی اورصوبائی حکومتوں سے رپورٹ طلب کرلی ،عدالت نے کہاکہ آئندہ سماعت پرمعذوروں کیلئے مختص فنڈزکی تفصیلات فراہم کریں،رپورٹ اچھی نہ لگی تومعاملہ اینٹی کرپشن کوبھیجیں گے۔تفصیلات کے مطابق سپریم کورٹ آف پاکستان میں معذورافرادکے ملازمتوں میں کوٹہ سے متعلق کیس کی سماعت ہوئی،جسٹس عظمت سعیدکی سربراہی میں3 رکنی بنچ نے سماعت کی ،جسٹس عظمت سعید نے کہا کہ معذورافرادکوکوٹہ سسٹم کے تحت ملازمتیں دینے کاحکم دیاتھا، معذورافرادکی بھرتیوں کامرحلہ کہاں تک پہنچا؟ایڈیشنل ایڈووکیٹ جنرل پنجاب نے کہا کہ تفصیلی رپورٹ کیلئے مہلت چاہیے، خیبرپختونخوامیں 427 افرادکوبھرتی کرلیا،جسٹس اعجاز الاحسن نے استفسار کیا کہ نیشنل کونسل برائے بحالی معذورافرادکاکیابنا؟جسٹس عظمت سعید نے کہا کہ شکایات کافورم ختم کردیا توکیا ہرشکایت سپریم کورٹ سنے گی؟ایڈیشنل اٹارنی جنرل نے کہا کہ نیشنل کونسل برائے بحالی معذورافرادکیلئے آج اجلاس ہوگا،عدالت نے کہا کہ 5 سال سے کیس زیرالتوالیکن معذورافرادکیلئے اقدامات 6 ماہ میں ہوئے،ایڈیشنل اٹارنی جنرل نے کہا کہ پنجاب میں 4712 خصوصی افرادکوبھرتی کیا،انجی اداروں نے معذوروں کے فنڈزمیں 5 کروڑجمع کرائے،جسٹس اعجاز الاحسن نے استفسار کیا کہ معذوروں کے فنڈزکاکیااستعمال کیاگیا؟عدالت نے کہاکہ آئندہ سماعت پرمعذوروں کیلئے مختص فنڈزکی تفصیلات فراہم کریں،رپورٹ اچھی نہ لگی تومعاملہ اینٹی کرپشن کوبھیجیں گے،عدالت نے سماعت 6 ہفتے کیلئے ملتوی کردی۔
پورے ملک میں پولیس کا نظام فلاپ ہوچکا ہے،جسٹس گلزار احمد
پنجاب کے ٹریفک وارڈنز کی تنخواہوں سے متعلق کیس‘زیادہ تر پولیس اہلکار رات کو ڈکیتیاں کرتے ہیں، سپریم کورٹ
ملک میں پولیس نام کی کوئی چیز ہی نہیں،پولیس آخر ایسا کیا کر رہی ہے جو تنخواہ بڑھائی جائے؟ریمارکس
اسلام آباد ( ایچ ایم نیوز )سپریم کورٹ آف پاکستان کے جسٹس گلزار احمد نے ریمارکس دیے ہیں کہ پورے ملک میں پولیس کا نظام فلاپ ہوچکا ہے،ملک میں پولیس نام کی کوئی چیز ہی نہیں،پولیس آخر ایسا کیا کر رہی ہے جو تنخواہ بڑھائی جائے؟انہوں نے یہ ریمارکس پنجاب کے ٹریفک وارڈنز کی تنخواہوں سے متعلق کیس کی سماعت کے دوران دیے ۔دوران سماعت جسٹس گلزار احمد پنجاب کے سیکرٹری خزانہ اور آئی جی پربرہم ہوگئے۔جسٹس گلزار احمد نے کہا کہ بھاری تنخواہیں لیکر بھی دو نمبریاں کی جاتی ہیں،سرکاری افسران دفاتر میں بیٹھ کر حرام کھا رہے ہیں،صرف اس بات کی فکر ہے کہ اپنے الائونس کیسے بڑھانے ہیں۔