ملک کو ترقی کرتا دیکھ کر خوشی ہوتی ہے،بابرہ شریف

لاہور (ایچ ایم نیوز) پاکستانی فلموں کی ماضی کی معروف اداکارہ بابرہ شریف نے کہا ہے کہ ملک کو ترقی کرتا دیکھ کر خوشی ہورہی ہے۔ تفصیلات کے مطابق بابرہ شریف نے گزشتہ روز لاہور میں سیف سٹیز اتھارٹی ہیڈکوارٹر کا دورہ کیا جہاں پر چیف آپریٹنگ آفیسر اکبر ناصر نے بابرہ شریف کو ادارے کے بارے میں بریفنگ دی اور انہیں اتھارٹی کے مختلف شعبوں کا دورہ بھی کرایا گیا۔ اس موقع پر بابرہ شریف نے کہا کہ اس سسٹم کی وجہ سے جرائم میں کافی کمی واقع ہوئی ہے ملک کے لیے اسی طرح کام کرتے رہیں۔ انہو ں نے کہا کہ ملک کو ترقی کرتا دیکھ کر مجھے بہت خوشی ہو رہی ہے۔