چینی وزیر خارجہ کا انسانیت کے بہتر مستقبل کے لئے اتحاد اور تعاون پر زور

 چین دوسرے ممالک کے ساتھ وبا پر قابو پانے اور علاج بارے اپنے تجربات کا تبادلہ  جاری   رکھے گا، دنیا بھر کے ممالک کو  بات چیت  اور باہمی اعتماد  کے فروغ کے ذریعے اپنے خطوں میں امن اور ترقی کو تحفظ دینے کی ضرورت ہے، عالمی تھنک ٹینک اجلاس سے آن لائن خطاب

بیجنگ(ایچ ایم نیوز)چین کے ریاستی کونسلر اور وزیر خارجہ وانگ یی نے دنیا بھر کے ممالک سے کوویڈ19-کی وبا سے اتفاق رائے پیدا کرنے اور طاقت حاصل  کرنے پر زور دیتے ہوئے  انسانیت کے بہتر مستقبل کے لئے مل کر کام کرنے کا مطالبہ کیا ہے۔ وانگ نے ان خیالات کا اظہار ملائیشیا کی  خارجہ پالیسی ایسوسی ایشن کے زیر اہتمام عالمی تھنک ٹینک اجلاس سے آن لائن خطاب کرتے ہوئے کیا۔کوویڈ19-کے خلاف جنگ  میں جلد از جلد کامیابی حاصل کرنے کے لئے دنیا بھر کے ممالک سے اتحاد اور تعاون کو فروغ دینے پر زور دیتے ہوئے  وانگ نے کہا کہ چین دوسرے ممالک کے ساتھ وبا پر قابو پانے اس کے علاج کے حوالے سے اپنے تجربات کا تبادلہ  جاری  اور ضرورت مند ممالک اور علاقوں کوحمایت اور مدد فراہم  کرتے ہوئے کوویڈ19-ویکسینز کو عالمی سطح پرعوامی چیز بنانے کے لئے اپنے وعدے کو پورا کریگا۔چینی وزیر خارجہ نے کہا کہ دنیا بھر کے ممالک کو مستحکم کثیر الجہتی  تعاون کے ذریعے عالمی نظام حکمرانی کو بہتر بنانے کی ضرورت ہے، انہوں نے مزید کہا کہ چین کثیرالجہتی کی حمایت اور اس پر عمل جاری رکھتے ہوئے  اقوام متحدہ کی مرکزیت  کے ساتھ بین الاقوامی نظام کو مضبوطی سے تھامے رکھے گا۔وانگ نے کہا کہ  اس کے  ساتھ  ساتھ وسیع مشاورت ، مشترکہ شراکت اور مشترکہ فوائد کے اصولوں کے تحت چین گورننس کے عالمی  نظام میں ضروری اصلاحات اور بہتری کو فروغ دینے کے لئے تمام ممالک کے ساتھ مل کر کام جاری رکھے گا، تاکہ مساوات اور کارکردگی میں زیادہ مناسب طریقے سے توازن پیدا کرتے ہوئے عالمی چیلنجز کا جواب دیا جا سکے اور ابھرتی ہوئی منڈیوں اور ترقی پذیر ممالک کے جائز اور اصولی مطالبات کی  زیادہ تیزی اور موثر طریقے سے عکاسی کی جاسکے۔وانگ نے کہا کہ دنیا بھر کے ممالک کو زیادہ سے زیادہ کشادگی اور ہم آہنگی کے ذریعے عالمی معاشی بحالی کو فروغ دینے کی ضرورت ہے۔وانگ نے کہا کہ جامع علاقائی اقتصادی شراکت (آر سیپ)  جس پر کچھ دن پہلے باضابطہ دستخط ہوئے  سے دنیا کے سب سے بڑے آزاد تجارتی علاقے کاقیام عمل میں آیا، انہوں نے مزید کہا کہ چین  لوگوں کی آمدورفت اور سامان کی نقل وحمل اور رسد کے عالمی سلسلوں کو مستحکم رکھنے  کے لئے تیزرفتار راستوں اور گرین لینز کو بہتر بنانے کے لئے دیگر ممالک کے ساتھ مل کر کام جاری رکھے گا۔وانگ نے کہا کہ چین  کھلے پن،اعلی معیار کے کھلے نئے معاشی نظام کے قیام،جدیداعلی معیاری بیلٹ اینڈ روڈ تعاون اور عالمی معیشت کی جلدازجلد بحالی میں شراکت کے لئے یکساں مفاد پر مبنی حکمت عملی پر عمل پیرا رہے گا۔انہوں نے کہا کہ دنیا بھر کے ممالک کو  بات چیت  اور باہمی اعتماد  کے فروغ کے ذریعے اپنے خطوں میں امن اور ترقی کو تحفظ دینے کی ضرورت ہے۔