جسٹس گلزار احمد نے کہا ملک میں ڈکیتیاں ہو رہی ہیں، لوگ گلے کاٹ رہے ہیں پولیس کہاں ہے؟سب نہیں زیادہ تر پولیس اہلکار رات کو ڈکیتیاں کرتے ہیں۔جسٹس گلزار احمد نے کہا سیکرٹری خزانہ پنجاب کو شاید پتا ہی نہیں انکا کام کیا ہے؟پولیس اور سرکاری افسران تنخواہ الگ لیتے ہیں اور عوام سے الگ پیسے بٹورے جاتے ہیں۔سیکرٹری خزانہ کے عدالت میں اپنے بیان سے مکرنے پر جسٹس گلزار احمد برہم ہوگئے۔سیکرٹری خزانہ نے کہا کہ منجمند ہونے والی اضافی بنیادی تنخواہ بحال کر رہے ہیں۔اس پر ٹریفک وارڈنز کے وکیل نے کہا کہ تنخواہ بحال ہوجائے تو مسئلہ ہی ختم ہوجائیگا۔ اسکے فورابعد سیکرٹری خزانہ نے کہہ دیاکہ منجمند ڈیلی الائونس بحال ہوگا اضافی بنیادی تنخواہ نہیں۔اس پر جسٹس گلزار احمد نے کہا کہ آپکی سنجیدگی کا یہ عالم ہے کہ کھڑے کھڑے ہی اپنی بات سے مکر گئیہیں۔ پورا صوبہ پنجاب کا خزانہ آپکے ہاتھ میں ہے اور آپکو کام کا کچھ پتہ ہی نہیں۔جسٹس گلزار احمد نے ریمارکیس دیے کہ ایسا نہیں ہو سکتا کہ جس کو دل کرے جتنا دل کرے آپ دیدیں،آپ صرف دفتر میں بیٹھ کر اپنے پیسے بنانے کی سوچتے ہیں۔عدالت نے کیس کی سماعت دو ہفتے کیلئے ملتوی کرتے ہوئے سرکاری وکیل کو مزید تیاری کیساتھ پیش ہونے کی ہدایت کردی ۔
پورا سندھ پوری طرح سے کرپشن میں ڈوبا ہوا ہے،جسٹس گلزار احمد
بجٹ کا ایک پیسہ بھی صوبے میں خرچ نہیں ہوا،سکھرپریس کلب کی اراضی سے متعلق کیس کی سماعت کے دوران ریمارکس
اسلام آباد(ایج ایم نیوز) سپریم کورٹ کے جج جسٹس گلزار احمد نے ایک کیس کی سماعت کے دوران کہا ہے کہ پورا سندھ پوری طرح سے کرپشن میں ڈوبا ہوا ہے اور بجٹ کا ایک پیسہ بھی صوبے میں خرچ نہیں ہوا۔جسٹس گلزار احمد نے یہ ریمارکس سکھرپریس کلب کی اراضی سے متعلق کیس کی سماعت کے دوران دیے ۔کیس کی سماعت جسٹس گلزار احمد کی سربراہی میں تین رکنی بنچ نے کی ۔دورانِ سماعت جسٹس گلزار احمد نے ریمارکس دیے کہ سندھ پوری طرح سے کرپشن میں ڈوبا ہوا ہے، بجٹ کا ایک پیسہ بھی سندھ میں خرچ نہیں ہوا، لاڑکانہ میں ایچ آئی وی نے برا حال کردیا ہے، کوئی پوچھنے والا نہیں، اب یہ اتنا بڑھے گا کہ پورا لاڑکانہ اس کی لپیٹ میں آجائے گا۔