بجلی اور گیس کی قیمتوں کو فوری کم کیا جائے عمیر احمد آرائیں

حکومت مہنگائی کم کر ے چین کی بانسری بجا  نے سے حالات ٹھیک نہیں ہوں گے 

کراچی( اسٹاف رپورٹر)بجلی اور گیس کی قیمتوں کو فوری کم کیا جائے یہ بات گورنر ورلڈ پیس مشن اقوام عالم عمیر احمد آرائیں نے بجلی اور گیس کی قیمتوں کے بڑھنے اور ان کی عدم دستیابی پر صنعتکاروں کے ایک اجلاس کی صدارت کرتے ہوئے کہی اس موقع پرمحمد ارسلان خان، عمران احمد ،ڈاکٹر سلمان فاروق،محمد کامران ،ابرار احمد علوی،محمد عمران اور دیگر بھی موجود تھے عمیر احمد آرائیں نے کہاکہ حکومت مہنگائی کو روکنے کے لیے سخت اقدامات کرے عوام مہنگائی کی چکی میں پس رہے ہیں اور حکومت چین کی بانسری بجا رہی ہے انہوںنے کہاکہ بجلی اور گیس کی قیمتیں بڑھنے سے اشیاء ضروریہ کی قیمتیں آسمان سے باتیں کر رہی ہیں جبکہ ظلم یہ ہے کہ یہ دونوں چیزیں مہنگی ہونے کے باوجود عوام کو بلا تعطل دستیاب بھی نہیں ہیں عمیر احمد آرائیںنے کہاکہ ایک جانب کورونا وائرس کی تباہ کاریاں ہیں تو دوسری طرف سبزی سے لے کر گوشت ،دودھ،آٹا ،چینی ،گھی ،ادویات اور غرض کہ ہر چیز کی قیمتوں میں آگ لگی ہوئی ہے اور غریب کی پہنچ سے دور ہوگئی ہیں انہوںنے کہاکہ کمشنر اور ڈپٹی کمشنرسمیت تمام سرکاری اداروں کے دعوے صرف بیانات تک ہی محدود رہتے ہیںجبکہ ذخیرہ اندوز اشیاء کی مصنوعی قلت پیدا کر کے اشیاء خورو نوش کی قیمتیں بڑھائے جا رہے ہیں اور مہنگائی کو کوئی روکنے والا نہیں عمیر احمد آرائیںنے کہاکہ صنعتی علاقوں میںبجلی اور گیس کی لوڈ شیڈنگ کی وجہ سے اکثر صنعتیں بند ہو گئی ہیں جس سے بے روزگاری بڑھ رہی ہے کیونکہ سندھ سے نکلے والی گیس کا پریشر جان بوجھ کر کم کردینے کی وجہ سے نہ صرف صنعتوں کا پہیہ روک گیا ہے بلکہ سی این جی اسٹیشن اور عام گھروں کے چولہے بھی بجھ گئے ہیں جس سے عوام کو شدید مشکلات کا سامنا کرنا پڑ رہا ہے انہوںنے کہاکہ جب صنعتوں کو بجلی اور گیس نہیں ملے گی اور ان کی قیمتیں بھی کم نہیں ہوںگی تو انڈسٹری کا پہیہ کہاںسے چلے گا اور صنعتی ترقی کیسے ہوگی عمیر احمد آرائیںنے کہاکہ اکثر صنعتی یونٹ بند ہونے سے ایکسپورٹ پر بھی منفی اثرات مرتب ہو رہے جبکہ ایکسپورٹ معیشت میں ریڑ ھ کی ہڈی کی حیثیت رکھتی ہے مگر حکومت نہ تو معیشت کی بحالی کے لئے عملی اقدامات کر رہی ہے اور نہ ہی ایکسپورٹ بڑھانے کے لئے صنعتوں کو ریلیف دیا جا رہا ہے انہوںنے کہاکہ دو سال میں معیشت تباہ ہو کر رہ گئی ہے جس کی وجہ سے ملکی اور غیر ملکی سرمایہ کاری کا عمل بھی رک گیا ہے بلکہ اکثر صنعتکار بنگلہ دیش اور دیگر ممالک میں صنعتوں کو منتقل کرنے کا سوچ رہے ہیں کیونکہ نہ ملک میںسیاسی استحکام ہے اور نہ ہی معیشت کے لئے ماحول ساز گا رہے عمیر احمد آرائیںنے کہاکہ ان حالات میں ڈالرز اور سونے کے ریٹ کہاں پہنچ گئے ہیںجبکہ عوام کوچینی ،آٹا ،گھی اور دیگر اشیاء ضروریہ بھی سستے داموں دستیاب نہیںہیں جس کی وجہ سے غریب آدمی دو وقت کو روٹی کر ترس رہا ہے انہوںنے کہاکہ غیر ملکی قرضوں میں بے پناہ اضافہ ہو گیا ہے اور عوام مہنگائی کی وجہ سے بل بلا اٹھے ہیں جس سے انکی چیخیں نکل رہی ہیںجبکہ ادویات کی قیمتوں میں بھی تین سو فیصد تک اضافہ کردیا گیا ہے اور چینی مافیا سو ارب روپے سے زائد کما کر لندن فرار ہو گیاہے عمیر احمد آرائیں نے کہاکہ ملک میں کرپشن ، ذخیرہ اندوزی اور لا قانونیت عام ہوگئی ہے جس کی وجہ سے ملک میں عدم استحکام پیدا ہو تا جا رہا ہے