پاکستانی معیشت مزید لاک ڈائون کی متحمل نہیں ہو سکتی، شیخ امتیاز حسین

 حکومت تاجر برادری کو پریشان نہ کرے، صدرامریکا پاکستان بزنس ڈیولپمنٹ فورم 

 کراچی (اسٹاف رپورٹر)پاکستانی معیشت اور کاروبار مزید لاک ڈائون کے متحمل نہیں ہو سکتے یہ بات امریکا پاکستان بزنس ڈیولپمنٹ فورم کے پریذیڈینٹ شیخ امتیاز حسین نے ایک اجلاس کی صدارت کرتے ہوئے کہی اس موقع پرچیئرمین ذیشان الطاف لوہیا،سیکرٹری جنرل سید ناصر وجاہت،جنید الرحمان ، ڈاکٹر زاہد انصاری، امان پیراوردیگر بھی موجود تھے شیخ امتیاز حسین نے کہاکہ پہلے بھی لاک ڈائون کاروبار کے لیے تباہ کن ثابت ہوئے ہیںاس لیے صرف ایس او پیز پر عمل درآمدکو یقینی بنایا جائے حکومت کاروبار پر پابندیاں لگا کر تاجر برادری کو پریشان نہ کرے انہوںنے کہاکہ ہزاروں کاروباری ادارے بند ہو نے سے لاکھوں ملازمین بے روز گار ہوگئے ہیں جس کی وجہ سے ملازمت پیشہ افراد کی مشکلات میں اضافہ ہوگیا ہے انہوںنے کہاکہ پاکستان میں بھی کورونا وائرس کی وجہ سے معیشت زبوں حالی کا شکار ہے موجودہ حالت میں بجلی اور گیس بھی مہنگی ہو گئی ہے جس کی وجہ سے صنعتکار پریشان ہیں چونکہ نہ تو گیس کا پریشر ہے اور نہ ہی وہ مکمل طور پر دستیاب ہے شیخ امتیاز حسین نے کہا کہ بین الاقوامی مارکیٹس میں بھی سخت مقابلے کا رجحان ہے معیار کے اعتبار سے بھی اور قیمت کے اعتبار سے بھی چونکہ عالمی تجارتی منڈی میں چین سب سے زیادہ چھایا ہوا ہے تجارتی اعتبار سے چین جیسی سپر پاور سے تجارت میں مقابلہ کرنا نہ صرف پاکستان بلکہ امریکا کے لیے بھی مشکل ہے انہوںنے کہاکہ ہمارے ملک کے سیاسی حالات غیر یقینی کی صورتحال کا شکار ہیں جس کی وجہ سے ملکی معیشت کسی طور سنبھلنے کا نام نہیں لے رہی ہے چونکہ غیر مستحکم حکومت کی وجہ سے بھی معیشت پر برے اثرات مرتب ہو رہے ہیں شیخ امتیاز حسین نے کہا کہ ملک پر غیر ملکی قرضوں کا بوجھ بڑھتا ہی جا رہا ہے آئی ایم ایف ہمارے ملک کا بجٹ بنا تا ہے جس کی پالیسیوں کو رائج کرنے سے ملک میں مہنگائی کا طوفان برپا ہوچکا ہے ڈا لر کی پرواز انتہائی بلند ہو رہی ہے اور وپے کی قد ر میں کمی ہوتی جارہی ہے انہوںنے کہاکہ ملک میں نئی صنعتیں نہ لگنے اور غیر ملکی سرمایہ کاری نہ ہونے کی وجہ سے بھی معاشی ترقی رک گئی ہے کیونکہ جب تک تاجروں اور صنعتکاروں کو مراعات نہیں دی جائیںگی اور انہیں صنعتوں کو چلانے کے لیے بجلی، گیس اور پانی ان کی ضروریات کے مطابق فراہم نہیں کیا جائے گا تب تک ملکی معیشت نہ تو ترقی کر سکتی ہے اور نہ ہی مہنگائی کا خاتمہ ہوسکتا ہے شیخ امتیاز حسین نے کہا کہ ملک میں عام مصنوعات اور اجناس کی قیمتیں آسمان سے باتیں کر رہی ہیں ذخیرہ اندوز وں نے نا جائز طور پرآٹا،چینی،گھی ،تیل اور دیگر کھانے پینے کی اشیاء کا ناجائزطور پر ذخیرہ کرکے ان کی قیمتوں میں بے پناہ اضافہ کر دیا ہے جس کی وجہ سے مہنگائی نے عوام کی کمر توڑ کر رکھ دی ہے انہوںنے کہاکہ حالیہ کورونا وائرس کی دوسری لہر سے مارکیٹیںاور شاپنگ سینٹر ز شام6تک بند ہونے سے کاروبار پر انتہائی منفی اثرات مرتب ہوں گے