انہوں نے کہا کہ دنیا کا کوئی ایسا شہر نہیں جہاں 50 ڈگری کے باوجود کثیرالمنزلہ عمارتیں ہوں لیکن سکھر جیسے گرم شہر میں کثیرالمنزلہ عمارتیں بنادی گئیں اور سہولیات فراہم نہیں کی گئیں۔جسٹس گلزار احمد نے کہا کہ لوگوں کو پانی میسر نہیں اور رات کو بجلی کے بغیر سوتے ہیں، بنیادی ضروریات سے محروم لوگ تشدد پسندی کی طرف مائل ہوتے ہیں جس سے کرائم ریٹ بڑھتا ہے۔جسٹس گلزار احمد نے میئر سکھر سے مخاطب ہوکر کہا کہ آپ بھی جاگ جائیں جس پر میئر نے جواب دیا کہ ہم نے ماسٹر پلان مرتب کیا ہے۔مئیر سکھر کے جواب پر معزز جج نے برہمی کا اظہارکرتے ہوئے کہا کہ آپ کا ماسٹر پلان جائے، جہاں بھی جائے، آپ کے ماسٹر پلان کی ایسی کی تیسی، آپ سب لوگ سسٹم کا حصہ ہیں اور جانتے ہیں کہ سسٹم کیا ہے؟عدالت نے سکھر پریس کلب کی اراضی سے متعلق کیس کی مزید سماعت 2 ہفتوں کیلئے ملتوی کردی اور کہا کہ آئندہ سماعت کراچی میں ہوگی۔
لانڈھی پولیس کی جعلی کیچپ فیکٹری پر چھاپہ مار کارروائی
لانڈھی نمبر ایک ایریا 1/D کے مکان پر چھاپہ 80 بوتل اور 300 گیلن 3 باؤل بڑے سائز 7 ٹب تیار کیچپ اپنے قبضے میں لے لیا (ایس ایچ او لانڈہی )
مضرِ صحت کیچپ کا کارخانہ ایک گھر میں چھپ کر چلایا جارہا تھا تین افراد کو حراست میں لے کر مقدمہ درج کردیا ہے ( سعادت احمد بٹ )
کراچی ( رپورٹ * ندیم اسلم/افضال شیخ) لانڈہی پولیس نے جعلی کیچپ کی فیکٹری پکڑ لی لانڈہی نمبر ایک پر مکان میں چھپ کر جعلی برانڈ کے کیچپ تیار کیئے جارہے تھے بڑی مقدار میں تیار کیچپ برآمد کرکے تین افراد کو حراست میں لے کر مقدمہ درج کردیا ہے تفصیلات کےمطابق لانڈہی پولیس نے ایس ایچ او لانڈہی سعادت احمد بٹ کی سربراہی میں لانڈہی نمبر ایک ایریا 1/D کے مکان پر چھاپہ مار کارروائی کی جہاں مضر صحت جعلی برانڈ کے کیچپ تیار کیئے جارہے تھے مخبر خاص کی اطلاع پر کارروائی کی گئی دوران کارروائی 80 بوتلیں ڈھائی لیٹر 300 گیلین 3 لیٹر والی 3 باؤل بڑے سائز کا اور 7 ٹب تیار کیچپ کو قبضے میں لے لیا گیا ایس ایچ او لانڈہی سعادت احمد بٹ کے مطابق یہ ایک مکان کے اندر چھپ کر جعلی برانڈ کے کیچپ کا کارخانہ بنایا ہوا تھا مخبر خاص کی اطلاع پر ایس ایچ او لانڈہی سعادت احمد بٹ اور پولیس پارٹی نے چھاپہ مار کارروائی کرکے بڑی مقدار میں تیار مال برآمد کرکے تین افراد رفیق ولد عبدالعزیز 2 محمد رضوان ولد رمضان 3 سید حنیف ولد سید سکندر کو حراست میں لے کر مقدمہ درج کردیا
